07-08年宏福幼兒園媽咪繼續入o黎傾~(PART 5)~歡迎新朋友加入

626mama

天藍 ,

收到喇，唔該晒。

原帖由 天藍 於 09-8-26 10:43 AM 發表
626mama,

我再send多次~~

626mama

ElianAiolia & snoopyhk,各位,

唔知仲咩，今朝成朝好頭暈，又好以反胃咁，
如果晚上都係咁，我就唔同妳地食飯主喇。
好辛苦。

原帖由 snoopyhk 於 09-8-26 09:05 AM 發表
ElianAiolia & 626mama,

Rplyan去咗旅行今晚去唔到, 我地3個一齊食飯啦, 去邊今晚決定啦。

[ 本帖最後由 626mama 於 09-8-26 15:30 編輯 ]

ElainAiolia

天藍,
我應該 1/9 返工，其實醫生上星期覆診都有再比到 sick leave 我去到 14/9，但我唔太好意思攞咁耐，所以先返工，我諗住若真係唔太舒服，到時先放果 d sick leave。

你去唔到螢火蟲團唔使太介懷，我其實無乜所謂，子聰、表哥同表姐失望只不過係少少 o者，因佢哋係 d 大開大埋 o既人，所以講比佢哋聽去唔到，只係唔開心咗一陣 (我諗都唔知有無半個鐘)，就好似無嘢咁繼續玩到顛晒，已唔記得咗 la，哈哈！

ElainAiolia

626mama,
你係咪 d 病又番發，所以咁，你睇吓晏 d 情況點先決定一唔一齊食飯呀？其實我都有 d 頭痛，由尋日晏晝開始痛到而家，一陣間我都要食 d 頭痛藥至得。

snoopyhk / 626mama,
今晚家長會 6:30 p.m. 見 la。

ElainAiolia

Naiyauso,
hello，你好，歡迎你上嚟睇我哋呢個 topic。

你想幫你仔仔報 N1，咁你就記得而家好 download 定張 application form，並且填好佢，1/9 可以交表，以我所知以往先交 form 先安排 interview (但已經係 2 年幾前 o既事)，早交 form 比較好，因學校會覺得家長比較有承意 (校長講 o既)，而呢個承意係會令到學校留位比你個小朋友插班因素之一。

我個仔當日去所謂 o既 interview，我都唔知見咗 d 乜，因當日我同個工人一齊帶佢去，去到學校，老師就叫咗我去聽嘢 (一齊聽嘢 o既有其他 o既家長)，而我個仔就由我個工人睇住係學校入面玩 d 玩具，其間會有老師睇佢玩嘢時 o既情況，同時老師亦有問佢少少嘢，好似問佢叫乜名、幾多歲等，目的唔一定要佢識答，我諗係睇佢有無反映，從而知道小朋友聽覺是否有問題，但可能我個仔係大 B o既關係，所以佢識答老師問題 o羅。

唔使太擔心，小朋友好易過到個 interview，唔好比咁大壓力自己同個仔，有信心就得，希望你哋成功。

最後，提提你就係就算你非常心儀呢間學校，都幫仔仔報多兩、三間，等自己有多幾個選擇，萬一真的衰咗，仲有其他補上，不用那麼徬徨 o麻。

626mama

ElainAiolia,

食完午餐就好好多喇，起碼唔確得反胃，
不過仲好頭暈暈，我都冇咩病會反發，
上之個胃都好反，都唔知特然咩事。

可能近排夜左訓，睇我和XX有個約會囉。

原帖由 ElainAiolia 於 09-8-26 02:09 PM 發表
626mama,
你係咪 d 病又番發，所以咁，你睇吓晏 d 情況點先決定一唔一齊食飯呀？其實我都有 d 頭痛，由尋日晏晝開始痛到而家，一陣間我都要食 d 頭痛藥至得。

snoopyhk / 626mama,
今晚家長會 6:30 p.m. 見 la。 ...

Naiyauso

原帖由 ElainAiolia 於 09-8-26 14:37 發表
Naiyauso,
hello，你好，歡迎你上嚟睇我哋呢個 topic。

你想幫你仔仔報 N1，咁你就記得而家好 download 定張 application form，並且填好佢，1/9 可以交表，以我所知以往先交 form 先安排 interview (但已經係 2 年幾前 o既事)， ...

