番禺會所華仁小學

ms99

theresama，

學校好似冇指定泳班喎?!
應該係宣傳單張嗻。
泳會方便一間學校學生一齊集泳，
所以派畀家長參考，參考。
而課堂冇游泳堂的，
自由選擇吧。
囝囝出年上午還是下午呢?  

ms99

Sarah ，

體育堂可穿白色或黑色波鞋的，
當然冇牌子最好啦，
有的話，越細越好啦。
買校服時也有供應黑色波鞋的，
價錢算是相宜呢。

theresama

ms99.

謝謝回應!  我收到校方迎新日的通知, 內裏附有泳班資料, 原來係宣傳咋!  小兒九月會讀上午班, 請多多指教!

chelsea

Morning friends :)

chelsea

ms99,

I like the statement
"我地又可以計劃去鬆一鬆了。"

Everyone see me in office said you must be relieved, I said no, battle till Monday.  Low profile to celebrate this Father Day on Sunday, what about your son, any signs to show the gratitude to his papa?

My one is only a greeting card plus a big kiss, that it.

Chelsea

麟媽媽

今日心情真好，考埋星期一咋！
我想問吓，恤衫染左墨汁係咪玩完？
琴日考書法，亞仔件恤衫點點黑啊！
琴晚用碧蓮去漬霸浸左成晚，
再擦擦都仲有灰潰，之後唔知點攪？！
之後將件校服掉左入洗衣機….. 無眼睇！
亞仔講番考書法真係笑死我！
因為個個都好耐無寫，咁D 筆封到實晒，
好多同學開唔到支毛筆喎，
有同學篤到開晒叉，仲有個發脾氣唔寫！
我話咁到得？而家真係太多少爺仔了….
好在我前一晚用暖水浸軟番D 筆，
亞仔仲借左其中一支比個死黨。

SandyMummy

It's really my fault, I forgot to bring the 毛筆 and everything for me yesterday. But finally the teacher helped to borrow a spare one for him.  My son blamed me and said the teacher will give him a "F" for this subject    

麟媽媽 寫道:
今日心情真好，考埋星期一咋！
我想問吓，恤衫染左墨汁係咪玩完？
琴日考書法，亞仔件恤衫點點黑啊！
琴晚用碧蓮去漬霸浸左成晚，
再擦擦都仲有灰潰，之後唔知點攪？！
之後將件校服掉左入洗衣機….. 無眼睇！
亞仔講番考書法真係笑死我！
因為個個都好耐無寫，咁D 筆封到實晒，
好多同學開唔到支毛筆喎，
有同學篤到開晒叉，仲有個發脾氣唔寫！
我話咁到得？而家真係太多少爺仔了….
好在我前一晚用暖水浸軟番D 筆，
亞仔仲借左其中一支比個死黨。

麟媽媽

SandyMummy,

唔驚喎！點會比「F」佢呢？
其實好多小朋友都唔記得架，
上學期亞仔都借毛筆比人，
琴日都亦有同學唔記得既。
但總有人好似我咁比兩支筆比個仔既，
所以一定可以借到，有得寫既。
唔怕啦！比個教訓亞仔，
我諗自始佢一定記得帶毛筆。

Sarah

ms99,

多謝妳的分享

ms99

chelsea,

你唔提都唔記得.....父親節呀)))
Oh! My dear...
星期日我要返工, 又要趕返屋企溫習,
父親節呢D濕碎野....   
遲D先講啦
亞仔前幾日係樓下收到張區議員卡,
原來係遊戲機型心意卡,
亞仔珍而重之寫

SandyMummy

Dear 麟媽媽,

Thank you !
Btw, did anyone of you joined the soccer competition on 1st July?
Both my son and my husband joined the kids soccer and the 家長盃
   .
It seems interesting and exciting !!

SandyMummy

Dear 麟媽媽,

Thank you !
Btw, did anyone of you joined the soccer competition on 1st July?
Both my son and my husband joined the kids soccer and the 家長盃
   .
It seems interesting and exciting !!

麟媽媽

講開父親節，我琴晚激到相公彈彈跳！
話說我改用左沙仔咁細粒既小麥砂，
即是比貓貓地去廁所呢，咁一出一入，
佢地都有零碎幾粒出左地下既，
相公唔知點解好睇唔過眼，見到2粒仔啫，
佢又拎個細細掃出黎，掃左去！
點知過左一陣，Obi 又去小解…
佢成晚跟住D 貓….掃掃掃！
我覺得好好笑，佢覺得呢隻砂好煩！
之後我地落豐澤，見到一支細Volt 既吸塵器，
我話︰「見你咁鐘意掃砂，送比你做父親節禮物啦！」
佢成晚依依哦哦，喊晒口話唔要家電…笑死我！

麟媽媽

SandyMummy,

亞仔有參加呀！佢地好好笑架！
亞仔嗰隊得6 個人，佢話A 同學係隊長，
B 同學係副隊長，佢係後備隊長，
仲有一個C 同學係後備副隊長喎！
另外有一個「波長」，即是負責帶波啦，
我話咁犀利，個個都有名堂架喎？！
其實最緊要參與，開心玩吓啦！
我老公無參加吖，齋睇，佢都唔踢波既。

chelsea

ms99

父親節 present will be 考好呢個試, that's excellent,

every 老豆 will "num" :)

Chelsea

SandyMummy

Dear   麟媽媽,

Wow, that's good. Let's meet on that day.

But we may also think of some other activities for the kids during summer. It is the most happiest time for me in July / August ~~ no tests, no homework, no project, no worksheets, no supplementary exercises, no stress, no despression ~~~ hehehe....   

麟媽媽

SandyMummy,

係呀！真係可以鬆一鬆！約出黎玩囉！
我好容易生飛滋架，中醫話唔關熱氣事，
係因為勞心、訓唔好引至虛火所至，
臨近考尾，我口腔同喉嚨都生左飛滋，
真係飲水都痛架，陰功！！
睇怕都係激心，仲要扮無野忍住唔鬧仔，
只因鬧佢仲衰，一陣喊就咩都唔記得晒！
屈埋屈埋生到成口飛滋，要睇吓中醫先得。

SandyMummy

Dear  麟媽媽 ,

But my 激心 & 勞氣 is your double 呀 !
所以早排身體檢查米 check 到有少少高血壓囉  

麟媽媽

SandyMummy,

你又真係勞氣得多，打孖上喎！
血壓高？你家族有無呢樣History 架？
你要小心身體，唔好咁勞氣啦！
其實…. 我都唔能夠怪晒亞仔，
我公司前排好好好忙，
遲D 又搬Office，十萬樣野，
呢幾個星期真係命都無！
我老細只係話以後長短周以示鼓勵，
D 同事仲話好過無，一年多12 日假。
上星期我同老細開會，
只用5分鐘梗左份三文治做lunch，
傾傾吓...唔知何來Guts，我同佢講話要加人工！
好在佢又笑笑口點晒頭，話月尾前覆我，
老公問我做咩咁大膽？！我話辛苦囉！
佢覺得值咪加比我囉，唔係我咪轉工囉。

SandyMummy

係呀, Daddy Mummy 都有高血壓, But 無諗過咁後生就有架 ma  
一定唔多唔少同兩隻野有關嘅

嘩 ! 公起 ! 公起 !
加人工, 請食飯 !! 嘻嘻