旺角基督教服務處雋匯幼兒學校

lioxi

waiwaichu:
  你個囝囝發熱發咗幾耐呀?
上次lioxi發熱發咗３一４日,雖然都係３８度幾,
但醫生話要住院喎!入咗院１日就退燒啦!

zimba

waiwaichu2003,
其實你仔仔遲d再返學, 未必唔好. 到佢病好返學時, 大部分同學都已適應了, 你仔仔就不會因為其他小朋友喊, 佢又喊. 而且到時老師又可以有多d時間照顧你個仔. 我細仔就係咁, 第1,2 日老師抱住, 拖住2個鐘, 瞓覺時又抱佢暗佢成個鐘架. 如果多幾個學生, 老師就無法咁做la. 而且唔舒服仲要適應學校, 可能會較難對學校有好感wor. 塞翁失馬.

lioxi

fionkwok:
好呀!我delete咗啦!不過點解呢?
我自己食得啦!唔阻你哋撐枱腳啦!難得冇小朋友係度嗎!!

fionkwok

waiwaichu2003,

係呀! 試吓煲d紅蘿蔔庶水佢飲呀! 當水咁飲, 清熱架!

lioxi,
thanks! 一齊食呀! 好嗎? 唔緊要喎, 傾吓計嗎! 唔知今日有冇video睇呢? 我而家出門口, 差唔多到call 你呀! 因為呢度好多唔識既人, 唔想俾人知自己小朋友個名囖!

zimba

fionkwok,

我同妳一樣呀, 送咗阿仔入學校, 真係有d失落, 企係學校門口唔捨得走. 呢d算唔算"空巢"呢?

Twins

Fionkwok,
你囡囡冇燒就好啦, 盡量睇下比唔比到藥佢食啦,
食到DD都好, 希望你囡囡快D好返.
你唔好喊喊啦, 諗下囡囡幾咁叻女可以咁快適應
到學校生活, 遲D等你囡囡正式返全日咪試下
搵PART TIME做下, 咁樣就唔會覺得悶又靜架啦.
我囡囡今日都仲有D燒, 都係38點幾, 係少少燒O者,
問題唔大既. 不過我都同一樣接受唔到肛探.
我成日都唔記得同你講果個唔係婆婆係姨媽O黍,
你叫錯唔緊要, 佢唔會怪你架. 都係打招O者.

Waiwaichu2003,
你點呀, 做咩心情唔靚? 好擔心囝囝個病呀?
唔好咁啦, 你囝囝會好快好返架.

Lioxi,
你終於可以上o黍同我地傾計啦, 好開心呀!
你囝囝係學校各方面都OK ma?
死啦, mud成38度幾都要入醫院架? 我成日
都唔理喎, 因doctor話39度以上就要留意.

fionkwok

我又返來啦!

twins,
真係唔好意思啦! 幫我同姨媽講聲 sorry 啦!
係喎! 尋日同阿女去覆診, 醫生都話99度都ok, 因為我地係用耳探, 而耳探要到100以上至真係叫做燒喎, 口探就係98.6度, 唔知真定假呢? 咁你囡囡有冇食退燒藥呀?

今日原來有兩個小朋友生日呀! 所以佢地有蛋糕食呀! 仲有呀! 我個女同你囡囡訓覺時, 主任話佢地好老友, 要拉住手訓喎! 所以冇用屏風隔住佢地喎! 又唔覺得我地兩個小朋友特別friend喎! 不過見到video, 佢地一齊訓又幾得意架!

waiwaichu2003,
小朋友發燒, 屋企一定要開泠氣, 唔好等佢地太熱至得, 情願唔好關掉所有窗門, 等有d清新空氣可以入屋囖! 希望明天可以見到仔仔啦!

waiwaichu2003

Zimba,

我好鍾意你lee句"塞翁失馬",可唔可以要埋下一句呀? thanks!

twins,
其實我都唔係好知點解心情唔好,可能因為煩囝囝點解咁耐都未好la,擔心會有特別野影響佢咁耐都未好!又可能煩囝囝冇返學,擔心遲d冇得陪佢適應la...
不過,睇完Zimba d message,個人就冇咁down囉!
講開"肛探"阿囝細個(高燒)時係屋企都試過,講舒服,梗係"探耳"好好多la,不過"肛探"好似準d!

Lioxi,
你係咪星期六同我地一齊飲野嗰位媽咪呀,唔好意思,嗰日掛住傾都唔記得問你小朋友個名tim,不過而家知道la!
你囝囝lee幾日返成點呀？今日終於有冇同fionkwok食晏呀?好羨慕你地,又可以一齊講囝囡經!

fionkwok,
今日開始報料未呀? 好心急呀!

ckk,
你囡囡好d未?今日有冇返學?

waiwaichu2003

fionkwok,

剛才方老師打比我,話囝囝可以返既話,會係遲你地15分鐘(9:30)入學校,家長可陪小朋友一陣,而囝囝就會試"坐床"到12:15,咁你地係幾點接返小朋友架?

fionkwok

waiwaichu2003,

其實你仔仔除咗有d燒外, 今日肯唔肯玩同食呀? 有冇好d呀? 如果佢肯訓就有佢訓多d啦! 會recover 得快d架!

我地明天已經冇得陪入學校啦! 今日就放2:15pm, 但係我地係門口睇video, 所以我諗起碼都成2:30至接走阿女架!

仲有, 學校派咗份 "學齡前保健計劃" 你地會唔會參加呀? 其實係d咩來呢?  

Twins

Fionkwok,
你唔好咁客氣啦, 洗鬼唔好意思咩, 傻既你…..
你囡囡個DOCTOR講得O岩架, 所以如你要
同囡囡食退燒藥就39度先食.
今日你囡囡有冇比學代餵藥呀? 肯唔肯食呢?

