04年9月入讀小一家長請進！

Cheung

肥仔媽咪,

等我明天試下你的方法. 不怪得呢2日囡囡總是話自己的食物大少. 我比好少食物個囡囡帶!因為我唔想她食大多零食返到家又唔食飯.

Vin

我個女都係上咗小學之後個人開心咗,
朋友都多好多呀~
嗰時啱啱開學我就鼓勵佢多啲主動同啲同學打招呼~
有時我都會主動同佢啲同學傾下偈囉~
仲有就係俾啲野食佢帶返去請同學食下~

肥仔媽咪

Cheung,

係囉, 啲小食我讓他自己選, 有時個衰豬話我買咗啲佢唔喜歡食的便帶給同學食. 不用擔心, 就算點慢熱的小朋友遲早都會有朋友仔的, 最怕你到時會話佢淨聽朋友仔說話都唔聽你的說話.

e-mame

我個仔小息時多數同番佢幼稚園d同學仔玩，不過佢都好“闊佬”

evelyn317

我相信妳o地除

麟媽媽

我都相信同其他同學仔交換或請同學仔食野係一個比佢地互相熟落的好機會！我仔以前好孤寒架，而家竟然好闊佬！我比一包細的百力枝佢返學，佢實問我拎多一包，話要請佢邊個邊個同學食喎。   

Vin

e-mame,
我諗你需要同你仔仔傾下,教下佢唔應該隨便俾錢人喎~
咁樣會令到嗰位同學覺得:[咦~原來以後冇錢就可以問xxx攞喎~]如果佢話埋俾其他同學知,到時一個二個都走去問你仔仔攞錢就煩喇~

karencircle

其實我都有給囡囡多帶零食回校分享,她有時亦會帶貼紙送給同學仔,但我想她明白及學習不應依賴物質去認識及維繋友情.對小一而言會不會有些難度呢??

肥仔媽咪

Karencircle,

你是否想得太深入呢? 我仔仔亦曾跟我講邊個邊個只是食佢啲嘢而對方都冇分享, 我咪話佢可能好喜歡自己的食物唔捨得比人, 如你想試他那種食物下次去超市買來試試看吧. 我想社交方便讓他們自由發揮好了, 總之要多些跟他們傾談便可.

evelyn317

Karencircle

我估妳concern

karencircle

各位，
天氣乾燥，囡囡昨天返來說有同學仔上課溜鼻血，囡囡亦有少少鼻血絲。想請教如果沖蜜糖水給她回校飲，已沖的蜜糖水在水壼中浪來浪成日，會不會“起風”飲到肚痛？？

麟媽媽

我只知唔可以用熱水開蜜糖，開定會唔會有風？真係唔知喎...不過比蜜糖水唔錯喎，好過成日飲利賓納。

carollam310

我個女呢兩日都有流鼻血呀.可以煲D乜比佢食呀?

肥仔媽咪

carollam310 寫道:
我個女呢兩日都有流鼻血呀.可以煲D乜比佢食呀?

原來天氣乾燥少少啲小朋友個個都差不多, 我今早已叫姐姐煲定海底椰紅蘿蔔粟米豬展湯今晚飲.

carollam310

我尋晚已經煲左紅蘿蔔粟米豬展湯.但今朝仲有流呀.又有鼻敏感喎.我買過郭晉安o個隻冬蟲夏草比佢食.但冇效呀.一打打十幾個"哈痴".跟住就流鼻血啦.
今朝比佢激死 今日第一次著冬季條校裙.10點就叫我幫佢換.o係塊鏡前照左幾鬼耐.仲要吩咐我幫佢紮兩條高辮.我跟手幫佢量體溫寫好張咭叫佢一陣攬上頸.點知佢照完鏡唔記得左.行到去車站先記得.即刻扁晒咀.叫我返屋企拎,上校車個車站離屋企好遠架 你估我識飛咩~~我咪用張紙寫返體溫度數再簽名叫佢同老師講唔記得帶咪得
o羅.佢死都唔肯仲雙眼紅紅想喊咁.之後我醒起佢今日有英文默書.要默7句句子,仲有四頁書.我怕佢驚到個腦一片空白.到時串唔出D生字.咁唯有應承佢叫佢上車先.之後我跑返屋企拎.再搭的士去學校俾佢.咁佢先至冇流眼淚咋 .我一見佢上車就狂跑返厔企.飛奔落樓跳上的士出太子.好彩趕得切.佢架車o岩o岩到.佢一見到我不知幾開心. : 為左安全起見我拉佢行埋一邊同佢再串字 : 好彩仲記得咋 :  : 今日真係比佢激死 :evil:  :evil:

麟媽媽

講開鼻敏感真係好鬼多細路仔有。琴晚有間叫Filter Queen既上我屋企示範吸塵器，真係好鬼powerful，個人唔hard sell反而我自己心動….原來咁多烏糟野，個”sell士”話連威院SARS之後都用佢的….不過實在太貴喇~~成萬七蚊！最後理智戰勝慾望，唔諗喇！加上老公又話一定唔買，佢話屋企乾淨出面烏糟，出左街咪仲敏感得勁D喎…不過部機真係幾好，應該對個仔既敏感有幫助….

肥仔媽咪

carollam310,

[size=medium]偉大的媽媽!

e-mame

Vin,

其實我個仔對金錢並無概念，只知錢可以買食物和玩具。上個月有個同學請左囝囝食jelly，點知第二日問亞仔

Astrid

好耐無入黎啦 ~~~

阿大考完試 ... 我都要休息一排 ....      好彩佢成績都幾好 ....  

Edithma

karencircle,

我都讚同你的諗法, 我都是較喜歡等囡囡用自己能力去結交朋友.相信這樣的友誼來得可貴些. 不過我想零食對於她們被動性格來說也會是開頭的好幫助. 此終他們都是貪吃的年齡.

Hello 各位媽咪,

我系Cheung, 因為忘了之前密碼,所以重申一個新帳戶!


Astrid,

你囡囡咁乖 !