06年9月入讀蘇淅幼稚園K1既家長, 入唻交流下啦!

joeytcy

我之前係張通告只寫左1230-1300...但唔知點解老師係本手冊編左1200-1230....甘呢兩日我打電話比老師唸住改番....但搵左兩日手提都無人聽......好彩我老細好人知道放我走........

十月媽咪

cankan,
派完評估表, 同老師傾完之後, 滿唔滿意kelly響學校既表現呀? 老師畀既19項評分 (即果d星星呀, 剔呀, 三角型呀) 中肯嗎? 有冇邊項覺得畀高左or畀低左呀?

婷婷有九粒星 (分別係有簡單應對能力; 認得課程範圍內的字; 能做分類和配對活動; 認識簡單的顏色; 對人有禮貌; 樂意參加集體活動; 身體各部份保持清潔; 情緒穩定不易發脾氣; 不輕易哭鬧)

我地奇怪點解老師會話佢情緒穩定不易發脾氣&不易哭鬧, 個衰女包, 響屋企有時一唔滿意or心急想得到某d野果陣, 就會發脾氣喊, 但老師話佢響學校真係完全無呢個情況, 可能只係喊畀我地睇, 等我地在意多d佢喎! (呢九粒星入面, 我同佬都覺得, 不易發脾氣&不易哭鬧呢兩項, 至多畀個剔)

十個剔 (說話時不害羞; 對一般的指示或談話清楚明白; 能用說話表達自己的需求和心意; 具創作及想像力; 樂意和小朋友分享自己的東西; 愛惜玩具及公物; 知道自己收拾東西; 能集中注意力及守秩序; 能接受老師意見/承認自己的錯處; 做事有信心,自己的事自己做)

至於呢十個剔入面呢, 我地覺得"對一般的指示或談話清楚明白 & 能用說話表達自己的需求和心意" 呢兩項, 其實應該係星星, 但可能因為響學校係用普通話去表達需求及聽指示, 所以影響左阿女響呢兩方面既表現! 而自己的事自己做呢項呢, 我覺得應該係三角型, 因為佢咁鬼c懶, 自己的事成日都叫我做呀, 激c人!

至於由我地評分果14項入面, 我就畀左...

三粒星 (能用說話表達自己的需求和心意; 對兄弟姊妹及朋友能和睦相處; 做錯事能坦白承認)

六個剔 (能表達在校所學到的知識; 聽從父母及尊長的說話; 對人有禮貌; 有清潔的習慣; 不隨便哭鬧; 能接受他人的意見)

五個三角型 (早睡早起無需成人陪同安寢; 飲食定時無需餵食; 能自己收拾用具和玩具; 做事能有條理; 能集中精神做事或遊戲)

我隻佬話, 其實呢14項入面, 應該全部都係三角型喎, 佢覺得阿女樣樣野都有待改善, 呢個老豆, 真係要求高!  :tongue:

CanKan

十月媽咪：

我曾經諗過影低亞女張成績表，不過最後冇影到，所以冇你記得禁清楚。

整體來說，亞女係情緒方面冇禁好，我同我老公都覺得主因應該係佢唔夠瞓；而老師亦覺得佢精神唔係好夠，雖然上堂冇瞌眼瞓，但當靜態活動時就覺得佢唔夠精神。

我都唔知點幫佢好，好多時明知佢好累，好眼瞓，就算佢係十點鬆 d 鐘上床，佢最快都要成十點九先瞓著；但係佢係床度冇玩或者講野，係靜靜地係張床度，飲住支水，間房重係熄哂燈，有時重會開住 d 柔和既音樂，唔知佢係咪好多野諗，你地有冇咩野好提議？

CANKAN

十月媽咪

CANKAN,
丫, 係喎, 我都唔記得左問老師佢上堂果陣有冇瞌眼瞓添! 我成日都覺得佢上堂果陣係遊魂咁的, 但老師只係話佢既專注力已經比起初初唻返學果陣, 好左好多, 進步左好多咋! 但有冇瞌眼瞓呢? 我唔記得左問老師呀!

