2007年8月開學宏福幻兒園既媽咪一齊入來傾下

天藍

hongmimi,

你喉嚨發炎記住準時食藥,
早點休息, 我上個星期都係
唔係好舒服咳, 希望你早日
康復!!!
我昨天先同仔仔出左去荃灣買
返學鞋, 準備開學既野都七七
八八啦!!! 昨天早上仔仔的班
主任都打埋電話俾我啦! 到時
開學學左D乜再同你地報告。
打風個日我都成四點幾先走,
因有手尾要整埋先走, 我走個
陣巴士站都好長人龍, 等左兩
班車先返到屋企, 都算幸運,
返到屋企先五點左右!
我請左三日假陪仔仔開學,因
頭個幾日可比家長陪, 之後個
D日子唔俾家長陪我諗住早上
送仔仔返學, 跟住先返工, 因
青怡樓下有去荃灣既巴士, 返
去好快, 我都同左老闆講可能
會遲少少返, 我地遲返唔會扣錢,
但等係要事先講左乜原因先, 而
放學就由工人姐姐接仔仔。我
怕無家長陪個幾日仔仔見到我會
哭, 因佢見到我同爹地先會扭計,
其他人會好D!

[ 本文章最後由 天藍 於 07-8-12 13:31 編輯 ]

626mama

各位,

我一掛風便走，反青衣湊軒軒，再反沙田，
我成6:00先反到屋企，好煩。軒軒比風吹到成身濕晒，
又流鼻水同咳，剛剛先好反。又來過，真係好煩。
好彩朝早食左藥仲反到學，不個食左藥就傻傻地咁，
冇咩表情。又冇咩反廳。


天藍,各位,

如果我有走上來睇留言，軒軒今日就唔會穿錯禮服反學啦，
我比婆婆話，點做人呀媽，個仔穿什麼校服都唔知。
Miss Gloria星期六下午才打電話給我，沒有提過穿什麼
校服喎，今日老師漏了軒軒杯橙汁冇比到佢，軒軒回家
仲問我，未飲橙汁(佢好鐘意飲)。我見大家都收野，所以冇問反老師比佢。點知佢記住。早知叫反老師比佢啦。

626mama

hongmimi,
妳好反未呀????


ElainAiolia/WMCHAN,
今日第一日反學，ok嗎????

原文章由 hongmimi 於 07-8-10 10:39 AM 發表
pcdogxx,
咁橋既，我又好忙，岩岩完成咕哩工作就喉嚨發炎sick leave，而家仲食緊抗生素，要食四日。

626mama/天藍/ElainAiolia/WMCHAN,
妳地囝囝下星期一開學，預備好晒未呀?
班主任miss仲未打黎呀? 又會 ...

天藍

ElainAiolia / WMCHAN,

唔知你地小朋友今日返學情況如何???
我同我仔仔就平平穩穩甘過左開學第一天,
類似我平日帶仔仔返宏福pg甘, 老師唱下
歌, 講故事, 食茶點......., 不過, 仔仔唔知
係咪有第六感知係返學唔係返pg, 今早到
學校門口有D扭計, 怕我放底佢唔理呱!但
入到去一陣又無事。
同好開心可以同626mama個仔仔一班,
有傾有講~~

原文章由 626mama 於 07-8-13 17:26 發表
hongmimi,
妳好反未呀????


ElainAiolia/WMCHAN,
今日第一日反學，ok嗎????

626mama

天藍,

軒軒食野咁慢，今日又派唔到蘋果食。
我估軒軒日日只食餅乾就會冇野食喇。:tongue:

626mama

ElainAiolia

我今日幫軒軒放書包時，見到子聰張相，
唔知用來放什麼東西呢。好像比家長放手袋!

