村校女孩考小一

hknote

原帖由 SmilieMaMa 於 16-09-21 發表
本帖最後由 SmilieMaMa 於 16-9-21 22:50 編輯

係，其實樓主個post好想話比人知，佢女讀屋村幼稚園有音小offer ，女女又懂英文對答，還著重帶出你冇比佢出去學任何野都識答。
其實那人說音小專收唔叻小朋友，5年前已有人講架啦 外傳係，"明知叻既搵佢來過關，不如收d當佢係寶既。有offer會勁開心架啦。"

你如認同人地所講，你先會嬲。

retriever

Chirley 發表於 16-9-26 14:21
住公屋係有家庭總入息要求既...說實在讀直資平極千幾蚊學費+校車錢+飯錢點都要4、5千蚊走唔到,
仲未計其他. ...

住公屋無問題... 如果跟足條件申請公屋入到, 咁SPCC 收左好大機會係全免, 係其他費用都免, 好慷慨既學校.


對困難戶家庭, SPCC 比其他直私底讀得多.




我唔同意果D 回應話: 入直資, 就一定要一體一藝, 或者其他活動跟尾.


好多野全繫自己, 所謂"睇餸食飯", 如果有理想既直資名校收左, 無話一定要有"飯後甜品"




困難條件下, 如果能收SPCC 都幾夢幻, 祝願樓主順利!!!

qpalzm

我都想住公屋...兒家每個月管理費已可交租...

Danrice

樓主未 post "祟真出咗面試時間啦" , 可能無報. 不過真心都要多謝樓主 keep updating

cl919

追在33頁, 真心覺得樓主為女女考學校無問題, 考K大把人報十幾廿間啦, 有結果再慢慢簡, 讀唔讀羅.

retriever

明天更好！ 發表於 16-9-25 20:20
自問是真心真意，也從冇不敬各位，當然很多JM提醒量力而為，實在感激不盡，只是想盡自己蟻力，給最好的孩子 ...

奉勸樓主, 如果困難, SPCC 收係夢幻結果..

其他結果, 例如無中學私校要留心不只現在駛費, 往後加幅無譜.

如選非津校, 直資宜優先.

Chirley

retriever 發表於 16-9-26 15:06
住公屋無問題... 如果跟足條件申請公屋入到, 咁SPCC 收左好大機會係全免, 係其他費用都免, 好慷慨既學校.
...

唔好話SPCC啦~我見有D直資/私校對家庭收入低既都有幫助,前提係, SPCC 或相關佢想女入既學校收左先講...
我都唔同意一定要有某D一體一藝, 但事實亦唔少學校無明言都會叫你試...
而主要係, 我見樓主話需要做多份PT 去交學費,
呢下就真係好睇個人啦...

retriever

Chirley 發表於 16-9-26 15:19
唔好話SPCC啦~我見有D直資/私校對家庭收入低既都有幫助,前提係, SPCC 或相關佢想女入既學校收左先講...
我 ...

SPCC 比對其他直資, 資助慷慨太多, 不可同日而語, 你可查, 對困難戶係真喜信.


係咪要做多份先幫到?


人各有志, 好緊要心態, 如果家長想得好正面, 又唔係一定壞事..


相反, 如果家庭壓力大, 情緒有負面, 就唔好攪.


同一件事, 感受全看自己點睇.




記唔記得第一年DSE, 出了位天水圍狀元, 媽媽死慳死底, 要俾個仔讀區內既英文直資學校 (唔係什麼一體一藝, ECA, 出私鐘等等), 個仔亦生性, 暑假去做地盤幫補..


結果成就了歷史...

大白兔糖

純屬好奇, 樓主女女讀學券KG, 無外補, 請問你平日如何培養小朋友學術? 因見樓主女女in 完幾間都話容易。

其實, 大家希望比到d咩小朋友, 自己衡量能力同得失, 覺得負擔到便go ahead, 但同時, 小朋友愈大就愈有比較....如果樓主小朋友天資絕頂, 入到DGJS, SPCC, 蔡繼有果d, 樓主會考慮比女女讀嗎? 他日同學之間一定會有一d富裕嘅人, 言談間互相比較時會唔會令女女自卑?

講真, 我呢d夾心階層(家庭收入7-8萬), 都只考慮比小朋友讀中等直資, 學費over 4萬通通無報, 唔想有幸收左, 又囉囉luen放棄。如果為左入名小, 要加班或返多份工, 咁又值得?

記住, 小一學費只係起標, 往後六年仲有排追呀。

qpalzm

retriever 發表於 16-9-26 15:29
SPCC 比對其他直資, 資助慷慨太多, 不可同日而語, 你可查, 對困難戶係真喜信.

唔，但真係要清楚知道期望:入好小學唔等如入好中學
入好中學唔等如入好大學
入好大學唔等如揾到好工
揾到好工唔等如掙到大錢
掙到大錢唔等如人生快樂

最重要唔好將自己少時遺憾的補償心態加落小朋友度(呢樣我成日提自己)

Mrs.Luckycat

retriever 發表於 16-9-26 15:29
SPCC 比對其他直資, 資助慷慨太多, 不可同日而語, 你可查, 對困難戶係真喜信.

