番禺會所華仁小學

easiness

麟媽媽,

你講得真係o岩!

happy5

睡公主:

測驗前,我叫做同佢go through了教過的內容,他今日回家後 , 當然口口聲聲話識啦!(拍我話掛!!)但我已作了最壞打算,不竟只是第一次測驗而已,給他時間適應吧!

睡公主

啱啱接咗個仔返屋企，佢沿途話今日識晒啲測驗題目，又話已經做晒啲功課，又話星期四同星期六要默書，其實當時我都好無耐，點解一個咁細個既小朋友已經要承受讀書壓力（可能佢冇咁諗），所以返到嚟之後我叫佢玩玩具（佢真係好耐冇玩過自己啲玩具），暫時將學校啲嘢放埋一邊，但我還是再三問佢係唔係做晒功課（冇辦法啦，例行公事），佢當然係嗰個答案，跟着即刻盡情咁倒晒啲玩具落地下玩，好似久別重逢咁。

我當然唔放心啦！幫佢睇睇書包有啲乜，發覺有本英文默書，但阿仔完全冇提過，我仲以為兇多吉少，點知佢居然有100分（唔通佢唔在乎啲分，咁就死啦），但如果係我改，佢最多得90分，點解兩個字冇隔位又唔扣分，之前啲字擦唔清又唔扣分，不過我暫時忍住，等明天至同大少檢討今次默書。其實呢啲錯處，之前同佢講過不下幾十次，佢都仍然冇改，今次仲唔扣分，都唔知可以點講好（有冇計）？

happy5

睡公主:

我個仔咪一樣.我發覺佢英默因寫漏了full stop 攞到98分,其實我已很滿意,但仔細d睇,原來老師睇唔到morning一字寫漏了"r"便"tick了.於是咪叫阿仔做改正兼話比老師知,叫老師改分囉!好在,呀仔又無唔制噃

睡公主

happy5 ：

你個仔有冇話幾時開始唸詩？係唔係隨時揾 Miss Lee 唸呢？你呀仔有冇話我個大少喺學校有冇搗蛋？

ms99

大家好!  今日測完驗，亞仔話OK。但以亞仔嚟講，佢OK只代表佢唔覺得有問題，唔代表真係識，so....等派卷先知嘞。 所謂過咗海就係神仙，一於叫亞仔今日盡情玩，call哂所有幼稚園好友出嚟玩，大人細佬成晚都情緒高漲，攪到餐廳老板想趕我哋走。但實在大家都好耐無聚頭，一於唔理好醜，玩咗至算。相信我哋今晚得罪咗好多餐廳客人。

麟媽媽：
令朗好生性呀! 相信你平時真的教導有方，我睇完都覺得好tough。有時激氣上嚟，所有EQ都亂哂，自己都 嗻眼，係事後先醒覺可以用第二種處理手法的。所以心理輔導好重要(係亞媽)，同多幾個背景類同嘅家長傾數吓，各取長短，大家都會進步。上嚟放低啲煩惱事就係我最好方法嘞。

睡公主：
多謝你的答案。  有家長朋友話我知英文每日一篇唔怕missing的，因為隨時可補回未做的，唔知係咪真，仲未試過。
另外，你都好嘢喎。 測驗前仲放心帶亞仔玩得咁happy，我就唔得嘞。亞仔呢排好似戒嚴咁，所有會令佢情緒波動、會唔舒服的活動暫停，以免影響進度。都係防患未然好。學亞媽話：怕佢怕過米貴。

聽日又去玩足一日嘞，成家都好happy。估唔到一個小小測驗會令大家生活起了咁多變化 ???     厲害!! 考試點算???     

ms99

尋人

easiness, happy5, sweetsweetmon, wlk168win

請 check PM

happy5

ms99:

