一呂現家長 / potential 家長會

claudiaho

我公司有幾位同事也喜歡係臺面擺植物, 見佢

candytl

claudiaho,

如果都有位"花王"同事肯幫手打理植物就好囉.  
我公司前年大装修, 剛搬入頭一年好有生氣架, 公司俾錢定期更換植物, 門口, 同事臺面, fax機, printer隔離都擺盆植物架, 后來唔知係空氣太不流通, 定是打理得唔好, 種種下啲植物好快就死, 公司后期也不買了. 宜加得翻一棵看門口.  

我都係咁話, homama兩個囡囡『鍾意讀書指數』爆晒燈,
黎啲終生受用, 用多多$$都換不來的.

candytl

homama,

演藝的鋼琴算係出名的, 因有頂級的老師教, 佢哋也出咗不少優秀的學生, 如我哋熟悉的有李嘉玲, 張諱睛, 廖國瑋等.
同鋼琴比, 其他樂器可能會遜色啲.

bkmummy

我想問吓而加小一有幾多班係普通話班呀?

alicetong

各位姊妹..我返0黎啦...
諗起3號0個朝橫風橫雨..我地要等到下午才開始出發,返到樟木頭第一日天氣都好差,第2日天色就開始放晴0拿,今次帶埋工人返去就輕鬆好多,屋企執到乾淨企理...其實至在返去攤透下,去下沐足,洗頭,按摩(好拍痕,我不喜歡,哈哈),有一晚去(拍酒店風雲)太子酒店睇下show..到會所打兵乓球,羽毛球,射箭,同女女到魚池餵下錦鋰魚,仔仔踩滑板車,女踩單車在屋苑範圍內走走...最好不過就講到食啦,我最喜歡吃餃子、簿餅、龍骨(豬骨)、東北菜,還有湘菜...血鴨、土匪雞...酒樓的點心做得比香港精緻,味道又好..食足幾餐,實變肥肥    工人真正煮得一餐,仔仔返到去最喜歡煲碟、超人強戰回歸、反斗車王、七龍珠卡通、加勒比海盜、CRASH、加菲貓、星戰等等....還有我先生最喜歡那裡的生活...我就覺得一般,可能我未老就覺得悶d0拿？ 其實在國內買樓只適宜作退休,如果長時間可以逗留就好？相反好似我地生活忙碌又要返工返學的,一年最多可以去到2/3次......每次返去抹塵做餐檬,可能住酒店都無咁貴...哈哈！買左唔返去又唔係..絕對是雞肋也...

alicetong

bkmummy ,
4班裡有一班是普通話班。
↑※原來依家改左..Candy先0岩.哈哈！※

candytl

bkmummy ,

今年9月升P1的有兩班普通話班.

candytl

alice,

"最好不過就講到食啦,我最喜歡吃餃子、簿餅、龍骨(豬骨)、東北菜,還有湘菜...血鴨、土匪雞...酒樓的點心做得比香港精緻,味道又好..食足幾餐,實變肥肥 >>>>睇到我流晒口水, 想立刻去食啊! 你咁fit, 肥小小唔怕啦. 太子酒店係咪係東莞?

Homama2004

Alice,
一早見你介紹的美食,真係流晒口水 係喎!你咁fit, 肥小小唔怕啦.

我爹哋成日話搬上去大陸住,但我和家姐極力反對,一下佢有甚麼頭暈身熱,就難為了我兩姐妹要撲上去.你知啲老人家聽人話好便又心思思咁…你仔仔囡囡一定開心到暈咁多節目

Candy
同鋼琴比, 其他樂器可能會遜色啲.
>原來係咁! 咁學其他樂器就不太化算了.我看過演藝學樂器的單張,價錢很貴,又遠...

各位我囡囡昨天去健康院,家姐高了9.5cm,妹妹高了11.5cm,我都很驚訝! 高咗咁多嗎???我唔覺,只覺佢哋腳就大得快.姑娘話女孩子高三年,好好把握這三年做多些運動扯高.家姐今年比標準重了4-5磅左右,以往試過一年比標準重了5-6kg(都幾驚佢會變欣宜) ,醫生話今次OK,比以往進步 ,keep住便可以.妹妹就合符標準喎!!

今早聽收音機,得悉今年有25位十優狀元,真”登”佢哋爹哋媽咪高興囉…

我姨甥今年高考城大收了讀chem,但佢想讀工管,珠海就立刻收了佢(當然收啦!還要副校長面試).我極力勸我家姐叫佢勸姨甥讀城大,一年後才轉系.唉!唔知佢聽唔聽我講囉!!

我老公姪仔(佢家姐以前讀St.Mary現讀緊港大心理)出乎意料入了港大,出乎意料的原因係我姨甥考會考成績有24分比佢19分好好多,相信佢高考成績一定好好.