你指這位狀元嗎 ?

"歷屆公開試狀元多來自傳統名校，但在今年的DSE文憑試，位於天水圍的香港青年協會李兆基書院便誕下了該校首位狀元謝楚灝，他亦是新界區唯一一位狀元。"

當年多份報章沸沸洋洋傳頌的，皆因一間普通的直資中學出了狀元，尤其在有"悲情城市"之稱的天水圍。

被傳頌的不是學校，是學生的本質、努力。

還是那句，官津校亦出良材。相信很多家長在這個 post 最初都不斷鼓勵樓主，不要只偏重直/私，更有家長想幫她看看她的校網有甚麼選擇，希望能提供一點意見，但結果呢？她三喊其口，反覆說的只是那句 "給孩子最好"。

看到樓主在BK和EK咁多posts，我真想她只是一個膠登仔，過來踩場和我們開個玩笑。

不好意思，多言了。

hknote

真的不會勸。萬一樓主突然發左達，私校學費不是問題，那我們就是罪人。 或許比樓主試下在4個煲得1個煲蓋情況下，去讀她口中的最好學校吧。 我睇完所有post，感覺樓主自己都睇唔起住公屋，讀村校既小朋友

retriever

Mrs.Luckycat 發表於 16-9-26 16:19
你指這位狀元嗎 ?

"歷屆公開試狀元多來自傳統名校，但在今年的DSE文憑試，位於天水圍的香港青年協會李兆 ...

當年新聞其中重點之一是, 相信兒子的能力, 媽媽為原被派了中文中學的兒子, 寧願辛苦負擔英文直資..


"看到樓主在BK和EK咁多posts，我真想她只是一個膠登仔，過來踩場和我們開個玩笑。"


事實是樓主開了不少類似的POST, 亦不斷UPDATE...






但大家無必要猜樓主的心意..




我們的回帖, 或可幫助其他有緣看到的後來者...

melody228

Mrs.Luckycat 發表於 16-9-26 16:19
你指這位狀元嗎 ?

"歷屆公開試狀元多來自傳統名校，但在今年的DSE文憑試，位於天水圍的香港青年協會李兆 ...

我响BK追到過來，佢實在有人格分裂FEEL，既自卑又自大，真心希望全部只係膠POST囉

JoyceNgYY

原帖由 retriever 於 16-09-26 發表
SPCC 比對其他直資, 資助慷慨太多, 不可同日而語, 你可查, 對困難戶係真喜信.

非常贊同心態好緊要。。。

但綜合樓主啲post (當然我唔識佢，可能我錯)，佢並不是那種樂觀豁達的人，例如: 1. 覺得啲人超大b對其他小朋友唔公平 2. 慨嘆spcc太世襲 3.好介懷網上有人講咗句"音小特登收啲冇咁叻既小朋友"(仲要有港同2nd in後覺得自己有種吐氣楊眉之感)。。。等等，sorry 我完全match唔到樓主囡囡如果有幸真係入到spcc 佢會唔比較咯。。。

mayyylai

回覆 JoyceNgYY 的帖子

樓主係第二個 post 講咗又有另一間收啦。

miujoey

其實不用太擔心,  努力去爭取, 今天有幾努力,  他朝一定有好的回報, 入了直資,私校好多都有學費津貼, 到時未必要做多份工, 還可以多d時間親子.

晞晞爸b

路過...
其實各個小朋友的資質都不同
有的小朋友早熟..有的去到小學先開竅發力
有的文靜怕醜..有的外向...
我沒有心機看完這33頁的回覆
無論如何...希望樓主自己要盡量看開點...不要給小朋友太大的壓力
小朋友考不考得到直資或私小..不完全等於他叻或不叻
人生漫漫長路...這只是剛剛開始的起跑點..
跑得快不等於一世人贏晒...跑得慢亦不等於追不到

還記得自己的寶寶剛出生時你對他的承諾?
那時只是簡單的希望他能平平安安.健健康康的長大就好?
那初衷還在嗎?
是什麼讓你變了? 一定要考入直資私小來證明小朋友叻?
別讓扭曲了的價值觀影響了小朋友的心靈...

Tintin926

樓主，我唔認識你，我印象中應該第一次响這post發言，但到現在為止我對你出嘅post都冇反感，我支持你

這世界好多人是憎人富貴厭人貧的，你在網絡報喜，非親非故，你期望會有幾多人真心恭喜你呢？所以你為此而不快是不智的

我諗你的一個率直和自信心不足嘅人，其實哂命之心人皆有之，也有可能是希望藉他人認同來鞏固自己信心，其實都好正常。我記得上年有個家長個仔100%考到所有神、名、搶手直私，佢嘅「分享」換來無數人的羨慕和讚美，但從沒透露「神童」是怎樣練成的，其實她根本是哂命，但她懂得虛偽來包裝而已，這就是社會吧！