番禺會所華仁小學

SINDY-MOTHER

easiness,
你而家有左, 天氣又咁熱,你要小心D, 你可唔可以話比我聽你要邊道地樓, 我可以幫你打聽下有無適合你。

easiness 寫道:

SINDY-MOTHER,

好多謝你嘅意見! 之前我都有問過ms99, 佢都有講過其他屋苑! 因為我唔想奶奶咁辛苦, 所以都衹會揀番佢住O個個屋苑, 最好可以同一座, 不過呢個都係我想, 到時要睇吓有無租盤!

ms99

哎呀! easiness, 剛剛放假一日你就報告喜訊，之前我有唸過約出嚟玩時先故作神秘話佢地知，哈! 而家冇得玩添。 :tongue:

呢度個個都係朋友，大家都唔好客氣，家家有求，可能明天我都需要大家 support 的。   

sindy mother: easiness 將會搬去富貴花園，你有冇好租盤呢?

忙完亞仔一年，星期五有時間去咗個物理治療朋友度，今次真真正正終於輪到自己大修了，平時習慣成自然唔覺自己咁嚴重，今云一星期三次都要醫足成個暑假，背腰同頸膊係重災區，竟然連施針都冇感覺，亞仔見狀捉住我隻手唔咁睇，佢話好心痛。我就好肉痛，隔日過海又要請假....唔駛撈!!!  

麟媽媽

一考完試即刻熱熱鬧鬧，
又有好消息真開心！
我真係好驚有「意外」架，
所以大家有勇氣再追真係無得頂！
我一屋人加兩貓，都無晒時間了，
好似琴日，早上亞仔游水之後同佢沖涼，
跟手再同兩貓沖涼，一日咁就無晒！
再整多個人仔？！對兩貓唔公平喇，
一定好多壓力來自四週，免得到時孤軍敵眾，
為保兩貓可安享晚年，仔一定唔再生。

easiness

Raymond,

細仔係一名好固執的小朋友, 佢一提起"迦南"呢個名就話唔返, 仲問點解要讀迦南! 所以暫時不會考慮轉去迦南! 不過係interview後都會詢問佢喜歡哪間幼稚園! 知道你小朋友有些不愉快嘅經歷, 希望唔會影響佢日後不喜歡返學啦!

可能我地係香港居住, 已經習慣呢度嘅空氣! 不過近呢幾年, 空氣污染, 多左小朋友有氣管敏感! 不過我奶奶住o個區嘅空氣真係好好! 我地都好鍾意, 不過樓價真的不便宜, 大單位(3房兩廳)要305萬, 細單位(兩房一廳)則要210萬, 所以暫時衹會考慮租住!

ms99

麟媽媽: easiness 講畀我知呢個"驚喜"時, 我都淨係識講"恭喜! 恭喜!" 我同你都受唔起呢種刺激

easiness

飛姨 & Sarah,

我老公聽到我有左, 都擔心照顧唔到3位小朋友! 所以先諗住搬去奶奶o個度, 希望佢可以幫吓手! 遲啲阿B出世, 可能大部份時間理擺係佢身上! 依家假期, 都係老公幫阿大同阿二沖涼, 不過佢已經開始覺得佢地好嘈, 叫佢靜吓都好難!

easiness

睡公主,

唔好咁講啦! 意外嘅野真係無得計架! 不過依家已經接受左啦! 將來最多辛苦一點啦! 細仔已經答應我會幫手照顧BB!


SINDY-MOTHER,

依家已經好懶, 唔想周圍去! 我已經PM左個屋苑名俾你! 唔該你先! 因為我奶奶住O個區, 所以淨係諗住找O個區嘅樓盤!

麟媽媽

easiness,

男仔係嘈D 架喇，
佢地太靜，呆呆咁仲唔好啦！
到時哥哥都小三，會識體諒同幫吓手的，
細佬得K.3 反而要留意多D，
唔好因為BB 而對佢忽略左，
佢地呢個年紀未明白既，
一樣要不時攬攬抱抱，免得佢唔開心。

easiness

ms99,

你要好好保重身體, 阿仔放暑假都要抖抖啦! 有時間去relax一吓!

依家個肚都好大, 遲啲有機會見面, 個個一睇就知, 無得騙人啦!

easiness

easiness

麟媽媽,

我姐姐成日都話, daddy錫阿哥, 媽咪錫BB, 佢就無人理! 我話唔會, 佢地都係我個仔, 我一樣都錫! 不過講時講, 有時真係忽略左佢(因為晚上嘅時間要教阿哥做功課同溫書), 所以生完後要好好分配時間!  細仔好鍾意我攬攬抱抱, 所以呢方面唔少得!

麟媽媽

我頭先問亞仔返學做咩？
佢話無書教只做暑期作業，開始左幾日了，
另外佢話聽日派試卷喎，咁快手？

jackjackma

麟媽媽:
學校張行事備忘已經寫了明天派試卷,
希望今次唔好咁驚嚇.

easiness,
回想起當年三少出生時,
一滿月便交比工人照顧,
自己則主力照顧大哥及二哥,
可能三少一早習慣我比佢d時間唔多,
所以好小投訴,
平時佢只喜歡自己玩積木,
每晚跟他講30分鐘故事已經好滿足.
現在老爺(以前佢唔會理)都會同二少講故事,
二公婆分工合作,一定無問題.

