九月入讀蘇淅幼稚園

康媽

SOMAN2603,

我仔仔有同學住香港仔，佢好似坐保母車返學，你可以試下問學校有無保母車介紹。至於普通話同英文，你可以多d比小朋友聽cd或睇vcd，都好有幫助架。

康媽

sudoku,

k3要視乎學校有無位，所以好難講，不過你可以打電話去學校問下。

bbdou

各位好,

我仔仔係蘇浙讀k1上午班（K1D)，明年K2會轉讀全日班，希望可以訓練他自理能力好D，唔知有冇同班同學的家長係道呢？

wongnysw

bbdou,
你好呀, 我女女讀K1A, 明年都會轉全日班. 我都希望佢多D時間在學校, 可以學多D野, 再加上我要返工, 仲有個細仔比奶奶同個工人照顧, 個大女返全日大家都無咁辛苦.

connie04 and JC,
你地好嗎? 唔好意思, 想提下記住留番d男仔校服比我呀, thanks.

wongnysw

JC

wongnysw,
當然記得啦. 你個女轉讀全日班, 你會自己整lunch 比佢定訂.

JC

wongnysw

JC,
我都未決定, 多數會訂飯盒.
如果自己整, (a)係放入保溫壺, 一早就帶返學校,細菌會唔會容易滋生呢? 或者(b)中午先整, 然後由奶奶送去學校, 我又怕佢辛苦.
我要返工, 好多野唯有要妥協, 如果唔返工, 我就會自己送過去, 親自接個女返學放學, 帶佢去課外活動......, 都係幻想.
wongnysw

JC

wongnysw,
估唔到我同你都有同一個幻想 .
但係無人睇住佢食飯,會食小好多呢,因為無人迫佢地食哂麻.我見過有菲傭陪小朋友食飯架.係另一方面睇就係可以訓練佢地自理能力,食野快d.
JC

bbdou

我應該會叫工人到時到候送飯俾阿仔食, 因為我住得好近學校.  其實我都有同你地一樣的夢想, 可以自己湊佢返學放學, 去課外活動, 但要返工沒有辦法, 但我努力緊, 希望兼職可以變成全職, 到時就可以夢想成真啦.      

wongnysw 寫道:
JC,
我都未決定, 多數會訂飯盒.
如果自己整, (a)係放入保溫壺, 一早就帶返學校,細菌會唔會容易滋生呢? 或者(b)中午先整, 然後由奶奶送去學校, 我又怕佢辛苦.
我要返工, 好多野唯有要妥協, 如果唔返工, 我就會自己送過去, 親自接個女返學放學, 帶佢去課外活動......, 都係幻想.
wongnysw

JC

bbdou,
咁大家都要向夢想努力了.
我個仔出年升k3了,返全日下午會做乜.我都諗過比佢讀全日,如果下午只是玩, 訓覺,就覺得唔需要.仲要另外$訂飯tim.

JC

十月媽咪

各位,
我又有個問題想問一問呀!
學校派左張通告, 話上課時間為0845-1145, 請問住將軍澳, 又坐胡叔叔架姆褓車既媽咪, 胡叔叔架車八點半先唻到維景灣畔, 15分鐘真係返到學校嗎? 我果日坐的士返學校, 無塞車都要20分鐘, 咁豈不是日日都會遲到囉?
若然日日都遲到, 學校會唔會不滿架?
謝謝解答!    

bbdou

我個仔o個班係唔會8:45準時上課, 佢地係大約8:50分到開始收玩具, 8:55分到開始做早操, 然後9:00 先至正式上課, 我平時湊個仔返學係8:45分先至到學校, 但見有好多同學都未返到, 所以我覺得如果你可以9:00前返到學 校應該係沒有問題的.

connie04

wongnysw

冇問題, 一早已預了給你, winter 的長短校褲, 都算新, 運動裝就ok la, 但夏天的就很舊,  到時再和你約

bbdou

剛剛收到公司通知, 下星期開始可以調去第二個部門, 返下午1點至夜晚9點, 咁我就可以湊阿仔返學同放學, 佢實好開心!

JC

bbdou,
當然啦, 佢地放學見到ba ba or mami,都會好開心,可惜我只可以偶然接佢一次放學之後仲要唔比我返工

wongnysw

bbdou,
你就好啦, 我返朝九晚六, 好規律. 未結婚前返shift, 而且是不定時, 有時上晝10點, 有時下晝3點, 大致8-10個小時一日, 有時返工期間又可以去蛇o下, 諗唔到"橋"走去睇場戲然後又再開工, 總之搞得掂個project 就ok, 成班人嘻嘻哈哈又一日, 真係好懷念. 我自己比較鍾意返shift, 時間靈活d. 但結左婚又有小朋友, 時間有規律又有優點.

connie04,
謝謝你, 咁就等你約我囉. thank you.

ttmum000

K1
小朋友巳開始油顔色, 連線

K2
開始有寫字功課(中英), 下學期好似開始默中文單字

K3
開始默成句中文, 英文默單字, 下學期用Longman Express 1A

學校會派普通話兒歌CD和歌詞, 小朋友返屋企可以放來聽。全部都係課堂上學的歌。

Lunch
訂大家樂，可選日子訂，eg.一三五訂飯, 二四送飯

Afternon
全日班中午午睡一小時,英文課會安排係下晝

十月媽咪

bbdou,
唔該晒, 咁即係總之九點前返到學校就無問題? 咁其實0845係咪只係畀小朋友warm up, 玩下玩具之類, 等到0900先正式排洗上課呀?

各位,
另外, 我想問, 你地講既全日班, 係上午主流班, 下午國際班, 抑或係全日都主流班or全日都國際班呀?

bbdou

我諗應該係, 不過你等我星期一湊阿仔返學時再問清楚老師, 再話你知.  好期待星期一!     

bbdou

十月媽咪,

我問咗老師，佢話九點前返到就ok, 因為九點先正式上堂, 之前係俾小朋友玩吓玩具, 然後做早操.  我見有D坐校車的小朋友都係大約九點先返到。

我仔仔明年讀全日班, 係全日都係主流班, 不過每日都會有English time, 同埋會係學校做埋功課先至返屋企。

送咗阿仔兩日返學放學, 真係佢又好開心, 我又好開心, 不過佢開始要求我唔好返咁耐工, 要早D返屋企, 都唔知點算. 好, 我今日開始就要朝呢個方向努力.

十月媽咪 寫道:
bbdou,
唔該晒, 咁即係總之九點前返到學校就無問題? 咁其實0845係咪只係畀小朋友warm up, 玩下玩具之類, 等到0900先正式排洗上課呀?

各位,
另外, 我想問, 你地講既全日班, 係上午主流班, 下午國際班, 抑或係全日都主流班or全日都國際班呀?

十月媽咪

bbdou,
唔該晒你呀! 咁我要問清楚, 究竟我而家揀果架車, 係咪真係可以九點前返到學校, 如果真係經常遲到既, 我諗我要轉過另一架喇!
乜原來蘇淅係有全日主流班架? 學費幾錢呀? 全日既流程大約係點既呢?
唔好意思, 咁多野問!   唔該晒!