荔天家長交流區

mameme

pamcheung

吓...音樂同普通話考咗? 亞仔提都無提過既?! 今次大劑喇...我無同佢溫過普通話喎! 希望佢好彩啦! 最衰佢瞓咗...等聽日問清楚佢先!

我同媽咪自少都好鐘意柯德莉夏萍, 簡直靚得前無古人, 呢排電視成日播返佢既戲, 所以搵返佢囉

新書單又黎喇...呢個學期真係過得快, 感覺一輪衝鋒打場仗咁...又話下學期喇! 又係果句....努力啦!  

pamcheung

係呀, 普通話科派咗一張工作紙, 內有一組拼音, 兩組詞語, 兩段課文, 四條問題 (學生自己提供答案), 老師會選其中一組詞語及一組課文叫小朋友朗讀, 每題分別都有註明評分嘅% (但在普通話課進行, 所以可能每班都唔同時間啦)
至於期考中嘅普通話又係考乜呢? 有冇家長知呢?

音樂科: 考唱 "The more we get together" 同埋音樂書上的樂器呀, 符號呀咁啦.  我見囡囡考之前一晚唱咗首歌一次, 掀吓本音樂書, 睇吓啲高音譜號, 低音譜號, 一二三四拍, 休止符就收檔嘞!

mameme 寫道:

新書單又黎喇...呢個學期真係過得快, 感覺一輪衝鋒打場仗咁...又話下學期喇! 又係果句....努力啦!  

係啦, 咁快就一個學期嘞, 真係有衝鋒陷陣嘅感覺, 回顧過往一個學期 (因當中覺得好似冇乜時間反思和改進 - 大人細路都忙......), 其實在學業上可以再盡力多一點點, 但見個小朋友冇得玩又真係好可憐 (第日怕咗返學讀書就慘囉), 就會諗: 盡量達到平衡就好了, 學習+吃喝玩樂樣樣有啲啦!  

大家繼續努力! 新學期最新希望係可以做到循循善誘同埋教功課時可以冷靜啲 ......... 就好嘞     

安妮

又話第14週先開始考, 我問囡囡佢話未考音樂及普通話。
我都想知道普通話筆試考什麼。

ilej

唱歌和普通話會話要個別考,
跟學號, 未考晒.

安妮 寫道:
又話第14週先開始考, 我問囡囡佢話未考音樂及普通話。
我都想知道普通話筆試考什麼。

pamcheung

聽日spelling test,　囡囡仲有十幾個字未識串，而家仲串緊.........

今日派咗張"和諧家庭"民主牆 嘅紙, 要做d咩呢?

penpen

想請問咩係 DAY 1 ??
thx!!  

pamcheung

荔天是六天循環週制, 到學校網頁看一看校曆編排便知道了! 上課時間表是跟循環週制定而不是按星期一至五編排的, 那麼便不會因公眾假期而 miss 了一些課堂了 (I guess).

penpen

OIC !!  
THX!!
我問過對面屋個小妹妹, 但那時不太明白她說甚麼!!

pamcheung

囡囡沒提過呀! 剛問她，她說沒有．．．你囡囡想像力確實豐富喎!

安妮

我囡囡都無馬術比賽，可能下次上視覺藝術堂先有。

pamcheung

係嘞, 囡囡早兩日攞咗幅畫返嚟, 我問佢畫d乜, 佢話係聽住音樂畫大自然! (心諗: 嘩! 咁 High? ) 我地細個邊有d咁嘅題材呀?  

話時話, 我有此一問係因為我睇極都睇唔明幅畫, 好似d抽象派大師d畫咁 ......... 呢度一堆顏色, 果度一堆顏色, 真係抓哂頭.

仲有一幅, 我一心以為題目係 "老師"啦, 好在問吓啫, 原來係畫 "同學".

你地小朋友返學有冇d得意嘢分享吓呢?