04年9月入讀小一家長請進！

肥仔媽咪

麟媽媽 寫道:
適逢天氣轉涼，想問下大家，你地D小朋友著冷外套著得粗嗎？唔知點解，由幼稚園開始亞仔D冷外套都勁起毛粒！佢地夏天校服有件灰色的線衫外套，著左一個月左右已經起晒毛粒，而家冬天校服又有同款但係冷衫，睇怕唔到一、兩個月又會殘晒，起晒毛粒！我而家都唔會買得太大件比我仔，因為都唔慌可以著多一季….
你地有無呢個情況？

我仔間學校有風褸所以冇買到冷衫, 而家啲冷衫係唔襟架!

evelyn317

[quote]入

Vin

我想問你哋,
知唔知喺邊啲地方買冷衫平啲?
校服公司一件要$95~

Lady_ShihTsu

[quote]
肥仔媽咪 寫道:
我個仔七月出世暑假前只換了兩隻下門牙而且都是要去醫生度脫因為新牙快出晒隻舊牙都唔甩, 現在見有新牙在犬齒個位後出今次唔知駛唔駛又要去脫?

肥仔媽咪,
我個仔d乳齒"穩如泰山",但係下門牙後邊已經生了一隻恆齒出來,我駛唔駛帶去dentist度脫呢? 而脫牙有無打針,小朋友會唔會好痛好驚?我驚會嚇親個仔,以後怕左dentist就.....

  
elainebell

502

I bought 冷衫 from shop in Lion Rock Road.

Astrid

我大女係未夠三歲果時 ..... 係幼兒園發生左意外 ....撞甩左一隻上門牙 (連牙腳都甩左) ...... 牙醫話可能少左個引力 .... 隻恆齒未必可以自己生出黎 .... 要留意住 ......

依家另一隻上門牙開始有 d 鬆 .... 不過, 我老公個邊 d 小朋友都係屬於遲換牙個類 (成 10 歲先開始換)

p.s. 佢 12 月都 7 歲

麟媽媽

Vin,

我仔買番學校出既冷衫架。學校今年對校服捉得好緊，以前D學生D返學鞋五顏六色，冬天個個著自己深色冷衫 / 大褸，因學校校風一向偏向自由，所以從我老公個年代至今都係咁。但今年校董會唔知點解一刀切，個個學生都要著黑皮鞋/黑波鞋、冷衫 / 背芯一定要著學校出有校徽的、冬天要著校褸、運動堂要著學校的track suit、15度以下要著學校出的夾棉褸。唉！本來諗住是但買校褸或夾棉褸，而家兩件都要買，都已經成4、5百蚊！全套冬季校服差不多成千蚊喇… 本來諗住織件冷衫比個仔返學著，而家唔使喇，因我唔識綉個校徽！

Vin 寫道:
我想問你哋,
知唔知喺邊啲地方買冷衫平啲?
校服公司一件要$95~

ehoiyee

我大仔同你個女o既情況差唔多...又係係幼稚園撞甩左隻上門牙..當時佢都只不過係4 歲..我起初諗住佢都差唔多換牙..但係到依家我大仔都7歲喇..都未生番出黎....同佢睇牙醫話佢重有o的牙腳係隻牙果個位...要拎番出黎先可以生番隻牙...

肥仔媽咪

肥仔媽咪,
我個仔d乳齒"穩如泰山",但係下門牙後邊已經生了一隻恆齒出來,我駛唔駛帶去dentist度脫呢? 而脫牙有無打針,小朋友會唔會好痛好驚?我驚會嚇親個仔,以後怕左dentist就.....

我當初都15 16帶佢去牙醫度因好似你一樣驚嚇親佢, 但真怕啲牙越遲脫越難生得靚所以都要試試, 可能去之前我叫佢試咗好耐自己搖多些隻舊牙但佢怕痛唔肯常常搖咁我就同佢講你唔搖就要去牙醫度脫, 可能佢自己知衰所以去到都好勇敢而個牙醫又識做引佢講其它話題和打止痛針時一路分散佢注意力, 小朋友的牙腳好淺所以好快就脫咗, 到下次帶佢去再脫佢都冇再驚了.

