番禺會所華仁小學

ms99

easiness：

Sure, 3P確定收咗我嘞。但我同黃姑娘提出的問題太多，所以佢都話未必在課程內包含到。

Sandymum:

3P親子正策 即 Positive Parenting Programme 是一個由澳洲昆士蘭大學發展出來的親子管教模式，曾獲多個教育團體採用，協助家長預防及處理孩子問題，效果理想。今次學校舉辦是次課程對象只限小一學生家長，內容包括有效的管教方法及良好的溝通技巧，形式布短講、分享、角色扮演及練習等，上課一連四堂。

係咪清楚哂呢?  因為你問到我都係摷番張通告嚟睇，上年你有無參加呢? 效果如何?

我抱住知多啲心態去上堂，無嘜好大期望的。

ms99

剛剛上網睇地圖先知道保健中心位置，嘩! 好遠吓喎。
我打算放學後喺小食部買啲嘢食就去華仁書院門口坐10號巴士，貪佢架車慢慢去，可以係車上食小小嘢(我會保持車箱清潔的)，跟手亞仔小睡一會就到嘞，但現在還未清楚邊個站落車，再check吓先。

亞仔暫時好乖做練習，但未溫作業，佢自己默默做唔要我哋騷擾，所以未激氣。 睇吓下半場如何啦!

各位輕鬆吓啦，我想識了作業無問題的。但係咪啲分數要有90分以上先評為OK呢?  聽講大部份學生都做得到的。

SandyMummy

[quote]
ms99 寫道:
easiness：

Sure, 3P確定收

ms99

我個仔都要。  

[/quote]

I forgot whether we've received the notice last year or not. But I think my son need to attend some courses to improve his attitude towards studying and behaviour.     

ms99

大家溫成點呀))))??

我都唔知溫啲嘜?! 叫亞仔望吓作業，一陣又做吓練習，東扯扯，西扯扯，亞仔做吓又眼瞓(扮個隻)，大聲兩句又飲泣。都唔知佢識唔識，又唔知識咗聽日又會唔會 (luck)梗啲。我已經同老公車輪戰去，因為邊個火滾就換人，唔想第一個測驗就反唒枱。望見亞仔對住啲作業發牛斗，我都覺得好鬼悶。  你哋點同仔仔溫習呢?  點先叫做夠呀?   

睡公主

點呀！大家係咪温得好精彩。

阿仔已經上床，所以可以上嚟啦，今天阿仔學完畫，其中一個同學仔要去廸欣湖，跟住大家咪即興話一齊去，玩咗一天，本來我都猶豫去唔去（話晒明天都測驗），但昨日温了一整天（做咗幾份練習），中文應該冇問題，而英文方面，我嘗試用日常生活的人和事來問佢，例如︰某某係你的同學點講、某某係你哋的老師點講、你和某某係同學點講、你點介紹某某等問題，佢都識運用番啲英文答我，連本Reader啲字佢都解，咪放佢一馬，等佢盡情去玩一天囉（其實係自己想去玩），剛剛回來。明天至作最後衝刺。

ms99

早晨各位：

今日開始英文每日一篇，大家睇咗未?

在問題版第三條問到Mr. Fire is Crystal's father? 答案 True or False呢?  文章無提，只有後面問題突然出現Crystal，係我睇漏定真係有提呢?  請指教。     

睡公主

ms99 寫道:
早晨各位：

今日開始英文每日一篇，大家睇咗未?

在問題版第三條問到Mr. Fire is Crystal's father? 答案 True or False呢?  文章無提，只有後面問題突然出現Crystal，係我睇漏定真係有提呢?  請指教。     

我老公話 True 喎！

麟媽媽

講開呢幾日溫習，有勞氣的時候，
亦有令我感動得淚漣漣….
話說上星期溫書的時候，
亞仔成日發緊夢，攪錯晒D does吖、do吖咁！
呢頭講完呢頭又攪錯，令到我發晒火！！
之後我鬧人，佢喊到豬頭咁！
到星期六，我都
咪叫佢自己做papers，我係房再出多幾張囉！
可能已熟習左，佢好快做完攞比我對。
咁佢做啱晒我又讚吓佢囉。
之後佢就講喇︰「媽咪，我真係好開心吖！
你今日無鬧我。其實有時你鬧我，我好驚架，
之後咩都好似唔記得晒咁架！明明之前識我都唔記得！」
我當時個心真係”拿”到實一實….我係咪對佢太過呢？
之後佢又講︰「媽咪….其實我好多謝你，你教識我好多野。」
佢一講完，我D眼淚流到”巴巴”聲！
測驗考試真的好折磨，好傷親子關係…..

