朗豪坊**基督教服務處雋匯**幼兒學校(Part 2)

lioxi

Twins 寫道:

lioxi, waiwaichu2003,

你兩個有冇收到我隻貓呀?

冇wor...幾時send ga?你send 去yahoo定netvigator呀?
如果netvigator就係我老公隻貓la...
係呢...尋日既日誌正常嗎?我唔知why睇唔到我的分享&內容果部分呀?

Twins

waiwaichu2003,

咁你地係咪年年都唔同地方食Annual Dinner架?
點解今年唔book去kln side食呢?
你地d抽獎係咪搵人送比你地架? 定係公司拎錢出o黍比
你地玩呢?

lioxi,
我擒日見到囡囡, 我問左佢一個問題: 係學校裡面邊個
小朋友最唔乖? 囡囡話: 係你囝囝呀......哈哈哈哈.....
咁我問: 邊個最乖呀? 囡囡話: 係佢呀.
你千萬唔好嬲喎, 不過幾好笑 .

我send左去yahoo呀. 係擒晚sent出.

擒日我都睇唔到日誌喎, 都冇內容既

lioxi

twins,

係wor,見唔到tim...唔好 la,仲有機會既..
方老師俾3個時間我揀,呢個係最晏gala,亦係最好,因為呢個時候囝囝唔使食藥&食飯,我可以方心d   

lioxi

twins,

梗係唔嬲la....呢個問題我都成日問囝囝ga,佢都係話自己最乖,人地就唔乖...
原來我地d mami都鍾意問同一個問題,而d小朋友既答案又一樣~~   

waiwaichu2003

Twins,
冇得轉ga,公司年年都係個度攪annual dinner,d獎有d係其他公司sponser,有d係department head自己掏荷包,有得揀,我寧願抽現金最實際!!!
你個笑話又真係幾好笑喎,不過,我仲估你女女會話最乖果個係.......我仔仔tim,哈哈.......
我睇左你隻mail啦,好靚呀,個頭係你地自己set定係搵人set架,嘩!前一日要"jump bed"咁夜瞓,但你囡囡睇黎都好精靈喎,佢個日一定玩得好開心啦,完全唔記得倦,係唔係?

lioxi

twins,

我收到la,原來去左垃圾郵件到

好得意呀!佢有冇化妝呀?最搞笑就係佢帶條珍珠練,好有女人味呀!!     

waiwaichu2003

係la,明天見老師,你地會唔會prepare定d questions問老師呀?不過,得個小小時間又唔知可問得幾多呢?你地有冇諗住問d咩問題呀?

lioxi

waiwaichu2003,

冇呀,都唔知問乜...可能都係問下食唔食野呀?多唔多呀?瞓多唔多呀?有冇唔乖呀?
我走la!!byebye   

waiwaichu2003

lioxi,
see you later!!!

Twins

waiwaichu2003,

年年都係同一間食咪好悶lor? 我地年年都會詢問民意架.
我地都係搵公司sponsor我地既, 但我地會講明想要cash,
所以D人多數會比cash我地多過實物. 因此, 我地每人一定
有cash收的. 此終最實際又得人開心.

囡囡個頭係DIY架, 不過就唔係我親手, 係人地既女朋友整.
連D飾物都係DIY既. 其實囡囡果日好唔合作架, 唔肯拖
住花仔同新娘都比佢激C.

waiwaichu2003

Twins,
你就好la,你間公司咁順應民意!!!
"唔肯拖住花仔同新娘都比佢激C" - 會唔會同佢地唔熟,所以唔肯拖呀,咁都係好正常bor!
diy-係咪啫係自己買料串成架,好特別喎,咁條花女裙呢,係買定租架,上次阿仔係利源東街都買左套,不過都係著左一次咋,好似有d晒咁!

waiwaichu2003

Twins,
係喎,一陣你就可以見到女女,係咪好開心呢?
你有冇打算去中環皇后像廣場個度影相呀,真係幾靘,要去就快d啦,費事下星期撞世貿la,趁lee兩日假期,我都會同仔仔去影相,睇下到時撞唔撞到你?

Twins

waiwaichu2003,

囡囡同花仔就唔熟, 但新娘就好熟啦, 可以佢此終果日都係
訓唔夠會有影響. 條裙係買架, 係新人出$比既, 咁你囝囝
個套呢?

一陣見到囡囡更係開心啦, 擒日見過佢我都好開心架,
真係想日日拎佢返屋企玩. heheeeee......

Central就未必去影lu, TKS就多數會去, 果樹都整得好
靚架.