睡公主:
唔好咁客氣la
我現在都面對很多教仔的問題,
覺得最重要係自己的醒覺及改變,
妳對囝囝咁有心,
囝囝的問題一定可以改善的,
有問題隨時都落意幫忙,
朋友間的支持都好重要.

麟媽媽

睡公主，

jackjackma 講得無錯架！
當年我何嘗唔係對住飛姨淚漣漣…
男孩子係唔同階段都有唔同既行為同問題，
有時係天生如此，有時係朋輩影響，
我地而家做亞媽比上一代辛苦好多，
因為我地乖得多啊！單向式父母話咩咪咩囉，
但而家世界唔同囉，我地要多聽亦要改變，
同班細路鬥智鬥力，又要維持良好關係….
真係唔易既，得閒大家傾吓講吓，
除左舒出一口悶氣之外，亦可得到唔同既睇法，
我都覺得穫益良多，總之大人細路一齊學習啦！

Jackjackma,

我都好驚會嚇到傻！
至慘係亞仔考完實話幾好，
但唔知又點解錯到七彩？！！
比如直式計啱，抄過去橫式都抄錯，
佢都唔知抄錯，梗話幾好架，真嘔血。

ms99

Oh! 明天派卷??

呢個星期都好唔得閒，亞仔已經唔再理我，
因為佢點等都唔會等到我一齊瞓，
漸漸地我地又傾少咗，
快快忙完今個星期就要好好修補吓大家關係，
唔係我好快就變孤獨老人了。

easiness,
你都要食多些有營養食物，等亞B聰明生性，
你就少好多煩惱了。

麟媽媽

琴晚亞仔行來行去，十分不安，
佢話好緊張，因為快派試卷…..
我話有咩好驚呢？都考完咁耐喇，
要驚？應該考之前驚，驚就比D 心機讀吖嘛！
而家話驚，都改變唔到個結果架？
我問亞仔咁你識唔識做D 卷呢？
佢話都識既，不過唔知會唔會有野抄錯？！
哈！我話你終於都知自己一直有咩問題了？
佢點吓頭，個樣好鬼愁……
我話同你落去打乒乓波輕鬆吓啦！
咁佢又好鬼開心，同我呢個屎波之人打幾板。
其實我都有DD 欣慰，起碼佢識驚，
即是有D 上心啦！以前佢真係無野咁架！
派卷咪派卷囉，好似唔關佢事咁，樂天過頭！
而家識驚，又知自己衰D 咩，希望終於開竅喇。

easiness

jackjackma,

阿仔老豆唔放心工人湊, 之前兩個都係跟我地瞓, 所以夜晚要餵埋奶, 以前後生飲杯咖啡都已經精神晒! 但是依家唔同以前, 真係驚唔夠精神湊阿B!


ms99,

依家兩個月已經重左8磅, 我驚生完後好難keep番之前個磅數! 不過唔食又唔得(因為會瞓唔著)! 我諗要係早點瞓, 少食宵夜!


麟媽媽,

男仔都係粗心大意! 不過麟仔咁識諗, 佢真係大個仔啦! 你都可以放心啦!

麟媽媽

Easiness,

兩個月重8 磅？呢胎好食得喎！
我陀亞仔時咩都唔食得仲嘔凸，
3 個月時比之前輕左 12 磅！
但之後追番轉頭，攪到我而家成座山咁！
你盡量唔好食咁多糖份同埋澱粉質高既野，
多食高蛋白同埋蔬菜類，咁無重得咁快。
不過如果你自己湊埋夜，會瘦得好快架！
挨夜訓得唔好，又點會長肉喎。

easiness

麟媽媽,

記得陀大仔時, 老公經常叫我食野, 最後3個月重左8磅, O個時係QE檢查, 都被醫生話(佢話頭3個月唔可以重咁多, 因為衹會肥係我身上, BB唔會點重)! 最後生嘅時候我就重左30幾磅, 但阿仔就得5磅幾!

不過呢胎唔使老公叫, 我都食好多, 而且係唔食唔得! 所以我都驚自己超重!

老公叫我呢胎諗住係私家生, 因為之前6月4日去QE登記, 姑娘幫我BOOK左8月3日先係第一次檢查, 佢仲講明非必要檢查都不會做(如: 度頸皮, 結構性檢查.....等等都不做), 姑娘話有需要自行到私家檢查!

kookooloo

各位好啊﹐

多謝你地對我家貓貓既回應﹐但我部電腦呢幾日都唔知(o物),上網勁慢﹐有時又load唔到。已經用唔同既 programme 去check,都話無virus,又搵Netvigator D 人黎check,都搵唔到原因﹐真係就黎癲喇。。救命呀。。


昨天終於派考卷了﹐我仔D分數普遍都OK 啦﹐係英文同數學有D令我吃驚囉﹐尤其係數學﹐從來未試過咁低    你地都知道科數學係幾咁緊要家嘛    乘大三倍﹐都唔知點算好囉   

恭喜麟媽媽﹐麟仔進步左好多﹐真替你高興啊﹗     

幾時再有活動呀? 可以預我一份嗎?