2005年出世或~宏福幼兒園媽咪~(PART II)歡迎新朋友加入

pcdogxx

各位,
呢排好鬼忙都唔得閒上黎睇message..  
我上個星期都係咁搵暖包俾渝爸..   好彩星期六果日去吉豬岩岩返左貨..   不過渝爸果晚雖然上山, 但係坐係車, 所以唔係好凍..  佢唔用我留返俾鈞渝返學用呀.. 放係件褸袋到好鬼暖...

哎吔,    果日我都想買多d, 但係又好似好少用..   原來你地都搵呀, 早知幫你地買埋啦..

626mama

天藍,

救世軍冇見到(星期六)，果日太凍，飲完茶回了家，
跟住回了家，差不多夠鍾叫軒爸去見，佢話都唔讀，
唔好去見，因為2:30又有個生日會要去，好以成朝行
出行入咁喎。太凍喇，去生日會時，可能軒軒凍親，
大雨又大風又凍，其實真係有小小唔想去，不過人地
開生日會唔去好以好掃興，昨天朝早軒軒成朝呆呆坐
係度唔玩，我見唔對路，同佢探熱101度，去到樓下睇
生關了門，去了仁安度103真係客死我。係醫院軒軒成
個人坐都冇晒力。連個頭都冇力向左右放，見到佢真
係好擔心，今日都唔感反工，所以明天要返去做買。


ElainAiolia,天藍,

長隆特輯我同軒軒睇到眼定定，朝早隔離台都有做，
晚上又睇，我同軒軒係咁叫軒爸同我地去，佢都好有
興趣，不過天氣好D先想了，復活節我同事已經講定佢
放，應該都冇咁怏去，一齊去我都有興趣。

我仲著得多過妳喎，四件衫，有時兩條褲。不過我係公司
都係好凍。

暖包我星期六係萬寧見到有得買，不過一包暖包連一個殼$6.80
原來個個有暖包用，都係之幾年買落，我妹妹佢地都係之前買
落才有得用。

626mama

:恭: :喜: :發: :財:

626mama

鼠年見喇，各位。

pcdogxx

Hongmimi,
嘩..   乜匡匡間學校咁攪笑既.. 有得打邊爐...   真係唔錯唔錯..   仲叫你地唔好買校褸..  呢d校長去邊到搵..   你屎喇..  第時上左幼稚園你一定唔慣.. 樣樣都係$$$$$$$$$$...     

ElainAiolia,
我果次拎到20對鞋, 我都覺得自己好犀利.. 跟住仲要去地鐵站接埋鈞渝返屋企.. 結果小巴都要俾兩個位錢, 因為太多袋真係冇位放..   
佢一年開一次..  下年收到風一定預早通知你地..   

天藍,
我都同你一樣,  一生完就話減..  減到家下都仲係咁既屎樣..  成日食.. 唔肥我都偷笑喇..     唉.. 仲要過年..  死得仲快..     本來我都唔拎件羽絨出黎架喇..   成日帶鈞渝返學都出到成身汗..    不過真係好凍..   買左件野又唔好嘥左佢嘛..   

哈哈.. 你好攪笑..   又會真係想打電話去既..    你阿媽就仲攪笑.. 問人借錢....   

626mama,
其實我覺得暖包個穀可以唔使買都得.  我都係放係鈞渝d褸袋到咋..  不過開頭我唔知, 我都買左幾個...  :;pppp:    我係吉豬買$5咋..   佢都算有良心喇..  缺晒貨都冇加價...

嘩.. 新年前黎病快d睇好佢呀...   鈞渝都係keep住有鼻水.. 好返幾日又黎.. 不過真係太凍喇..  

pcdogxx

candyhui77,

你忙到連一句說話都留唔到呀?    過年你好好休息下喇..  希望你公司過年後快d請返個人幫下你啦..

前幾日鈞渝書包多左包維他奶,  手冊寫係組內有個小朋友送俾鈞渝, 係咪你送架?   佢又冇寫邊個送..

