保良局唐乃勤初中書院交流區

霖霖B媽咪

一般學校有既活動都有，另由全校都係初中生，所以很多中一生一加入唐中就會參與好多學校同學生會活動，所以都幾忙架！

vickycheung36

想問下會有什麼活動

csy_ma

原帖由 vickycheung36 於 11-12-9 11:07 發表
想問下會有什麼活動

去親身體驗吓啦

今個周六上午至下午，仲可以問埋唐中生要上莊啟程有D咩條件？又有模擬面試，可俾小朋友試膽：）

響網上睇，應該係唔晒報告？

vickycheung36

我都很想去, 但家有白事, 當天要做事, 故問下先.

霖霖B媽咪

今日係唐中既15週年校慶, 有很多嘉賓, 當中包括政府官員, 看見學生的表現, 非常認同學質素真的提昇了很多, 表演亦非常精彩 !!!

csy_ma

原帖由 vickycheung36 於 11-12-9 15:49 發表
我都很想去, 但家有白事, 當天要做事, 故問下先.

Vicky:

結果您有沒去看？我今天去了，覺得學生的質素遠超葵青區band1尾band2頭的學生（可能也較某些擅長學術的band1A地區名校好？）。老師普遍年輕，師生關係良好，有些學生甚至在家長面長敢補充老師話語，老師亦樂於由學生接上作主導。我相信，對您囡囡的自信建立會有相當的助力。（這裡也是少數學校，同學介紹時的注意力也兼顧其實是主要受眾的小學生，而非其家長）

呵呵！給您猜對了，我以前所說，看見朋友子弟進了一間有心中學的魔法般轉變，那孩子就是進了唐中:)

朋友囡囡今年F1，在原校是被老師針對的對象，但在唐中，看來已成明星了（我跟家長通電話，說在找她囡囡，同學聽見她囡囡的名字，立刻告訴我們其位置）。對於家長來說，或許，沒有最好的中學，只有最適合自己子女的中學，希望您囡囡找到屬於她的舞台:)

我不會再出現在"教育講場＂那邊了，但看到您和囡囡的良性互動和轉變，也很高興 ，送上祝福 。畢竟，學習如何追求知識，跟學習如何欣賞自己一樣，是終生的事情。衷心希望您們家的氣氛，不會受子女學業表現等支節而受破壞。您女兒好像還有一年？加油呵

[ 本帖最後由 csy_ma 於 11-12-10 22:39 編輯 ]

csy_ma

不好意思！不是貴校家長，卻過來踩場。很可惜未能看到您們由學生創作、非常趕急，聽說效果很好的音樂劇，希望能有機會供校外欣賞，很期待呵

Kittymummy

各位, 我今日參觀左唐中. 十分認同csy_ma 既講法. 唐中學生的質素比某些band1尾band2頭既學生好.

我好superise,. eg:英文科, 有位f.3 的女仔同英文介紹貴校的英文科 (通常都諗好晒對白). 我同呢位女同學傾左15 mins. 我問佢既野,佢完全用英文回答我既問題. 一d 唔驚, 好淡定. 絕對唔差得過EMI 中學既學生. 睇過f.1 仔的英文功課, 作文....etc. 程度比我想像中高.

另外, 我發覺呢間學校既學生, 好主動介紹呢樣介紹果樣, 佢地講野好有自信, 亦有禮貌. 大部份都好活躍, 好有朝氣.(相比起其他中學的open day, 明顯唐中既學生好熱愛學校) drama 果邊介紹佢地拎過既獎, 我走出班房前, 我讚左佢地好叻叻. 個女同學亦好開心, 因為亦得到其他人的認同.

至於我小女方面, 她十分喜歡唐中. 佢係一個好靜, 好怕醜既女仔, 好容易比老師忽視的學生. 眼見今日係唐中玩得好開心, 亦同唐中的哥哥姊姊玩得好開心. 之後佢立即同我講自行第一志願要選擇唐中, 希望今年9月小女有機會成為唐中的一份子...