唔知係唔係呢，我地這班的家長要自己拎住手袋。

hongmimi

626mama,
其實早幾日已經好番好多，但抗生素要食晒，到星期日先食完。

見到妳地開學好開心:D ，原來妳同天藍班主任係Miss Gloria，呢幾日都返一個鐘係咪全程都可以媽咪陪住架? 又唱歌又有茶點食應該無小朋友喊啦?

626mama

hongmimi,

食抗生素記得一定要食完佢。

係呀，有天藍仔仔同我仔仔一班，一齊開學真係好開心:D ，
起碼識一個人，可以傾下計嗎。

呢幾日都返一個鐘，小朋友都好以行程好緊湊咁。
等我講比妳同pcdogxx知一個小時做咩啦，希望冇錯漏啦。
一回學校例行公事，換鞋，放好書包，去洗手間。
未夠鐘，可以入去玩下車仔，滑梯咁。
夠鐘放好玩具唱歌仔(全校學生)，做下運動。
跟住坐下來唱兩三首兩仔，
去洗手間洗手食茶點(昨天:一坱圓餅仔.一杯橙汁)
(今天:兩粒動物餅.蘋果去皮約1/8,一杯水)
跟住講故事
跟住油顏色
洗手放學。
全程都可以媽咪陪住架。
又唱歌又有茶點，都有小朋友哭，有時唱唱下歌又會走左去。

[ 本文章最後由 626mama 於 07-8-14 17:40 編輯 ]

hongmimi

原文章由 626mama 於 07-8-14 16:15 發表
hongmimi,

食抗生素記得一定要食完佢。

係呀，有天藍仔仔同我仔仔一班，一齊開學真係好開心:D ，
起碼識一個人，可以傾下計嗎。

呢幾日都返一個鐘，小朋友都好以行程好緊湊咁。
等我講比妳同pcdogx ...

626mama,
o華! 真係好緊湊喎! 妳地就好啦! 插班生媽咪無得陪上堂架! 只可以早半個鐘番到陪玩一陣，夠鐘上堂就要走lu!:cry:

626mama

hongmimi,

原來插班生媽咪無得陪上堂架!
咁小朋友哭點算呀???
之前聽人講，如果哭得利害會提早叫家長帶回家。
第四五日，唔知會唔會收到電話叫我帶軒軒回家呢。

原文章由 hongmimi 於 07-8-14 04:26 PM 發表
626mama,
o華! 真係好緊湊喎! 妳地就好啦! 插班生媽咪無得陪上堂架! 只可以早半個鐘番到陪玩一陣，夠鐘上堂就要走lu!:cry:

626mama

hongmimi,天藍,各位,

這兩天反工做到死死下，
一日工作半日做，
又係咁比人吹，
仲有明天都係咁，好滲呀，
這兩天成日以為就放午反，
其實係就放工，
開始有d傻傻地。
我估天藍都係好好忙。

626mama

hongmimi,pcdogxx,

今日第三日，同妳地分享下今日流程。
期實今日冇咩流程，一回到學校，配小朋友唱完歌仔，
老師便同家長講，而家開始玩車仔,滑梯咁，可以的話，
請家長出去換鞋區那邊(10:45)，離開小朋友，跟住佢地會開始食茶點。我同天藍坐係換鞋仔那邊，都聽到好多小朋友開始哭，
有一個哭得比較利害，帶左佢出來，比家長帶走了。差不多
11:20分就叫家長換好鞋出出便排隊等老師幫小朋友穿好鞋，
一個一個帶小朋友到門口叫名。等家長帶小朋友回家。
差不多五六個，便到軒軒，有個嬸嬸帶出來，嬸嬸同我講，
明天最好穿學習褲上學，因為軒軒哭時，就懶尿，已經幫佢換了兩次褲仔，當時軒軒穿的褲是學校惜穿的褲，(我今天上午才給老師後備衣服，可能未有找到出來。)可能學校都有衫褲惜小朋友穿。

