沙田聖心k1-2007

Namson

Dear all,

我個工人昨日終於走左輪到我做阿四,諗日又要拖地,洗衫,熨衫,煮飯,最差係同阿囝一齊訓,佢好似打緊十號風球,成晚搵隻撐人跟本就冇得訓.睇怕下星期妳地見到隻大熊貓出現係學校.

crystalmok,

通常第一次都會買比工人用,但學agent話頭佢地要比7個月commission,所以基本上佢地都冇錢買,咁妳諗下如果佢冇得用,個身臭同妳個囝玩妳肯唔肯呀!所以我通常會係藥房買d又平又大樽個d比佢用.

maggie,

唔該晒,但個時間唔係好啱撞正佢游水,下午又晏過頭,睇下下次有冇機會啦!

[ 本文章最後由 Namson 於 07-8-20 09:12 編輯 ]

zimpy

hi all

我d白襪同白底衫都係西田同千色店買,其實夏天返學係咪要著底衫?好似好熱咁 ,我件白外套都係普通賣童裝店買,HK$69

喬媽,
您可以係西田買鞋墊放入波鞋到,因為我對黑鞋都係早幾個月前買,所以買左鞋墊放入去,都好舒適,我問天樂,佢話真係好舒服呀

Namson,
您做左阿四,唔怕,熊貓我仲似過您!我8月開始晚晚放工接囝返來睡,第2朝又7點起身送佢返麻麻到,實習早睡早起,我近排都得番半條人命,晚上等佢睡左先可以做家務,沖涼,真係夜一夜先訓,而天樂睡左都成日用佢對"佛山無影腳"係咁踢我,跟住仲跌埋落我張子母床到訓,我要成日抱番佢上去,唉...我最近倦到連很久沒出的暗瘡到生左2大粒係下巴位到,希望我早日適應啦!

Namson

zimpy,

嘩!咁妳慘過我,我都係艱兩星期新工人就到,咁我就可以脫離苦海,其實我真係唔明點解d小朋友訓覺要好似打風咁呢!會唔會男仔才是這樣,女仔會好d呢?

各位媽咪

我唔記得學校係咪開風扇,唔係開冷氣架,因為初初報讀時曾經聽過有媽咪係咁講過.

maggie,

妳決定左開學後搭校車定自己帶返學呀!因為我個囝會搭校車如果妳個囝都係咁可以有個伴大家同路.

maggie_tsui

Namson,

我一定要搭校車呀, 你知唔知校車大概幾點? 第日返學會係由我7:00左右叫醒亞囝同佢梳洗,我7:30前要走,之後由daddy同佢食早餐,再之後婆婆黎到同佢搭校車, daddy就梳洗返工,好似好複雜,希望ok la...
我就記得係開風扇, 所以我咪諗住唔洗買外套. 不過我琴日都係花園行買左啦, $24,cotton黎, 質地ok...如果返學之後發覺著既機會多, 先買件"come"d既比佢...

喬媽媽~

ALL,

咩無冷氣家, 會唔會熱死佢地 ?
咁多學生會唔會好焗? 買校服當日佢有開冷氣, 不過好弱。
不過有冷氣我又怕佢自己唔識著衫 。
QQ佢自己著條底褲仔, 都係著到歪來歪去, 一係著到突左半個PAT出來。
你地小朋友識自己著衫著褲嗎?

QQ訓覺都係打交咁, 一腳踼埋來又係, 個頭突然訓落我塊面又係。
幾多位都唔夠佢訓, 有時會訓訓下坐係度,最鍾意訓大人枕頭。

JOE
我見過佢地D學生用D髲飾好靚, 好多款式, 所以我都入了很多貨, 不過婆婆都只係識紮馬尾同媽邊。

我問過MISS, 個書包可唔可以加神奇貼, 佢話唔得, 要佢地學識用手解開D'褸"扣, C 啦我QQ咁細佢咩都唔識TIN。

ZIMPY
Q買鞋都好難, 佢條腳太瘦了, 個條神奇貼帶帶, 貼左后會"店"到地下。
係喎, 我未買鞋墊TIN。

zimpy

喬媽

我都覺得無咩冷氣,著底衫都驚佢熱,買左唔知著唔著好

樂樂都係大少爺,咩都唔識著,成日話自己細個,要人幫佢著,無佢乎,都係要老師治佢:-|

喬媽媽~

ZIMPY

喬喬也是, 叫佢做呢樣, 佢成日話等陣先, 一係話自己唔得閒或者話我無應承你喎, 尤其食野和睡訓, 令到我花好多精神。
我地都係話, 第日等老師教訓下先得。

佢E+成點幾先訓。

我係花園街圓買了底衫, 質地係好薄, 唔知索唔索汗。

著了又怕熱, 唔著又怕校車冷氣勁。

你係邊度買織嘜 ? 幾多錢 ?