早晨!請check pm

睡公主

早晨！請問大家今日上唔上倒英文個每日一篇，昨天都冇問題，今日就不停話個 username 同 password 不符，真激死。

ms99

睡公主：

剛剛上了英文每日一篇，今日係一篇三條問題嘅Listening &一篇Volcabury.  個網 OK,再試吓啦。

睡公主

今日大家係唔係去晒Happy呢？我就真正咁放咗一天假，因為阿仔今日跟咗婆婆去探太太（我婆婆），仲唔駛我跟埋去，嘩！簡直係好似皇恩大卸咁開心（史無前例）。

我都上倒英文每日一篇個網，但就唔俾我登入，剩係話個 user name 同埋 password 唔啱（噚日都入得去），都唔知點解，唯有睇埋聽朝，如果再入唔倒，咪打電話番學校問吓，點解我同阿仔好似問題一族咁。

睡公主

阿仔喺本日記度寫測驗的心情，佢寫住： "今日測驗中文和英文，我想有100分……。"我突然又好驚佢有壓力，社工媽媽又出動，我咪同佢講今次測驗已成過去，現在只有等個結果，同埋個結果已經唔重要，反而係睇你之前有冇好認真咁做好準備功夫，所以唔駛介意最後個結果。

都唔知係唔係我想得太複雜，佢一句說話，我就會找緊機會咁去瞭解佢個心理狀態，唔好俾佢鑽牛角尖，現今做媽媽真辛苦（係咪攞苦嚟辛），要同時顧及小朋友的生理、心理重有學業既唔同反應，仲喺同一時間做好多個角色，有時啲角色重唔討好（傷及母子之情），所以我一有機會就會抽身（好似上次去廸欣湖咁，等大家暫時忘卻測驗的鉫鎖），我阿仔啲品性好飄忽，乖唔夠兩日，第三日就激到你想死。但好在有你哋喺度聽我講埋呢啲悶嘢，仲時時咁開解我，真係無言感激。

睡公主

昨日我個仔突然話想做天主教徒（之前佢剩係話鍾意天主教），我當時只是答好呀，等我問吓人可以點做先（其實我應該點反應），請問遲啲華仁會唔會安排小朋友入教，你們的小朋友點睇呢樣嘢。

sweetsweetmom

ms99:
請checkPM.

easiness

Good Morning! Everybody!

阿仔測驗完後又要預備默中文同英文, 真係未得閒過!

ms99,

Pls check PM!

麟媽媽

各位二年班家長︰

早兩日我跟幾個高年班家長閒談，
佢地話好多二年班小朋友因為掌握不好時間，
所以第一次測驗都做唔切。
之前小一有讀卷，所以唔會有咁既問題。
我仔英文都做唔切最後的comprehension，
佢話老師說快夠鐘，佢都未睇未做！
佢睇唔切內文，只見最後一條問︰
How do you help at home? 佢即寫︰I feed the cat.
寫完便打鐘了…前面4條全軍覆沒…..
所以黎緊既測驗，特別是數學科，
定必要做得夠快！佢地話45min有50條題目，
所以而家開始，要訓練佢地做快D！！

Hin.Hei

Hi,

I'm very interested in the school, but my son failed in the allocation exercise.  He's now studying in another school.  I'm thinking of the possibility of 插班.  I've phoned to the school and the girl says that there is no extra place.

May I know if Wan Yan accepts 插班?  Shall I just send in a requesting letter?  Any successful cases?  Any recommendations?

Thanks.

SandyMummy

Exactly ! 我個仔都話做唔晒, 不過唔肯講漏

麟媽媽

Hin.Hei,

我仔班今年有一個插班生，但我唔知佢點考入來的。
我聽D家長講高年班都有插班生，
由St. Paul's Boys轉過來的，之前全級考第一架...好勁。

happy5

睡公主:

我不知是否阿仔抄錯家課冊,何故英文要做那麼多篇cwp.4,9-11 & writing 抄p.9?你仔是否做這幾篇?

另外,我收到Miss Lee燒錄的光碟及旅行相,實在很感動!你看過沒有?光碟內輯錄了很多學校生活相片及同學的日記,它使我對阿仔的學校生活有更多的了解,這位老師真體貼家長的需要!!