TKO Deborah (Part 2)

vibianyeung

herman-mame,
老師講了什麼令你覺得驚???
其實你們將件事post 上來, 我巳經知多了...

wing530

dear all,

昨晚我就慘喇, anson差唔多每個鐘都扭計一次, 係度似喊非喊咁, e e 哦哦, 我又無覺好訓喎~   

昨晚, 佢daddy同佢講, 聽日去"科學館"參觀喎, 有得睇"機械長頸鹿"喎, 咁就開始"黎"料喇, 成晚都話唔想去, 我話有得睇"高達機械人"喎(我好似依稀記得有機械人睇), 咁都安撫到佢啦, 點知成晚唔知攪乜, 到今朝就發神經喇, 我又早出返工, 剩返佢daddy係度, 攪左成朝都好難出到門口, 又喊又嘔咁, 一路行返學, 連保姆都攪唔點, 咪提早帶佢到學校, 睇下d老師點安撫佢囉~

由k1到而家, anson都未試過咁, 剩係k1學英文果時又係好大反應, 到8:45am, 班主任call我, 話anson仲未收聲, 佢會了解下anson做乜, 又問左我一d問題, 仲話如咁大反應, 就唔好去喇, 我話好啦, 班主任仲話遲小小再call我, 等佢了解左先, 我話唔知點解會咁, 昨日放學都好開心既, 唔知係怕去"科學館", 還是"借題發揮", 始終剛剛轉校呢?

到9:00am, 班主任再call我, 話已安撫到anson喇, 仲可以一齊出發, 佢話anson怕有halloween野, 好似海洋公園果d咁, 班主任比左"科學館"d相anson睇, 睇左就好好多, 仲話有好多小朋友陪佢既, 叫anson唔洗怕囉~

班主任同我傾完, 話不如比anson同媽咪傾下計啦, 點知anson聽到我把聲又再喊, 我同老師講, 應該係"嗲"媽咪囉, 老師都係咁話囉~

到而家都無再call我, 我估anson都已出發掛, 睇下佢返黎開唔開心先~

>fifi,
你估我地昨日係咪睇左halloween野, 又嚇親anson呢?    佢昨晚都有問過我party d野, 我叫佢扮"消防員", 佢先敢去咋, 睇黎真係好驚halloween喎~  

>pinkpink888 & hinhinmom,
想問下你地呀, 你地係咪睇"張敏華"既, 好唔好呀? 我想帶anson去睇下, 見佢昨日有打乞嗤, 鼻塞塞咁, 想睇左先, 唔想星期6開細菌party呀~  

我想知佢既電話 & 應診時間呀? 唔該哂~  
      

fifi

wing530,

o甘都得？？      尋日果D都唔係好得人驚咋，睇果陣，anson都好開心哦    係唔係訓得太遲起身，夜晚訓唔好，所以今朝先o甘啊？ 尋日我D都訓到差唔多成7點先起     

你就好啦，鬆曬，我仲有小小擔心今日的英文評估，Stephanie沒做過嘛，所以又同侷溫o左下書儸       

你唔使唔捨得我D哦，因爲大家而加已經係friend嘛      有gathering實預埋你啦。

hinhinmom，

今日navin無作‘樹熊’哦      唔知係唔係因爲有Stephanie一起返學呢     

herman-mame，

訓日好開心有機會見到你，要多謝樓上無人來開門，如果唔係，我都無機會睇到herman同你啦     

Dear all，

唸好比小朋友扮麽沒啊？希望有驚    喜    哦     

可唔可以list下準備帶麽來食啊？主食會係壽司同pizza，鐘意食麽壽司都可以寫出來，星期六就可以去照單買儸。

jaisy

wing530
anson 可能唔習慣新校?? 比d時間啦.

Vanna 都係咳緊, 連睇3次食緊抗生素都未好, 之前都係睇開cheung man wah, 但已轉左去MTR 個間何成輝.

唔記得大人要唔要扮野? 唔使扮我都係一隻鬼來呀
jaisy

homingm

wing530>>張敏華都OK o既，佢應診時間上午十一點幾至一點，下午三點幾至六點都係富康呢度開診，你可以打電話去book: 22176868

anson今日返學o既反應都係正常的，始終係新學校，面對新的環境，新的老師和同學，都需要比時間去適應，放心啦，小朋友的適力好強，好快會無事o既啦

wing530

>fifi,
昨日返黎, 涼都無同仲沖就訓喇, 都訓到7點半後架, 訓醒左已好扭計喇, 好似訓唔夠咁扭黎扭去, 唔知佢想點咁囉~ :evil:  :evil:

