有關和小兒在學習和打機及電子媒體使用上的時間爭議

cpi1111

無知、無懼、無恥，我行我素，何來自發奮鬥心呢！？

palmchristy

指出問題很容易, 作出改變很困難.

特別孩子作為當事人當局者迷, 做父母的又有什麼實質可以做的事去帶他走出困局?

我相信樓主知道問題所在, 並且已選擇以規管打機時間作初步應對.

其實當樓主和孩子談及將來他要養活自己, 甚至養妻活兒, 而似乎未有為此作出準備時, 孩子有什麼反應呢?  他是否只想由父母養一世呢?

Yanamami

諗下呢个~
http://www.edu-kingdom.com/forum.php?mod=viewthread&tid=3162303&extra=page%3D1

stanleypyk

原帖由 Yanamami 於 15-10-22 發表
本帖最後由 Yanamami 於 15-10-22 09:59 編輯

諗下呢个~

幾好，可考慮一下，謝！

stanleypyk

阿仔下週二期初測驗，至今未見他温學校教材，要他每天温1小時總是拿着中文課外書，問他對測驗有什麼期望，他說有55分就達標，又看他這種所謂温習的方法是否能如願以償！

stanleypyk

昨天收到班主任通知，原定週二因欠交5次功課要留堂，阿仔私下改日子想今天留，我前天問阿仔改期有無事先徵得老師同意，他說話有，昨天老師話没有，返來問阿仔點解講大話，佢仲話老師多事通知家長，真是錯而不改！

stanleypyk

原帖由 palmchristy 於 15-10-22 發表
指出問題很容易, 作出改變很困難.

特別孩子作為當事人當局者迷, 做父母的又有什麼實質可以做的事去帶他走 ...

通常講到這議題，他就不回應，根本他就是不面對！

palmchristy

stanleypyk 發表於 15-10-23 08:27
通常講到這議題，他就不回應，根本他就是不面對！

佢唔出聲而唔係講歪理反駁你, 已經代表左佢知道問題所在, 但男人要面子, 唔輕易透露或求助, 寧願自己捱, 但又苦無辦法, 唯有寄情於娛樂去減壓同逃避現實, 好似你咁講佢根本不面對, 因為都唔知點面對.

有無機會作一次柔性對話, 關心下佢, 問吓佢是否遇到什麼困難, 例如課程太深, 上課唔明白, 功課太難, 久而久之就跟唔上, 無心機等等, 睇下佢願意透露幾多比你聽.  然後就話你願意幫佢, 同佢一齊面對, 有無乜野你覺得父母可以協助的, 等等.  幫得幾多得幾多, 你再借機滲透一些可行辦法比佢選擇, 但千祈唔好責備佢或加重佢壓力.

palmchristy

個人認為打機用手機等只是佢一個逃避現實的方法, 你減佢用機時間, 係等於禁止佢逃避, 雖然表面上問題細了, 但無助解決佢深層次的問題.  至於係乜野深層次問題, 要佢肯透露先得.

而佢的問題已引致佢無法專注學業, 覺得壓力大到要搵好長時間逃避同減壓, 但長時間減壓又令佢累積下來的學業及前途問題更嚴重, 形成一個循環困局. 於是你一嘗試接觸佢的問題, 佢就以"老羞成怒"的模式去反撲, 繼續逃避下去.

所以我覺得佢需要幫助, 而唔係責備或更多的規管.  我之前提議借助外力,  例如教會, 返下團契, 會有一些年齡接近的少年, 互相影響, 比機會佢分享自己, 有青年導師關心, 可能有幫助走出困局都未定.

stanleypyk

請問各位家長如有子女是中四,當期初測驗或考試時間的溫習情況如何?因為阿仔下週二至五期初測驗,佔總成績三成,平日已不見他溫習,今天才叫做拿住學校教材開始溫習,溫得那3個多小時已不想溫,下午6時已出外踢波,回來又看電視至深夜12点半,本來是不給他看的,但他堅持要看,所以今晚給他看後,由明天至下週四也不給電視他看了,剛才他還說週一晚十點半要看明珠劇集,又說剩下兩集大結局,我話他真的不知什麼是考試,看電視還重要過考試,所以我不會再給他看了,成績過往都不太好,又不溫習唔通又靠運氣,過往三年都是在合格邊緣,中四課程深了,如果再心存僥倖,不一定會過關的,你們的子女在考試前會否自動自覺多溫習少娛樂,還是好像我兒子的溫習態度呢?

Yanamami

stanleypyk 發表於 15-10-25 00:09
請問各位家長如有子女是中四,當期初測驗或考試時間的溫習情況如何?因為阿仔下週二至五期初測驗,佔總成績三 ...

你唔好问啦~问左仲唔开心……
我女就闭关温，温温下都会上下網，但到時到候又温过，見佢成績幾好我自F2都唔过问佢点温、幾时溫、温幾耐~佢自有分寸~

palmchristy

我女中二, 因為未發力, 未識閉關, 成績中等.  平日只做功課之後溫半小時. 近兩三星期開始為統測溫習, 平晚在校溫2個小時, 回家再溫1小時; 假日在補習和教會聚會和練樂器外, 在自修室溫2小時, 回家後繼續斷續溫至睡覺.