你幾點放工架?

waiwaichu2003

Twins,
TKS係邊度黎ga?
呀,就收工la,遲d再傾la!!!

waiwaichu2003

早晨呀各位!!!
唔知你地今日上唔上黎傾計呢?
今朝一早去到學校見左方老師la,同老師傾左好多仔仔係學校d情形,例如上堂,瞓覺同食各面,老師仲派番適應期內家長填寫d問卷做參考,仲做埋個好詳細既chart分析小朋友由學期初到現在的各方面發展,真係好細心同好pro     ,實在係very very good,老師仲話下年2月中會再有個單對單家長會tim,finally,老師問我下年會唔會繼續留係度讀,我都老實答老師有去in其他d學校,但係都未決定個去留,原因係我想睇下阿仔係coming個半年既進展如何再作決定,現最大問題係阿仔未能講返佢係學校學到d乜,做過d乜等,唔似得你地d小朋友可以講返比你地知原來學左咁多首唐詩,唱國語早操歌咁...這一切一切對我黎講有d"紙上談兵"既感覺,不過lee d都係阿仔d自身問題,唔關學校同老師既事既,...唉...眼見各老師咁熱心同咁愛錫我地d小朋友,唉!我個心真係有d唔舒服..... :cry:

*以上純粹有感而發,你地唔使安慰我,我明架la.......*

zimba

waiwaichu2003,

咁你聽咗老師講囝囝既情況有冇放心d呀?
其實我細仔都無講返學校d情況俾我知架, 只係好耐好耐先啍d音, d唐詩同埋歌仔都係要我係屋企播, 佢先話"係學校唱架". 不過我都唔係好在意佢學到幾多住, 肯定俾係屋企學得多d 今日帶佢地去街, 細仔落到樓下仲問我:"係唔係返學呀?" 我話:"唔係呀, 你都無著校服, 你想返學咩?" 點知佢話:"我驚返學呀!"
其實老師咁早就問呢個問題, 學校都預咗有一批過境既學生架啦, waiting list 又咁長, 多數都無hard feelings, 不過係我地唔捨得你lor
都有一個家長既大女係度讀咗一年, 跟住要舖路上小學, 轉咗校, 而家到妹妹返n1, 佢都揀番呢度. 都無blacklist到佢呀．
我就覺得各取所需啦, 又唔係終身大事. 我大仔嗰班今年都有新同學, 睇黎轉校真係好常見. 我有感而發咋, 唔知有無撘錯線.

waiwaichu2003

zimba,
梗係冇搭錯訕la,仲thanks for your feedback tim,如你所講,lee度d老師咁好,個waiting list 咁長,真係唔驚冇人讀,可能掉返轉,係我唔捨得d老師tim,仲有,你唔使咁快話唔捨得我喎,世事冇絕對,可能finally i will stay here呢!!!
其實,尋日聽完老師講阿仔d情況,都有d放心既,但始終d野如由佢本人講出來個感覺係唔同d架,可能我望子講話已成"狂"la     
係呢,你小b返學已好幾個月,都仲會講:"我驚返學呀!"既 ,咁又幾得意,我諗佢純粹係隨口講咋嘛!不過,下年你大b轉校,得佢一個返lee度,到時可能佢真係會咁講都唔定,你有冇開始同佢傾過呀?
係呢,你幾時去日本呀?next week?

zimba

waiwaichu2003,

其實細b都表示鍾意返學既, 不過次次都唔捨得我. 佢有時會好用力咁抱住我話:"媽媽, 我好掛住你呀!" : 好num架. 佢真係好慢熱, 而家見到同學都會好怕羞架. 第時哥哥返小學, 佢可能都要再適應, 不過而家希望佢慢慢熟悉班同學, 到時無咁驚啦.

呢個星期六, 我帶佢地去咗公園玩咗一個鐘, 然後就總共坐咗7程車 係唔係好crazy呢?
西鐵--->元朗(轉輕鐵)
輕鐵--->屯門市中心
輕鐵--->屯門碼頭
巴士--->旺角火車站(因為在車上睡著了)
巴士--->美孚
小巴--->海麗邨(看看聖安德烈小學的地盤)
小巴--->美孚

散哂!

我月尾先去日本呀.

waiwaichu2003

GOOD MORNING EVERYONE!!!

zimba,
咁又真係好crazy喎,我想問係你一個帶2個b嗎? 咁total用左幾多個鐘頭去完成lee個壯舉呀?
嘩!月尾出發會好多人去同好貴喎,咁想問下跟團要幾錢1個人呀?

waiwaichu2003

各位呀!唔好再冬眠la,快d起身la!!!