真道2014

tsangnamnam

我地離開之前，老師同我地講，幅圖畫唔計分。
只是唔想面試內容洩漏出去，所以收返張圖畫。
老師又話portfolio其實唔會回睇，拎走又得，放低亦可。

hogmail

收唔到信唔代表小朋友唔叻。只係太多人報，學校選了比較適合的學生。大家加油！

Angine

大家唔好咁灰啦！我個仔Logos 冇second in, 我都好詫異。要即刻收拾心情繼續作戰，唔好被打亂陣腳，戰事，剛開始。我要相信我個仔係得嘅，會越in越好！
大家努力呀！

hellohappybaby

有過來人說有空位便會再call其他家長、上年我朋友也到四月尾才收offer,也有朋友有姐姐讀緊但到最后妹妹都收reject letter
希望大家一齊調整心情，找學校也講緣份吧
即使我們不說出口，但負面情緒都會被小朋友感覺到的
大家要正面啲、have a happy Friday and nice weekend

stenic14

收到offer啦，心情真係非筆墨所能表達!

happyritamama

如果封信寄失咗咪好唔抵?

joechengx

九龍灣區今日收信

kc1624ss

我問過学校，如果過了註冊日，而取錄生又無任何書面/囗頭回應，學校會联絡家長確認,放棄學位

derkin

冇offer 都比隔離街個間1st waiting 好……

ozoz

原帖由 derkin 於 14-09-27 發表
冇offer 都比隔離街個間1st waiting 好……

隔離街好多fans𠺢，上年爬文，真係各有各好，而且較多人認為隔離街學術同公開試成績較有保證。唔好為咗覺得唔喜歡今年學校安排而作出唔冷靜嘅決定，冷靜再思考下邊間學校嘅教學方式對自己小朋友學習有最大利益。

利伸：我上年了解過隔離街學校，覺得唔太合適自己女兒，無報考。

MayBride

ozoz, 你女兒剛上小一，可以分享下學校生活，適應，及與你期望暫時看來是否一致嗎？謝謝!

ozoz

原帖由 MayBride 於 14-09-27 發表
ozoz, 你女兒剛上小一，可以分享下學校生活，適應，及與你期望暫時看來是否一致嗎？謝謝!



  ...

上年註冊時簽名手都震，怕自己選錯。我之後繼續搜集資料，更加了解學校教法。後來學校舉行公開課比準家長同現任家長睇，認真了解係咪合適，學校更花功夫比準小一生上過試堂，女兒超喜歡。入學前後都有briefing 講返課程理念，大家點合作令小朋友學習更有效。返咗大約一個月，感受係學校好用心引導我女兒，女兒由初期話唔會主動搶答，到前日同我講我聽日會做得更好，答多d問題，希望我地組可以勝出。女兒由學期初寫字一筆一淚，到今日，會自動超額做某d自己特別喜歡嘅嘢，其他只需小小協助，希望不久將來佢可以自動自覺。至於測驗默書，默書看似容易，原來係考運用，無閱讀習慣未必能做得好，測驗有突擊，不用溫，志在知道識幾多，唔識就學到識，唔駛拖。功課量唔大，係濕碎嘢eg reading log 多，女兒仍然有空間大量閱讀。我見身邊朋友小朋友大多有個表，每星期要識幾多字，識乜嘢，緊張嘅家長會較有安全感因為有範圍跟進，真道做法不一樣，係小朋友學習而非家長，要相信小朋友有能力自主學習，從佢拎返屋企東西會知道教乜，引導下佢自然開心話你知學咗乜，要識乜。作為媽媽，我成日提自己，忍手，女兒係得嘅，書係佢讀唔係我，萬萬不可我緊佢唔緊，呢樣我覺得家長如果配合到的話，小朋友可以做到我地估計嘅多。我諗我要返多幾個月先可以有更多嘢分享到，現階段女兒開心，適應得幾好。

crystalpui

原帖由 ozoz 於 14-09-27 發表
上年註冊時簽名手都震，怕自己選錯。我之後繼續搜集資料，更加了解學校教法。後來學校舉行公開課比準家長同 ...

就咁睇其實真道好適合我女，但係無offer

bcf

回覆 ozoz 的帖子

謝謝分享，睇完你所講，我更加喜歡真道.

ozoz

原帖由 crystalpui 於 14-09-27 發表
就咁睇其實真道好適合我女，但係無offer

你女兒如果讀開intl school的話，個期望亦要有d調整，真道始終係local school, 英文語境一定同intl school有分別。你今日無offer 唔駛灰，希望在明天，有d甚至到8月先收call, 一定會有間最合適你女兒嘅學校比offer佢。

ozoz

原帖由 bcf 於 14-09-27 發表
回覆 ozoz 的帖子

謝謝分享，睇完你所講，我更加喜歡真道.

當日決定入讀，係站在女兒學習利益而去選擇，其實比起選擇入讀百年傳統老牌名校難，因為參考例子小，身邊親朋唔太識真道，問長問短好煩。希望無後悔。另外補充小小，我hubby經過呢個月，對真道評語係：其實真道係好進取嘅，之不過小朋友係唔太覺，開心地Cher，唔需要現在就耗 盡小朋友能力，來日方長呢

AgapePa

kc1624ss 發表於 14-9-26 23:20
我問過学校，如果過了註冊日，而取錄生又無任何書面/囗頭回應，學校會联絡家長確認,放棄學位 ...

我上年第一輪有offer, 無去註册, 但學校無联絡過我

whychan777

原帖由 ozoz 於 14-09-27 發表
上年註冊時簽名手都震，怕自己選錯。我之後繼續搜集資料，更加了解學校教法。後來學校舉行公開課比準家長同 ...

Thank you for your sharing

MayBride

ozoz, thanks for sharing. 請問測默有幾密，會派返卷及成績嗎？EDB度只寫真道0測2考

ozoz

原帖由 MayBride 於 14-09-27 發表
ozoz, thanks for sharing. 請問測默有幾密，會派返卷及成績嗎？EDB度只寫真道0測2考



  ...

我見校歷無寫測驗週，不過平時有，現在眼見大約教完一課會有測驗默書之類東西，有d計分有d唔計，平時上課完成一部份會有個人工作紙做，目的睇下有冇唔明。認真d嘅測驗應該會有，會早小小通知，不過老師話係唔駛緊張，d小朋友都幾喜歡𠺢，我暫時未有事先通知嘅認真測驗，試過先知。默書大約1-2星期一次，溫習紙上嘅字唔多，因為係考運用，識寫𠹭幾個重點字已經夠。d小測之類東西有派返比我地睇，了解下小朋友進度。