由S1傾到選科

Yanamami

IloveJJ 發表於 19-9-11 13:07
我仔一年級已開始理財啦！我俾既獎金佢哋全部自己理，所以從來唔亂買野。我同老公自小只有必需零用，要買 ...

禁都係需要零用，我無獎金俾佢地~我都係計好每日午飯車錢同早餐錢，每个月俾｡如佢自己買学校飯悭番就会有餘錢。放学校長假/暑假我唔会cut, 照俾，而家呢个时勢我車出車入亦唔cut交通費，照俾，呢d就係零用了｡而家大女出國我只需負責住宿，学費(佢申請学生貸款)同日常开支佢已可自己搞掂，中学时DSE佢都係自己俾(阿公有私人醒佢)，唔洗我出｡我觉得適當零用(無論乜方式俾)係需要既~

little_yolky

IloveJJ 發表於 19-9-11 13:05
你俾錢佢，佢駛錢都係你俾，有咩肉痛？請你食野既錢又係你俾，理他人之財喳喎！
我苛刻過你，要買野，要靠 ...

俾咗佢就係佢既錢，唔係我既錢。我無得攞返。佢好孤寒架，用錢好小心。我哋學校無得買飯，無小食部，我唔想佢為咗慳錢食得無營養，甚至唔食搞壞身子，佢阿爸有前科，99講到今時今日都講緊

little_yolky

b3410 發表於 19-9-11 12:47
多DD可以學習理財。我通過觀察佢哋的消費習慣，已經發現邊個識理財，邊個比較亂來。就會針對性俾意見佢哋， ...

阿妹係大花筒，真係千金散盡還復來既氣概，點搞好？

little_yolky

Yanamami 發表於 19-9-11 12:48
生活任何－样都要从小学习管理，思想如是，时间如是，社交如是，感情如是，金錢亦如是，不可能立时三刻話 ...

即係富二代

gigayan

little_yolky 發表於 19-9-11 13:32
俾咗佢就係佢既錢，唔係我既錢。我無得攞返。佢好孤寒架，用錢好小心。我哋學校無得買飯，無小食部，我唔 ...

我住得遠, 要巴士加地鐵, 8達通我每星期幫佢增值, 佢一個星期有$400, 食飯+早餐+零用。我老公覺得太少, 我女覺得夠啦, 唔夠會問阿媽拎, 唔會客氣。 為咗要觀察下佢用錢, 我提佢最好每日用咗幾錢和用咗去邊, 你要再問我拎錢的話, 我好肯定會話: 又拎? 用咗去邊? 你隔咗成個星期, 好肯定唔知自己用咗去邊, 又俾位我鬧就唔好啦....... 佢立即話 : 係喎! 你一定會係咁~ 之後日日都寫得清清楚楚用咗錢去邊......

little_yolky

gigayan 發表於 19-9-11 13:39
我住得遠, 要巴士加地鐵, 8達通我每星期幫佢增值, 佢一個星期有$400, 食飯+早餐+零用。我老公覺得太少, 我 ...

一個禮拜400我都覺得少，出去食飯唔平，你仲要食埋早餐加搭車

我哋車費一個月大概700，我幫佢分兩次入，零用一個月發一次，好似人工咁，等佢有個概念一個月一次糧係咩情況，飯錢就一個禮拜發一次。

gigayan

little_yolky 發表於 19-9-11 13:45
一個禮拜400我都覺得少，出去食飯唔平，你仲要食埋早餐加搭車

我哋車費一個月大概700，我幫佢分兩 ...

搭車我另外幫佢增, 佢話平時食飯$50左右, 早餐佢多數買包+飲嘢 $20內, 每個星期都仲有$100+可以做零用, 今個星期已經有錢同同學睇戲

little_yolky

gigayan 發表於 19-9-11 13:49
搭車我另外幫佢增, 佢話平時食飯$50左右, 早餐佢多數買包+飲嘢 $20內, 每個星期都仲有$100+可以做零用, 今 ...

唔計車錢就好D。依家出街食飯真係貴，阿女已經話想響學校食，話好嘥時間喔。

Yanamami

IloveJJ 發表於 19-9-11 13:37
本帖最後由 IloveJJ 於 19-9-11 13:46 編輯

我唔想佢哋不勞而獲

身為学生做好本份係應該，或者我好mean, 係唔会有獎勵。学校獎学金亦只会全数入銀行。不过我都只係俾飯同車錢加早餐，每个月俾－次，所有長假同暑假照俾唔会扣，果d佢儲埋當零用｡其实从小教好想要同需要，大个係有个譜｡我大女係小富婆，阿公不断私人醒佢，佢錢多到DSE補乜補物全部自己付，就算而家大学我都只係俾住宿/机票，學費生活費佢自己搞掂｡我18歲前衣食住行供書教学全由我負責。其实咩方式俾，叫獎金利是零用都好，目的都係希望佢地有錢洗，应洗得洗｡

little_yolky

IloveJJ 發表於 19-9-11 14:56
贊成做好學生本分係應該，所以我咪話唔合格要扣錢囉！
不過有獎金係係突出表現，就好似返工有花紅一樣，返 ...

有無上進心會唔會係性格嚟

Yanamami

IloveJJ 發表於 19-9-11 14:56
贊成做好學生本分係應該，所以我咪話唔合格要扣錢囉！
不過有獎金係係突出表現，就好似返工有花紅一樣，返 ...

我實在唔会將学习同金錢掛鈎……做得好係佢本人努力应得，做得唔好佢要知点解，从錯誤中学习｡学生係－生人中最有資格犯錯(當然之後要改善)，所以我唔会獎或罰錢｡ 因為讀書係為佢自己，唔係為我，所以佢係向自己負責而唔係我｡

little_yolky

Yanamami 發表於 19-9-11 14:44
身為学生做好本份係應該，或者我好mean, 係唔会有獎勵。学校獎学金亦只会全数入銀行。不过我都只係俾飯同車 ...

家姐做得好lu掛，我都無獎金，但我唔覺自己mean喔，我成日都話我好隨和既

佢一次做得好過一次，自己有滿足感呀，唔駛獎金既

Yanamami

little_yolky 發表於 19-9-11 15:21
家姐做得好lu掛，我都無獎金，但我唔覺自己mean喔，我成日都話我好隨和既

佢一次做得好過一次， ...

我獎佢食冰皮月餅已好开心……講左好多年我嫌貴唔肯買，我話買雪糕糯米滋都唔洗禁貴，今年做得好就破例請佢食｡佢仲问我做乜突然肯買……