04年9月入讀小一家長請進！

Astrid

唔曬 .... 我呢邊曬到成隻狗咁呀 .... 晨早就鬼咁好太陽 .....    

麟媽媽 寫道:
Astrid,

今日都唔係好晒，唔帶帽都okay，但無蚊怕水就弊喇，你個女香甜味美，D蚊開大餐喇！！

evelyn317

唔曬 .... 我呢邊曬到成隻狗咁呀 .... 晨早就鬼咁好太陽 .....

Hi Astrid

同我個女同一校車

kitty

vin,
我女女聽日又係去旅行喎,又係去大埔海濱公園,我女女間學校又係每級得兩班,女女造校服間公司都在旺角,一切都咁岩~ 會唔會是同一間學校呢?
不過我諗唔會了,因我們都不用家長一齊去~

我女女明天我諗住比佢著短褲,因我驚佢會好熱,同埋我都係整三文治,帶隻香蕉,比幾包紫菜,小小餅仔咁咋,學生話盡量唔好帶薯片果d 喎~

我女女條運動褲都是28已很大了,可想而知你女女果條真的很大,我今年買了四百幾蚊校服,不過未計校褸(因出年搬校,所以款式未定~

你可唔可以去其他地方買過條呀,應該唔係只得佢一間架,講來聽下咩色既?

麟媽媽

Astrid,

早幾日都陰陰涼的，原來今日出面咁鬼好天！小朋友玩起上來都唔怕熱的，不過有蚊又真係好鬼煩！亞仔旅行我一早同佢擦左防蚊，所以無比蚊針，不過有蜜蜂，仲成日飛落其中一個小朋友個頭度唔走，仲爬入頭髮裡面！我都好驚…個老師好野呀！佢輕輕手按落同學仔的頭度，慢慢掃走左隻蜜蜂喎！
講起如果驚蚊怕水有DEET對小朋友唔好，可以用Little Forest 出既蚊怕cream，佢不含DEET而係用natural驅蚊成份如Lemon grass。哈哈！好似賣廣告啊~~

Astrid

evelyn & 麟媽 ,

我女一落車就一輪咀話我又唔記得袋 d 咩  :-

1. 帽
2. 墊地布
3. 風扇仔
4. 太陽油
5. 蚊怕水

終於, 佢俾蚊咬左 5 啖 ...... 我會留意佢呢兩個星期既生理狀況    

anyway, 我屋企係有各式各樣既蚊水 ..... 要久不久換 .... 如果唔係一樣會俾蚊咬  :

Cheung

各位媽咪,

早晨! 好耐冇入過來! 我囡囡來緊11月23日去旅行,請問你們是用d咩來載食物? 我想用保暖瓶,但會不會大重? 用食物盒又擔心d食物大凍. 比d意見la 唔該各位媽咪!

肥仔媽咪

Cheung,

我囝囝還未知有冇得去秋季旅行 , 佢幼稚園時我讓他帶一包內裡有餅乾和細罐吞拿魚那種, 香蕉和包裝飲品.

麟媽媽

家長可以跟埋去嗎？如果唔係一齊去，最好唔好比太多野佢拎，好重呢！我仔個旅行只係去兩個鐘(計埋車程喎)，係學校後面半山個公園，玩到唔夠時間，我比左D小食佢都無咩點食，玩到一頭濕，大大支水就飲晒，激死人！

evelyn317

Hi Astrid

妳個女講個o的o野除o左墊地布之外我都無俾我個女帶去放行， 佢都俾蚊咬左 2 啖，佢話我知o個同學借

karencircle

Hi Cheung,
下星期會開始轉涼，如果小朋友去旅行是全天的，郊外又會凍Ｄ，給些暖和的食物會好Ｄ。我個囡上次去完旅行，漏底在件外套:evil: 又唔見在Ｄ餐具:evil: ，不過給她的水同兩小盒果汁就真的飲晒，還說有Ｄ同學唔夠水飲，好在老師預備左Ｄ分給他們。  

kitty

cheung,
我今日都係帶左

墊地坐的墊,一張都可坐四個人,一件外套,果汁250ml ,一個水壺入滿水,諗諗下都幾唔夠飲~
食物就帶左幾粒魚蛋,腸仔,雞腿(全部用鍚紙包住再放入食物盒)三文治仔兩件,一隻蕉,我諗都夠啦~
仲有帶左乾,濕毛巾,太陽帽,雨褸(佢自己話要帶)~