多謝你既資料呀! 咁我都係咗form先算啦, 謝謝呀!
希望我個仔都讀到呢到啦!

天藍

ElainAiolia,

昨天你地家長日係咪傾計傾得好開心???
你地就好啦~
你放假放到1/9真係好休息多d, 身體會
比較好, 如返工後有不適記得唔好c頂,
一定要放假。Take Care!!!
好彩子聰同表哥表姐善忘, 咁快又開心
番真係好, 下次再有活動再通知你地~~

原帖由 ElainAiolia 於 09-8-26 14:04 發表
天藍,
我應該 1/9 返工，其實醫生上星期覆診都有再比到 sick leave 我去到 14/9，但我唔太好意思攞咁耐，所以先返工，我諗住若真係唔太舒服，到時先放果 d sick leave。

你去唔到螢火蟲團唔使太介懷，我其實無乜所謂，子聰、表哥 ...

天藍

626mama,

你今日個胃好d未? 有無想反胃???
保重身體!!!
~莫非你唔係身體不適, 係有喜

原帖由 626mama 於 09-8-26 15:33 發表
ElainAiolia,

食完午餐就好好多喇，起碼唔確得反胃，
不過仲好頭暈暈，我都冇咩病會反發，
上之個胃都好反，都唔知特然咩事。

可能近排夜左訓，睇我和XX有個約會囉。

...

626mama

天藍 ,

個胃都唔係好舒服，不過就冇反胃感確，頂頂地。
諗主早D回家食野就去訓，點知唔知邊度"鑽野"，前晚已經12點幾"鑽"架喇。唉...邊訓到丫。

唔係。千祈唔好呀。

各位,

昨天家長會有個長家走埋黎問我認唔認得佢，我...唔認得。跟望佢話囝囝係"宇翔"，記得喇，個名係爺爺幫佢改，靈感係太空人楊利偉飛上太空。爸爸揸電單車的。原來係鈞渝N1的同班同學。唔知妳地仲記唔記得佢呢。我唔認得佢係因為佢大緊肚，肥左好多。

原帖由 天藍 於 09-8-27 11:20 AM 發表
626mama,
你今日個胃好d未? 有無想反胃???
保重身體!!!
~莫非你唔係身體不適, 係有喜

hongmimi

ElainAiolia.
其實我未正式通知婆婆(雖然佢都估到), 我諗起初可能唔憤會悶d, 話晒有個人仔係度好多野要理, 希望佢以後多左d私人時間同公公去下旅行玩下唔好再咁辛苦喇~ 同始終, 照顧個仔都係阿媽既責任, 我都好想自己搞番嘛~

又睇唔出妳喳咗喎! 咁妳襯仲leave梗, 多d休息下!

原帖由 ElainAiolia 於 09-8-25 15:42 發表
hongmimi,
做完手術，雖然我 d 面色唔差，但個人就喳咗好多，又易累，行遠少少有 d 氣喘，個傷口對上 o既肌肉仲有 d d 痛，醫生話係因為做手術期間拉開較長時間，所以係 d 肌肉疲勞 o者，遲吓會無嘢喎。

果日我「禁」鐘，仲以為你哋搬屋 o忝，又以為係匡匡開門，點知原來你哋整嘢搞到如火如塗，真係唔好意思。係呢，如匡匡番嚟住，婆婆佢哋咪好悶 o羅。

hongmimi

原帖由 天藍 於 09-8-27 11:20 發表
626mama,

你今日個胃好d未? 有無想反胃???
保重身體!!!
~莫非你唔係身體不適, 係有喜

hongmimi

天藍,
多謝妳呀! 講左咁多貼士我知, 我對請姐姐真係"零"知識~

我未去搵anget公司, 如妳有相熟, 仲試過ok既當然好啦~ 咁我呢個盲頭烏蠅唔洗咁"騰"喇~

最近好多人見到匡匡都話佢高左, 塊面脹左, 有d話佢個頭大左~ 嘻嘻! 不過都唔知關唔關游水事~ 因游水都係一個星期一堂唔夠一個鐘~ 可能係放暑假, 公公婆婆帶佢周圍去, 去到邊食到邊, 開胃d~ 如無意外, 我會俾匡匡繼續學, 暖水池應該無問題掛~

係呀! 而家都8月, 等過埋冬天下年先開始咯~ 附近無暖水池冬天游又真係唔得~

昊藍咁鐘意打功夫, 學台拳岩晒~ 不過, 妳有無聽過有人話如正發育長高時期學台拳或空手道可能會矮d, 好似話係同成日要拉根有關, 唔知係咪真, 我都係聽人講~ 不過可能咁細過學又唔會成日拉根, 咁游水都要做warm up拉根啦! 真係唔係幾明??