之後先好d咋, 到夜晚11點先訓著, 唔知係咪唔舒服影響掛, 臨訓前已話鼻塞喇, 到今朝訓醒又喊, 我問佢喊乜鬼呀? 佢話鼻塞喎, 所以, 咪想同佢睇下醫生先, 睇下仲扭唔扭囉~  :evil:  :evil:

佢d野話唔埋架, 今日班主任同我講, 佢昨日都好開心話去"科學館"架, 點知今日又發顛喎, 可能唔夠訓, 所以, 咪順便想"發圍"囉~   

>jaisy,
我都唔知佢係咪唔適應呀, 昨日又完全無野喎, 佢話好鐘意呢間學校喎, 仲同我講, 媽咪搵呢間學校又唔錯喎! 點知佢會咁架~

>hinhinmom,
小心身體呀, 快d去睇醫生啦, 星期6等緊你架~   

herman-mame

fi fi,
婆婆話herman放學後很不開心，我回家後問他為什麼不開心呀，原來他很介意學校點解這麼久都唔開門給他入課室

wing530

>homingm,

乜張敏華仲有其他診所架? 你知唔知係邊架? 佢d時間今日比較難"就"到, 因為今日放學放1:30pm, 4:15pm又要去畫畫班, 又畫到5:15pm, 我唸要我老公飛的去睇至得喇~   

anson放學返黎, 又好開心喎, 仲講返睇到d乜, 又話識到新朋友仔, 同今朝"判若兩人", 好似精神分裂咁呀~   

老師話佢去到都好開心, 好投入, 我問佢聽日仲返唔返學, 佢又話返喎, 又話幾開心喎, 比佢"吹脹"呀~   

jaisy

wing 530
小朋友係咁, 好多時一時一樣.
Dr cheung 係lam tin 好似係平田estate 有疹所, 你打去問下姑娘

wing530

>fifi,

anson返黎同我講, 唔知講咩血呀, 血管呀, 枯臚骨頭呀, 可能真係驚左halloween呀, 星期日睇戲果日, 佢睇埋個張POSTER, 真係好得人驚既, 果隻手咪流哂血既, 久而久之, 咪發惡夢, 成日唸埋呢d野, 咪驚囉, 你話係唔係呢?

pinkpink888

wing530:

睇anson的反應，佢可能係睇埋睇埋d恐佈嘢，加上有少少唔係咁舒服，所以先咁啫。

話時話，真係唔好比佢哋睇太多古靈精怪嘅嘢，如果唔係分分鐘嚇親你。好似上之同eunice去新都城睇戲，未開場就同佢去定厠所，點知入到去，最尾嗰格盞燈不停閃吓閃吓......佢竟然同我講:

e:媽咪，入面有鬼。
我(心寒):喺邊到??   
e:咪嗰到囉(指着最尾嗰格)
我(極度驚慌):你急唔急???不如唔好去囉   
e:但係我好急呀媽咪。

於是我用九秒九完成。

出到去，我問佢:
我:你知鬼是怎樣的???
e:我知，冇腳o架，會突然唔見咗o架，我見過啦 !!
我:    吓，係邊到見過......
e:咪睇dvd見過囉   

自此，我唔比佢睇太多古靈精怪嘅嘢。

hinhinmom

wing530,
聽你過完, 好在anson唔係唔適應新學校, 係因為唔舒服呀~

今日佢地兩個上畫班時d對答真係好好笑, anson同hinhin講, 我今日去左"香港尖沙咀科學館"呀~ 我諗都係老師教o既~~      都好呀~~ 起碼佢知道~~ right?!~  
今日我坐fifi順風車送hinhin返學, hinhin一路行一路話一陣見到anson點點點, 我同hinhin講, anson宜家唔同你一間學校勒~ hinhin即刻唔開心, 話"我唔想呀!", 跟住我同佢講, 佢返新學校先, 你遲d返, 第時都係同學仔呀~ 跟住佢就唔出聲~   

hinhin無話怕左d halloween野wo~  不過佢就唔多滿意佢年"紅魔鬼"衫, 我同佢daddy講, daddy第一句就叫我唔好再買, 真係了解我......     

wing530

>INKPINK888,
初頭睇你呢篇野, 真係好得人驚呀!    再睇落去, 就好攪笑呀~   好彩anson無呢d野咋, 如果唔係, 真係嚇鬼c呀! 頭先, 我同老公講呢個故事, 加埋navin果d野, 我老公都話好好笑呀~  

>hinhinmom,
我估佢唔舒服 + 睇得太多halloween呀, 你今日有無睇佢幅畫呀? 個意境好得人驚喎, 主題係halloween鬼屋啦, 側面自己畫左好多恐怖野, 個天又黑, 加上行雷閃電, 有好多蝙蝠, 有鬼, 有枯臚骨頭喎, 由其d鬼, 都有小小核突喎, 小朋友畫既畫, 係咪代表佢既內心世界呀!

