富安威寶的家長, 入黎交流吓啦

giann728

ktmama,
吓，係咩??  我完全唔知喎，幾時係畢業禮呀??  仲有咩表演呀??  到時我地去唔去得架??

gardenwoods

yannie-ma & bigbighei,

Thank you very much for your information/comments.

ktmama

Giann728
聽講日子喺 7 月 5 號 喺荃灣大會堂.  學校未出通告通知我哋 gar.  我都喺接亞仔放學時, 聽到 D K3 家長講咋.  我哋到時都可以去 GAR.  不過我諗應該 6 月 中會有通知.

佢哋今次喺表演跳舞呀, 佢哋差唔多日日都會練習 GAR.  都喺好想快 D 到嗰日呀.  睇吓隻傻豬表演成點都好嘛.   

qkhui

ktmama & Giann728, 今年去荃灣噉遠ａｒ？　上年在沙田大會堂, 到時你們早o的去, 因為應該無指定位ka, 如果早o的就可以坐前o的....  

ktmama

HI, QKHUI
咁我到時一定會早 D 去排隊, 因為坐前 D 可以睇得清楚 D 嘛.   

你仔仔依家返全日返成點呀 ?

giann728

上年我女女都無得參加畢業禮，係唔係K1先有架??  好呀，我早d去先﹗   

qkhui 寫道:
ktmama & Giann728, 今年去荃灣噉遠ａｒ？　上年在沙田大會堂, 到時你們早o的去, 因為應該無指定位ka, 如果早o的就可以坐前o的....  

giann728

ktmama,
多謝你隻碟呀，我女女好鐘意，要我地repeat又repeat呀﹗   

ktmama

GIANN728
唔駛客氣.   .  喺呢, 你交咗學券未呀.  我終於今日俾仔仔帶返學校交俾老師啦.

giann728

我上次交下年雜費時交埋啦﹗  你仔仔下年係唔係轉全日班呀??  

ktmama 寫道:
GIANN728
唔駛客氣.   .  喺呢, 你交咗學券未呀.  我終於今日俾仔仔帶返學校交俾老師啦.

ktmama

Giann728
唔轉全日班啦.  一來仔仔唔想, 二來自己都想有多 D 時間陪吓佢.

就快暑假啦, 你有幫女女幫 SUMMER COURSE 呀?

giann728

ktmama,
其實都唔算summer course，因為我想佢長期學呀﹗  女女下星期二開始學琴 (如果彈得ok，我會同佢停左tom lee，唔升班啦，不過今個月要兩樣一齊學，因為tom lee上埋呢個月先有cert攞，好忙呀﹗)，跟住我搵緊畫班比佢 (其實有無好介紹呀??)，仲有上劍橋英語 (完左fun english就應該開始架啦)，仲有游水囉 (佢一直學緊架啦)﹗

完左暑假我會繼續響學校報體操同埋珠心算 (女女上年個班主任推薦我威寶珠心算班唔錯架，你都考慮吓丫﹗)，仲有唔知我女女考唔考到，我同佢報左女童軍小蜜蜂﹗  唉，小小年紀，好似好忙吓﹗

你呢??  仔仔暑假會上咩興趣班呀??

qkhui

Hi ktmama, 仔仔返全日都ｏｋ　ｗｏｒ, 都唔錯,
依家都叫返佐2個月, 有o的同學媽咪見到仔仔, 都會講佢乖佐, 同埋佢有o的同學都話想返全日wor.. 好攪笑
你們仔仔/女女做功課點ar?
我仔仔依家在school 做完先返home. 噉依家佢默書都ok wor, 好多時都係佢自己叫我幫佢溫

kwanchiu

Hi!各位富安威寶媽咪你好,

我係Chloe 媽咪!我個小寶9月要搵k1啦!我們都住馬鞍山呀! 想請問富安威寶D老師有無愛心, 間學校整體O唔OK?如果中英文班英文水平又如何?會唔會樣樣錢行先?我月尾會去參觀呀!
多謝寶貴資料!
Thank You very much!

giann728

你好呀﹗  我覺得老師唔錯呀，雖然佢地唔會成日打電話比你同你講小朋友既野，不過每次家長日我都可以發覺老師對我女女好留意，好了解，仲會幫我想辦法去糾正佢d缺點﹗我女女亦同我講好鐘意個老師添﹗  

其實佢地水平都算高，我女女K1下學期開始日日都要寫一版字，大概36個，好多朋友見到都話多，仲要做一張worksheet﹗  一年有4次評估，要做paper架﹗

至於係唔係錢字行先，又唔多覺喎，除左交雜費同學費，只係聖誕party要額外比多$100，唔似有d學校成日要募捐成日又話重建校舍要夾錢咁﹗

希望幫到你﹗

kwanchiu 寫道:
Hi!各位富安威寶媽咪你好,

我係Chloe 媽咪!我個小寶9月要搵k1啦!我們都住馬鞍山呀! 想請問富安威寶D老師有無愛心, 間學校整體O唔OK?如果中英文班英文水平又如何?會唔會樣樣錢行先?我月尾會去參觀呀!
多謝寶貴資料!
Thank You very much!

ktmama

嘩 ~~~~~~ 你女女真喺好忙喎.  怕唔怕佢會太攰呀.

咁你仲會唔會報學校既 fun english 呀?   我到時都會幫仔仔幫珠心算呀.  不過唔知仔仔明唔明點計數  

我暑假會幫仔仔報英文同國語既playground.   

kwanchiu

giann728,

聼你咁講又真係幾好喎! 咁interview困唔困難呀?有無tips呀? Thank You!

giann728

我女女nursery就入去讀，無in過K1喎﹗  nursery就當然唔難啦，玩吓玩具，傾吓計就去參觀學校啦﹗

kwanchiu 寫道:
giann728,

聼你咁講又真係幾好喎! 咁interview困唔困難呀?有無tips呀? Thank You!

giann728

ktmama,

雖然我女女好想上fun english，不過我都唔報啦﹗  因為我打算同佢報cambridge丫麻﹗  仲有呀，呢排問女女上唔上體操，佢都話唔想，睇黎我都唔可以迫佢﹗  佢話鐘意紙黏土同畫畫呀﹗  我都仲搵緊，希望快d搵到比佢學，我覺得佢鐘意做手工藝﹗

你響邊度報英文同國語呀??

愷晴

Do you think 合一堂KI (pm/whole day) or 威寶K1(am) is better?　我兩度都俾了$$. 威寶D小朋友會唔會好大壓力or老師無咁好or他們無咁有禮貌?

Thanks

ktmama

HI, 愷晴
我仔仔依家喺威寶讀緊 K1, 老實讀威寶既程度會比較深. 但我又唔覺得仔仔有好大壓力喎.  仔仔 K1 下學期開始要寫字, 但仔仔都可以應付到.  但始終喺細路仔, 有時都要氹.  至於老師方面, 我覺得佢哋都好好.  仔仔喺呢間學校讀得好開心.