"啟思"的家長 (any branch) please come in.

oscarBB

ho_fish,
家長其實係上台扶住小朋友.(上年我都以為自己都要表演,嚇死 )
遲d學校如果有派淨既門票,可以問老師拿.  

heiheima咪

1314,

你就好啦, 可以去參加聖誕聯歡會, 我唔可以去了, 因為我今個星期先返新工, 唔可以請假去睇, 我已經吩咐了我老公去睇, 重麻叫佢一定要拍dv, 我都有買學校果隻vcd, 我老公話自己未必拍得好, 都係買3年(3次), 唔好理什麼, 買來留念都好, 因為一定會拍到每一個小朋友的.
你幾時得閑, 約出來飲茶, 一齊傾吓, 種花份report 點做好嗎?

1314

heiheima咪：
我都係帶齊"架撑"，影到就影，影唔到就等佢隻DVD。呀囡晚晚喺屋企播個隻聖誕歌CD跟住唱，佢話表演個隻"哈哈哈哈，聖誕老人來了"，仲做埋動作添呀。

個棵海棠花初初攞返嚟個幾日差啲死咁滯，得返一塊葉，好彩慢慢出番啲，但係就無乜長大，都唔知會唔會開花，so far我淨係影左一張相咋。

鴨媽媽

1314,

點解我地幼兒小組又係種棵海棠花? 全校架?

死啦!我個棵海棠花, 又係攞返嚟個日都差啲死咁滯, 又係得返一塊葉, 過多幾日塊葉仲枯埋!

請問駛唔駛買過棵'頂檔' 交功課呀?

1314

鴨媽媽:

我諗係全校學生都有嘞，我記得張通告好似話係响應教統局既唔知咩行動咁話，會喺一月中送啲花去老人院，你不如問下學校有無得攞過棵花苗先啦。

Web

我想問

Isaacisgood

各位"啟思"的家長,

我想幫bb報呢間, 但有以下問題:
1.我想bb開開心心讀幼稚園, 但有朋友話"啟思"俾小朋友太多自由, bb好難教, 請問你們有沒有這問題?
2. 我bb12月born, 如足2yr時(即1月)插班讀N1收唔收? 有沒有人試過?

1314

Issacisgood:
我諗個細路難唔難教唔止係學校既問題，係家教問題。自由唔等於放任。啓思唔會要啲學生"死古古"咁坐响度聽書、做功課，但係佢地一樣教啲學生要有禮貌，好似佢地食茶點要排隊出去攞，要等所有人攞晒之後一齊講"各位小朋友請食茶點，唔該老師酙水”，仲要祈禱後先可以開始食（啓思係基督教）。我個囡番左學之後學會"唔該"、"唔駛客氣"，呢啲都喺學校學番嚟。所以我覺得學校既教法絕對無問題。我記得初初開學响家長會度，呀囡有個男同學既阿媽話個囝成日响屋企打家姐，出街又成日"lue"買玩具，問老師可以點（佢個囝已經重讀K1）。原來佢個囝有好多時間返左大陸住，唔喺成日番學，佢屋企又喺極之重男輕女（佢阿媽自己話），佢老豆見佢打家姐都唔話佢，咁你話呢個細路係咪難教，係學校既問題定係家教問題呢？

我覺得最好係親身去間學校參觀下個環境，同埋可能會見到啲學生，咁你會對間學校了解多啲。啓思係間對外開放既幼稚園，你可能miss左佢既open day，但係試下打去你想報個間問下先，或者去佢地網址搵下：
http://www.creative.edu.hk

ho_fish

1314, 好同意你既講法。家長唔好將教小朋友既責任比晒學校同老師,要知道小朋友o係學校只係短短2,3個鐘。總之身教重於言教, 小朋友好似一部影印機咁, 將家長平日既言行舉止印左o係腦入面, 佢地會好自然咁表現出黎。若果個小朋友難教, 有問題既, 咁個家長唔該先檢討下自己勒

啟思係用活動教學既, 咁唔代表佢唔理小朋友,我諗小朋友既自由係在於係有限度咁o係活動上選擇玩a or b, 又或者玩a先定b先 lor

BusyBaBa

Any of your kids studying in nursery class of Heng Fa Chuen branch?  I plan to send my daughter there in February, so I would like to know if their nursery class is good.

ho_fish

請問各位知唔知20/12當日, 嶺南附近有無泊車位?  另外, 送左小朋友去rehersal, 你地會去邊呀, 父母可唔可以走開架?  因為成3點先開始, 無理由o係度等咁耐架

鴨媽媽

ho_fish

乜你地20/12係嶺南攪呀!