我聽anson講, hinhin畫鬼火車喎? 咁咪代表hinhin鐘意火車囉! 我老公聽老師講, 話anson有好多主意, 構思豐富, 但唔識表達出黎, 所以, 佢畫d畫就有好多野係度喎~

畫完畫去左睇dr.cheung, 咁經過德寶啦, 佢daddy問佢掛唔掛住德寶, anson話有小小, 佢daddy再問, 咁你鐘意返邊間, anson話, 咁呀, 都係聖安德肋lu~

hinhinmom

dear all,
今日我sick leave............(係真o既!!)     

pinkpink888,
你單野都幾搞野wo, 如果係我實嚇C呀!!!   

wing530,
係呀~ 佢地yesterday o既主題係halloween, 話你知呀~ 原來d畫係vicky姐姐話左一張比左個概念佢地, then佢地再取捨, 跟住佢地又可以畫自己想畫o既野~~ 我覺得都幾好呀~ 因為我o係門口睇左好耐, 係佢地自己畫架~    仲有, 佢地真係好專心架, 都可以訓練下佢地d專注力, 我見佢地坐成個鐘畫張畫~~     

hinhin畫左d路軌同火車, 但係我唔知係"鬼火車"呀!! 宜家d小朋友真係~~~~     

hinhinmom

wing530,
收到你pm勒~~ check返啦!!!

hinhinmom

fifi,
係唔係list out saturday會準備o既食物呀??

hinhinmom ~ 炒年糕 (wing530想食)

wing530

>hinhinmom,
我幫你做証, 今次唔係"偷懶"! 但係......., 之前既就唔知喇~   

啊~原來畫左一幅比佢地睇既, 點解我叫anson再畫多次, 佢唔識畫間鬼屋既~    佢幅畫咁多鬼, 咁即係anson仲多古靈精怪野喎~   

乜你睇到佢地畫既咩? 係門口等呀? 還是係入面等呀? 昨日你都有聽vicky姐姐講, 11月仲會唔會搵返佢呀? 還是改時間呀?  

昨晚收通告, 叫家長帶隻膠既fork比佢地返去食茶點喎! 咁得意既~   

我可能比anson搭校巴呀? 有無咩要注意架? $200回程去尚德, 係咪都ok呀? 唸住唔洗保姆咁走黎走去麻, 大約15~20分鐘到喎~

wing530

Dear all,

Halloween Party updated:

22/10/2005(Saturday), 6:00pm-10:00pm,

1. fifi ---------2or3大 1小  
2. wing530 ----- 2大1小  (南瓜雪耳糖水)
3. jaisy ----- 1 大1 小
4. pink888----1 大1 小
5. Alvis--------2大1小
6. Gordon-----1大1小
7.hinhinmom----1大1小  (炒年糕)
8,heihei媽咪-----2大2小   (老水雞翼)
9. halaha...........????

hinhinmom

wing530,
d西藥真係"迷幻藥"黎架~ 食完都唔知自己做乜~ 只係識得瞓~~~     

我本來o係門口等佢地放畫班, but有個嬸嬸叫我入去等, 佢地間房開住門, 我o米見到晒入面law~~ 之前o米得幾個小朋友o既~ 宜家成5個呀~~

我仲諗緊點, 因為同小蜜蜂撞晒時間, 本來諗不如改星期六上"動手動腳齊創作", 但vicky姐姐又教得幾好, hinhin都好鍾意佢, 你話點呀??     如果要改, vicky話都係改夜d, 不過, 唔知佢地會唔會好倦....... 你知啦, 小蜜蜂唔係坐定定, 我諗都要操下o既~~   

如果anson坐校巴都好呀~ 唔駛保姆o甘辛苦, $200 ok呀~ 因為hinhin宜家坐校巴都係$200/月, 你係唔係只比anson放學先坐呀??  其實都無o羊要注意架, 不過如果每月頭交校巴費比校巴, 就唔好交cash之麻, 你都聽過我講次次交cash都話無收過架啦~     

HALAHA

Halloween Party updated:

22/10/2005(Saturday), 6:00pm-10:00pm,

1. fifi ---------2or3大 1小
2. wing530 ----- 2大1小 (南瓜雪耳糖水)
3. jaisy ----- 1 大1 小
4. pink888----1 大1 小
5. Alvis--------2大1小
6. Gordon-----1大1小
7.hinhinmom----1大1小 (炒年糕)
8,heihei媽咪-----2大2小 (老水雞翼)
9. halaha...........1大1小