Vin

麟媽媽,
嘩~全套校服要成千蚊真係好"拿利"~
咁你啲size有冇買大啲預佢着多兩,三年?

502,
你係咪講獅子石道嗰啲校服公司?
大概幾多錢左右?

carollam310

我女都用左成$800蚊買冬季校服呀

Astrid

唉 ...... 我呢個阿媽真係懵    

今日學校 "環保學習日" (即係旅行) ..... 淨係記得整野俾個女食 .... 又唔記得袋頂帽俾佢 ..... 又唔記得同佢噴蚊水 ..... 到下晝去接佢 .... 可能哂燶左同咬到周身蚊 "lan"  :cry:  :cry:  :cry:

karencircle

件冷衫自己織好似暖Ｄwor, 可唔可以買個校章縫上去呢？我囡囡下星期可以開始轉冬季，剛好天文台講下星期會轉涼。她套校服未加黑鞋都要900元左右，夏天穿白鞋，冬天就要穿黑鞋，到下年夏天對白鞋可能已經唔岩著，真肉痛。 :-|

麟媽媽

Astrid,

今日都唔係好晒，唔帶帽都okay，但無蚊怕水就弊喇，你個女香甜味美，D蚊開大餐喇！！

karencircle,

唉！件冷衫唔係有校徽，而係綉左"UAWYPS"係上面，仲係灰、黃間晒色架！我織野係初哥，好高難度呀！

Vin

唉~我女女嗰條運動褲~
買嗰時佢間嘢啲存貨最細得返30碼~
咁我諗住褲腳長啲可以改短佢先~又費事要行多轉啦~
因為間校服公司喺旺角,對我嚟講唔多就腳~
點知返到嚟都係覺得條褲太闊~~女女着起會好論盡~
所以諗住攞返去換細一個碼啦~~
點知頭先打去問~佢哋話細一個碼要等到下星期先有貨~__~"
唉~我個女聽日學校旅行~如果唔着長褲我驚佢對腳會餵蚊呀~~

karencircle

我囡囡今天同我講：媽咪，今天聖經有考試呀！
我話：不是考試，只是評估。
她就說：評估咪就是測驗同考試law！

看來，我們以為輕鬆d的“評估”，只騙到我地大人，對小孩子無分別。

karencircle

Vin,

我囡囡上星期去西貢，都是穿短褲但就著對長sock加蚊怕水，都ok播，無比蚊咬，可能她同學仔Ｄ肉甜Ｄ

carollam310

我個女今日都去左旅行,一陣要出去接佢.我今朝同佢著條長褲.我怕會有蚊錫佢,
其實評估咪又係做卷.我女學校都叫評估,我頭頭唔知係乜.我女話咪即係比D Paper你做o羅.我先知評估即係小測. :
我女開學前o係學校度身做校服,拎返黎一睇.全部都大大件.搞到要拎出去換.度身訂做都可以變長衫長裙.大都冇理由大咁多架嘛.今次冬季校服我o力左.我自己出去買,我要全部衫.裙.校褸都o岩o岩好,唔要大一個碼.最多出年買過.費事個女著到咁"論盡" :

Vin

karencircle,
我哋聽日係去大埔海濱公園~之前有人去過話有好多蚊
唉~我唔係咁想用蚊怕水,怕對皮膚唔好~
而且我女女而家兩個膝頭同一個手爭都損咗少少~
係前幾日唔小心跌親~更加唔適宜噴嘢落去~
死啦~~我自己都係好惹蚊架~~
佢哋一,二年級一定要家長陪埋去~
我而家都仲未諗定聽日預備啲咩午餐添~

karencircle

Vin,
三文治、無骨雞翼、腸仔３、飯團、炒飯（我囡囡至愛）.......
可唔可以著條差不色的長褲去呀？Supermarket有D驅蚊貼賣，貼在衣服上的，你可以去睇下。