軒軒放學去睇醫生。
軒軒咳左成個月，今日睇醫生，醫生話佢氣管炎，仲要照肺。
咁細個照肺，真係又d唔想比佢照，不過咳了成個月，唔想都要啦。


天藍,

我接軒軒時，妳還末接昊藍，昊藍有沒有哭呀。
我接軒軒時，佢眼好紅，一定有哭啦。

天藍

626mama,

今天昊藍出乎我意料, 老師話佢開頭流左兩滴眼淚,
跟住又笑又無事, 完成晒今日所有課程。
原來無哭既小朋友會放學遲D出來, 昊藍出尾二笑住
出來,因要俾左哭得犀利既小朋友走先。我反學有比
仔仔著學習褲既片片佢著, 佢既書包仔我都有放定二塊,
因我都怕佢去到新環境會唔習慣會整濕褲仔。
仔仔琴日返學返到一半都無端端哭, 琴日全程有我陪反而
哭, 所以琴日我都好唔開心同失望, 今日陪個幾分鐘就走
反而無乜點哭, 放學仲笑住出來有好多人拍手話佢無哭,
我都好開心。我同老公講佢話亞仔爹我, 無我就反而會
獨立, 知我好錫佢。
你接軒軒走個陣我睇唔到, 後尾我問番工人先知你走左,
佢話見到你地走左, 不過, 你仔仔今日哭唔使太失望, 我
仔琴日都係甘, 今日又無事, 所以小朋友都好似天氣甘好
難捉摸, 希望在明天!
如果軒軒咳左甘耐真係要聽醫生意見, 真係要照下肺, 因
我仔仔未夠1Yrs個陣, 有一晚高燒唔退帶左佢入浸會都
係話佢氣官炎, 醫生都有幫佢照肺, 仲要住一日食左抗生
素, 個晚退左燒, 第二朝就出院, 所以照x-ray唔使太怕,
唔係成日都係甘就ok, 同你仔咳得太耐真係要搵出個原
因。
祝早日康復!
明天見~~

原文章由 626mama 於 07-8-15 15:33 發表
hongmimi,pcdogxx,

今日第三日，同妳地分享下今日流程。
期實今日冇咩流程，一回到學校，配小朋友唱完歌仔，
老師便同家長講，而家開始玩車仔,滑梯咁，可以的話，
請家長出去換鞋區那邊(10:45)，離開小朋 ...

[ 本文章最後由 天藍 於 07-8-15 16:42 編輯 ]

ElainAiolia

Dear all mami,
唔好意思而家先上o黎回應"BBQ function"事宜，因5/8後至到上星期尾，每日返工時間唔同之外，仲因路程遠(每日淨車程不計等車時間都要2粒鐘，平時返工單程計只要半粒鐘)，所以只有上o黎睇而無回應；今個禮拜除了忙子聰返學o的o野外，仲因我夜校要考試，所以今日可以回應o下。你o地就好喇可以去旅行 ，我自從知道有o左子聰之後，都未曾離開過香港，連澳門都無去過，好慘呀！

子聰呢幾日不知幾夜訓(成11:30pm – 12:00am)，好在番11:30am學，但今日佢唔知點解只係訓o左大約1個鐘晏覺，夜晚我就9:30產佢上床訓 。唔通以後都訓咁少晏覺先可以提早上床訓，點算呀！

返學情況就好似天藍及626mama所講咁，一入學校換好鞋交完Communication Book，就放好書包及洗手，未夠鐘上堂可以玩o下車仔、"Sir"滑梯，開始上堂就唱o下歌、做o下運動，之後洗手食茶點，油顏色或做勞作，講o下故仔又夠鐘放學。