[ 本帖最後由 Kittymummy 於 11-12-10 22:16 編輯 ]

csy_ma

原帖由 Kittymummy 於 11-12-10 21:57 發表
我好superise,. eg:英文科, 有位f.3 的女仔同英文介紹貴校的英文科 (通常都諗好晒對白). 我同呢位女同學傾左15 mins. 我問佢既野,佢完全用英文回答我既問題. 一d 唔驚, 好淡定. 絕對唔差得過EMI 中學既學生. 睇過f.1 仔的英文功課, 作文....etc. 程度比我想像中高..

我都有留意到 佢好努力，由陳守仁升上去的，英文自然技高一籌 ， 佢都話無論係上課及課外同NET上課、溝通，還是課業上，都有其挑戰性

我有隨機問過各室介紹既同學來自什麼學校，海泓道油天，陳守仁，基奉……生源很多元呵

這裡可有F3家長可分享一下寫"畢業論文"的學習經歷嗎？這可是從前大學才有的經歷呵，初中生會如何準備？同學如何選取題目？（很多指導老師都說，選好了論文主題，就是致勝關鍵），老師然後開列書單？要同學分階段交進度？最後要修改多少次？有答辯嗎？

在初中實行這個意念，很有挑戰性呵，老師如何引導？那是一個難題？

另外，很欣賞貴副校的實事求是，show自家的中文工作紙，就可顯示，在通識中費了多少心力，溝通能力很好呵

雖然唐中暫未成為我囡自行的選擇，但仍是她大抽獎緊跟兩間自行之後的首選，就算最後她要敲門，能敲進唐中，其中學生活也是令人期待的

[ 本帖最後由 csy_ma 於 11-12-11 21:59 編輯 ]

霖霖B媽咪

看到大家對唐中學生表現既認同, 身為唐中一份子都感到開心. 亦更加證明學生質素真的提高了. 等我係我所知既盡量答下大家, 有缺漏既, 就等其他家長補充.

1. 今年的劇社在校慶中的表現, 似乎受到各參觀校長既認同, 已即時被其他學校校長邀請到其校作出表演. 對於首次表演英文音樂劇既同學, 真是一支強心針, 因為無論劇本, 對白, 都係出自同學手筆, 真是一個好大既鼓勵.
至於公開演出, 好像出年學校有個綜合晚會, 應會係公開既演出. 但我真係唔係好肯定.

2. 對唐中學生於英文水準既認同, 亦可能係唐中有很多來自不同地區既學校學生, 所以當中不乏有英文根基不錯的同學. 而如果有看過他們的英文功作紙, 亦不難了解到學校的要求及同學的水準.  

不過順帶一提是, 學校展出的功課, 不只是集中展出精英班的同學作品, 亦有不少非精英班的作品.  此乃我囡囡喜歡此校既其中一個原因, 佢話無論係成績好或稍遜, 老師都一樣"錫" (同番佢既字眼), 一樣有同等機會, 成績好, 做錯事, 一樣要比老師責罰. 佢鐘意學校公平既作風.

另外, 唐中既中文要求不底, 尢其是文言文方面. 至於通識就更加, 因為每科都加入有ACT課題, 亦是囡囡最吃力既一部份.

3. 唐中學生不是十分文靜, 至於有自信和朝氣, 相信是因為學校比很多機會學生參與及主導, 所以佢地會好勇於表達自己的意見. 不過, 由於參與多, 學生亦要有更多時間留校參與籌劃及準備. 另外, 學生係唐中不能做溫室小花及少爺, 所有活動, 由報置到活動結束, 場地還原清潔, 學生都一一要負責大部份既工作, 當中男生不論高大與否, 都要一視同仁, 幫手做粗重野.   另外莊預師兄姐, 對學校既歸屬感好強, 亦對師弟妹好關顧 !

4. 至於畢業論文, 雖然我不是F3生, 但從校網中, 學校有安排不同活動(有個係戶外活動既專題訓練關於畢業論文)給同學.  既然學校有依一項目, 相信會有一定配套.

