九月入讀蘇淅幼稚園

wongnysw

會. 我住北角, 蘇浙是首選. 你住那區?
你仲有其他心水學校嗎? 講出來大家比下意見.

JC

各位,
今早返學多口問老師亞仔評估做成點,老師話佢主科都幾好,講故仔都ok, 係寫字同畫畫唔好.咁都好安樂啦.

JC

connie04

didikoko,

如果再選擇, 我都會選擇蘇浙, 蘇浙比我的感覺係較為嚴謹,但很用心教,  不過倒是看你會遇到那位老師, 早兩日問囝囝喜歡nursary 的老師, 還是蘇浙的老師? 他說nursary 的老師, 因為唔乖都唔會罰, 不過囝囝現在每天也很願意回校, 而且有進步, 老師是一定有功勞.   

wongnysw

今早k1學生去香港公園親子活動, 你地寶寶有無參加?
今次由老公陪個女去, 老公話成班人周圍行下、玩下咁, 不過亞女就好開心.
希望下次再有其他活動可能參加.

十月媽咪

JC,
我都知囡囡小肌肉既發展係比較差,

康媽

didikoko,

雖然我囝囝係k2插班，但佢真係好鍾意呢間學校，我話不如返番以前間學校啦，佢都話唔好，我覺得無論係紀律同教學方法，蘇浙都比我囝囝以前間學校好，所以如果我再選，都會選蘇浙。

JC

wongnysw,
我記得去年k1都係去香港公園,不過就係4月去,要家長同行架,不過我見都有一兩個無家長要老師睇住law.去年亞仔玩到成身濕哂,好似落湯雞咁.

JC

wongnysw

昨日星期日, 帶亞女同細仔去香港公園玩, 之前亞女跟學校來過, 一見到d遊樂設施, 即刻以為自己好叻咁話:"我黎過啦, 弟弟, 我地去呢度玩啦", 變左導遊帶住個細路周圍走. 好彩昨日天氣幾好, 無落雨又無太猛太陽, 玩左一個鐘頭, 盡興而回. 去公園前, 仲帶佢地去左太古廣場行超市, 我自己同兩個小朋友都唔怕醜咁試食, 仲有佢地見到d活生生既魚蝦、色彩鮮艷既糖果朱古力, 都覺得好得意又開心, 原來行超市都係一個幾好既節目.

JC

wongnysw,
你囡囡都好照顧細佬呀,識帶佢四維玩.不過佢好好笑,真係有大家姐風範.

JC

wongnysw

見兩個細路玩得咁開心, 我自己都好開心, 雖然帶兩個細路去街都幾辛苦, 一袋二袋, 但其實好值得, 比佢地多d晒太陽, 增加抵抗力, 好過成日留在家中, d玩具玩來玩去都好悶.
黎緊幾日假期, 如果天氣不是太差, 我想同佢地去動植物公園玩, o個度有動物睇, 相信除了海洋公園外, 香港都無咩地方可以見到動物. 我細個時媽媽都有帶過我去, 所以今次都會叫埋媽媽一齊去, 好好回憶一下.
仲有動植物公園好近堅道明愛教堂, o個度有間西餐廳既lunch幾好, 環境又舒服, 想同屋企人輕輕鬆鬆食番餐, 平時放假多數去飲茶, 換口味食西餐無咁悶o麻.
祝大家復活節快樂, 假期過得開開心心.

JC

wongnysw,
你有無同小朋友去動植物公園呀.估唔到同你有一樣諗法,我有同呀仔去左動植物公園同op呀.好在去op果日在公眾假期前一日去,都好多人架啦.而去動植物公園就見到隻訓覺美洲虎.等遲d有迷你猴, Crocodile再去過.

JC

wongnysw

有呀, 我星期日16號搵埋父母、兩個妹, 同老公帶埋兩個小朋友一齊去左動植物公園玩, 我地都有見到美洲虎、猴子、雀鳥, 大人細路都好開心. 當日天氣好好, 有少少太陽又清涼, 唔會玩到成頭汗, 好舒服. 睇新聞話侏儒猴及小鱷已入住, 相信我地遲d又再去.
我地當日去左明愛餐廳食lunch, 佢提供半自助午餐, 沙律吧同甜品是自助任食, 兩個小朋友好開心, 自己選鍾意既旦糕、燉旦. 而我爸爸近一兩年愛上食煙三文魚, 主菜未上桌前, 佢食左三碟煙三文魚同沙律, 真的"滿載而歸".
下星期一學校復課, 我好担心個女會扭計, 呢兩個星期佢都玩到喪左, 又要時間調整一下. 下星期要提早半個鐘起身, 希望佢會乖乖啦.