KELLY肯十點九左右瞓著, 已經好好喇, 我個衰女包呀, 唉...真係慘呀, 我試過十點同佢入房熄燈瞓覺, 又試過九點幾入房熄燈瞓覺, 但無論我幾多點同佢入房熄燈瞓覺, 佢都係要碌到十二點至瞓得著, 每晚都係好準時十二點前後果幾分鐘就瞓著, 畀佢激到我彈下彈下呀, 其實佢夜瞓我都算喇, 最慘係佢第二朝起唔到身果下煩丫嘛, 朝朝都唔願起身, 朝朝都要又翳又

十月媽咪

各位,
你地買左書未呀? 我地星期六果日已經買左, 不過因為我仲未貼名, 所以未交畀老師呀, 不過仲爭本暑期作業要二月初至有貨呀, 但唔緊要呀, 因為呢本有排都未用, 而其他果d, 老師話盡快買呀, 所以唔駛等本暑期作業呀!

CanKan

十月媽咪：

因麥野事 anson 攪到成12:00 先瞓呀？之前聽你講佢好早瞓格，係咪下午瞓得太多？

我為左要亞女可以早 d 瞓著，而家係佢冇課外活動既日子，我會叫亞媽係佢下午瞓醒、食完下午茶既時候，帶佢出去行下、或者去會所玩下，希望佢可以發洩下 d 精力，夜晚可以容易 d 瞓著。其實好多時我地覺得佢好累，只不過係.個腦好多野諗所以遲遲都未瞓著。

另外我會儘量抽時間同佢一齊瞓，等佢唔好等我，睇下禁樣會唔會好 d。

我家長日問過老師，佢話亞女上堂好專心，問佢問題都答倒，亦識得分玩還玩、上堂還上堂，整體上冇麥問題；老師只係 concern 佢既精神狀態，依個就要我幫佢諗辦法解決。

cankan

十月媽咪

CANKAN,
唔好提喇, 就係因為之前病, 食完葯, 搞到D作息時間亂晒大籠, 再加上放左個唔長唔短既聖誕假, 我地又同佢去威威, D作息時間更加係大亂呀!

呢...好似噚日咁, 睇完醫生, 食左葯, 今次係試新既醫生, 我已經同醫生講過, 阿女對某D葯物會有反應的, 例如食左會興奮, 失控, 心跳等等...已經叫醫生就住唻開葯, 咁醫生都就住架喇我諗, 可惜既係, 佢食完依然出現呢個情況, 睇唻都係要睇番之前D醫生, 食番之前既葯至得喇! 最慘係佢出現興奮情況, 因為佢一興奮, 佢就算好攰好眼瞓, 但因為心跳得太勁, 佢都無辦法瞓得到! 平時佢食完兩次葯, 必定眼瞓到自動暈低的, 但噚日食完兩次葯（下午五點一次, 夜晚九點半一次), 佢居然興奮到瞓唔到, 摸下佢個心, 跳到快到我都驚呀! 唉...卒之未夠十點陪佢入房, 佢都係碌到十二點幾至瞓得著, 真係嘔血!

最衰今日何醫生下晝無得睇, 咪真係想帶佢去睇下, 佢個肺又次好多痰喇, 好煩呀!  

CanKan

十月媽咪：

佢食左藥心跳得禁勁，唔好再俾佢食啦！

cankan

十月媽咪

CANKAN,
噚日覆診, 我講左個情況畀醫生知, 噚日同佢轉左葯, 本來以為佢都係HIGH的, 但反而食完葯...隔左一粒鐘左右, 就暈左喇...摸佢個心, 咦, OK喎, 今次無跳得咁勁喇喎! 不過可能始終食左葯, 瞓覺果陣都係有碌唻碌去既情況, 但總算唔太嚴重, 不過就發開幾次口夢, 內容主要都係下午同瑤瑤(表姐)玩果陣既情況, 無啦啦又講: 都話係我

CanKan

十月媽咪：

咳真係好麻煩，希望 anson 食埋今次藥就唔駛再食啦！不過若果佢食哂 d 藥只係得少少咳，可唔可以試下唔食藥，等佢自己好？我見醫生成日都係禁同我講既。而且有時自己唔舒服咳，食極藥都唔得既時候，唔食藥反而自己會好番添。

你同個女冇返屋企，得番你老公一個佢咪好寂寞？

cankan

十月媽咪

CANKAN,

係呀, 我都係打算食埋呢兩日葯, 如果仲剩番少少手尾, 而又無嚴重到既話, 就會等佢自己慢慢好架喇! (其實佢上次都係FINAL自己慢慢好的)

我老公慣架喇, 事關我每星期, 起碼會有一日係同阿女返婆婆度過夜架, 無法子啦, 鬼叫阿女真係好鍾意返婆婆度住咩! 婆婆度有表姐又有表妹, 佢地真係玩得好開心呀! 所以個個星期, 若然週末無返到婆婆度, 咁阿女就會響平日嘈住要返去架喇, SO...我佬都慣咯!