zimpy

QQ媽
我係沙田廣場龍城賣精品買麵包超人織嘜,HK$25 3個
都係貪得意

patpatching

唔好意思我想問下咩叫"織嘜",有咩用途? thx

原文章由 zimpy 於 07-8-20 14:54 發表
QQ媽
我係沙田廣場龍城賣精品買麵包超人織嘜HK$25 3個
都係貪得意

joeszewai

始終返學都係簡單d, 樸素d 好

Namson

Maggie,

我記得waiman話校巴去火炭8:00,咁我估去完妳個度再黎我度咁走掛.

waiman顧問,

妳去左邊呀?我想問校巴係咪用旅遊巴同有冇安全帶,冷氣凍唔凍呀? thanks!

maggie_tsui

咁都好d, 8:00落樓都好d...

我都覺得書包兩粒鈕係特登用黎訓練d細路, 仲有要著學校既波鞋, 係咪唔想d小朋友著到五花八門d名牌呢? 同埋d校服係好薄,適合無冷氣既環境, 確係有心思...

亞囝就開學,我都有d緊張,雖然返左1年n1, 但我當佢依家先係一個新開始...

Namson

maggie,

我唔記得左妳個囝係邊間學校讀N1.

zimpy

其實d織嘜是用來寫上姓名後,可以熨落例如毛巾,外套,書包底部,等可以認到自己果件衫 or 毛巾,其實可以唔洗買都得,我都買左好多hk$1/條的毛巾仔,預佢用完唔見左

原文章由 patpatching 於 07-8-20 18:31 發表
唔好意思我想問下咩叫"織嘜",有咩用途? thx

maggie_tsui

Namson,
佢係嘉德麗讀N1

WAIMAN

Hi all,

近掛小咗上來timops:" /> , 學校校車有好多架,有大旅遊巴及中形van 仔(唔記得幾多坐位), 我個仔坐既係van仔無安全帶,我坐過都係好凍都ok, 如果係愉翠苑巴士站上下車時間8:00 am /1:00pm (只供參考,因為個時間表係2005 ), 學校有冷氣及風扇, 我大仔返k1時都係唔識扣個書包個2粒褸, 返咗學老師會教佢地扣,所以唔使太擔心,同埋小朋友食茶點,係學校會食得好d,因我大仔o個時k1食野都係超慢,食日食飯係到發白日夢,唔叫佢都唔食,但返到學校k1 遊戲週食茶點時佢不知幾快,又自動自覺食,食完仲舉手再要  ,可能唔同地方,又見到其他小朋友一齊食會好d。

想當年大囝k1家長日係分組坐,我都見到有父母一齊去,我諗除非真係太多人坐唔到先唔比入,會係個日派埋d書比家長,同埋想當年遊戲週d家長會帶相機同攝錄機去拍底小朋友上課既情況,老師都比影,不過唔知今年會唔會唔同。

底衫我都試過係花園街買過,不過唔係咁好著, 所以我依家都係去西田買,come著d, 而件線衫我其實主要係秋天個時朝早凍比佢著返學,平時我都無比佢帶返學,其實著既時間唔會好多。

[ 本文章最後由 WAIMAN 於 07-8-21 13:07 編輯 ]

joeszewai

thanks waiman 顧問, 幾驚真係無air con,
再買的大手巾, 如同學校個條有d唔同構唔同得唔得 ?

Namson

waiman,

唔該晒妳!

zimpy

waiman,

您係我地GE榮謦顧問,您真係要多d上來先得

喬媽媽~

ZIMPY

$1.00 毛巾係邊度買呀,? 好抵喎, 有無勾?