各位,
鈞渝上星期係學校整到塊面..  Ms. Ng打俾我話冇人知佢發生左乜事, 佢整到又冇喊喎..   因為岩岩Ms. Ng出左去幫手接放學, 佢都好唔好意思..  不過鈞渝塊面係左耳側右耳側同埋咀下都有損到..   都唔明佢點整到架.. 佢張受傷報告就寫話可能d同學仔玩玩具整到佢..  不過佢有3到損傷, 咁咪俾人打左3野???    問鈞渝佢又唔識答.. 到現在都仲係一個迷........  不過好彩都係損左一條痕咁..  

你地都計劃梗去長隆玩呀?      如果去動物園記住唔好夏天去.. 熱到你唔想行架..    所以要去好襯5月前去喇..    上次同我一齊去左兩次果個家庭, 新年又再去喇..   不過平平地, 又近近地, 長隆真係一個唔錯既選擇...

pcdogxx

各位,
先同大家拜個早年..   

:恭: :喜: :財: :發:  

心想事成..   囝囝囡囡快高長大..   新年發大財一直放假放到尾....

天藍

all mama,

今年你地既小朋友利是錢收獲豐唔豐富???
同過年去咗邊到玩???
而我一家人都係就圍去d親戚朋友屋企拜年,
都係飲飲食食~~
祝大家鼠年進步! 萬事如意!:恭: :喜: :恭: :喜:

原文章由 pcdogxx 於 08-2-6 12:04 發表
各位,
先同大家拜個早年..   

:恭: :喜: :財: :發:  

心想事成..   囝囝囡囡快高長大..   新年發大財一直放假放到尾....

天藍

626mama / pcdogxx / hongmimi / ElainAiolia /
candyhui77,

pls check pm.

ElainAiolia

Dear all mami,
大家新年過得開心嗎 ？有無發新年財 ？

新年前突然勁多o野做 (指公事) ，差D連屋企D年貨、全盒及花都搞唔切，所以好耐無上o黎。

子聰年廿九食完盆菜後，到而家個肚都唔係咁舒服 ，最犀利果日疴o左6次 ，仲間中話肚痛要搽油 ，但每次搽親油佢又好開心，仲笑住話好香、好舒服o忝，其實已比o左止疴、止肚痛藥佢食都仲係咁 ，但佢又食得、訓得，好精神咁，我諗住新年流流唔想佢去醫院睇醫生 (因診所無咁早開門)，睇怕聽日再係咁都係去睇o左醫生穩陣D ，費事一返工又請假同佢去睇醫生 。


626mama,
果日軒軒病得咁犀利 ，真係嚇鬼C你o地 ，佢好番晒未呀？咁過年佢o米好慘o羅 ，要食藥渡過 ，佢精神D未呀？祝佢身體健康，精乖伶俐 ！

ElainAiolia

天藍,
多謝你讚子聰靚仔 。

今年年初一去o左奶奶度拜年，之後再返我屋企，佢o地攻打四方城 (因我奶奶唔比D女初一返去拜年o既，另加上奶奶及老爺D哎喲親戚唔係屋企，所以唔使周圍去拜年 )，我唔仲意打麻雀，所以佢o地打。

年初二去o左同子聰契爺契媽飲茶當拜年 ，之後返o左去我娘家 (即青衣) 團拜 。

今日赤口無勢藝，o米當休息，o係屋企痴痴呆呆咁過o左一日 。

已check pm及已回覆，到你check pm 。

pcdogxx,
好彩你無特登幫我買暖包，因我只想買暖貼o乍，但無論點，都多謝你咁有心先 。

鈞渝係學校整到塊面，好番未呀？有無毁容呀？小朋友返學係容易病同整親o架la，唯有希望唔好毁容同入醫院就算la，希望鈞渝快D識講o野就好 。

ElainAiolia

hongmimi,
你o地去珠海開唔開心 ，好唔好玩呀，匡匡有無曳呢？你返o左o黎未呀 ？

你屋企門口換o左地毡及門上貼o左多拉A夢，子聰行過見到係咁話多拉A夢，真係比佢激C 。今晚你隔離屋好多人拜年 (因見到門口勁多鞋)，一定好嘈定la ，唔知會唔會嘈住匡匡訓呢？