好在妳話我知下個月有"九龍城區"小學巡禮, 我真係好想去睇下"馬官"同其他學校架! 要即刻錫啖妳先得!!
匡匡學校無通知, 會唔會係"九龍城區"唔關佢學校事呢? 定佢學校只派通告俾k3學生? 麻煩妳俾d資料我呀! 我諗pcdogxx都好想知架~ thank you!!

626mama

天藍,

星期六講開，妳咁快搵到地方學，真係快手。

hongmimi,

軒軒都學緊台拳道，"發育長高時期學台拳或空手道可能會矮d"我又聽過喎，我以前都有學過，想番，果時阿sir miss
師兄師姐都唔確矮丫。都要留意下，如果真係，就要停一停先，唔好學主喇。拉根係每堂必要做的事，就好以人地做運動要熱身一樣。唔拉根好容易整傷架。而家想起，拉根真係好痛，軒軒都有同婆婆講，拉根好痛架。

好攪笑，軒軒係成班最細，因為佢地由4歲起才收生(我都等左半年先報到名。)，得佢一個咁細，十個人都冇，有兩個阿sir。堂堂放學兩個阿sir都例牌抱下佢，give me five，勾手拍尾。當佢好細咁，我同軒軒講，你4歲喇，下次叫阿sir唔洗抱你，知唔知呀。點知軒軒話"佢鐘意"都唔怕羞。

原帖由 hongmimi 於 09-8-27 02:05 PM 發表
昊藍咁鐘意打功夫, 學台拳岩晒~ 不過, 妳有無聽過有人話如正發育長高時期學台拳或空手道可能會矮d, 好似話係同成日要拉根有關, 唔知係咪真, 我都係聽人講~ 不過可能咁細過學又唔會成日拉根, 咁游水都要做warm up拉根啦! 真係唔係幾明??

ElainAiolia

天藍,
尋晚我哋都傾得好開心，校長講咗好多嚟緊 K2 o既 function，仲話今年係我哋最多會揾佢 o既一年，因為要揾學校 o麻。同時，今年會請間公司 d staff 番嚟開 d 工作坊比我哋家長，等我哋知道小朋友點樣由遊戲中學習，並且比咗張回條我哋填，係有關參加家長義工隊 o既。而今年果英文老師發音都幾清析又大聲，好過舊年呢。仲有 o既就係學校有個老師 o既小朋友都係度讀 K2，你話係咪有 d 信心保證。

雖然我想 1/9 返工，但剛才我 d 同事打電話嚟傾開，佢哋叫我考慮清楚，o既然醫生寫得 sick leave 紙比我，點解唔放埋佢休息耐 d，身體要緊，公司嘢自然有人做 la，所以我仲諗緊放唔放到 14/9 好？

626mama,
尋晚我同 snoopyhk 去到青衣城都揾唔到 d 好嘢食，因好多都要排好耐隊，最後去咗食雞，哈哈。

我哋食完嘢走時見校長同 Miss Wai、Miss Lung 同教國際班果個 Miss 係另一間嘢等緊位。

626mama / snoopyhk,
你哋有無諗住參加家長義工隊？我尋晚問聰爸參唔參加好？佢問我係咪一定要參加，我話唔係，不過我想投入 d 子聰 o既校園生活，佢話無所謂，所以佢揀咗 d 好 "行" o既項目。而我本想揀影相，但我怕 d 人笑我用傻瓜機，所以再諗吓先。

ElainAiolia

原帖由 Naiyauso 於 09-8-27 09:31 發表

多謝你既資料呀! 咁我都係咗form先算啦, 謝謝呀!
希望我個仔都讀到呢到啦!

