番禺會所華仁小學

easiness

麟媽媽,

我唔搬都唔得! 明年1月尾屋企會多一名成員!  
我老公都驚工人攪唔掂! 所以會搬去香港仔(同奶奶同一個屋苑), 方便佢過o黎幫吓手! 大仔返學都唔使咁早起身!
其實我想暑假搬, 細仔可以早點適應新學校(九月升K2)! 不過老公覺得依家搬屋唔係咁好! 咁唯有依家搜集啲資料先! 始終我未住過香港區(搬埋呢次, 真係港九新界都住過晒呀)!  唔熟悉O個邊嘅學校, 麟媽媽你有無好介紹?   

easiness

ms99,

唔該晒你呀! 成日煩住你! 遲啲搬左要請你飲茶呀!
早兩個星期, 我地一家過左去睇樓, 原來o個個屋苑租盤唔多! 其間地產俾左一間新裝修我地睇, 真係好正! 不過價錢都好貴!  

麟媽媽

Easiness,

嘩！恭喜！恭喜！好替你開心呀！
我地呢度都好幾位有3 名架喎，
希望你今次一索得位小千金，
如果唔係3 條King 都一樣咁好。
咁你身體如何？有無唔舒服？
當年我嘔到九彩，成日又暈又盛…
總之，再黎多次真係咪攪我，驚驚啊！
你講嗰度好好住架，當年新婚我地都住過，
我地兩公婆覺得係嗰度過得最開心！
如果望正對海好西斜既，真係牆都興架，
當年我地返工夜晚先返無咩所謂，
但如果下晝一屋細路，睇怕冷氣要長開！
最西斜係1-3座，但真係超級無敵海景，
居高臨下，貝莎灣都唔及佢景正！
係衰西斜到應，如果其他座數向海無咁應。
你有無諗過係番南區定出去返幼稚園呢？
其實細佬都係必收生了，搵間讀得開心D 架啦！
跑馬地ms99 亞仔嗰間唔錯，嶺南都讀得開心架，
如果想搵番同區，嗰度有間迦南，
不過我唔識人讀過，唔知好唔好？

SINDY-MOTHER

easiness,

歡迎你搬入南區, 我都係係南區長大, 你係唔係要找香港仔樓, 如果你想集中香港仔中心, 而想多D地方比小朋友玩就海怡半島。只是我小許意見。 :  

nancytse

easiness 寫道:
ms99,

唔該晒你呀! 成日煩住你! 遲啲搬左要請你飲茶呀!
早兩個星期, 我地一家過左去睇樓, 原來o個個屋苑租盤唔多! 其間地產俾左一間新裝修我地睇, 真係好正! 不過價錢都好貴!  

easiness,

恭喜！恭喜！雙喜臨門！     

我未搬之前(上年年尾)都係果度住左10年, 果度真係好方便, 我原本想搵番同屋苑大單位租盤, 但真係好少又貴, 所以先搬去隔離個島。 希望你住得開心la.

我仔幼稚園係響跑馬地讀, 不過唔係ms99仔仔果間。

麟媽媽

原來好多位都住南區架喎，
我都覺得南區好好住既，
一來係港島區，又比較靜，
以前嗰度住得個人都無咁燥架！
不過好多時有小昆蟲入屋，
無法子，始終在山上，
上次有隻手掌咁大既飛蛾入屋，
嚇到我地兩公婆呱呱大叫！
最後要好有技巧地捉佢，
又唔好傷到佢，再放番出窗外！
你地知啦，好難先生長到咁大隻，
老公想打死佢，但我話唔好囉…..
話時話，點解嗰度D 租企得咁硬架呢？
10 年前我地租519 呎都要9.8K，
睇怕而家只會貴唔會比當年平，
如果要搵3 房，睇怕仲貴囉。

jackjackma

首先恭喜Easiness 好快升級做第三任媽媽,   
希望能妳成功添位千金
不過係少爺都好ga,
三個同聲同氣玩都開心d,
做媽媽多好多時間.
我兩位少爺係寶血讀都好好,
d老師好有愛心,又多新攪作.

ms99,

舊年大少個spi書包(campus)用了5個月條拉鍊爛了
諗住唔好浪費,特登去長沙灣修理.
去到時個亞姐叫我唔好整.
不如加錢換個新. 個舊當$150.
妳不如試下問下有無得trade-in.
不過個新書包亞仔用了一次唔肯用.

raymond
你果邊有無中醫骨科睇,
我大少一年班時係學校比同學踢到膝頭內則,
無紅,無腫,一味話痛,去照x-ray話無事,
但係行路就拐拐下,過兩日都唔好,
同佢去睇中醫骨科,
個中醫一捱成個膝頭又紅又腫,
個中醫話塊軟骨裂左, x-ray唔會照到,
亞仔咁細都係小心d好,
就算係講大話都係想你關心下佢.
不如同佢溝通多d.

easiness

麟媽媽,

我陀呢幾個衹係初期有點"作悶", 嘔真係無嘔過(陀大仔都衹係嘔過一次)! 所以都算陀得舒服! 我都想生女(大仔想要妹妹), 不過細仔就想要細佬, 仲叫我生一仔一女, 真係被佢激C!

