06年9月入讀蘇淅幼稚園K1既家長, 入唻交流下啦!

CanKan

十月媽咪：

原來我老公星期五下晝放假，我地夜晚要去威威，所以同唔倒你食飯啦！下次我休星期五既時候再約你，唔好意思。

cankan

joeytcy

多謝溫馨提示.........我總以為會無舖開添....不過我地都未最後落實............但去ger成數好高.....因我個妹個老公得個幾日假......

十月媽咪

cankan,
哎吔, 又會咁啱既, 今晚我佬都同我講, 佢星期五請左全日off, 上晝同阿女返學, 下晝幫手執屋, 其實係執番好佢自己d垃圾, 因為我話佢再唔執, 我就唔理三七廿一掉鬼晒佢, 咁夜晚可能佢會幫手帶阿女去跳舞, 晚餐仲未決定出街食or響屋企食!  

carolhym

Anson mummy,

anson 依家好番晒未?? 仲有冇咳咳??咁佢依家有冇返學?

保保媽咪

十月媽咪

保保媽,
唔好提喇, 好番都唔夠兩個星期, 又再唻料呀, 又鼻水又咳, 不過日日都有戴口罩返學 (今日好番好多, 所以今日無戴), 希望快d好番啦, 好鬼煩呀! 今個月睇左三次醫生喇! 唉...

今日收到學校通告, 話有小朋友有水痘, 叫家長留意, maybe保保下晝放學返唻, 你都會收到呢張通告呀!

cankan,
噚日kelly有冇同你講, 佢響學校同我揮手呀?  

carolhym

ANSON媽咪:

嘩!咁呢排你自己都要小心照顧自己喎! 唉...冇辦法啦! 現在係感冒高峰期，周圍好多人都病，都避無可避。唯有自己小心D。我想可能返上午班，係唔係要好早起身，同出門口的時候好凍??  其實返下午班的時候，天氣暖好多，身體又已經WARM UP，所以會唔會好D??

我今日都收到通告啦, 保保佢已經打了水痘針，如果受感染，都只有輕微的反應，咁ANSON有冇打水痘針??

TAKE CARE

十月媽咪

保保媽,
朝早比較寒冷, 阿女條氣管又比較弱, 所以容易病都唔奇怪架喇, 不過我諗最主要原因係佢半夜"富"被呀, 激c! 佢成日都話要將兩隻手同兩隻腳伸出唻透涼, 又唔諗下d風吹入唻幾凍, 好多時佢感親, 都係因為半夜"富"左被, 而我又太好瞓所致! 不過當然, 校車有同學仔病, 學校有同學仔病之類, 佢通常都難逃一劫, 真係....     

至於水痘針, 佢一歲果陣我已經同佢打左架喇, 所以我都唔太擔心, 不過當然就最好唔好惹到啦, 咪都好鬼煩, 佢而家識得抓痕, 實會抓到有"乸"!    

CanKan

十月媽咪：

果晚返到屋企，anson 有冇散哂？我個女直頭一路吹頭，一路瞓著左，到我同佢入房瞓既時候，係响10秒內瞓著，仲係好"林"果隻，佢真係好累，不過好開心。到星期日果朝我幫佢安排左跳舞補堂，佢話要攞野俾 anson，我就同佢講，你今日係補堂，唔會見倒 anson 架！

cankan

joeytcy

hihi
我個女都要將兩隻腳申出黎....富被唔在講...所以我同佢分被訓.....同埋最恐怖就係磨牙.....我好驚佢會磨賓左d牙....唔知你地有無咩方法可以阻止磨牙呢..其實我都幾擔心.....

十月媽咪

CANKAN,
阿女果晚真係同KELLY玩得好開心呀, 不過佢就無KELLY咁攰, 可能因為果日佢瞓左差唔多三個鐘頭晏覺啦, 同埋佢習慣左十二點瞓著, 佢未夠十二點, 係點碌都瞓唔著架, 好乞人憎的!

果晚臨尾果兩啖GOODBYE KISS真係頂佢地唔順, 仲親熱過D情侶, 好搞笑!

不過今朝阿女無啦啦發燒, 唔知係咪興奮得滯呢? 又或者可能我地BURN得佢D精力盡得滯, 我地星期日帶左佢去海浪公園玩左幾粒鐘呀!     我仲同佢玩左一次滑浪飛船, 佢唔知係咪嚇親, 所以發燒呢???? 不過今朝無同佢返學, 帶左佢去睇醫生, 唉...原來氣管炎呀! 今日已經食左三次退燒葯, 但都係翻燒又翻燒, 所以聽朝我都唔會畀佢返學架喇! 等佢可以準時D食葯兼多番D休息! 希望可以快D好番過新年啦!  

十月媽咪

joeytcy,
磨牙應該唔會磨崩既, 至多磨到d牙上下都平晒既啫, 因為我識得有個妹妹仔, 七歲喇, 又係由細磨牙磨到大架, 成棚牙畀佢磨到又平又齊, 好好笑架!    

