一呂現家長 / potential 家長會

candytl

早晨.

homama,

哈哈, 咁你要小心"侍候"啲寶貝喇

alicetong

大家早晨！
多謝大家關心..仔仔好番好多..仲成日比妹妹按住打？哈哈！不過都有落醫局洗傷口,尋日姑娘話仲有膿..用針整穿佢放膿.手勢比威記醫生還好..姑娘話呢幾日可能仲有少少喎..腳趾公已經無之前咁腫0拿？

claudiaho,
希望妳小朋友快d好番啦..我仔女都打左水豆針..但唔發覺佢地有出,最緊要痕唔好搞佢,驚有疤痕...記得細個出水豆(炸腮),一定飲中藥苦到痺..哈哈！(炸腮仲要畫個圓圈寫個虎字添)

Homama,
養海藻洗唔洗餵佢架..水質一定要清潔...得閒同佢傾下計？哈哈！老細叫到,都有d壓力架喎....

claudiaho

Alice,
就當係比仔仔休息

Homama2004

要上來休息下....
candy & alice,
你哋好衰呀! 還在笑我....我以為我囡囡都大,誰不知還要湊仔........有壓力....有壓力....

claudiaho
我這個月全返長週,因上個月阿囡考試同事同我調,但我會去接放學的.所以都可能可以同你相認.我是肥肥的直髮...

大的單簧管;細的小提琴<-細妹好唔開心,升唔到去1st,還要拉伴奏,沒法啦!一來可能佢技巧真的不夠班,二來的原因我一陣pm給你們看

上星期六少交完趕出去TST聽wacoal少女成長講座,去到才知自己看錯日期,應是今個星期六29/7這個阿媽唉!!!.... 真係烏龍,結果去了星光商務打書釘...

我兩個囡囡就日日都想去游水,昨天爸爸同佢哋打了一小時乒乓球,都係要趁暑假時運動多啲,第日一返學,放學回家就係做功課.....這個星期日預算同佢哋去迪士尼,買了summer pass係要去多幾次...  

candytl

Claudiaho,

我女上咗一堂體操, 除咗叫痛, 見佢都幾忠意. 基本上佢對所有課外活動都忠意, 除咗練琴. 係我冇咁多$$ &佢冇咁多時間參加. 佢宜加的課外活動都係靜態的,鋼琴, 小提琴, 畫畫,  我想佢有一種可當運動的動態活動, 佢揀咗體操, 我諗住長期俾佢玩落去.
游水佢都忠意架, 不過胆細, 到宜加都未能游兩步.

Homama,

"真係烏龍"-----,   
我爸媽上星期四去海洋公園, 話又熱又多人, 搞到我唔知去唔去好. 迪士尼今個暑假唔打算去喇.

Homama2004

我覺得咁多運動最好學游水

好似體院學是不錯的選擇,但很難抽.
http://www.hksi.org.hk/hksdb/html/big5/index.jsp?pagename=c_fs1_sc2_cc3.html

我囡囡跟了一年體院暑期課程和沙呂士丹福學了幾個月,上星期游水時見佢哋自由式和背泳都游得似模似樣喎,但沒有試深水區所以未算識游水

candytl

我也想阿女學游水呀, 但佢好怕 c, 唔肯跟教練學. 宜加唯有多啲帶佢浸下水, 等佢自由發揮囉.

alicetong

早晨！大家好..
尋日老細返0黎釘住..無得作反..哈哈？
我個仔游水最初跟同學仔私人教練學..後未散左,
就係泳天(麗豪酒店池),游左2個course,0黎近
10號第3次..原因上年冬天暖水池要去到德福,所以轉左沙呂史丹福游..但因仔仔一向有鼻敏感..著埋厚暖衣,每次游完都不停地流鼻水,唯有選擇捱埋佢..以後冬天都唔敢報0拿？
個仔好喜歡游水,自由泳、背泳都ok可以游來回,現在學蛙式....我自己就覺得史丹福泳池欄得太細,都係鍾意麗豪橫池咁長來回游好d..又可以坐係泳池旁睇佢,聽到教練講乜野？

candytl

潯日我女參加屋苑鋼琴比賽, 係”山中無獅子, 猴子稱王”嘅情况下攞咗第一, 獎品係文具一份. 價值約$20大元. 最受鼓舞嘅反而係評判嘅評語, 佢話我女雖然係儿童組(分儿童組及青少年組), 但佢係全場彈得最好的, 分數比青少年組第一的分數高出好多(冇講幾多分). 哈哈, 我開心好耐.    

Homama2004

這陣子,office忙到暈,做到c下c下,都唔知自己做緊甚麼似的...唉!一定想像不到這些機構在暑假比平日更忙.

candy,
         見到你的喜訊,我都開心到好似自己個囡拿到獎咁!

你屋苑都係大屋苑,同埋係多同齡小朋友家庭的屋苑喎!所以不用咁謙虛!!囡囡係有"實力"呀!!!琴姐姐話我知校際出了syllabus: http://www.hksmsa.org.hk/,可以選定歌仔比囡囡在暑期練,明年祝佢又拿音樂傑出獎兼得埋傑出學生獎呀!!