candyhui / whatever,
你o地去o左邊，新年前及期間係o米好忙呢？希望過年呢幾日假期，你o地可以有時間休息o下就好la ！

天藍

pcdogxx,

鈞渝係學校整到以家無乜野嗎??? 希望快d好番!
昊藍係學校都試個撞瘀左個頭, 老師話佢放學行
出去換鞋, 左腳take到右腳定右腳take左腳成個
跌落地頭仔撞到落地都瘀左少少, 小朋友好快復完
好快又無事, 希望鈞渝都快d好番!
我過年個幾日(初一, 二) 都有著羽絨, 因我個兩日
好早出門去拜年, 好凍所以羽絨都要出來見下人~~
係啦! 我亞媽又係"心思思" 個廣告呃我係借錢, 係
佢先諗得到咁搞笑, 以家呃唔到我我大個女知係乜
廣告啦!
以前d大人係咁好怕同小朋友提"性教育", 話大個就
知, or同我地講係石頭爆出來, 以家d家長會好d會教
下d小朋友, 不過, 你叫我去同d小朋友講我都要諗
下點講, 鈞渝係女仔你都好講d, 兩母女大家都係女人,
我個係仔留番老公同佢講好似好d。
新年有無發下新年財???

ElainAiolai,

收到你回覆多謝晒!!!
你唔使多謝我讚子聰靚仔, o黎個係事實o黎架嘛!!!
你過年前都咁忙咁多野做, 真係叫你老闆封大封d利是
比你, 咁辛苦!
子聰食完盆菜肚疴, 疴咁多次真係辛苦, 要比子聰食番
多d野補充下, 我都係好似你咁話睇左醫生先, 唔係開
工又要請假去睇就煩~~
昊藍同子聰一樣都係好鍾意藥油味, 又係話好香, 昊藍
有乜損傷佢都成日叫我比佢擦白花油, 佢好鍾意白花油!
我新年無打麻雀, 因我係唔識打麻雀, 好多人以為我扮野
唔識打, 但我真係唔識打, 所以未發新年財, 但同仔仔逗
左好多利是好大收獲都算係發下新年財, 同仔仔儲埋d
錢留番第時讀大學用

626mama,

軒軒好番未? 你過年有無同軒軒去邊到玩???

hongmimi,

你返鄉下返來未??? 報告下情況係點???
有無逗到人民幣利是, 以家d人仔高過港紙
你好收獲啦!!!

candyhui77,

過年有無同翔仔去到邊到玩呀???

原文章由 pcdogxx 於 08-2-6 11:28 發表
Hongmimi,
嘩..   乜匡匡間學校咁攪笑既.. 有得打邊爐...   真係唔錯唔錯..   仲叫你地唔好買校褸..  呢d校長去邊到搵..   你屎喇..  第時上左幼稚園你一定唔慣.. 樣樣都係$$$$$$$$$$...     

ElainAiolia ...

hongmimi

各位，新年好呀! :喜:

我地新年好忙呀! 初一晨咁早四出拜年，初二出發去珠海，到星期六好夜先返到屋企，星期日又出左去拜年，屋企日日都無人，相比隔離屋成門口都鞋佢地真熱鬧呀!