SandyMummy

唉...you are right!  測驗考試直頭令關係決裂, 不過我個仔一d 都冇咁sweet, 淨係一路教, 一路唔記得, 重一路做, 一路咀Miu Miu, 氣死了 !!!!!!!

麟媽媽

Sandymummy,

哈！佢有時都幾"sweet"的。
我老公仲話我咁會比個仔食住喎！
仲話亞仔第時實"tum"到好多女仔！
我有時真係收唔到火，尤其我呢頭解釋，
佢呢頭唔記得！真係好鬼氣結！最後哭哭啼啼收場！
我琴日打比另一個家長，佢話嬲到想"lin"死個仔！！
我諗一講起溫書好多人都好似我地咁。

你同囡囡溫書係咪無咁勞氣？
我見朋友D女個個好似無咁勞氣的。

SandyMummy 寫道:
唉...you are right!  測驗考試直頭令關係決裂, 不過我個仔一d 都冇咁sweet, 淨係一路教, 一路唔記得, 重一路做, 一路咀Miu Miu, 氣死了 !!!!!!!

麟媽媽

ms99,

please check pm.

happy5

麟媽媽 :


我同阿仔溫習時已大量嘔血, 大家媽咪都差不多咁可憐啊.唉!邊個想鬧佢地吖!鬧完佢地又好似覺得自己好殘忍咁.麟媽媽,你仔仔表達力好好噃,能aware及表達到自己嘅情緒之餘,又能對你表達感激之情,好叻仔呀!男仔識咁做,好少有呀,你地平時梗係成日同佢傾偈嫁啦!!另外,我想, 女仔應比男仔易教一點吧,我見我d朋友中,大部份都係咁講嘅!大家一起繼續努力啦!
               

睡公主

麟媽媽：

你就好啦，個仔咁懂性，就算勞氣啲都冇問題，起碼佢會appreciate 你為佢做既一切，同埋佢會向你表白，真令我羡慕，唔好話我個仔年紀細唔識做，就算係大嗰件都唔會講得咁白。

睡公主

睡公主

睡公主

happy5

你個仔温成點呀？我都唔知温咗啲乜，默書都話識晒啲字就得，今次測驗就毫無頭緒，佢好似識晒又好似唔識，佢對測驗都無概念，反而問番我甚麼叫測驗，佢完全唔識緊張，我咪放手囉，等佢測完至算，睇吓佢真係袋咗幾多嘢落袋（希望佢錯啲唔識做既，好過錯埋啲唔小心啦）。

麟媽媽

我個仔梗係唔係好生性喇！
只係我地一家人都習慣有咩都會講出來吧！
佢由細都時常同我傾計的，
我希望好似一個習慣咁，你地知喇，
男仔越大越獨立，而大多數男人都唔善於表達情感的，
我想同個仔親一點，所以有呢個習慣囉。
好似我老公三兄弟，唔係唔孝順，
但同父母之間總少了一份親暱的感覺，
唔似得好似我地做女咁顧念父母。
可惜我沒有女兒，所以我希望同兒子close一點，
尤其是心靈上的溝通。

睡公主

絕對同意，幾時都話啲女嫁咗都係你個女，啲仔娶咗老婆就係人地個女婿（有自己做例子），所以我會好好咁培養個仔啲習慣（尤其是我沒有女），有乜嘢事都要同我講，如果唔係整整吓佢就乜都唔同你講，咁就弊！我個仔而家都好嗲我架，我都好珍惜呢個時刻，因為遲啲佢大個仔出去玩﹐你想佢嗲你都幾難，唯有趁而家俾佢嗲番夠本。

麟媽媽

睡公主,

咪係囉！我老公三兄弟過時過節都去左外母度既。
好在我奶奶又唔介意，佢鐘意早做節的。
我第時都要識時務，開通D，唔係得罪個新抱連個仔都無埋？！