昨天和我爸爸媽媽+我一家去迪士尼,我買了summer pass比佢哋兩個,起初公公還推推擋擋話無嘢適合佢玩呀...不用買summer pass,都唔會再來等等...昨天係好多人,樣樣都排餐c,但公公很enjoy喎...在晚飯時係度講下次去那處吃,要試玩那樣遊戲,又話要帶腳架來拍煙花等等....我和老公+囡囡便在偷笑 好似最開心嗰個係佢喎!!見到老人家(佢唔認老呀!)咁開心很是賞心樂事...佢哋兩老兩嫩已計劃平日幾時再去...雖然香港迪士尼細細地,但都有好處,啲老人家不用行得咁辛苦,轉個頭又可以玩別的遊戲,又不用行斜路.<-咁幫佢講好話,香港迪士尼應收我們一家七折呀!!    

candytl

星期六晚睇咗香港小交的”我的名字叫麥兜兜”音樂會, 因為有好多3-5歲的小朋友入場, 時時都聽到有好多噪音, 而上半場講話居多, 所以從欣賞音樂角度睇, 都係聽翻港樂的音樂會好啲.


Homama,

多謝你贊我囡囡.
上星期六上鋼琴堂, 老師攞出張”通利”舉辦的港澳地區鋼琴比賽報名表格, 佢好想我囡参加, 但我唔多想, 因係彈翻五級考試歌, 我覺得好悶及唔值得花時間去練舊歌, 宜加有小小”盛情難推”的感覺.
我上綱睇咗校際syllabus, 要等老師揀歌先.  

哈哈, 快快叫迪土尼俾你折扣 , 你真係孝順女
聽講海洋公園也是很多人呀! 原本計劃今個暑假去, 宜加都係唔去喇.

claudiaho

Candy
恭喜哂 ! 小朋友係要有鼓勵先有進步, 希望佢更上一層樓, 繼續努力啦!!!! 話時話, 你阿女細細已經考完五級琴, 佢幾時開始學琴ga ?
阿女而家忙比賽隻歌 , 又要預備十月底音樂試 , 仲要再

Homama2004

Candy,
因為有好多3-5歲的小朋友入場, 時時都聽到有好多噪音
> 我都有過類似經驗,約是香港管弦樂團和harry哥哥合作的.
所以怕怕 寧願聽上次介紹給你們聽的免費音樂會.雖然不是大師班,起碼靜靜地...

宜加有小小”盛情難推”的感覺>如有時間便參加啦!拿多張嫁妝紙都好呀! 第日升中時可能有用呀!!

海洋公園 >不入考慮暑假行程之列,烈日當空要行山

聽我囡囡講今年小五考全級第一的同學已成功轉讀小女拔,咁小六又少一名為學校拿到好升中位的例子囉.....

Homama2004

claudiaho,
Sorry! 那天因遲放工(2點才走得),老公去了接女.一定有機會!但希望不會在少交見: 即代表我囡囡入到青管

(而家D小朋友同超人無異!!!)
>同意,我哋有我哋的"累",佢哋有佢哋的"累".我哋在職媽咪有時在office做到金晴火眼,回家還要跟仔囡功課,有時真係各有各顛!!!   

(佢可以安排我地free admission,不過佢做到八月底 , 跟住番返Poly U 完成埋個degree) - 那你應去多幾次! 選1-5去好些.

candytl

claudiaho,

我女差唔多4歲學琴, 學咗都4.5年囉. 當中真係好多辛酸史架, 慶幸可以堅持到今日, 希望佢會大個忠意音樂. 我也達成心愿.
你囡囡個比賽幾時决賽呀? 希望佢有好發揮!!

candytl

homama,

哈哈, 張嫁妝紙唔係咁易攞的, 高手如雲呀!
係呀! 上次你介紹個音樂會好好 , 真係多謝晒.

"聽我囡囡講今年小五考全級第一的同學已成功轉讀小女拔,咁小六又少一名為學校拿到好升中位的例子囉....."-----係渦, 過位同學係咪姓"羅"的.

alice,

你在哪裡, 甚念!!

Homama2004

Candy
我都在TomLee看過章程,得冠亞季三名,應很大競爭.所以我沒有幫囡囡報.但我有信心你囡囡會有機會喎!!試下啦!!

-----係渦, 過位同學係咪姓"羅"的.
> 唔係! 係姓"葉".你在游泳那欄會見到她的名字.我想姓"羅"那位明年一定都會入MCS/女拔等名校.
記得兩個囡囡在初小時某次很好彩地兩個一起拿到寧馨兒,這位葉同學就是隔離班拿到,分享會(講自己小朋友的好處)時她的媽媽很自豪地講囡囡的"威水史"--鋼琴考了五級,在體院游水到6級程度,畫素描又被老師評有中學水準,讀書永遠自動自覺不用擔心,又受同學仔歡迎等等....非常深刻印象,我們一眾家長都用很羨慕的眼光望著她們母女,可以咁"完美"...而我囡囡就從未與她同班.

claudiaho

Candy

當中真係好多辛酸史架
>>我都十分同意, 其實要keep 住小朋友

Homama2004

我都以為係姓"羅"過位同學添, 因為佢係全年學業成績獎第一
>佢應是拿到傑出學生,所以第一組出去拿獎.好像考全級十名內.

話時話, 點解今年寧馨兒都無公報

candytl

claudiaho,

我聽過好多過來人也是這樣講, 如果唔係家長逼+支持, 係無法學落去的, 待他們上到中學, 才會享受到音樂帶來的樂趣.
不過可能都會出現另一個极端, 就係小朋友完成咗阿媽"八級"的心愿, 從此不愿再掂部琴 . 好多悲!!

homama,

聽你咁講, 過位葉同學轉啱學校囉, 女拔好適合佢.
我對羅同學印象不錯. 雖然唔識佢, 但直覺佢同葉同學係唔同類型的人.