Heheheeee……佢兩個點只訓覺時咁friend呀,
原來你囡囡咳既時候,我囡囡幫你囡囡掃背tim,
我個佢亞媽都未試過對我咁呀, 真係有d 妒嫉.

waiwaichu2003,
你心情好返d就好, 唔好再亂咁諗野啦.
我地會擔心架.
咁而家你囝囝既病好返未呀? 明天返唔返到學呢?

一陣我屋企人會帶囡囡睇醫生, 因佢有流鼻水, 咳咳,
仍然有d燒, 而且明天我都唔會安排囡囡返學, 想佢
休息下.

今日我囡囡同fion個囡都係放2:30, 我估明天都會係
咁上下…..

lioxi

waiwaichu2003,

今曰個囝囝反丙喊得多左呀!咁聽日你囝囝咪会返學囉!
好多日冇返一返就要即時分離吾知佢可以可適應?

fionkwok

我諗係普通body check,但我多數會參加!!!

Twins

lioxi,
我地D小朋友入學前唔係body check左咩?
點解又check既

ckk

Hello 各位媽咪!我又來啦!

waiwaichu2003,
唔好唔開心啦! "奸爸嗲"
希望明天見到你囝囝返學啦!

阿囡今日已返學不過仲有d燒同咳,明天要同佢再睇醫生lu.
另外鄧主任話佢今日食飯同訓都ok喎. 只係我走時喊左一陣.


Fionkwok/Twins,
你地囡囡咁快就咁friend,"恨c"我啦!
仲有呀!fionkwok今日睇video,見到你囡同幾個同學仔在屋仔傾計,好得意呀!睇來佢都好適應喎,真係o力囡!

係bor! d video係咪真係會燒返俾我地架, 快d就好la!因為阿囡爸爸好想睇!

lioxi

hello,早晨各位媽咪:

今朝送囝囝返學,仲係好多小朋友喊呀!!!
尋曰我問囝囝點解要喊,我以為佢會答我因為我走咗,但佢話同學仔爭玩具,同學仔打佢,初時都無為意...至晚上見佢眼有小小腫,又唔俾我掂ｏ細問之下佢話同學仔打佢,所以佢喊!!!但尋日老師並冇同我講,所以今朝我問老師,佢都唔知,但就話會問返其他老師知唔知囉!我並唔係想追究責任,可能係我囝囝唔啱在先,但起碼俾我知道,可以幫佢搽Ｄ嘢呀!

TWINS:

我諗呢個body check係詳細少少,起碼有check眼,牙la!
上次都冇,不過話時話,到３歲,健康院都會智能test喎!!會否重覆??

fionkwok

good morning呀!

今日我冇揍阿女返學, 係佢daddy揍, 佢都冇mud野, ok啦! daddy話佢一返到學校就叫李老師: "怏d, 快d啦!" 咁就入咗學校啦! 後尾唔記得攞書包先再返出來攞, 睇怕佢已經完全適應啦! 尋日見佢冇燒就冇同佢食退燒藥啦! 今朝一訓醒又好似又燒返, 所以又再俾返d藥佢食, 點解又再起返既? 真煩!

waiwaichu2003 & twins,
你地d小朋友今日有冇返學呀? 仲未見你地既?

lioxi,
我老公話今朝見到你個仔都有喊喎! 佢做mud呀? 唔係喊咗好耐咋? 小朋友碰撞就實有啦! 不過你都講得對, 我地家長都係想得個知字啫! 就算真係俾人打都要教小朋友同老師講, 如果真係自己個錯既都要教吓架! 另外! 今朝你有冇問老師, 呢個bodtcheck係dmud來呢? 係咪一定要參加架?

ckk,
今日都係你自己揍女返學呀? 睇咗醫生點講呀? 你個女雖然大隻, 但都好斯文呀! 上次阿女仲搶咗你個女包糖, 真係唔好意思啦! 希望你唔好見怪啦! 係屋企已經成日教佢啦! 但係都唔聽, 希望佢返耐d, 可以學返d守則啦!    今日有冇喊呀? 佢放幾多點呀? 唔知放學見唔見到你呢?

fionkwok

zimba,

係咪下星期d小朋友開始返全日, 你細仔就會同返我地d小朋友一班架啦! 你細仔叫咩名呀? 可以pm給我地嗎? 睇吓下星期見唔見到你?

lioxi

fionkwok:

今朝因為係後門入,Ｄ小朋友又喊,門口又迫,老師要照顧Ｄ小朋友,所以我好快問咗囝囝打架Ｄ嘢,都忘記問,不過個body check唔係一定要參加嘅!!應該自由參加與否既!!到時問下多唔多參加，如果多人參加，我多都會參加，好似可以係學校check喇嗎!!
老師話囝囝入到去有喊,但氹下又會冇事喎!!今朝同佢講我唔會入去,佢即刻話要媽媽la!!!以前佢冇喊,我又覺得好失落,而家佢喊,我又好担心,唉!我都係衰啦!!

zimba

fionkwok,

你說得對呀, 細仔遲d會返去d班呀. 不過我宜家反而担心佢轉去d班時, 就輪到佢病la. d班有咁多小朋友病咗, 好易中招!話唔埋好似我老公咁講, 佢會係最後一個病倒! 我諗住問下老師先.

我通常8:45am返到, 你地係唔係返9am?

fionkwok

lioxi,

我就係咁啦! 阿女一次都冇喊過, 所以我真係好失落囖! 由出世揍到而家, 我走都唔喊, 我係咪好失敗呢?