子女的期望 vs 父母的期望

asweetmom

回覆 greentea000 的帖子

校規有何講究？！(≧∇≦)

asweetmom

回覆 greentea000 的帖子

加埋玩時間點都有10小時/星期，算不錯，比想像中輕鬆。中學也一樣？

asweetmom

brother4 發表於 17-4-17 19:47
good

小學麻麻。

asweetmom

IloveJJ 發表於 17-4-17 18:34
就係我仔嗰種!我本來都想呢個暑期叫佢參加制服團體，之後就係明白到佢係咁既人，唔想扼殺佢。
...

我就會咩都俾佢地玩下，一開始係交通安全隊，輕鬆好玩，習慣之後再轉女童軍，紀律性強些。

1998Ruby1998

回覆 greentea000 的帖子

我學俄文畀阿媽鬧「浪費金錢同生命」

1998Ruby1998

回覆 shadeslayer 的帖子

我比較屬於呢類。係法律底下，如果我嘅行為唔影響到任何人的話，我會選擇唔跟一 d 我認為冇意義嘅校規（所以小學畀人投訴到飛起）
例如，校規寫明食飯時間唔可以行出位掉垃圾，我唔覺得有問題，反而唔掉的話會影響班房整潔，所以我會行出位掉垃圾。於是就畀班房裡面幾個風紀捉然後要去見訓導。轉堂果陣唔畀睇書同做功課，我又覺得反正老師未到，我又冇野做，睇書做功課都唔會影響到任何人，又唔係傾計／嘈，影響班秩序，反而對我個人有益，所以我照做，結果畀老師鬧同埋記名。

又例如，學校唔畀跑我明白，但係「打鐘唔可以郁」我就唔明白，我會覺得只要唔係跑來跑去橫衝直撞，打鐘果陣慢慢行返班房就得。於是我又畀風紀集名。

我最討厭學校對 Reading Period 限制多多，例如唔畀睇報紙、烹飪書、小手工書等等。記得有一次中學，我寫左本英文小說（都應該過 20,000 字），打算 Reading Period 睇，我同學就問可唔可以我睇完到下次畀佢睇，老師即刻沒收我本書，話 Reading Period 唔畀睇呢類書。我問點解唔得，同樣都係書，只不過我係個作者，老師解釋唔到，搞到我好嬲。

所以制服團隊我從來都冇參加過，而老師都唔畀我參加

wan_sosin

1998Ruby1998 發表於 17-4-17 23:27
回覆 shadeslayer 的帖子

我比較屬於呢類。係法律底下，如果我嘅行為唔影響到任何人的話，我會選擇唔跟一  ...

我仔同你幾似，會無視不影響人嘅規則，學校個天台只可高年班上去，佢就避開老師走上去睇下，打探完之後仲帶埋其他同學上去，佢有潛質做特工

所以佢都唔鍾意參加制服團隊，人哋亦未必肯收佢入隊

asweetmom

1998Ruby1998 發表於 17-4-17 23:05
回覆 greentea000 的帖子

我學俄文畀阿媽鬧「浪費金錢同生命」

你媽壓力大，全部希望係你身上。當然你會有自己想法，反正你係外國，避重就輕大家好。

asweetmom

回覆 greentea000 的帖子

選擇金文泰有特別原因嗎？仔女考中學有自主權父母放心嗎？

asweetmom

IloveJJ 發表於 17-4-18 21:20
我本來都對金文泰有興趣，但好似跌了很多。
我都想聽下樓主對金既見解。
...

哈哈，感覺樓主家好勁咁，突然有個中中好好奇！
你中中都考慮？你仔願意？

greentea000

asweetmom 發表於 17-4-17 22:46
回覆 greentea000 的帖子

校規有何講究？！(≧∇≦)

例如莫壽增vs迦密柏雨，幾個新一代住大埔既都係莫壽增自行一。
迦密柏雨校規嚴格，尤其唔准拍拖，一經發現會扣操行分，男女同學如果friend係好麻煩，要楚河漢界咁。雖然無咩學校會支持拍拖，但係處理手法有分別，開明既同學生傾、嚴謹既同家長傾，直接操行分太保守。

greentea000

asweetmom 發表於 17-4-17 22:52
回覆 greentea000 的帖子

加埋玩時間點都有10小時/星期，算不錯，比想像中輕鬆。中學也一樣？ ...