珠海都幾繁榮，匡匡同從來未見過既疏堂表姊妹玩到傻晒，其實玩就無乜特別好玩既野，唯一就係夜晚去燒煙花，我地因為細路多唔敢買d勁野黎燒，都係滴滴金、龍吐珠、鑽地龍之類，人地就勁喇~ 成個大桶咁，燒出黎係好似年初二維港果d咁爆開，好遠好遠都見到一個一個大花大花咁，我同匡匡一樣咁大個都係第一次燒煙花咋~

其餘都係食居多，不過果邊天氣真係好凍，匡匡連褸著左七件衫、兩條褲，但都走得好快。我就慘喇~ 我年三十病到今日都未好，年三十晚去睇醫生足足等左一個鐘頭九個字，睇就睇左兩分鐘，傷風咳食左藥好鬼眼訓，仲要金睛火眼盯實匡匡，免得被人捉走。不過都有樣好，去到邊d大陸人個個一睇都話匡匡係女仔黎，我同佢換片片，d人見到古古嚇到個個嘩嘩聲~ 哈哈哈! 以為女仔被人捉走機會少d，我都安心d。

至於利是情況就係：派既多收既少囉~ 佢地好多細路，清一色女仔。 我得匡匡一個心肝定嘛~ 嘻嘻!! 人民幣係有，不過有d得5蚊紙幣咁大把咋~

真唔好意思，今日係公司會好忙，要清埋d野後日開始放大假，有時間再上黎同大家傾呀~

天藍，
Pls check pm~

[ 本文章最後由 hongmimi 於 08-2-11 12:09 編輯 ]

whatever

嘩,今年都唔做乜,凍咁耐。
成個新年假，我同我兩個小朋友都在流鼻涕。依家都未好返。
我咁大個人從未試過穿打底褲,今年都要穿絲襪打底。
講返新年假，我同個女去左宿霿四天。冇帶ToTo去。
我地出海浮潛，D水好清，好多魚,好好玩。我覺得比布吉仲清。
過多兩年再帶ToTo去。
話時話,有冇興趣一齊出黎玩呀？等天氣冇咁凍時，一齊去廸斦湖啦。

天藍

hongmimi,

匡媽你今日好d未? 食藥有無好d??? 希望你早日
康復!!!
你上到去個個以為匡匡係女仔都好, 學你話唔怕比你
拐
我記得細個返大陸都係有好多煙花玩, 又係好勁放到
好似電視放煙花咁, 不過, 我細膽有d放到呯呯聲
個d我未必敢玩, 好驚呀! 都好匡匡上去放下煙花見下
d親戚表兄弟一齊玩都總算過個快樂既假期。
我新年都係帶昊藍周圍去d親戚朋友拜年, 同老公去睇
下戲就係咁過個新年假期。
我都唔係好你好多, 今年我老闆唔知做乜突然好好人,
一早同我地講今年三十全公司員工休息, 唔使扣假, 我
勁開心, 諗住個日可同仔仔下午出去行下, 點知個日一
早起身條腰骨痛到起唔到身, 我亞媽下午黎我屋企我到
痛到係房間床攤係到起唔到身, 成日都無出去, 訓係張
床就咁過個日 你話係咪辛苦命, 唔返工就骨
痛, 但都好 彩訓左成日年初一骨無痛, 龍精虎猛, 點知
初二喉嚨痛, 痛到吞口水都痛, 醫生又未開, 走去藥房
配藥, 食左無咁痛, 但個幾日都無乜胃口, 以家開工又
無事, 你話返工就無事, 睇O黎我個退休計劃都未得
住.....

原文章由 hongmimi 於 08-2-11 12:05 發表
各位，新年好呀! :喜:

我地新年好忙呀! 初一晨咁早四出拜年，初二出發去珠海，到星期六好夜先返到屋企，星期日又出左去拜年，屋企日日都無人，相比隔離屋成門口都鞋佢地真熱鬧呀!

珠海都幾繁榮，匡匡同從來未見過既疏 ...

[ 本文章最後由 天藍 於 08-2-12 10:26 編輯 ]

天藍

whatever,

宿霧我同我老公以前拍拖個陣都有去過,
陽光海灘都好好玩, 你就好同大女去玩,
一定好開心~~
好呀! 我都想約一日大家出來玩下, 不過,
真係要等回暖先再出來一齊玩, 以家真係好
凍

原文章由 whatever 於 08-2-12 10:05 發表
嘩,今年都唔做乜,凍咁耐。
成個新年假，我同我兩個小朋友都在流鼻涕。依家都未好返。
我咁大個人從未試過穿打底褲,今年都要穿絲襪打底。
講返新年假，我同個女去左宿霿四天。冇帶ToTo去。
我地出海浮潛，D水好清，好多魚,好 ...

hongmimi

626mama
軒軒發燒燒得咁勁，真係年尾流流嚇壞阿媽~
天氣咁凍，一中招真係要加陪心機時間，辛苦妳喇~

咁又係，陣間妳地個個寄晒張學卷form我實唔記得，我去完泰國返黎攪，唔該晒!