626mama, 天藍,
我返11:30-12:30個時段係Panda加Rabbit班，約有15-16個小朋友，Panda班(即子聰果班)佔10個小朋友，只有1個小朋友由入學校喊到放學 ，其他o既小朋友無喊過。今日(15/8)我帶子聰返學都好似你o地咁，起初未正式上堂前，老師已同我o地家長講12:20我o地出去換鞋先，然後去學校外面攞住張接送卡等叫名接放學；但當o的小朋友洗完手行去食茶點期間，o的老師就叫我o地唔好入去及行去換鞋地方等，後o黎就聽到唔同o既小朋友喊聲；約12:10老師就叫o左我o地出學校門口排隊等接放學，其實我都有少少擔心子聰 ，因佢一驚(或掛住玩)就會唔記得叫疴尿(因佢無著學習衭，只係著底衭)，好在到放學時無整濕到條衭o者 ，佢仲要係最後1個出o黎，除o左佢仲有2個女仔都係無喊，其他小朋友都只係好似傳染病咁被人感染先喊o者。其實軒軒同昊藍已經好叻仔啦，我o地比o的時間佢o地，佢o地好快就更加適應新環境。

我o地係等接放學期間，係o的窗簾布邊裝入去玩車車個area，見到o的老師會照顧喊緊o既小朋友，而唔喊o既小朋友就不停玩車或"Sir"滑梯，後來更索性叫唔喊o既小朋友坐係o的地墊度，我就見到子聰成舊番薯咁望住o的小朋友喊，唔知佢當時諗緊o的o羊呢。

明天(16/8)就係我o地小朋友一個大考驗，好緊張呀！

ElainAiolia

626mama,
軒軒o的咳完全好番未，既然醫生叫照肺，就照o下喇，無事o既，但求安樂o者。好似天藍話又唔係成曰照，唔怕。子聰到而家咁大都照過2次X-Ray，最緊要醫生話有需要，而且氣管炎好長手尾，一定要睇清個底呀。一定一定唔好比軒軒食橙 ，o的人話氣管炎唔食得，如果佢一定要食，"鄧"番熱比佢食呀。(我阿妹細個都係咁，佢仲曳到要飲汽水 ，我阿媽會溝o的熱水先比佢飲。所以子聰要飲汽水，我都用同一方法，佢都飲得不知幾滋味，哈哈！)




**祝軒軒快o的好番，藥到病除！**

子聰好多時o的咳仲未斷尾，我除o左比犭候棗末佢食之外，我都會煲川貝、枇杷薄荷葉、甘草、果皮比佢飲，最近果次我懶去買，我阿媽教我用川貝、果皮"鄧"蜜棗，我都覺得好work:D ，下次大吉利事你都可以試o下，話晒蜜棗無蜜糖咁甜。另外，如果淨係有痰，可以去買盒橙樹牌化痰素(100mg)要橙汁味(因有其他味 – 我未試過，另因有200mg包裝只供成人食)，instruction無教點冲因佢係粉狀，我會一包冲三安水左右，每日約三次:time: ，成人可冲二包，水o既份量自己就番，好好味o架 。有時間中子聰食得多熱氣o野，我都會冲比佢飲o下，預防定好o的。(最好係藥房買，如果係萬寧同屈臣氏買勁貴)

你話見到子聰張相下面係o米有個鈎o架，如果係，果個鈎係比子聰掛佢個書包，我o地o的家長將自己o的袋放係果o的鈎o既下面地下，費事攞o黎攞去。

hongmimi,
你好番晒未呀？小心身體，你仲要湊匡匡o架。

ElainAiolia

天藍,
唔好意思 ，可能我上次掉轉o左一三五同二四所著o既衫，好在你再問宏福o的老師o者，我都要唔該晒你再話我知，如果唔係，子聰實著錯衫返學。我呢二日，好似見到你帶昊藍放學，唔知有無認錯呢？

pcdogxx,
鈞渝o的鼻水好番未呀？我果晚見佢都好精靈，起碼唔會一見陌生人就走番你度先喇，我果晚啱啱考完試先得閒幫我老公入貨 ，平時我好少果個鐘數出現o架。



**祝鈞渝快快康復，身體健康。**

ElainAiolia

十月活動
太子警察遊樂會(BBQ)