5.副校和黃校長都是創校服務到今天. 副校非常勤力, 我都好佩服, 亦好耐性去解答每一個家長既提問, 直至解答完家長所有提問至走. 學生都好喜愛她, 如果我冇記錯, 她被同學選為最敬愛老師.

至於黃校長, 他亦是好有熱忱既教育工作者, 對學校好有心, 好有心做好間學校. 上星期, 他又SEND EMAIL 提醒同學天氣轉涼, 小心身體 ! 確實窩心得很.

6. 最後師生關係, 他們是很好, 像朋友一樣, (有時身為家長反而不慣), 有時要亞SIR請飲野, FACEBOOK ADD 埋亞SIR, 仲係FB問亞SIR野... (我心諗, 依家做老師真辛苦, 放左工既少少私人開間都冇埋!! ) 不過, 可能由於上左中學既關係, 可能高壓既方法已經行不通吧 !

希望以上資料幫到大家.

[ 本帖最後由 霖霖B媽咪 於 11-12-11 12:00 編輯 ]

Kiufyma

今年是第一年中三同學要寫畢業論文，因為校長覺得要加強學生的語文能力及提高他們課本以外的學習興趣，寫論文是一個不錯的選擇。他們會為學生提供適當的訓練， 結果不是最重要， 讓學生在過程中學到東西才是最重要。
昨天我是家長義工， 在準備開放日工作中， 只要隨便找一位同學幫手（例如搬椅，拿文具．．．），他／她們都很樂意，滿臉笑容。雖然我知道現在學校的學術成績未必是頂級，但肯定此校的團隊精神是一流的。

有次囡囡跟我說，有天她溫習至晚上發現難題，但我不在香港，其他同學睡了，教她的老師又沒有在facebook online, 正在苦惱間，突然發現一位教她其他科的老師在線，就問他可不可以幫她， 老師欣然答應，就在線上解答她的問題。

因此非常贊成csy_ma 說沒有最好的學校，只有最適
合自己小朋友的學校。

哀心希望你們都能找到一間最適合你們仔女的學校。

霖霖B媽咪

問左囡囡, 佢當日都係負責英文課室既同學, 老師係冇比稿佢地讀, 佢地之前係冇預先準備, 學校只係派左張紙, 寫低一d家長常問既問題 (eg: 是否可直升莊預, etc...) 等家長問起同學時, 都知點樣答 !

所以你當日見到同學表現, 係發自內心架 ! :)

vickycheung36

您好! 很久沒見, 得到你的回覆很開心, 你還記得我! 看來你很喜歡此學校? 您都明白我囡囡讀的是很多功課及程度比較深的小學 (可能不是很多功課及深只是我囡囡達不到要求.) 就是因成績問題我囡囡的成績一直被比下去, 現在一點自信都沒有,而且現在她的性格變得很 靜, 本來想發掘她其他的才能, 但因要應付學校的功課及考試所以很多活動亦取消了. 我真的不想之後的六年都這樣過了. 我希望囡囡入的是品行及學業不要太差, 比較多活動, 我希望她能認識多些朋友.

今次在我減少補習後第一個考試, 分數不是最高但已有很大的進步, 都要多謝你們提醒了我.

Kittymummy

我唔知當日果位同學是否你囡囡, 但都要比個 ~ 讚字呢間學校既同學. 好主動, 好熱誠咁介紹學校同各科目 ! 果日仲同貴校的中史亞sir 傾開, 聽佢講解如何令學生容易讀同記中史呢一科. 真係睇得出佢地好有心機教學生. 做好多備科, 筆記...etc. 呢d 係一般英中較難搵到的, 大部份英中課程係咁深, 教晒d 野比學生, 唔掂自己出面搵補習攪掂佢.

佢都話好期待我亞女能今年9月係唐中見面......( 我心在想: 我都想呀, 你地肯收我亞女都肯讀, 呵呵 ).

原帖由 霖霖B媽咪 於 11-12-12 10:15 發表
問左囡囡, 佢當日都係負責英文課室既同學, 老師係冇比稿佢地讀, 佢地之前係冇預先準備, 學校只係派左張紙, 寫低一d家長常問既問題 (eg: 是否可直升莊預, etc...) 等家長問起同學時, 都知點樣答 !

