95區家長大都會

alkyng

yeeli:

其實我個女到左2歲半先有工人照顧, 但個女都唔係咁肯跟工人的, 響屋企有關佢d野都係我同daddy做番, 細個時佢都好鍾意扭計, 但依家咁大個解釋左比佢聽後,佢依然要扭計, 佢就會講一句 "我知呀, 不過我想要丫麻, 點解唔得姐", 我地再解釋比佢知啦, 佢又會話 "你地成日都係咁, 我唔鍾意呀, 我唔採你地呀", 所以我真係比佢激ccccccc

herman-mame

alkyng,
我個仔都有齊妳所講的野，除了沒有5個一項，因為他是獨子。

alkyng

herman-mame:

你個囝都係咁呀, 咁樣你地擔唔擔心呀, 還是只係我地過份緊張呢, 你有無好似我咁想同個囝去做評估呀, 我真係唔知點好, 因唔想個女大個左都係呢d性格, 好怕影響佢將來出來處世, 加上就上小學, 好多野佢都要自己去面對, 我地又唔可以好似依家咁, 可以成日返學校問班主任.   

HALAHA

DEL

herman-mame

alkyng,
我本身是要返工，很少接他放學，所以很多時我回家咪問亞仔你今日上堂怎樣呀，他喜歡就答妳一句，不喜歡望都不望妳一眼，再問他他就答:咪又是咁樣囉...，有時真的很激氣的，我感覺他越大我越難捉摸他的性格，講真做家長一定會擔心，不過我暫時就未想到要帶他去做評估。

yeeli

alkyng ,herman-mame:

其實你有無想過同佢去做義工,例如係兒童之家或保良局,比佢知道有D小朋友係無爸媽鍚好可憐,等佢可以睇下學多D野,
另跆拳道都幾好架,因為個教練唔會比你自己一個想點就點,一定要嚴守紀律同一定要團體合作,我見有好多學到綠帶既小朋友都好守紀律,又好幫師弟{之係我個仔}.

alkyng

yelli:

帶他去做義工真係無想過, 反而電視有時做d節目講有關貧困地區的小朋友, 我就會叫佢一齊睇, 但佢好似無乜反應咁. 另我曾有想過學柔道(因佢係女仔, 覺得柔道好似好d), 但佢daddy仲未應承.

yeeli

alkyng

睇電視可能無咩真實感,要親身感覺對小朋友會實在好多,
學柔道都係好,不過我仔就無學過,所以唔敢比意見你,
另做義工,我同仔仔都有係佛會做過義工清潔,今次復活假我同我老公想同仔仔去保良局或其他兒童機構做下.

alkyng

yeeli:

不如你有做義工的資料send比我丫, 等我今晚問下我老公有無興趣, thanks.

yeeli

alkyng

http://www.poleungkuk.org.hk/plk/index.aspx?lang=t&id=20060809160343呢個係保良局被助養兒童既心聲,可以比你女女睇下,你讀比佢聽下.

alkyng

YEELI:

咁如果你要去做義工, 要經邊到先可以參加架.

咁你又知唔知乜野機構做兒童情緒評估會好d.

yeeli

alkyng

做義工ywca都有架,好多都係去老人院或弱能人仕,但我今次想for 兒童,所以我都要問下再覆你,

你女女係因為咩事唔比佢做所以會發皮氣呢?同埋叫佢做咩先至唔應人呢?佢會唔會係有妹妹之後先至係咁呢?金田一


而兒童情緒評估,以我所知學校都可以轉介,但多數學校未必會咁做,要睇個校長點講先,如果你有政府兒科覆診都可以同e生講一講睇下有無得轉介,但政府一定要等好耐,
另我可以幫你問下法國e院既朋友,我有次聽佢講好似都有兒童心理科睇架,
但係我自己覺得如果你女女唔係咁大問題,或者可能係小姐皮氣,就唔好去做,因為小朋友係唔同既地方會有唔同既情況,咁細就評估可能會影響一生架,又可能會比人標籤咗佢,你真係要想清楚先好做呢個動作.

alkyng

YEELI:

參加義工個到就等你比資料我啦.

另外, 其實我想個女去做評估, 只係想搵出個原因, 點解佢d eq咁差, 會唔會係我地作為父母的用錯方法教導, 還是真係個女難教, 所以都想聽下d專業人士意見, 等我地多d了解番小朋友個需要.

yeeli

alkyng

我睇過ywca義工無for太細小朋友,所以要再揾,我揾到再話你知.
另外你想同女評估,我明白,聽下專業人士意見都好.

tracyfo

herman, icic...你幫你小朋友搵學校未呀, 會報邊間呀?

tracyfo

alkyung,

你講既情況我仔仔都有呀, 你唔洗太擔心, 我試過同佢講野, 佢要聽幾次先聽到, 叫佢又好似無返應咁, 我都諗跟佢個耳係咪有問題, 但仲係留意跟, 我佢係因為佢地唔習中精神多. 所以有時要佢要試下坐定定咁睇書, 學下令自己習中d.

不過如果你都有d擔心, 可以試下問校長有無介紹, 我諗佢會清楚d

tracyfo

yeeli, 我都有考慮過同小朋友試下做義工, 但無乜門路, 你有無試過呀, 我都想知多d, 但見佢依家仲咁細, 自己都未攪得掂, 點去幫手做義工, 我反而想佢去探訪孤兒院呀呢d, 等佢知道依家幾咁幸福.

yeeli

tracyfo
我試過同仔仔去佛會做義工清潔,其他就未試過,
我就係想去做呢種義工囉(探訪孤兒院)我宜家著手揾,希望揾到,我揾到就話比大家聽,

tracyfo

yeeli 寫道:
alkyng

http://www.poleungkuk.org.hk/plk/index.aspx?lang=t&id=20060809160343呢個係保良局被助養兒童既心聲,可以比你女女睇下,你讀比佢聽下.

yeeli, 我睇完個網址, 都好想助養小朋友, 係咪每年一千二百蚊, 又唔算好貴, 我見宣明會個d, 一個月2百, 都差不多, 但保良局的係香港, 又可以去探佢, 個感覺一定好開心.

alkyng

YEELI:

好呀, 今次唔該晒你呀.

其實冬天時我已經想自己織d頸巾送比d弧兒院小朋友, 因為我一向有織開冷衫比自己兩個女, 所以經常會剩左好多冷, 而d冷又剛好夠織頸巾for小朋友, 而我兩個女已有很多頸巾, 所以我就想織左之後比孤兒院的小朋友, 不過個時上網睇過, 但搵唔到d資料.