JC

係呀,個仔玩到顛左,d功課到而家都未做哂. 我個仔成日扮野,話星期日要返學.平日就唔要返學喎.
我地係sat去架, 明愛半自助午餐乜價錢, 係咪紅日至有得食,下次要試下至得.

wongnysw

明愛餐廳星期一至星期日(除公眾假期)都有半自助餐供應, 價錢$68-$138再加一, 個餐牌日日唔同, 每日提供6-7款, 最安全是先打電話問下. 個電話係3589 2255. o個日我地六個大人兩個小朋友, 叫左六個餐再散叫一個炸薯條($30), 個薯條好好味. 埋單係$570. 除了食物不錯外, 我個人就好鍾意個環境, 清靜舒服.

mysteven

2006年9月入讀KCS K1
你哋好！我仔仔今年九月讀上午K1，請問你們知道2006編班情況嗎?通常K1有多少班嗎?

另外我住油塘，有東九龍番學校車介紹嗎？否則要工人接送番學我頗擔心...

男仔校服

須於校外購買或於校內訂講會好些..?

請KC 媽咪多多指教 :

ILoveYou520

各位媽媽
我很喜歡這間學校,但有些問題請教大家！
~~我和老公完全都不懂普通話,跟功課和溫習有困難嗎?

~~k1 or k2才有全日班?

~~全日班可否上午主流班,下午國際英文班嗎?是否有午睡時間?學費是幾多?

謝謝大家！   

qiyangmum

ILoveYou520,
我想功課和溫習並不會有困難,放心吧!!
K1 沒有全日班,k2,k3才有!
如果你想讓小孩同時唸主流班和國際班, K1就可以開始,可以自由選擇那一班上午那一班下午,有午睡時間

蘇浙小學學費、膳費一覽表 (2005/2006年度)

幼兒園：
N1   2700元
幼稚園 ：
K1K2K3上午班     1737元
K1下午班               1737元
K2K3下午班          1679元
K2K3全日班          3071元
國際班 ：
KG. PP(半天)      4900元
P.1-P.6(全日)     5700元
　
you can check from the website for further information

  
蘇浙小學---主流部

蘇浙小學--->國際部

十月媽咪

mysteven,
hi, 我囡囡都係今年入讀蘇幼k1, 我地住調景嶺, 聽講學校已經開始發信通知家長今個月尾做校服之類 (詳情唔太清楚, 仲等緊收信), anyway, 到時唔知會唔會同你囝囝同班呢? 我而家最希望編佢入一班人數較少既班, 事關佢比較孱, 我驚太多人一班, 佢會成日病呀!  

JC

十月媽咪,
學校有現成校服賣, 如果只買夏季可以在北角校服舖買.
小朋友返學通常都會多d病,有過度期.唔好咁擔心啦.

十月媽咪

JC,
好難唔擔心架, 我個女而家返緊幼兒園, 成班先得十二個小朋友, 佢都要每個月病一次, 就好似我地女人親戚到咁, 準時到不得了, 呢兩個月仲衰, 三個星期就要幫襯醫生一次, 我真係無眼睇! 遲D返蘇幼, 聽講到三四十人一班 (唔知有冇錯, 錯左請更正我), 個個小朋友帶唔同既病菌, 我果個咁鬼弱, 我點會唔擔心先得架? 唉...真係諗下都驚呀!

今日收到學校寄唻既資料, 女生校服每套74蚊, 外套50蚊, 運動裝75蚊, 我想問, 學校話係響雨天操場訂做, 咁我想問, 其實響街外買好丫, 定響學校訂做呀呢? 質地同價錢有冇乜野分別呢?

仲有呀, 我想問, 有冇需要校服裙訂兩套, 運動裝又訂兩套呢?

仲有仲有, D書係咪要自己拎住張書單出去街外買架? 大約幾錢呀?

唔好意思, 咁多問題! 唔該晒你地幫我解答呀!