當中都有輕鬆時間, 溫溫下去看一集戲, 自己安排.

littlewoman

請問有無供parent control手機或电腦使用之apps推介? 我見過有，但不知那隻好！

stanleypyk

原帖由 littlewoman 於 15-10-26 發表
請問有無供parent control手機或电腦使用之apps推介? 我見過有，但不知那隻好！ ...

電腦用 child control, 手機用 funamo, 但始終是治標不能治本的方法，當子女極度不能自律才考慮使用，否則使用其他方法為佳！

littlewoman

回覆 stanleypyk 的帖子

考慮試用,謝謝!

ponolunok

呢個話題三十幾頁。睇頭幾頁都睇到眼花。眼花都唔緊要,但越睇越心痛。
佢有興趣打機,因為嗰度有朋友,嗰度佢可以叻,有挑戰性但又嘗到勝利開心,被讚賞。如果失敗輸咗,明天可以再嚟過。
現實生活可以嗎？現實係不停失敗,一連串嘅,冇得逃避嘅。其實好彩你個仔無學壞,吸毒食藥,入黑社會。
我相信佢係有能力。佢只係揾唔到興趣讀書。
可以嘅話,忘記什麼將來養家,什麼讀大學。俾個由零開始。
今曰有十樣功課都放棄。
只要求佢專心用半小時同你一齊温一個科目。一個佢有興趣啲嘅科目。不重於最後識唔識做功課,而係享受過程,一齊研究討論。注意佢識嘅嘢,注意佢天馬行空嘅意見,去發掘佢嘅叻嘅嘢,而多加讚賞。
温完,叫佢教你打機,你去了解佢嘅世界。

little_yolky

ponolunok 發表於 15-11-6 00:36
呢個話題三十幾頁。睇頭幾頁都睇到眼花。眼花都唔緊要,但越睇越心痛。
佢有興趣打機,因為嗰度有朋友,嗰度佢 ...

唔得架, 老人家打機好易上癮架。我老細最近終於買咗智能手機, 一日到黑whatsapp, We Chat, 變咗低頭族。

到時到樓主老婆上嚟開帖限制老公打機時間了。

stanleypyk

原帖由 ponolunok 於 15-11-06 發表
呢個話題三十幾頁。睇頭幾頁都睇到眼花。眼花都唔緊要,但越睇越心痛。
佢有興趣打機,因為嗰度有朋友,嗰度佢 ...

阿仔自細都不願意我伴著他温書，主要是他偏重個人的喜好方法去温，他會找一些容易温的部分去温，不願意温的困難部分，又諸多推搪，例如不用考等理由，最終温少少便當温咗，最終考試成績低或不合格，所以後期找補習老師補，但成績也没什起色！至於打机我真是零興趣，所以很難迫自己投其所好，其實阿仔打机也不算叻，看他打机途中諸多怨言，不覺他真的享受打机，希望最終他能厭倦打机回歸正途！

me2

唉，看到你兒子的情況，簡直和我兒子一模一樣。每天都說冇功課做，要他溫書就拿個手機出來上youtube看別人玩lol，收了手機就說好睏要早早睡覺。一到週末，就坐在電腦前玩遊戲。規定他11:00關機，因為玩lol不能中途退出，所以要他10點後進場玩埋最後一局就唔好再入場，但是每次都是搞到成12點才玩完，然後又拿起手機去廁所蹲半個小時才肯睡。我們每天為這些和他搞得極唔開心，家庭關係好差！定規矩定了很多次，他總是破戒，功課不做，書不溫，收了他手機，關了網絡都沒用，他就和同學約了去網吧玩。每次還和我爭吵，說沒有一個同學的父母好像我這樣管得嚴。我告訴他，每一個人都有權利和責任，你若是想要享受玩遊戲的權利，你就要做好你的責任，作為一個學生，你的責任就是認真完成功課，不能欠交，平時要溫書，要做好學生的本分。但是我每天都是對牛彈琴，他還要說歪理，說什麽為什麼要讀書，外國打遊戲都可以賺錢。我現在心身疲憊，感覺很絕望，日復一日的爭吵讓我心灰意冷，這日子不知道何時才到頭！

ponolunok

stanleypyk 發表於 15-11-7 00:33
至於打机我真是零興趣，所以很難迫自己投其所好

咁你了解嗰仔心情啦,如果佢話讀書我真是零興趣，所以很難迫自己投其所好...
小朋友視線好短,係正常嘅。所以佢不會多諗將來,佢只在乎現在喜樂。
你試吓同佢打機啦... 佢係唔係讀書方面都冇進步,試吓進步吓父子關係囉。
你肯跳入佢打機圈子,或者佢再俾你入佢心情圈子呢。