CanKan

十月媽咪：

anson 唔係燒得好犀利呀嘛？會唔會係個人太累，再加下係公園吹倒呀？玩滑浪飛船有冇濕身呀？

不過我都好怕亞女掛住玩唔識累，去到盡一盡，你知啦！d小朋友有得玩，就算幾累都唔識停；所以我同我老公係可能既情況之下，星期日都唔會同佢玩得禁勁，最多去附近既公園行下玩下，去下圖書館，或者去人地屋企玩，起碼佢可以休息下，或者係瞓下午覺，半個鐘都好；至於會消耗多d精神同體力、或者可能瞓唔倒下午覺既活動，就留番星期六做啦，費事星期一大人同小朋友都辛苦。

cankan

CanKan

十月媽咪/joeytcy,

我個女瞓覺一樣要伸對手同對腳出黎，佢話好熱喎！

cankan

十月媽咪

cankan,
因為星期六下晝阿女要上音樂班嘛, 所以無論乜野活動, 都唔會響星期六玩架喇! 因為要佢儲夠精神上堂嘛!

其實星期日果日, 我地只係由一點玩到五點, 佢仲要一上車就瞓著左, 仲要瞓左差唔多兩粒鐘, 由海洋公園瞓到去寶琳站呀! 所以佢應該有休息到既! 同埋果日玩滑浪飛船果陣, 我帶埋件雨褸畀佢著住唻玩, 我同佬就濕晒件風褸, 佢坐響中間, 畀我攬到實, 保護住, 件雨褸都只係濕左少少咋! 不過果日佢話要著裙, 著左裙之後又唔肯著外套, 又話熱喎, 我見佢真係出汗, 咪無畀外套佢著囉, 唔知係咪大意左少少, 一個唔覺意吹一吹, 就出事喇!

佢暫時都退左燒架喇, 我而家淨係希望佢唔好再翻燒, 咁聽日就可以返學喇!    

CanKan

十月媽咪：

剛剛打電話問過工聯會，佢地話 EQ 個課程一定要夠4歲才可以報名，早知你有興趣，我就下一季先幫 KELLY 報名，等佢地可以有伴一齊返，始終依 D 唔係興趣班或者PLAYGROUP，可能趣味性冇禁高。

依家唯有等3月亞女返左先，之後再話俾你知個情況係點。若果亞女返得好、或者吸收唔哂，到ANSON有興趣報既時候再番炒都未頂。

CANKAN

十月媽咪

cankan,
好的, 唔該晒你呀, 咁我唯有等到今年10月打後至考慮幫阿女報喇! 到時你記得話我知kelly吸收成點喇喎!

頭先收到學校張通告, 係有關春效旅行的, 你地會唔會參加呀? (等你地返到屋企睇左通告至答我啦)  

十月媽咪

學校旅行我地決定左唔參加喇, 你地呢?

CanKan

十月媽咪：

我尋晚返到屋企見倒張通告，第一個念頭係想參加，因為諗住係學校攪，會有好多小朋友去。不過我老公就麻麻地，佢話名額成1,200個，係濕地公園會好迫；重有就係佢話家教會攪係咪 = 學校攪？最後我地既結論係問下你地會唔會去先再決定。

點解你地唔去呀？

其他人會唔會去呀？

cankan

十月媽咪

cankan,

我地唔去既原因有以下幾點:

1. 逢星期六阿女要上音樂班

2. 1200人, 人數太多, 淨係想像下都覺得混亂

3. 剛剛過去的秋天, 我地至同阿女去完濕地公園, 講真, 果度唔係咁適合容納1200人既團體, 要諗下, 除左我地呢1200人之外, 仲有其他本地團, 內地團, 遊客, 其他學校團體, 嘩...諗下都淨係得個迫字.

4. 南蓮園池響鑽石山, 阿女上音樂班又係響鑽石山, 我地好多時早左到鑽石山, 又未夠鐘上堂, 都會去南蓮園池呢度打發時間 (因為免費入場), 所以呢個地方, 對於阿女唻講, 無乜新意! 仲有就係, 呢個地方只得花草樹木 & 庭台樓閣 & 一條步行徑, 講真, for老人家&攝影發燒友會適合d, for小朋友咯喎, 真係去動植物公園好過咯!

5. 價錢太貴, 一家三口去晒, 要405元, 雖則話有午餐自助餐, 但講真, 雞啼出發, 到食lunch果陣, 我諗阿女都攰都瞓著左咯, 況且自己出去食buffet, 都有分小童價同成人價啦, 而家大小同價, 我地覺得唔值!

6. 三月已經係春天啦, 好大機會都係煙雨迷濛, 又或者係濕漉漉既感覺, 加上阿女又容易病, 所以都係唔帶佢去同咁多人迫咯!

其實我期待左呢個春季旅行好耐架喇, 因為諗住可以畀阿女同d同學仔, 去下唔同既地方嘛, 不過一見到張通告, 真係咩期待都無晒, 再睇埋個人數, 嘩, 好難想像點handle啫! 所以都係算罷咯! 希望出年有個好少少既安排啦!   

我見人地有d學校去香薰園, 動植物公園, 嘉道理農場之類, 我期待既係去呢d地方, 點不知...   

carolhym

十月媽咪:

十分認同你的講法! 好彩問左你意見先,否則我就報左名，到時咁大場面，實比老公E-E-O-O