04年9月入讀小一家長請進！

麟媽媽

唉！發生左呢件事之後我個仔同我老公講話一定唔會原諒呢個同學，我正想開口同亞仔講要寬恕別人，都未開口，我老公已講：「我都覺得唔使原唔原諒佢，只要你以後遠離佢！」真係比我老公激死！
不過之後我不得不認同老公所講的，原來呢個同學仔真係好鬼曳架！聽番另一個家長講，有次上堂的時候呢個同學同另一個同學一齊去左洗手間，咁返班房時小惡人先入班房，另一同學隨尾，小惡人一入班房竟大力關門，尾隨的同學夾親個頭！老師當時在場都叫唔切，老師都好嬲，因佢呢個舉動實在太危險同傷及別人！呢件事佢已經見過一次家長，睇怕佢父母都好唔得閒，我睇佢地可能成日都要上學校。

karencircle 寫道:
麟媽媽,
嘩,小一的學生已經咁惡,再高幾級味不得了!那個小惡人是你仔仔的同班同學嗎?叫你仔仔以後見到他不要走咁近,現在有些細路傻起來都唔知會點.

Cheung

Karencircle,

唔該! 我想問暈浪丸在那裡有售? 屈記或是藥房好? 我都諗住用手冊來通知老師,希望老師到時會幫我留意下囡囡. 唉!真系好唔放心!

Cheung

evelyn317,

飲有汽的飲品? 真系得咩? 我從來都唔比囡囡飲可樂! 我都會比定d膠袋囡囡,但系囡囡想嘔果陣! 她會大喊大叫! 我怕她到時唔識得拿來用.   

Easy媽咪

麟媽媽
仔仔真係唔好彩....有個咁同學"小惡人"     

evelyn317

Hello Cheung

我同個朋友坐過船去大陸，我見佢一開船未想嘔己經飲定，因為o個次亞女唔係好舒服，佢又話想嘔，阿aunt叫佢飲埋一份，飲完之後亞女話舒服o的o咼！

如果妳買到藥丸，食o

karencircle

Cheung,
屈臣氏或藥房的都有，多數要起程前（坐車或船前）半小時服。打電話會好過寫手冊bor.

karencircle

今個星期轉涼，你地小朋友轉季未？學校雖然話可以今個星期開始轉冬季但在校訂的冬季校服還未知送貨日。學校用緊間有名氣的服務供應商的結果就是要等。

麟媽媽

karencircle,

哈哈！我仔今日換左季喇！打左條呔著左件V領灰色夾黃間冷外套，真係官仔骨骨咁呀，都幾斯文靚仔啊~~
不過話時話都係上星期先送到學校，你仲未收到，咁遲既？！

karencircle 寫道:
今個星期轉涼，你地小朋友轉季未？學校雖然話可以今個星期開始轉冬季但在校訂的冬季校服還未知送貨日。學校用緊間有名氣的服務供應商的結果就是要等。

karencircle

麟媽媽，
男仔打領呔真係會靚仔晒，有沒同他影返張相呀。

Cheung

karencircle,

我囡囡間小學未有通知其時轉季,但是囡囡早2天前已急不及等自行轉季

Cheung

evelyn317 / karencircle,

唔該你們! 我今次會試下你們的建議, 希望我囡囡旅行不會嘔.

Vin

hello各位~
我女女今日都換咗冬季校服裙喇~
我覺得佢呢套裙都幾靚呀~~
不過運動褲嗰方面,校服公司居然仲未有我想要嗰個size~
都唔知有冇搞錯~~星期四女女要着運動衫,
我打算俾佢着條牛仔褲返去頂住先~

carollam310

我個女要到29號先換季.唔知提早幫佢換得唔得呢. 夏季條裙好薄咋.我好怕佢流兩行鼻涕返黎.

karencircle

Carollam，
打電話問下啦，這兩天咁凍，好易病。學校都唔想小朋友病倒。

ALL,
你地囝囝囡囡在校識到朋友嗎？我囡囡話她有時小息自己一個人，雖然已經傳授一些主動埋堆法給她，老公就話囡囡是被動些，開學兩個月遮，給她多些時間，但始終聽落有Ｄ心痛。

肥仔媽咪

karencircle,

我囝其實都幾被動的不過佢話有幾個朋友喎, 開學後見他們小息時會聚在一起吃小食的所以便叫他帶多些請其他小朋友食, 後來得知其他小朋友都有請他食, 相信這個方法都有啲效啩.

麟媽媽

我個仔好out going又sociable (似足佢老豆)，佢已有好多朋友仔，小息成班細路捉棋。我識D家長義工，佢見到我仔已有同D高班既學生玩，係5、6年班喎！仲話人地成日請佢食野，我諗佢呢方面無咩問題。

Cheung

karencircle,

我囡囡都系入學以來自己放小息, 我都好心痛同擔心. 我囡囡好靜同埋被動. 她話她未有朋友仔.

Cheung

carollam310,

我囡囡間小學未有通知几時換季, 但我見到好多小朋友仔都已穿上冬季裙. 我囡囡系早几日已自己要求穿冬季裙. 你可以問下你囡囡有冇見到學校其他小朋友仔穿冬季裙,如果有人穿我諗都應可以穿.

carollam310

我個女反而上左小學開朗左.開心左.以前讀幼稚園好自閉.唔多睬老師同學架,上左小學佢好快識到朋友仔.仲好"好客"成日請人食野添 : ,D同學仲打電話黎同佢傾計.

Vin

carollam310,
通常啲學校喺正式換季之前都會有一段時間係可以自由選擇着邊套校服架喎~
我女女間學校係12月1日先正式換季~