中學自由既時間更多，不過係包括係制服團體、社會服務、興趣發展呢Ｄ裹面。無興趣呢Ｄ既，部分會選擇做兼職。

greentea000

1998Ruby1998 發表於 17-4-17 23:05
回覆 greentea000 的帖子

我學俄文畀阿媽鬧「浪費金錢同生命」

點會浪費呀，我大學期間做德文兼職導遊同翻譯搵錢好爽！

greentea000

asweetmom 發表於 17-4-18 16:34
回覆 greentea000 的帖子

選擇金文泰有特別原因嗎？仔女考中學有自主權父母放心嗎？ ...

呢件事有2個大前提：1.家族觀念唔會單睇中中同英中就判斷個學生係咪叻Ｄ，甚至有前途Ｄ
2.語言同職業掛鉤程度

中中裹面，培正、民生、金文泰，係我地評價唔比其他傳統英中低(唔包括已轉直資既)。民生已轉英中，培正遠，剩返佢就選擇金文泰。天意弄人，佢就係spcc後備果位。用dse成績計，金文泰近年唔符合家長b1標準，呢個係互為因果，b1生有幾多家長會選擇金文泰？民生轉英中都可以理解。

金文泰90年歷史，英才遍佈各界，認真要搵理科名人亦有好多個。上年金文泰職業博覽就搵左24個行業校友回校分享，包會計師、律師、西醫、機師等。讀英中並非直接對熱門大學學系有優勢，亦需要本身係英中尖子，中中尖子一樣應付到大學英文需要。

另一個想法，英中/理科有更多選擇/機會。當年好多同班同學對選咩科其實好茫然，無邊個特別有興趣，於是從眾選理科最安全，除非成績唔得。反正大學又要選，延遲選擇無咁大壓力。而對於一早有明確取向既人，早選擇節省時間，集中向目標發力更容易有成果。

講咁多並唔會改變大部分家長對中中低人一等觀念，金仔一樣無法說服父母，尤其係spcc後備生實力面前，父母好唔甘心，相信金仔一樣可以入到其他b1英文。金仔小五就拉攏我，話我另類好商量Ｄ。我其實無把握說服佢父母，話佢知最後一招就係行使自主權，逼父母係親情同英中之間選擇。其他b1生有幾多個有呢個自主權？

我諗左成年，雙方都比較容易接受方法就係金仔承諾要選擇一份體面職業，讀咩中學咩科最終都係落實係職業上面。金仔興趣係文史，咁如果願意做中文/歷史老師都算志趣相投，其他科老師又唔係人工高Ｄ，父母無理由反對啦！掉返轉頭諗，一個中文/歷史老師中學係金文泰唔係比英中更有說服力咩？而金仔認同有穩定職業好重要，課餘有時間兼顧寫作。就係咁，大家各取所需解決左呢件事。

我果輩17個理科生，有17個師而無老師，期待新一代更百花齊放。

p.s. 金仔未做到老師之前，父母依然會感到低人一等。除左爭取好成績，金仔明年會出散文集，已經有內地出版社承接，多少令父母面上有光。

greentea000

shadeslayer 發表於 17-4-17 20:54
本帖最後由 shadeslayer 於 17-4-17 21:03 編輯

咩叫爭一席位?一席位乜?

大概除左生仔床位，出世之後咩位都要仔女自己去爭。仔女臨急抱佛腳如果行之有效，由幼稚園到大學到做野都成功，自然無需要改變。

1998Ruby1998

回覆 greentea000 的帖子

Band 1 學校更加唔洗講，拍拖係死罪。班老師成日話：「中學時候拍咩拖！大學畢業都未遲啦！」（然而學校大部份老師都係剩女 ）
之前係有個同學係籃球對，佢同個籃球隊長好 friend，個隊長畢業之後都有繼續返去學校小息同午飯時間搵佢。之後畀老師發現，即刻捉左佢地見家長，扣 conduct，永遠唔畀個隊長返黎學校。同埋果陣隔離班有個同學放假拍拖撞到老師（冇教佢但係認得出），結果第二日通曬天，要逼佢地分手，見家長同扣 conduct，校長都特登早會講，話會影響校風（我地班同學講笑話係影響學校尼姑庵形象）。

不過之後我班主任話拍拖要搵個成績好同埋同你讀同一科嘅男仔，咁樣成績一定有保障！

asweetmom

回覆 1998Ruby1998 的帖子

即係你班主任有條件性接受拍拖，哈哈哈！