直資 - 李宗德

-joejoelam

小B媽咪,
我又冇試過唔見通告喎 因為我會叫個囡倒曬書包D嘢出嚟比我睇,條友仔乜嘢都擺落書包    

eto,
我囡讀3D.  

Jacqueline

請問各位有小朋友讀緊李宗德既媽咪:

我囝囝今個星期日就小一面試啦 ! 但係近日不断聽到好多有關李宗德不好的傳聞, 如(1)自從轉了現任校長後, 學校的課程亦沒以前好, (2)老師很惡, (3)很多學生也因而轉校(4)多功課.....等等.

是否屬實 ?? 可否給我多些意見呢 ???

thank !

hviy

我都想知呀...好多學校都開始有默書,測驗啦,李宗德又點

Kingswood

小B媽咪,

我都有通知收唔足的情況, 我個女讀小一, 唔好話我個囡, 我都未習慣學校D程序, 好似佢地每日要上網做”每日一編”咁, 我個女成十月先做到通知同收到密碼, 但係我知道有D同學已經係九月中度收到晒所有野啦。同埋我個囡十月份開始訂“明報”，應該每日都有，但係星期一有派，星期二無喎，我問我個囡點解無，佢話唔知道，老師無派俾佢，佢又唔問老師囉，俾佢激死，星期三有派，唔知今日有冇啦？
   

Kingswood

Joejoelam,家熹媽咪,hviy

好多謝各位開解，我相信每一位媽咪都好緊張自己Ｄ仔女，可能我太過過份緊張啦，不過可以同你地傾

hviy

Kingswood,
"你老公係大陸做野，咁平時見唔佢，你咪好掛住佢囉？？"

你唔記得我叫佢做"經理"咩? 己經慣咗囉,不過有事都會call佢嘅,好彩阿囡就好掂,佢星期五遲d返都要老豆俾個合理解釋,busy就一定唔收貨   

WW

我囡都係讀緊 P.1, 昨天派手冊, 下星期四有英文默書喇, 我已經開始同佢串生字, 怕佢記唔得駛咁多.

Kingswood

Jacqueline 寫道:
請問各位有小朋友讀緊李宗德既媽咪:

我囝囝今個星期日就小一面試啦 ! 但係近日不断聽到好多有關李宗德不好的傳聞, 如(1)自從轉了現任校長後, 學校的課程亦沒以前好, (2)老師很惡, (3)很多學生也因而轉校(4)多功課.....等等.

是否屬實 ?? 可否給我多些意見呢 ???

thank !

我無聽過這些傳聞，各位媽咪，你地有冇聽過呀？？

Kingswood

hviy,

有時我都唔想成日見到我老公，成日見，成日哎咬，少別勝新婚，真係無錯架。

小B媽咪

kingswood,

我有收過一張通告係有一個密碼(數學),中文和英文暫時未有.

我無訂"明報".只係訂了Hi! Charlie.

Kingswood & WW

我囝囝讀1E.請問你小朋友讀緊邊班呢?

joejoelam

囝囝編了學次中音號,不過我仲諗緊比唔比佢參加.因為近排放學後唔肯做功課.等我返屋企都成七點幾.吃完飯後, 所以親子時間變了做功課時間.仲邊道有時時練習呢?好頭痛!

hviy

我無聽過這些傳聞   

小B媽咪

Jacqueline

1) 如無記錯，何校長係創校後第二年加入直至現在．

我覺得佢為人好有原則，唔會五時花六時變．我朋友睇過小B啲教課書，佢話好過佢哋創校時，因為中文故事書有埋pinyin. 唔洗咁辛苦查字典．　

2) 老師惡？我又唔覺得小B班主任惡！把聽都好斯文．小B話好喜歡佢．

3) 功課多？比起小B幼稚園，呢道算係少．

Kingswood

中英數都用密碼喎, 我個囡讀1B, 下個星期要dictation呀, 好煩呀.

Kingswood

我個囡謮緊Ｐ１，原本唔錯讀普通話，佢琴晚用普通話讀左編中文俾我聽，雖然唔係好長，但係佢居然全部都識，我覺得好安慰，希望我真係無揀錯學校啦。

eto

Jacqueline 寫道:
請問各位有小朋友讀緊李宗德既媽咪:

我囝囝今個星期日就小一面試啦 ! 但係近日不断聽到好多有關李宗德不好的傳聞, 如(1)自從轉了現任校長後, 學校的課程亦沒以前好, (2)老師很惡, (3)很多學生也因而轉校(4)多功課.....等等.

是否屬實 ?? 可否給我多些意見呢 ???

thank !

[size=medium]Hello Jacqueline:
你在屯門都收呢啲傳聞咁厲害.但我想傳聞歸傳聞.一切不可盡信.
1) 何校長在03年度接手,個人覺得她都好好．
2) 我相信每間學校,都有比較嚴厲的老師.
3) 每間學校都會有學生轉校,"小喇叭""出類拔萃"都會有學生轉校,但李宗德多不多,我不太清楚.
4) 功課多,這點更加不成立,我只會說她已經比一般學校功課少,中英默書已經隔星期才有.每年二次考試,二次測驗.
小兒現讀p3,都現在為止,他仍然喜歡返學.

eto

Kingswood 寫道:
我個囡謮緊Ｐ１，原本唔錯讀普通話，佢琴晚用普通話讀左編中文俾我聽，雖然唔係好長，但係佢居然全部都識，我覺得好安慰，希望我真係無揀錯學校啦。

[size=medium]Helllo Kingswood:
我個囝在未讀小1前,他不會寫及睇中文,只會講廣東話,起初默書當然...,直至現在,他都可以應付到,只是寫字上,就poor writing.但我都很開心喇!!!

WW

小 b 媽咪,

我囡讀 1C 班呀, 下星期買就英文默書喇.

hviy

下星期至默英文    幾好喎,英文比中文易d添,我見保記津小返學第二個星期就默書,下星期小考啦...    聽到都驚   

BrianMami

小B媽咪 寫道:
我係指全校o既通告,好多時都收唔齊,又無post上網(如:通告xx則), 不過己向班主任反應.

另外,我比返學校o既回條,學校又好多時都收唔齊.我都唔知係我個仔問題?定係校務處問題?因為我啲回條係放喺一個指定o既膠公文袋叫小B帶返學校.   :cry:

唔知有冇小一家長喺呢道大家交流下呢?

阿仔讀小一初時都試過冇通告,冇worksheet, 班主任話原來佢果行既行長收埋左冇派(你知p.1生有時都唔知自己做梗乜).

我讀咁耐都未試過學校話收唔齊,  會唔會交通告過程中出錯, 叫班主任留意下.

學校果網, 超~~~~~~唔updated, 投訢過千萬次,都係   

BrianMami

家熹媽咪 寫道:
KINGSWOOD "

呢個年代 , 個個都自我升級架喇 ! 我指既係升做大師 (緊張果隻 ),  正如你所講 , 我地果陣讀書 , 阿媽邊會話諗定你入邊間幼稚園 , 就起晒人地間幼稚園底 , 諗住入間英小 , 就由 K2 開始玩補習 , 有陣時成日問自己點解 , 但問返轉頭 , 跟本就冇得解 , 人既進化 , 時代既進步 , 人行我地咪跟住行囉 ! 你見我地呢班入和富既都唔算痴線喇 ! 如果睇吓出面布龍香港區果D , 真係人都癲架 ! 對比起 , 我地幸福好多 !       

阿寶聽日大日子啦!!!! 我覺得家熹著私火衫好d, 知自己個仔著咩好睇, 形象突出, 件衫靚人都自信d.