Naiyauso,
希望你個仔考到間適合佢，而你哋又心儀 o既學校 la。

ElainAiolia

626mama,
你個胃咁差，記得唔好飲奶類飲品呀，再有唔舒服好去睇醫生呀，以防萬一 o麻。

尋晚 d 嘢我比咗 pcdogxx la。

ElainAiolia

626mama,
唔好意思，果日你咪問我比咗人哋 mama 果本書叫乜名，因正式個名我驚比錯你，所以上網揾清楚先比你，係叫做「阿樂珍藏秘方」(係舊版，因果時我家姐有病時買，都成 10 年前 lu)，作者：「阿樂」，出版社：藝苑文化工作室。我剛上網睇而家出咗本新，叫做「阿樂珍藏秘方-09年加料版」，三聯同大眾都係 $80-，而家大眾會員有得平，只售 $68- (優惠期唔知做到幾時)，如你去書局睇過 o岩的話，我幫你去大眾買，因我係會員，而且我逢星期六送子聰學嘢時，可以去荃新天地果間度買 o麻。

另外，仲有兩本，都係呢個作者，但我唔知裡面有無講醫癌症 o既嘢，分別係：

「阿樂救人秘方」，出版社：城市出版社有限公司，售價 $38-

「阿樂救人秘方-- 救人一命勝做七級浮屠」，出版社：西安出版社，售價 $18-

以上兩本書，大眾無得買，所以無特價。

天藍

hongmimi,

唔使客氣大家都係老友~
我早前已send了email給你, 關於工人agent/
九龍城區小學既資料, 你睇下收唔收到, 如有
問題你可打電話比我~
有少少意見如你請工人諗住自己湊返匡匡, 但
你住個到係咪已抽到搬近婆婆, 如已抽到就一
天都光晒, 但如未知幾時先抽到你派位個到你
真係要想清楚, 因如你唔係選個邊既直資and
私校, 係津校/官校佢也未必有校車o黎我地
個區接送學生, 因津/官多數收既學生係跟地
址會大部份學生住得比較近學校, 加上津/官
係政府學校係資源上有所限制, 變左未必會
有校車去咁遠, 顧你作決定時要想埋交通方面,
如你or匡爸可接送到, and你地會自己車接
送匡匡既咁上述所講既就唔係問題, 因以上既
問題係我一d過來人既朋友同我講, 我諗下又
係, 所以同你講你唔好介意我好似係到潑冷水,
但如宿舍個到你已抽到咁就一天都光晒, 唔使
想一定去九龍城區啦!
九龍城區張通告係昊藍學校派, 不過, 入面d學
校係津校/官校, 所以我都唔諗, 我都係心儀直
資and私校多, 如津校/官校我會選返荃/青區。
多謝你話比我聽關於學台拳/空手道拉根矮既
問題, 我真係無聽個, 等我得閒收下風先, 不過,
我都係諗住比昊藍仔郁下手腳運動下, 日後學
唔學落去要睇下昊藍既興趣。
哈~哈~我自己先天不足, 我以前讀書時個個
星期都去游水都係得咁既高度, 我真係好羨慕
匡匡快d比d 高度aunt, 但d脂肪就唔好比我

原帖由 hongmimi 於 09-8-27 14:05 發表
天藍,
多謝妳呀! 講左咁多貼士我知, 我對請姐姐真係"零"知識~

我未去搵anget公司, 如妳有相熟, 仲試過ok既當然好啦~ 咁我呢個盲頭烏蠅唔洗咁"騰"喇~

最近好多人見到匡匡都話佢高左, 塊面脹左, 有d話佢個頭大左~ 嘻 ...

[ 本帖最後由 天藍 於 09-8-28 10:40 編輯 ]

天藍

ElainAiolai,

聽你講我又好似返番宏福, 鄧你地開心d老師
都好好, 起碼唔好有你地之前講既問題啦!
昊藍上星期六返學見新班主任同d同學玩到癲
晒! ~又咁o岩昊藍又係有個係佢個到就教
既老師既仔仔同昊藍做同學今年一齊升K2,
哈~哈~
你放病假個到公司無講乜, 你當唔知繼續放
多幾日, 反正有醫生紙醫生已批, 始終都係
身體要緊。

原帖由 ElainAiolia 於 09-8-27 17:57 發表
天藍,
尋晚我哋都傾得好開心，校長講咗好多嚟緊 K2 o既 function，仲話今年係我哋最多會揾佢 o既一年，因為要揾學校 o麻。同時，今年會請間公司 d staff 番嚟開 d 工作坊比我哋家長，等我哋知道小朋友點樣由遊戲中學習，並且比咗 ...