所以真是長途賽,未到終站都未知…最開心係我老爺,佢有5個男孫6個女孫,終於有個男孫可以入大學囉!!我聽佢唔止一次話啲女孫個個都都讀到書(大孫女在美國讀中學時拿了全國優秀學生獎,總統簽名,很威呀!!),但啲仔就個個都麻麻地…..最叻仔是這位了…     希望我啲女都保持佢哋家族的紀錄啦....

alicetong

早晨呀？
我明天才上班,今日打算同仔女去太古城睇冰雕...上次仔仔入院覆診後,又轉介足部護理,因為濕疹同鼻敏感再排期兒科排到明年暑假...都無壞0既？跟進下囉？

Candy,
原來今年開始小一有兩班普通話班咩？哈哈..報錯料添？
希望到我女讀0個時全部都係啦！
※太子酒店係咪係東莞? 正是..從我家去只是15分鐘車程..

Homama,
萬邦書局係未中國旅行社0個條街呀？..另外多謝妳報咁多好料比我地,我會留意下Composition And Oral架.我諗呢兩日都要出去望下d書0拿？或者去九龍城會方便d...新版我諗應該仲未齊呀？

講開未結婚前同未有小朋友都好喜歡學下插花同小手工,以前山長水遠去到北角學麵粉花、水晶花、日本人型公仔、煮野食課程等等...有左仔女後就即係無左自己,我諗要老0黎退休先有呢d閒情..或者仔女大晒有佢地天地唔理我兩老0個時...哈哈！希望對手仲靈光啦..其實我好喜歡美化家居,學下手工藝做到d作品又可以留念....

alicetong

Homama,
妳講得對..老人家返到去置業醫療配套仲未完備真係制唔過..相反如果港粵做到呢方面溝通就肯定好多老人家願意返內地過生活,另外多外省人治安亦不好？貧富懸殊大0既地方就一定0拿？今次返到去要修理水喉、雪櫃、d野好化學就好似以前0既日本郵船一樣..哈哈！(最弊我先生又好enjoy喎)唯一吸引我係地方大囉..我那兒有1280呎兩廁連套房..仔女可以在家中踩單車已經係我夢寐以求0拿？

alicetong

健康檢查跟進...仔仔右眼100度近視,左眼50度散光？妳們說需要配眼鏡否呢？視光師話睇唔到黑板就要..又或者上堂帶落堂不用帶..先生意見就唔想配,唔想佢依賴眼鏡成世做四眼雞丁,我就想配怕佢近視加深...妳們經驗意見如何呢？

candytl

homama,

今年十優狀元係近年之冠. 睇報紙話 明年起, 會考中文及英文科 改以數目字1至5及5*的六級評分機制,10A狀元將成絕響渦.

恭喜你姪仔 所以話男仔可以去到最后先見實力.
你老爺大孫女在美國讀中學時拿了全國優秀學生獎,總統簽名, 黎個仲勁呀
你老公家族啲人好叻, 遺傳因素, 你囡囡將來都一定叻!
早前睇過報導, 話人嘅資質絕大部分(90%, 唔知有冇記錯)
係來自父母遺傳的, 后天嘅因素只係影響好少.

你大囡一年來高9.5cm,妹妹高了11.5cm, 嘩......., 換咗我女係咁就好囉.

candytl

alice,

你仔仔對脚有乜事, 點解要做足部護理呀?
我大囡對脚有扁平足, 由細到大, 行多小小路就脚疼, 爹哋出街抱到佢5歲呀 , 婆婆話好彩佢生得細粒, 唔係點抱呀!

我覺你最好聽視光師意見, 如果上堂睇唔到黑板而又唔戴眼鏡, 可能會加深度數, 又影響到仔仔學習.

claudiaho

Alice, 你就開心啦, o甘豐富

alicetong

claudiaho ,
妳講得0岩※一家人開開心心共聚天倫※最要緊..哈哈！

我都有同感..睇定D先配啦！否則那怕幾多度都好..依賴左眼鏡唔戴就等於盲左一樣？..

如果我地D仔女可以入到普通話班更好啦...呢個係大趨勢
0黎..

多謝提醒,冰雕暫時又要延遲0拿..因為5點又要趕返0黎麗豪游水開課...佢地又懶床遲起身？

Candy,上次仔仔入院腳趾公含膿細菌感染威爾斯一直跟進到依家囉！多謝妳意見都係聽視光師話睇定d先配...最搞笑視光師一提睇唔到黑板就要配..佢就即刻話睇唔到？但以前又從來未聽佢提過...哈哈！


不過兩條友仔..特別大仔一日同個妹計較..態度又唔好？先生話佢提早反反叛期喎？睇到Homama,Candy ,claudiaho d女女咁聽教聽話,真係好羨慕！自己個仔把口不撓人..妳叫佢去東佢實去西0個隻....特別係叫佢做習作同功課有關0既野就更加....自己脾氣語氣都唔係太好？
感覺上仔仔大個左..為佢自己要爭辯0既野就大條道理？相反我地同佢講道理就唔肯聽人講..自以為事兼大倒退0個隻....