Whatever,
我同匡匡同妳兩個小朋友一樣，成個新年都係都流鼻涕~

嘩! 去宿霿玩有得出海浮潛睇魚魚真好玩，我都好期待我地泰國之旅呀! 因為終於可以唔洗著咁多衫，熱下個身喇! 呵呵!!宿霿或者布吉都好岩小朋友去玩呢! 嗱嗱嗱~ 妳講過架! 記住過多兩年帶埋ToTo去呀~

Pcdogxx,
匡匡間學校唔止打邊爐，年廿九著華服個日教小朋友做湯圓，即場煮埋大家食添呀! 匡匡返黎搵d細波波係咁”初”扮整湯圓。我都知屎架喇， 而家慳慳埋埋第日上幼稚園一舖過仲要嘔凸。

鈞渝塊面而家點呀! 受傷報告話可能係玩具整到有3到損，個玩具咁犀利既，好唔好再被小朋友玩呀~ :(

ElainAiolia,
子聰年廿九肚痾都係排下毒，去舊迎新啫! 好意頭呀!!

新年打麻雀好呀! 拍拍聲夠熱鬧嘛!!

子聰咁眼利，咁細隻多拉A夢都睇到，匡匡都好鍾意多拉A夢(其實佢好濫，咩都話鍾意)，我都無刻意買，因為諗住新年日日唔係屋企，又無人黎拜年。張多拉A夢係姑奶送俾匡匡既! 上面個出入平安就係婆婆既~ 嘻!

妳地門口個decoration仲勁啦! 左右兩大串炮仗係咪每隔一後時間會自動嚮架? 因為有日同匡匡返屋企，突然有人講野，匡匡望下妳門口又無人， 傻傻地望住我，哈哈哈!

天藍，
妳條腰骨攪咩年尾流流嚮警號呀? 好在新年無乜事啫! 唔係幾日假期無得玩咯~ 係囉! 我次次都係一放假就病，睇黎我地都係辛苦命， 要捱多幾年(幾年好喇)先可以退休~ 嘻嘻!!

唔好意思，擒晚唔記得問匡爸，我一知道盡快覆妳吓!

whatever

hongmimi,
嗱嗱嗱~ 我細細聲講下咋，未定架。你唔好話比ToTo聽呀。
我今次去宿霿時,聽團友講長灘島仲靚喎，諗下先。

ElainAiolia

Dear all mami,
子聰星期日果晚已睇o左醫生，話佢腸胃炎，無乜特別o野，但佢就成日話肚痛要搽油，但一搽完就鬼咁精神，唔知佢係o米真o既 ？

hongmimi,
聽你咁講，係珠海燒烟花好開心o咼 ！

匡匡居然比人以為佢係女仔 ，你真係安心D，起碼D人唔會打佢主意o麻 ！

你同匡匡好D未呀，D鼻水收晒未呀，著多件衫，因為呢排真係好凍 。

匡匡間學校又真係幾多o野教佢o地，諗起佢做湯丸時個樣 ，又真係好搞笑 ！

我屋企門口果兩大串炮仗可以set敏感度而响，如全關、有聲音就响或閂門就响，聰爸同我set有聲音就响 (佢話新年有氣氛D o咼)，所以有D聲佢就會响，可能果日你o地番o黎有D聲，所以佢係咁响，不過，果晚你隔離屋太多人出入，而我隔離又有人打蔴雀，果兩大串炮仗係咁响，我o米即刻閂o左佢，費事比人投訴 。