好擔心...醫生話BB發展遲緩~~

hinhinmummy

大口環打黎, 話軒軒有位返言語+職業治療PLAYGROUP.

佢依家好忙, 成個大紅人甘.

星期一(一個月一次), 下午要去大口環就言語治療
星期三早上去私人的言語治療
星期四早上去大口環PLAYGROUP(言語治療+職業治療)
星期五下午去協康幼兒訓練.

真係一星期忙足4日.

還要有時要同家姐去跳BALLET.

尋晚個衰仔, 用食指, 指住張A-Z的POSTER係甘A, B, C, D, E, F, G

跟住唱埋ABCDEFG TIM.

678

各位快速報名啦!!
tko clubhouse聚會暫定:
1) 11/12 星期六 下午 4:00---6:00
     1. 678
     


2) 12/12 星期日 上午 12:00----2: 00
    1. Joanna
    2.  678


     
3) 18/12 星期六 下午 4:00--6:00
     1. 678



4) 19/12 星期日 上午 12:00---2:00
     1.Joanna
     2. 678



你地有什麼意見, 但最終都要問過先知, 但此星期天時間比較容易book, & 小朋友己睡好, 小d扭計.
食物可以每人帶d or 買 ( 美心快餐, 惠康, 元錄 等

12312

hinhinmumuy:
咁大口環要收幾多錢呀?
吾好意思.  你check 好個女的考試時間,就 打上啦.
你個仔d時間真是好忙呀.

hinhinmummy

12312

大口環新症100元, 舊症60元, 有無錯呢?

12312

hinhinmummy:
咁是否每次都要比一次錢呀?

今晚我已經補囝囝去了"協康"評估, 姑娘話: 好多玩具都不識玩, 但教一次后就ok, 語言不得, 只得1y 言語,成日ee 呀呀, 間中逼到1個未出黎, 唯一就是皮氣還算合格.
建議長遠計排政府治療, 短期可做特殊老師訓練(因bb只得26月大), 而且排期快, 因在它裡面有成超過10個老師, 但如是"言語,職業等"就要到其它地方, 在此"協會"是沒有對外比小朋友訓練的導師.

咪咪EE

各位:

你地好,想請教下大家.....我仔仔21個月大,最近上playgroup,老師話佢唔專注,好少望人,好鍾意望車"陸"轉,唔多識講野,又唔多同小朋友玩,叫我要注意一下,怕佢係自閉。咁我即刻去健康院檢查,但護士睇過我仔仔,話呢個年紀d小朋友係咁,話佢好正常就叫我返屋企。

後來同一個朋友傾開計,佢家姐係自閉症醫生,呢位家姐醫生同我傾左好耐,話我仔仔唔多似自閉,後來仲幫我聯絡埋健康院既醫生,兩位醫生一齊同我仔仔做檢查,當日玩左好多樣野:認圖,認形狀,分類,role play,砌積木,排積木,畫畫,指出五管,俾指令佢跟....檢查結果係暫時都唔能夠肯定我仔仔係有自閉症,但認形狀係差d,講野差少少,心散,要多檢查3個月再去覆診,醫生話即使真係有,都係好......好mild果種.....但係我都仲係擔心到暈咁滯..... :cry:  :cry:

醫生叫我同佢玩多d有interaction既遊戲,多d去公園同小朋友玩,叫佢多d,要佢望住對方眼睛.....

我想問大家響政府,協康所做既詳細評估係點既呢?唔知似唔似我仔仔剛剛做果個呢??
大家睇我仔仔情況係唔係真係唔差呢?我可以做d乜野幫佢進步多d呢?我仔仔適唔適合參加協康既課程呢??

唔好意思,好多問題tim,請多多指教,盼望大家回覆!thanks.

心煩的媽咪

承承媽媽

咪咪EE,
我個仔當初都係好少望人,同齡或比他大的小朋友玩緊時,佢就自己一個跑來跑去,後來差不多兩歲三個月才由一個相熟醫生轉介去評估中心做評估.所做的評估和你仔仔所做的都差不多,但佢地有無幫你個仔做評估時一面填一份卷計分呀?當時兒科醫生幫我個仔做完評估計完分就知佢有無自閉傾向.
其實你個仔依家都未夠兩歲真係可能評估得無咁準確,(因為唔係好知係個細路唔明佢地o既意思定唔肯理佢地),但係可能醫生都覺得穩陣起見,足兩歲再做多次可能會準d.我個仔做評估時最特別的,就是他的眼睛只注視醫生由公事包拿出來的一盒盒東西,整個評估過程完全無望過醫生一眼,所以醫生都認為他有自閉傾向.
你又不用太擔心,因為醫生話小朋友有輕微自閉,即是說他是自閉傾向,比真正的自閉症輕微得多,經過訓練是可以將他的自閉傾向逆轉的,長大後與正常人沒有分別的.
如果你個小朋友的情況未算確定,現階段幫他幫些一對一的訓練不是不好,不過我覺得你每週帶他返多一兩堂playgroup,讓他見多些其他的小朋友,再看他有沒有改善會比較好.
另外你可以考慮幫佢報全日制的幼兒園,我覺得對小朋友非常有好處,我個仔依家都返緊,不知幾喜歡返學!   
如果再有甚麼疑問儘管提出來吧!可以大家一齊傾傾.