Homama2004

Alice,
萬邦書局係未中國旅行社0個條街呀？
>不是,近太子地鐵站旺角警署後西洋菜街北179號地下2395 5327.

我見同事仔仔大多是這樣,囡囡到中學才反叛,有兩個同事的囡囡小學時成績卓越,但到中學要試升,好似這種例子屢見不鮮.記得佢哋兩個都不喜看書的,喜扮靚,好彩我兩個囡囡不靚又視看書為嗜好,希望可以順順利咁渡過佢哋的”反叛期”.

記得你仔仔都幾高喎!如坐得後看不到黑板,無奈地都要配眼鏡上堂,怕影響成績!開了學才決定,配眼鏡約一星期便可以拿到.

Claudiaho,
都有二份一機會讀普通話班, 唔知係好定唔好
>應該係好事,但美中不足是,學校普通話老師母語不是普通話,始終講得怎樣靈光都好似差一點點…我上星期旁聽了一堂囡囡的普通話堂,心想如日日都係咁上中文課,中文水準一定突飛猛進.
1.        教唐詩,杜甫<客至>,老師首先介紹詩中的景象,甚麼是舍南舍北等等,然後才教怎樣讀.
2.        教內地課程書本五年級一篇文章,要各人讀一段.
3.        然後老師讀一篇未學過的文章,考聆聽,各人各問一題題目要即答.三個囡囡都識埋頭苦幹地記重點,唯一男仔還在吊兒郎,我問佢為何不記重點呀!佢還大大聲話聆聽麻,不用寫東西的…仔便是這樣.但問到妺妹便口啞啞,因佢性格係要100%對才會答,但其餘兩個囡囡都反應幾好.咁一小時便過去,而我都學了不少東西呀!!

Candy, 你囡囡未發育啫! 她們一長高便高很多囉…

claudiaho

但問到妺妹便口啞啞,因佢性格係要100%對才會答
>>我囡囡都係o甘

alicetong

Homama,
好多謝妳pm的報料呀？
另外我會留意下旺角警署後面的萬邦書局。
※上星期旁聽了一堂囡囡的普通話堂※是否妳之前所講那位私人普通話老師呢？原來係咁有系統教授真係好專業喎。
如果聽妳所講大部份男仔反叛期先都無咁驚呀？...
只希望講道理..或者事情發生時大家靜下來再檢討番之前0既事？客觀d去睇...
係書展時都買左唔少書,佢得閒都肯囉0黎睇下盼望係一個好開始啦！冒險小虎隊就最有興趣0拿？另外冷知識短短地一則時事常識都唔錯？佢仲同daddy講上次射箭點解有蚊咬daddy係因為佢搽香體用品同著深色衫有關？希望佢能夠慢慢領略到書中自有黃金屋0既道理啦！

Homama2004

Claudiaho,話驚補考會扣分
>如病補考是不會扣分.實例:大囡去年上學期試過一次嘔到死死下沒有返學,我哋都好驚要扣分,問學校話如有病假紙證明是不會扣分,只是會連累整級遲派卷而己. 小五升中家長會,副校都強調如有病就不要回校考呈分試,補考一定不會扣分,叫家長放心讓小朋友在家休息.

只係因為多了兩個插班生 (from 2B & 2C)
>啲家長對有插班生而拖低本來學生的成績很有微言.但我又覺得可讓小朋友知道世界很大,你不是在學校"得"便自以為得呀!

昨天收到音統處的信件,囡囡落選了.可能都係我衰,申請豁免面試,我寄了表格才聽到啲有經驗的家長話音統處接待處的女仔話面試成數會高啲喎! 我老公話佢會寫信appeal喎!我想都係無機會囉!!希望明年再試啦!

Alice,
佢仲同daddy講上次射箭點解有蚊咬daddy係因為佢搽香體用品同著深色衫有關
>>你有沒有讚佢叻仔!識得運用學過的知識. 有蚊咬還有其他潛在原因:如血型等等…

看拿10a學生的讀書心得,最終都係自動自覺.這種自學精神真是要好好由細培養,小學成績怎樣卓越都可能係媽咪”迫”所致,上到中學大多媽咪都跟不上/唔到你跟了囉…所以上中學時才是顯真功夫