CanKan

各位媽咪：

學劵制今日開始接受申請，睇黎要自己申請，唔係經學校攪架！申請表格可以係各區民政事務處、郵政局、教統局區域教育服務處同學生資助辦事處索取，亦可係以下網址下載，查詢電話：2891 0088

www.emb.gov.hk

幾時截止就唔知，快 d 上網睇下同申請呀！

cankan

十月媽咪

CANKAN,
唔係睇嚟要自己申請呀, 而係直頭要自己申請呀! 我噚日接阿女放學果陣, 見到佢課室門口貼左張通告出嚟, 份野係講點樣申請呢個學券的, 但好明顯無講到學校會幫手申請架, 所以要靠自己喇, 你地填左未呀? 我仲等緊我佬DOWNLOAD份FORM返屋企畀我填呀!

CanKan

十月媽咪：

我已經填好張 form 啦！今晚攞埋我老公張身分證影印本，明早就會寄出。個申請係成個學前教育既，申請一次就得架啦！

cankan

十月媽咪

CANKAN,
咦, 咁又幾方便喎, 我仲以為逐年申請添! 我都提左我老公print份form出唻喇, 今晚會到我手!

CanKan

十月媽咪：

我寄左張表格啦！你攪掂未？

話時話，你知唔知下個星期五既生日會有冇蛋糕食呀？

cankan

十月媽咪

CANKAN,
我填左, 不過未影印身份證呀! 所以未搞掂啊!

嗯...嗱...一月份生日會果陣, 我問過老師, 老師就話二月份生日會會有番生日旦糕的, 但究竟係咪真係有番生日旦糕呢? 我諗為左穩陣起見, 你都係打電話問一問學校好D喇!  

joeytcy

hello....
好耐無上來....真係唔好意思.....因呢排工作太忙...
學券制我都未申請...我唸我都要快d啦.....
我地唸住年初一去長隆呀....年初三返....不過唔知年初一有無直巴去皇崗呢.......
總有..上次wetwetwet比左個website睇蘇浙d相...但我唔見左....請問你地有無呀....

joeytcy

cankan...你女女訓攪時會唔會係佢飲住水...啜下啜下覺得好得意.....

我地係集合我..我老公..姑媽同姑丈一 齊填ger評估...我地只係比左二個星星.....保持清潔同埋自己收拾玩具....只於不隨便哭就比左三角形....不過我唸佢係學校一定好好多.....

因個日我一坐底....林老師話悠悠呢個女無得彈...好有領導能力喎...一講就明....話佢好鍾意笑....最大優點係識得睇人眉頭眼額.....老師話只要望一望佢...佢就識做.....不過我就老實同老師講...我都覺得佢好似個管家婆...跟住老師話係呀係呀...都幾似...我就問佢甘悠悠同同學相處成點...佢話好好.......跟住我話佢好鍾意認第一....但老師話係學校完全唔覺得佢係甘....當然我就繼續講阿女d衰野比先生知啦.....hehe....不過老師同我講讚話上次21號表演個d舞...話悠悠竟然記得其他同學排位位置.....舞步唔在講..連同學排位都記得..好難得....不過老師讚佢d野...有d我認同...但好多讚美我都好坦白甘同老師講...佢係屋企都唔係甘....

CanKan

joeytcy,

個網紙係 : http:/hk.pg.photos.yahoo.com/ph/k1fphoto/my_photos

你年初一去長隆，年初三返，果幾日都係國內假期，可能會好多人噃！你要有心理準備至得。我上次國慶果日係番禺，係市內好難搭巴士或者截的士，因為實在太多人啦！

CANKAN