O個度空氣真係好好! 之前望個吓啲單位, 其中有啲望海, 真係好舒服! 我奶奶都話住左O個度, 都少開左冷氣! 唔講唔知, 我之前住過嘅單位, 全部都係西斜! 依家呢度落雨都好多飛蛾, 飛蟻飛入屋, 我兩個仔見到都呱呱叫! 所以呢兩樣野
都唔係大問題! 反而諗緊應該租大單位或是細單位! 細單位同個客, 飯廳同依家住緊呢度差不多大, 不過個主人房大過我地住緊呢度好多! 租約8K - 9K, 大單位約11K - 12K!

幼稚園應該唔會讀迦南, 細仔學前返過迦南, 次次叫佢換衫返學都喊, 問老師又找不到原因(佢話阿仔返到學校都無野, 好開心)! 依家問佢, 佢都會話唔返迦南! 佢係一個好固執嘅小朋友, 轉校又要同佢解釋一番(因為佢好鍾意依家呢間幼稚園)!

easiness

raymond,

當我知道自己有左, 我地都好意外, 完全無諗過再要小朋友, 不過既然係上天賜予, 所以都接受左呢個事實! 不過管教小朋友真係要花好多心機同時間! 所以依家要訓練佢地, 將來要幫手照顧BB!


SINDY-MOTHER,

好多謝你嘅意見! 之前我都有問過ms99, 佢都有講過其他屋苑! 因為我唔想奶奶咁辛苦, 所以都衹會揀番佢住O個個屋苑, 最好可以同一座, 不過呢個都係我想, 到時要睇吓有無租盤!

easiness

nancytse,

你仔仔讀o個間讀得開心嗎? 其實依家仲未有頭緒揀邊間!
o個個屋苑真係好少租盤, 希望到時找到合適嘅單位啦!


jackjackma,

遲啲要請交吓湊仔心得, 其實依家兩名都唔夠時間用, 將來BB出世, 我都驚緊三名攪唔掂!
我都想生女, 不過到升小學又要煩!
我有左最開心O個個反而係細仔, 佢成日問BB幾時出世, 又答應我BB出世後會我照顧BB!  

飛姨

jackjackma,

He is most welcome anytime as long as 佢肯來！   

飛姨

飛姨

Hi easiness,

Congratulations!
我隔咗12年都夠膽接受挑戰，更何況你已有兩任mummy嘅資歷，我相信你勝任有餘。

飛姨

felix喵喵

飛e,

pls, check PM...... meow meow  

Sarah

Dear Easiness,

Congratulations! 恭喜恭喜
有三個真係好開心，不過就好忙，日日好似兒童樂園咁

睡公主

easiness 寫道:
麟媽媽,

我唔搬都唔得! 明年1月尾屋企會多一名成員!  
我老公都驚工人攪唔掂! 所以會搬去香港仔(同奶奶同一個屋苑), 方便佢過o黎幫吓手! 大仔返學都唔使咁早起身!
其實我想暑假搬, 細仔可以早點適應新學校(九月升K2)! 不過老公覺得依家搬屋唔係咁好! 咁唯有依家搜集啲資料先! 始終我未住過香港區(搬埋呢次, 真係港九新界都住過晒呀)!  唔熟悉O個邊嘅學校, 麟媽媽你有無好介紹?   

恭喜哂呀！easiness，

其實我都有一段好長既時間冇上嚟，
而今日只係想睇吓大家既近況，
估唔到睇到個咁大既喜訊，
真係要飲番杯
所以忍唔住要出手。
我真係好羨慕妳，
妳完成咗好多人敢想唔敢做既夢（幻）想（包括我），
妳一定會越做越好，
不妨再接再厲。   

Hi！大家好嗎？
早排公私兩忙，
搞到我成個人差點崩潰（當然係孩子的事），
好在有咁多位朋友從旁開解，
現在總算漸露曙光，
暫時可以鬆一口氣，
真係要喺度多謝幾個人（排名不分先後），
ms99，   
麟媽媽，  
飛姨，  
jackjackma，  
如果唔係有你們的開解，
相信精神科醫生（甚至醫院）又會多一個病人。