番禺會所華仁小學

麟媽媽

ms99,

聽日放假？真係恨死隔離啊……
亞仔呢兩日都做TSA，後日就有得放！
前日亞仔無到波地，佢個隊員嬲左佢，
仲講到好大件事，話要同佢絕交喎！
咁我話你無唔開心既？
點知佢話，唔知咩Gameboy，咩秘技….
即是攪番掂個老友記啦！  

nancytse

ms99,

今晚得阿仔老豆咋！ 佢懶到暈話唔想搭車去aberdeen wor......

hehe....我欠阿仔5鋪, 我地星期六玩住先la, 你地下星期邊晚得閒？

ms99

麟媽媽：

你唔提我都唔醒起亞仔星期六要返學!!!!
我仲好開心約咗表姐表弟聽日去睇恐龍展, 打機, 行街, 食飯直落, 今次真係玩得唔過癮添!!
星期日我會去將軍澳麥記生日會，到時call 你啦, 你會出去嗎?

麟少班書友仔唔駛咁認真嘛??
不過麟少有老爹珍傳，相信冇敵人的。   
上次練波亞仔果隊好齊腳，
不過都係螞蟻嬲蜜糖式追波法，
仲要唔理係自己個龍都要大腳抽入，
仲好開心添?! 所以話，亞仔果隊一定冇交嗌，
個個都係海軍鬥水兵。
    

nancytse, 今晚我都係畀亞仔玩咗一舗,
不過佢太耐冇去, 叫極佢都唔願走,
終於口頭警告佢冇得去四個星期,
佢即時賣口乖又自動幫手拎野,
要睇表現先再畀佢去.
你去開就畀電話我啦.

chelsea

Morning friends :)

Flying out tomorrow to Paris, will be back the frist week in July.

easiness

ms99,

可否pm幼稚園啲資料俾我?
阿囝老豆諗住出年下學期先搬, 依家要搜集幼稚園啲資料! 幾時報名? 我之前申請了學卷, 若果下學期轉校, 未知可否同學校申報學卷!

麟媽媽

ms99,

咩呀？！星期六全校都唔使番架！
好似係TSA 後備日嘛！
我亞仔今晚係婆婆度留宿喎，
而我呢，嘻嘻...舊同事搵我聯誼聯誼...  
亞仔同書友仔邊有隔夜仇吖？！
一包百力枝兩份食，轉頭又糖痴豆啦！
將軍澳麥記生日會？！咁遠？！
邊間呀？將軍澳中心麥記？幾點呀？

麟媽媽

00adafan,

你講緊書包？
今年好似有SPI 又有Chiropak 喎。
我本來都想買過個學校既Chiropak，
但舊年係UNY 買既仲好新，
考試嗰排我成個入左洗衣機！
但OK 喎，新既一樣，唔買住了。

00adafan 寫道:
現在仲有冇？
舊年我係UNY 買個中碼要4-500 蚊，
而家經學校買二百幾

麟媽媽

easiness,

你搬屋呀？搬番過海？
亞細來年K. 幾了？
要插班真係要早少少問定，
你有邊間心水呢？

easiness 寫道:
ms99,

可否pm幼稚園啲資料俾我?
阿囝老豆諗住出年下學期先搬, 依家要搜集幼稚園啲資料! 幾時報名? 我之前申請了學卷, 若果下學期轉校, 未知可否同學校申報學卷!

麟媽媽

Chelsea,

你去玩定做野？睇怕都係做野多了，
咁咪成個星期有多見唔到兩個仔囉？
陰功....... 一定好掛住囉！
抽D 時間Shopping 可以distract 架！
之後記住留番張單比你相公。

chelsea

麟媽媽,

做野, and have teach the older son, my hotel, how to make long distance call, what to say in order to speak to me, Bonjour! Room number xxx, the time difference -6 hours, to look after younger brother....

First day arrive, team get together for team members have actually met each other before we constitute the bigger Legal & Regulatory conference the next day (600+ lawyers).  Perrier, glass of wine at a cafe, schedule is so packed.

Chelsea

麟媽媽

我睇通告，見車左個校徽既，
不過二百幾真係好抵，
我舊年買中碼要四百幾，
好鬼襟，亞仔用得好粗都仲好得，
所以我唔買了，用番舊嗰個。
00adafan 你隻細細好似kookooloo 隻小白呀！
你好鐘意貓架？我都係呀！

kookooloo

麟媽媽﹕

我要買過個新呀﹐仲要係兩個添﹐呢(雲)真係破產囉   

因為我仔果兩個都係細size...要換過大size....

其實如果用細size,四年班夠唔夠裝呢? 請俾D 意見我啦。。

Thanks

kookooloo 敬上   

kookooloo

麟媽媽﹕

我打過去Chiropak 問﹐佢話係細size 先有校徽﹐因為佢地話唔知道會有幾多人會買大size 喎。。

另外﹐小白宜家個樣越來越似波斯貓喇。。

我前晚幫佢剪毛﹐一路剪﹐佢就一路yee..yee ..唔..唔..係咁鬧我。。。因為呢排太繁忙﹐無點幫佢梳毛﹐結果﹐打左好多結。   。可能佢既波斯DNA重過安哥拉啦﹐所以毛底都幾濃厚下﹐反而貓B就無咁既情況出現

今朝同呀仔出去踢足球﹐一反到屋企﹐成地都係超人牌果隻魷魚絲﹐(已經打開曬)    隻貓B一見我就雞咁腳咁走﹐然後仲發現地下有D嘔吐物﹐你話激C唔激C我啦。。

又要趕住整午餐俾呀仔食返學﹐又要收拾爛攤子 :evil:  :evil: 。。。仲有﹐呀仔去完大大後﹐唔知點解個廁所又無喇喇塞左﹐你話死味。。為有等佢返左學後先通。。真係人都癲喇。。
最終通左我成個鐘~~~~無耐~~~~   

ms99

easiness,

你終於有個決定了，
好野! 又多個同區人。

麟媽媽：easiness 會搬去麟爹舊shu果度呀!

幼稚園資料，我電話同你講啦，說來話長啊!

kookooloo: 小白真係好靚呀!!
有機會畀我家兩位公子見到的話，
一定愛不釋手呢。

我都應該要再買書包，
SPI 用咗兩年買咗兩個，
但條拉鍊真係好唔掂，
亞仔用咗唔駛幾個月就比翼相飛，
即係孭起個書包，兩邊拉鍊袋拉唔上拉鍊飛出嚟，
前面望上去就有兩塊翼係背脊飛出，
一年一個書包，好重皮啊!!
C牌子襟用嗎?!

麟媽媽

kookooloo,

Eee..... 小白唔同左樣既？
之前佢D 毛無咁鬆同埋塊面尖D 架喎？
安哥拉應該無咩底毛既，
如果佢底毛變得厚，睇黎攞波斯既因子多D。
佢係混血兒嘛，mix 既鬼妹仔都靚D 啦！
貓B 咁貪食，你唯有收好D 野食，
佢食得是福呀，好一隻肥仔！  

麟媽媽

00adafan,

心愛既貓離世真係會好傷心既，
我試過唔見左隻貓，真係痛不欲生，
好彩之後搵番，我先察覺相處既時間最重要！
只要貓同你都有過一段開心時間，
你話細細比其他流浪貓幸福幾多呢？！
唔單止貓幸福，我地貓奴有過隻窩心貓更幸福呢！