我原先諗住用返以前的背包仔,跟住d野都未入哂已冇位,而家迫住用返幼稚園時用的書包,手加一個手袖裝食物~

carollam310

我女尋日旅行返黎,都冇乜食過D野.水就飲晒.成頭濕晒污糟貓咁. : 佢話好開心.掛住玩都唔肚餓

Astrid

cheung,

我整左兩份三文治, 3 個 bb 朱古力包 ..... 仲有 d 零食 ... 一大支水 .... 我開頭都想整雞翼 , 不過, 就算用保溫盒都唔會暖 ..... 我中過招      所以, 都係食包包算 .... 一日半日 , 而且佢地有得玩, 就唔知肚餓    

阿女一落車返到屋企就食左份飛碟麵包    

kitty

carollam310 寫道:
我女尋日旅行返黎,都冇乜食過D野.水就飲晒.成頭濕晒污糟貓咁. : 佢話好開心.掛住玩都唔肚餓

我個女剛返來了,比佢激水,乜都冇食過,只係食了三包紫菜,飲了一包果汁,半壺水,返到來就成份餐盒食哂!
佢都話好開心~

vin,
你今日玩得開心嗎?最後著長定褲呢?

Vin

各位~~~~~~~~~
我今日結果買咗一包"防曬防蚊濕紙巾",
包嘢話用嚟抺落啲皮膚度就可以防蚊2-3小時,
都好似幾得喎~因為我同我女都冇俾蚊咬過一啖

大埔海濱公園真係好多學校會選擇嘅旅行地點,
今日都見到好多間唔同學校嘅學生,小學同幼稚園都有~

至於食物方面,我煮咗一包家樂牌快意粉,
一包(2件)龍堡嘅薄脆卷,再加4條腸~
飲品就有一支500ml雞骨草+一支水~(結果都唔夠飲)

仲有今日嘅天氣真係俾女女着短袖衫褲就ok~
因為佢全日都玩到滿頭汗~
至於佢嗰條冬季運動褲~我遲幾日會再打去校服公司問有冇28碼~有就即刻攞去換~
下個星期仲要天氣會顯著轉涼添~希望佢星期一就有啦.

話時話,家長陪埋去旅行都係得個[悶]字

麟媽媽

呀！今日真係嬲死人啊！琴日亞仔行經前面個同學時，個兩位同學正在爭鉛筆，咁其中一個一扯，枝筆便篤左落我個仔的額頭上，一個紅點流左DD血，而眼鏡亦給撞斜了！我今早告訴老師是想小朋友以後小心點，如果下次傷及眼便不得了！老師可能教訓過個同學，呢個同學竟然在小息掌我個仔個咀！好在我個仔無還手，即刻走去同老師講，聽亞仔說老師好似要見個同學的家長。

karencircle

麟媽媽,
嘩,小一的學生已經咁惡,再高幾級味不得了!那個小惡人是你仔仔的同班同學嗎?叫你仔仔以後見到他不要走咁近,現在有些細路傻起來都唔知會點.

Cheung

早晨肥仔媽咪;Evelyn317;Kitty;Astrid;Karencircle; Carollam310以及各位媽咪:

早早都系我最早 : ! 多謝晒你o地的經驗分享,好有用. 希望下星三天氣唔好大涼la.

我總有一件好頭痛的事,我囡囡有超級的暈車浪 :evil: . 好擔心! 以前讀幼兒園果陣去親旅行次次都嘔到七彩!必定要過晒d換衫褲.  好彩老師同嬸嬸/ 義工媽咪都好幫照顧她.囡囡由細到大我都冇試過同她查藥油,我之前話同她查,她即刻喊到"湯猪"咁! 慘今次是參加小學旅行,又唔比陪!都唔知點算好   .

請問各位媽咪有止暈好方法?

karencircle

Cheung,
小朋友可以吃半粒暈浪丸的，早餐唔好吃太飽同最好吃完半個鐘後先上車。預先通知老師等老師有準備會好D。

evelyn317

Hello Cheung

我有朋友都係超級暈車浪同暈船浪，連佢個女都係，佢通常會飲o的有汽o既o野，例如七喜，可樂。

我個女去旅行個日都有小朋友嘔，學校之前已經叫o的學生帶膠袋。