日期 : 10月6,13,20,27日(六)
集合地點 : 遊樂會門口
集合時間 :
備註       : 有時撞岩燒烤場俾人全包或者特別事都無得book，所以早d confirm日期，可以早d check有無。


參加:
1. 626mama (2大1細)
2. hongmimi (2大1細) 唔得：9月22,29日
3. pcdogxx (2大1細) 唔得 : 9月1, 22, 29(去左日本旅行 )
4. 天藍 (2大1細) 唔得:  8,15,22/9 (因要上堂)
5. ElainAiolia (3大1細) 唔得:  20/10


大家睇下10月就唔就到時間，最好大家一家三口都出埋出來。
咁大家有冇邊日唔得呀(知道時間未)。

626mama

十月活動太子警察遊樂會(BBQ)
日期 : 10月6,13,20,27日(六)
集合地點 : 遊樂會門口
集合時間 :
備註       : 有時撞岩燒烤場俾人全包或者特別事都無得book，所以早d confirm日期，可以早d check有無。

參加:
1. 626mama (2大1細)
2. hongmimi (2大1細)
3. pcdogxx (2大1細)
4. 天藍 (2大1細)
5. ElainAiolia (3大1細) 唔得:  20/10

大家睇下10月就唔就到時間，最好大家一家三口都出埋出來。
咁大家有冇邊日唔得呀(知道時間未)。

我暫時日日都冇問題，希望10月大家都可以一起出來bbq啦。而且又係我喜歡的活動。

[ 本文章最後由 626mama 於 07-8-16 14:10 編輯 ]

天藍

626mama,

今日返學係青怡個條路個到見到軒軒,
佢地兩個一齊返學入學校門口, 我見
亞仔入去眼紅紅甘, 跟住工人接佢放
學, 老師同佢講話仔仔入去叫左一聲
媽咪跟住又無哭, 又係到玩~~
唔知軒軒今日點??? 我今早見軒仔仲
有幾聲咳, 食左藥會好D未!

ElainAiolia,

子聰好叻呀無哭!
你唔使甘客氣, 忙中有錯嘛!
原來你見到我送仔仔返學,
係咪見同個工人一齊同揹住
個黑色大袋就應該係我, 不過,
我未見個你唔知邊個係你, 我
同626mama成日望來望去
都唔見你! 希望下次活動可同
大家見下面!

allmama,

十月我要睇下邊日唔得先遲少
少再覆。
放左三日假今日返工好忙, 以
家要快D做野啦! 下次再上來!

[ 本文章最後由 天藍 於 07-8-16 12:11 編輯 ]

626mama

ElainAiolia,天藍,

軒軒o的咳食了藥，都唔覺有點好到，都唔知要幾內至好番，
醫生叫照肺都有照到，不過要星期六去復診才知。我一聽到
氣管炎都覺得不妙。

原來氣管炎一定一定唔可以食橙，真係唔知喎屎，個醫生只係話唔好食水果，唔好飲凍野炸。汽水加熱水，"鄧"番熱D橙，妳媽媽真係好細心呀。猴棗末佢都食了兩天，軒軒食了，唔係好得呀。

好多謝妳的食譜，我已經COPY SAVE左去個FILE到，到時有用拎反出來睇。

係呀，子聰張相下面個區呀，厚來個區係比子聰掛書包，軒軒同昊藍個書包放係側邊個櫃度，可能係D櫃唔夠用。用區都唔錯丫。

點解妳打個區字出到來，我打個區未就POST唔到出來?????


天藍,
軒軒今日都有哭呀，詳細可以去我個BLOG度睇。
大家有興趣都可以去軒軒個BLOG度睇
按下便粒制"個人網頁"




[ 本文章最後由 626mama 於 07-8-16 16:37 編輯 ]