我地係17/12係浸會, 我地揀坐旅遊巴一齊去, 費事煩, 費事搵, 不過我都有問過老師, 話送到浸會後, 家長就可以離開, 到10:45再入番浸會.

不過好似嶺南最近都要去番金鐘才有野行?!

1314

鴨媽媽：
嶺南大學搬左去屯門好耐啦，唔係港島區呀。係呢，乜家長可以同埋一齊坐車咩？我以為個囡坐番校車咋。

1314

heihei媽咪：
我個囡尋日收到稀稀送聖誕卡呀，我知實係你幫佢整既，多謝你咁有心，我今日都會幫呀囡買番啲卡送俾老師同朋友仔。不過佢個名應該"汶芊"呀。

鴨媽媽

我真係路痴!... he..he..

我以為上次買飛去玩嘉年華會個會堂添,真'烏sir sir'!!

學校之前有通告話家教會統計下會有幾多人會俾錢坐旅遊車,不過要統計下人數,才定到幾多$及成唔成,

後來再有通告話10元雞, 咁我地咪揀lor, 雖然搭281A都得, 諗住費是去到又要慢慢搵集合地方.

heic

Guggi 寫道:
1314：
上sat我去左CASTELLO INTERVIEW啦！
昨天都收到信話取錄亞女啦！
甘你個囡囡係米由幼兒小組班讀起架！
環境都OK！
D校服都幾靚呀！

guggi
我嗰日都帶咗囝囝去interview N1班呀﹗
學校都收咗浠浠﹗上星期六去咗留位啦﹗
我都覺得校服幾靚，你使唔使搭校車架？
我地雖然住得唔係遠，但都要搭校車架﹗
其實我有啲唔放心咁細個自己搭車，
所以好十五十六下年比唔比佢去讀好呢﹗？

仲有想問問其他媽咪，
以我所知啟思會以中文教學為主，
咁小朋友英文方面會唔會比其他小孩遜色呢？
呢個都係我所擔心的，
請問學費方面每年要交幾多期呢？(sorry, 我忘記了問老師)
希望媽咪們可以為我解答。

ho_fish

鴨媽媽, 我囡囡讀大興啟思, 佢地應該o係屯門嶺南攪呀

racar

HEIC
你又嚮到?哈哈!
我都in左元朗間啟思喇!
琴日都收左信收左carvin讀上午幼兒小組!

各位元朗分校既家長
你地覺得個園長點呀?
好唔好架?
上次同carvin interview個老師好好架!
不過就無咩點同小朋友接觸!
只係同我傾計多，佢地話小朋友細，佢地都係從旁留意佢玩車既表現wor!

咁跟住個園長就過黎，叫我要再約second interview，原因係話我個仔仔怕醜! 但我個仔仔o個日一d都唔怕醜wor!仲同佢hi，又笑!
咁我都話無所謂，second in咪second in!
但點知尋日收倒信話收左我個仔仔!
都唔知攪咩?    

KLLP

鴨媽媽,

你個小朋友在邊間讀呀? 我個仔在Kowloon Tong, 都係17/12 在浸會大學堂呀, 下午表演呀

heic

Rachel
好開心係到見到你，
carcar都in咗啟思呀﹗
咁你下年係咪已決定會比佢讀架啦﹗
使唔使搭校車？

帝堡城啟思只係留意下小朋友玩玩具的表現，
浠浠嗰日都幾醒，識疊高logo同會由大至小串對圈圈，
跟住老師都無問我野，聽埋老師介紹學校，就走啦﹗
好快已經收到信話收咗浠浠啦﹗
我都覺得老師幾有耐性。