齊齊來暢所欲言

樂熙媽媽

今日, 我比呀仔激死, 我叫他著外套返學, 他話唔可以著去街衫, 我就話可以返到學校除左佢, 但係佢死都唔肯, 我叫佢著學校的風褸啦, 佢都話唔可以, 仲話只可以著冬季校服, 我好有耐性同佢解釋, 都係無結果, 又趕住返工, 終於我發火, 駡他死牛一便頸, 冷襯要我帶他去荃灣睇醫生, 他先至肯著, 返到學校仲第一時間要除左件外套, 都唔知點解佢要禁堅持.  

跟住我同老公講返呢單野, 佢返而話我唔arm, 冇了解個仔為什麼唔穿外套,   做人呀媽真艱難.  其實, 他唔肯著外套返學唔係第一次, 我已經叫梁老師同佢講係可以著去街外套返學, 只要除了先至入課室係冇問題, 但都係禁硬頸, 我投降啦!!     睇離都要再想辨法另佢聽日著外套返學
         
  

KooKoo

hei hei又真係好堅持,   你今晚試下同佢講, 沛希今日都係著去街風褸返學, 入到學校先除左, 老師都冇話唔岩......, 你有冇放多一件白/藍色外套係佢書包內呀, 入去除左件風褸, 換件學校著ge外套, 睇下佢肯唔肯, 同埋好多同學仔都係咁著返學.

cathygarfield

我個仔又係吾鍾意著外套, 每次都要講一大段道理, 但都吾著,    好彩有2個妹妹很著, 撐多一陣, 見到呀妹都著晒等出門口. 唯有死死地著,但一定吾准扣釦, 激死.      

anna_gigi

樂熙媽媽
其實我都係同你一樣著去街衫外套返學,芝芝又係死都唔肯,話老師唔比著會鬧佢,又係攪左有耐,我就同佢講而家著左先到學校門口除番去,當返到學校真係第一時間除左件外套,佢同樂熙一樣咁堅持

KooKoo

睇黎我地又要搵老師幫手, 佢地係聽老師講, 好似今朝沛希都有個例子, 臨出門口時話要帶埋個bear bear返學校分享, 我都有d奇怪, 咁我問點解呀, 你帶左返學校今日會唔會拎番黎架, 佢話唔會, 咁我話唔會拎番黎, 咁你今晚咪冇得攬住佢訓law(因佢晚晚都要攬住佢訓), 佢都唔理係要帶, 於是我話等我返去問左梁老師先啦, 如果梁老師話係, 咁咪聽日帶啦, 咁佢先肯行, 咁返到去就到梁老師, 就即問, 原來佢有d搞錯, 梁老師話昨日問佢地最鍾意同爹地/媽咪玩(因佢地而家做緊個project叫"我的家庭"), 佢地大多數答同爹地, 咁老師就叫佢地帶d關於爹地平日鍾意ge野返園分享, 如玩具, 書....點知佢問我地時又唔講清楚, 剩係問我鍾意玩乜野玩具(昨晚沖完涼突然問我), 我咁唯有答公仔, 跟住夜d又問爹地鍾意玩乜野玩具, 咁爹地唔知佢做緊project, 咪求其答車, 到今朝佢就剩係記得公仔, 咁就話要帶公仔, 係咪俾佢吹漲, 上堂唔留心, 今晚要   

樂熙媽媽

係唔係學校已經同小朋友講唔可以上堂著去街衫, 但係佢地誤會連係街都唔可以呀!  不如放學時再問下學校, 同埋解釋比小朋友知, 老師講一句, 好過我講十句呀!!!

Kookoo
擒晚唔好意思, 電話突然冇電, 開唔倒, 又冇帶你電出街, 所以冇再call 你, 我會再燒一隻比你, 燒好話你知

樂熙媽媽

Pui Hei 都好醒, 知道要帶野返學校, 我次次問hei hei, 都話唔知, 好似今日, 我知道擒日佢地睇左套有關環保的vcd, 我問他是講什麼, 他一句就話唔知, 跟住我再問, 先至話地球生病, 我問要唔要看醫生, 他又話唔知, 而家唔知係佢既口頭蟬, 真係冇佢辨法!!   

KooKoo

沛希咪又係, 有時我會問佢今日老師教左乜野字呀, 佢ge例牌答案 ~ 唔知/冇呀(呢句仲激c), 叫佢諗清楚d, 咁有時都肯答, 但多數都係答番"冇喎"    , 仲要係好肯定個隻, 大佬我有睇日誌架, 真係當我係Lulu

anna_gigi

KooKoo
尋晚食左果d朱古力,食下食下食左成3包咁多,叫左唔好食咁多,只係留番2包比同學分享,今朝結果攪到流鼻血,只因為貪食之過

cathygarfield

早晨啦各位, 我返來啦, 因為出左街做野, 剛剛回來所以遲左添. 最後今日自由時間, 明白老闆回來了, 要等2星期, 好可憐     

anna - 天氣乾燥, 好容易流鼻血. 叫芝芝吾好食留番比保怡,芯怡,葦怡,食咪得羅.     

KooKoo

沛希昨晚返到屋企都想食架, 不過我係咁提住佢, 聽日拎返學校同同學仔一齊食, 佢都肯聽, 之但係佢隻手呢就硬係搣下搣下咁搣nuk左d紙, 又話睇下, 多多藉口

樂熙媽媽

What kind of chocolate?  I want to eat.  Don't forget to share with me and Hei Hei.

  

KooKoo

   hei hei有份, 你冇份, 我地都冇份 ,
係昨晚放學時譚老師同沛希芝芝一起去7仔買(即係譚老師請), 叫佢地聽日帶返學校同其他同學仔一齊食.

頭先係個網站投票選舉內發現有好多網都好正, 我add左d啦

樂熙媽媽

Yummy Yummy!!  

I also vote the web and find lots of web.  I need spend some time to view it.  Haha.

KooKoo

今日咁靜既   我係度8人地個topic    估到嗎?

wpwong

Hi Everybody,

聽日你地會唔會返園聽講座? 我會同臻爸&臻臻參加, 唔知會唔會見到你地呢??


冰冰

anna_gigi

KooKoo
係唔係地鐵事件之飛釘

KooKoo

anna_gigi 寫道:
KooKoo
係唔係地鐵事件之飛釘

   yes, 岩岩先睇晒咋, 昨晚開始睇先得幾版, 今朝開黎睇已去左廿幾版, 而家就三十幾版,   都唔知咩人         

冰冰, 我地聽日都會到呀, 10:00兒園見

BuBulongho

Hi

好高興在兒園見到各位

Longho

anna_gigi

各位北角救世軍育嬰院暨幼兒園媽咪
芝芝bango中左,好開心
                                                            :-)  :-)  :-)  :-)  :-)