所以你當日見到同 ...

霖霖B媽咪

kittymummy,
我囡囡今年f1, 所以你所見既係高form 既師姐

以我平日接送囡囡返學放學, 同埋係學校做義工所見, 唐中既學生係服從性頗高既一群. 無論家長或老師叫幫手, 都好主動, 不會拖拖拉...... 佢地既主動同熱情, 除左佢地喜愛學校同老師之外, 佢地同學之間都混得好熟, 可能整間學校都只有初中生, 大家年齡相約, 再加上他們有主科係混合班的安排及各類活動既安排同籌劃都要同學參與,因此常與其他班同學, 很快就可以建立左個網絡.  此外, 學校都比適當既自由度比學生, 所以學生就會比較主動同自信.

而唐中既老師, 真是很值一讚, 他們真的很盡責, 你所講既中史亞sir, 不是個別例子. 很多老師都會花好多時間去備課.  如果我冇記錯, 囡囡話中史老師為左令佢地方test成績好些, 將test 內容做成 powerpoint, 留校同佢地補課, 好似故事咁同佢地講, 希望佢地成績好些... 不過奈何囡囡成績都係   

個人覺得, 老師已經盡了力去幫自己小朋友, 但成績都唔理想, 咁只怪自已小朋友不夠盡力. 此總比一些學校處理成績唔好既同學, 不斷向家長施壓而好.

如果你參觀完學校, 認為唐中是適合你小朋友, 及合乎你的要求, 希望下年可以見到你, 一齊成為唐中既一份子.

vickycheung36,
個人小小意見, 補習其實真係睇個別小朋友.  我本身囡囡小學時各類型既補習方式都試過, 成績都冇乜大突破. 去到5年班, 我反而減少佢補習. 發覺有補習和冇補習既成績只不過相差幾分.  (咁何必要小朋友咁辛苦, 又嘥錢)  

依家回頭看, 似乎小朋友既自發性比我們外加既動力更重要.  現在她升中了, 她更加連補習時間都冇(因為佢本身有幾樣佢好熱愛既活動, 用了她很多時間).

而我細仔 (他讀的小學是頗有要求的), 卻由於細仔本身既自發性強, 佢希望可以係原校直升, 所以佢冇補習, 都會自己留心上堂, 他亦知道冇補習老師, 所以冇得依賴課後有補習老師幫佢.

無論唐中是不是你杯茶, 都希望你和你小朋友共同努力去面對升中依一關. 加油.

vickycheung36

霖霖B媽咪,

多謝你的關心, 我囡囡在今年第一個考試時已取消所有補習但星期六的沒有減, 得到的成績所有科目都合格雖然不是很高分. 但我已很滿意, 我亦很後悔當初請太多補習, 現在她在班上亦不是很好成績所以做任何事都沒信心及動力,心態上所有事都比不上別人,  這是我現在比較擔心的, 所以我想選些活動些但品行及學業不太差的學校 (是否很廢話)

csy_ma

原帖由 vickycheung36 於 11-12-12 15:12 發表
今次在我減少補習後第一個考試, 分數不是最高但已有很大的進步  ...

加油！

我發現，在小朋友初嚐努力後而得有收穫時，佢係最有自信和聽家長說話的，妳要不幾提醒佢靠自己都可以有很大進步，佢係得既！

唐中預計會一年較一年難入，要加油呵！

霖霖B媽咪

不用客氣, 單看你幾句描述, 你囡囡有點似我個囡   無論唐中係咪你杯茶, 都會祝福你及為你打氣.

vickycheung36

csy_ma/霖霖B媽咪,

謝謝你們的支持, 我亦希望搵到一間讀得開心的學校. 此校我會密切留意, 下年開放日必定參觀. 看看他們會否再進一步.

bk1026

咁多位,開始溫書未??佢自己話用三日做完功課後,休息三日(去旅行),回來就開始溫不過講就天下無敵,到玩完後要佢坐低溫又一件事