咪咪EE

承承媽媽:

多謝你既詳細回覆呀,聽你咁講,我個心當堂定左好多......
檢查果日,我都見其中一位醫生拎住份野係咁寫,唔知係唔係你所指果份評分報告呢?不過檢查完之後,醫生無俾我睇喎??

檢查果日,我仔仔不在狀態,因為佢好唔鍾意診所,健康院之類,所以成日響樹扭計要走,叫佢做好多野都唔肯做(平日響屋企係做得好好既),我估佢係扮聽唔,廢事理人居多。我都同意你所講,醫生可能覺得佢仲細,等佢夠兩歲再check多次睇真d。

你唔講,我都唔知自閉傾向可以逆轉,我只係一聽到"自閉"就當堂沉左一沉.....希望我仔仔越大問題越唔嚴重啦!

佢而家一個星期返3日PLAYGROUP,每次2個小時,你覺得駛唔駛加多d呢?我已經幫佢申請左nursery,佢一夠兩歲就會入學,不過只係返半日,因為我係全職媽媽,留返果半日我響屋企做home schooling,醫生都建議我早d俾佢返學。

哦,原來你小朋友都係有輕微自閉傾向嫁,咁佢係米越大情況越好呢?以我仔仔既情況,如果唔做任何跟進訓練,自閉傾向會唔會越來越嚴重既呢??

好開心能夠認識到你呀!

承承媽媽

咪咪EE,
你個仔o既情況好可能同我個仔一樣,其他方面(指社交,專注方面)返咗學之後無做跟進都好大機會好轉,唯獨講說話就會比較難,因為我阿仔返咗學快3個月,依家都肯群埋d同學仔玩,唯獨講說話就改善得很慢,當我阿仔29個月大9做評估時,他的智齡不差太遠唯獨言語理解力得15個月,而語言表達力得12個月,足足遲了年半,所以如果你小朋友到兩歲時再評估後醫生覺得他需要轉介的話,他會幫你轉介去幫到你小朋友的訓練或治療的.
今晚頗夜了,遲d再續......

hinhinmummy

12312

咁是否每次都要比一次錢呀?

- 係

建議長遠計排政府治療,
- 呢個一定啦, 除非係有好多錢.

短期可做特殊老師訓練(因bb只得26月大), 而且排期快, 因在它裡面有成超過10個老師,
-係不係即係幼兒訓練? 都要排幾個月bor

但如是"言語,職業等"就要到其它地方, 在此"協會"是沒有對外比小朋友訓練的導師
- 你排青蔥計劃, 佢地會有職業洞療 + 言語治療.

但佢地有無suggest你個仔要mug野訓練?

HelenMrs.Lau

仔仔需然有進步，但好慢 重時好時壞添 有D灰心

hinhinmummy

HELEN

不好灰心啦, 大家一齊努力, 多d上黎講下, 呻下會開心d.

我有時都會好灰心, 但再諗深一層, 自己不開心, 無心機教佢, 只會拖慢佢的進步. 積極d啦(話人比較容易 )

HelenMrs.Lau

hinhinmummy:
近排我真係DOWN 左好多，無乜心機，隻仔又唔合作，個人好〔文〕呀     

four44

我公司另一部門有個媽咪 2個仔都有 自閉傾向同發展遲  大仔冇理  細仔先有做評估及幼兒訓練 (讀普通位) 媽咪 咩都冇做 一樣追到 唔知我有冇咁好彩呢~~ :-|

HelenMrs.Lau

我都經想盼望有〔奇跡〕出現呀∼∼∼ :cry:  :cry:  :cry:

mamee

four44
當然我亦希望每個小朋友最後都追到, 包括我自己果個.
不過事實上每個小朋友的問題都唔同, 生活環境亦唔同(指多唔多外界刺激), 所以我就唔敢乜都唔做, 咁勇敢嘞.
頭先look一look, 發覺原來你係東區媽咪. 其實我都係

Helen
有無聽過協康姑娘講, 越曵=仔仔越黎越醒.
進步呢樣野, 好難話快定慢. 你Down一兩日就好, 快啲收拾心情.

其他媽咪, 亦繼續努力.

mamee

four44

HelenMrs.Lau

一路努力一路等啦!! 實有架!!  

mamee

我都唔敢唔做呀 ，努力 ！ 不過真係有down既時間!!

hinhinmummy

有無聽過協康姑娘講, 越曵=仔仔越黎越醒.

- 我老公又係甘講, 軒軒依家成日開衣櫃門, 自己識得開家姐書櫃, 拿佢鍾意看的狗仔書黎看.

心情好的時侯, 問佢雀雀係邊, 佢會指比你看, 心情不好, 求其指.

我早排都down完, 再黎過啦.

kmwun

咪咪EE

我仔仔都係有自閉傾向，情況同承承媽媽的小朋友近似．根據心理學家講其實自閉個範圍好大，小朋友有其中幾樣特質就會列為有自閉傾向，Dr T曾經在另一個Topic詳細列出有關的資料你可以了解多d．另外協康網站青蔥計劃有列出不同年齡小朋友嘅進而可以參考下．但小朋友太細會影響評估的結果，你都係要等小朋友大定d再觀察．你可以留心一下多數自閉傾向嘅小朋友感覺統合都會有問題，例如我仔仔因手眼協調有問題，拋接波會較差．另外訓練前唔敢打千秋，連入錢搖嘅車仔都唔敢坐．

HelenMrs.Lau

呻完∼舒服晒    
多謝大家鼓勵     
我又充滿番D力量喇        
媽媽們，再努力喇