將軍澳富康德寶(DEBORAH)

hinhinmom

wing530,
我已經check左email呀~ 我整野食唔o力架, but我可以問下奶奶幫唔幫我整~   
我都唔知叫唔叫我老公去halloween party好, 我又驚會悶親佢地d男人wo~~ 但有佢去, 又有人幫手睇住hinhin, 我會盡快confirm~
今日我食lunch, 見到中環利源東街有好多小朋友halloween衫仔, but d quality好似唔多好, 我會再睇下先, but我驚hinhin唔多肯著呀~~   

halala, fifi, wing530,
你地今日gathering點呀?? 我都係剛返左屋企, 阿仔仲未返, 頭先我先去完nan fung o個間五十嵐食火鍋呀~~  

HALAHA

hinhinmom,

你錯過咗我們的gathering真係一大損失,fifi整咗好多嘢,我們都吃不晒,我仲又吃又扲. 原來fifi整嘢吃都好叻既,我最欣賞佢的海鮮沙律.

wing530 & fifi,

wingwing昨晚返去,飲咗奶都不願睡覺,拿住hello kitty糖糖玩不停,最後要出動爸爸才搞掂.問佢好不好玩,佢又話好玩,仲問我幾時再去,但睇佢又好似玩得不是太投入,所以我唸係需要時間warm up 下.

fifi,

Stephanie咳得好厲害,停咗葯得不得呀? 真係要留意下. 今天有冇好啲啊.
我提議下次都係搞星期五,六,日,我囡囡今天都起不到身.

wing530,

anson今天有冇準時起身?
記得你應承咗我教我整abc粉.

wing530

hinhinmom, 今朝又比你見到我呢條"西環浮屍"呀, 我眼腫, 面腫, 口腫, 人又肥腫~      hinhin呢d, 邊算腫呀, 尋晚我地玩到11點先走, 唔夠訓仲腫呀~

nan fung 果間五十嵐食火鍋, 掂唔掂呀? 好似好平喎, 我想試好耐架喇, 不過, 幫親過2次食飯, d服務態度唔掂喎, 次次都食到"一肚氣"既~ :-x  :-x  :-x


fifi & HALAHA, 我地唔經唔覺又玩左4個鐘頭, 真happy呀, fifi, 唔該哂你呀, 你又出錢又出力, 仲要你執手尾, 我地怕怕"pat pat"就走人喇~     我地走左先記得, 我地無同bobby哥哥say goodbye呀~  

唔知係咪呢排唔夠訓呢, 我今朝起身, 有d喉嚨痛, 鼻塞塞, 好似"黎料"喎, 唔知星期日仲join唔join到一齊玩喎, 我可能要入"上水"睇e生都未定呀~   





   

wing530

hinhinmom, HALAHA講得無錯呀, fifi整野食好掂架~ 我就最鐘意食佢整既"三文治"喇, 同埋"蘋果,雪梨, 楊桃水"喇, anson都飲左兩大杯呀~    

HALAHA, anson未夠11:30pm已訓左喇, 佢平時10點幾就訓架喇, 今朝, 我同佢都唔想起身呀~ 係呀, wingwing掛住玩hello kitty糖糖唔訓呀? 你話佢知, 如果唔聽話, 下次" e e "唔出黎玩架喇, 無禮物仔喇, 我d禮物仔係送比乖既小朋友架~  




  

fifi

HALAHA, wing530,

唔使o甘客氣，都唔係太多野做。你D睇我D琴晚大o既傾得開心，細o既玩得開心，就知麽都值囘‘票價’啦

Stephanie 琴晚上o左床仲同侷的公仔講，‘而加夜啦，哥哥姐姐要返屋企覺覺豬，聼日再來玩’ 仲問我‘哥哥係唔係想係度同我一起’目訓‘啊？‘ 今朝就係’媽咪，今日我D約哥哥，姐姐去邊度玩啊？‘ 琴晚興奮得’目訓‘唔著覺，同wingwing一樣，拎住個hello kitty 玩具上埋床。

wing530，今朝邊得你一條"西環浮屍"呀，我都唔差，敢住最後一分鐘出門口，Stephanie 奶都無飲。今日接侷放學，5分鐘車程，2分鐘無出聲，轉頭一望，竟然已經’目訓‘著o左。 開學o甘耐，真係第一次。

HALAHA，邊只Stephanie咳，我都有小小啦，唔知搞麽 前一排侷食太多西藥，所以而傢我只係比侷食中成藥同煲多D湯水。但如果都係唔得，遲D仲要睇返西醫。

今日收到學校訂校服的form啦，應該唔使成$9xx o甘貴，下星期一至三要訂啦。

29/10 學校有Halloween Party，仲要自己帶糖果，小食。我D不如一起唸下解仔儸。

10/10 仲搞唔搞gathering 啊，我上朝得閑，有邊位想參加？

fifi

HALAHA， wing530，

你D 唔好讚我啦，我會 同埋下次整野會好大壓力o架，驚水平唔穩定嘛

wing530，你哩個’ee'都幾識tum小朋友哦，除o左糖糖，仲有D花花，Stephanie 見到就話‘ 好’青見‘哦！’

zoezoeiou

各位德宝媽咪:

我想問 呢間学校多会派到which primary school.

and D 課程對primary school 的課程接到嗎?

英文好嗎?? 有冇派去Kln tong D 名校??

多不多雜費??? 老師好嗎???

多唔多野孩子. ( 我只曳細路)

多homework 嗎??

pinkpink888

Dear all:

昨晚的聚會愉快嗎?希望我下次也能參加!!

fifi:我也想一嚐你的手藝，我想總有機會的。
Eunice 仍有幾聲咳，本來也好多了，但一上學又再被感染，近日的菌也幾勁，大家小心小心。   

HALAHA

今天聽婆婆講,學校有中秋節的相片買,每張$3,真係貴得好過份,不過婆婆已經手快快買咗7張,佢話影得幾靚哦.

fifi,

10/10的gathering我應該冇問題,睇係wing530的病有冇好轉先,我們又點可以少咗呢個好e e呢?

wing530

fifi, 比你笑鬼死呀~      d同事仲以為我痴左, 做乜係咁笑~     

你唔洗驚喎, 我地對你好有信心, 唔會水平唔穩定既, 佢地個個都鐘意我d"小玩意"喎, 等我下次摺下其他得意既先~ anson好似無選擇錯hellokitty糖喎, 個個都拎上床玩, 梗係好鐘意喇, 小心野蟻呀~    

Stephanie 乜咁攪笑呀~      好呀, 我地約埋一齊買糖果，小食啦!

HALAHA, 10/10, 我未必得喎, 我今日都唔掂喇, 係咁流鼻水, 打乞嗤喇, 我廢事帶埋d細菌o黎啦~     係呀, 有相買喇, anson都有買, 不過, 唔知幾多張, 係保姆講架, 下次你地帶埋d相出黎睇下喎, 睇下有幾........靚~    

pinkpink888, 你見我地玩左4個鐘頭, 都唔願走, 就知我地幾happy啦, 下次預埋你喇~ 係呀, 呢排天氣唔好, 好容易"中招", 大家都小心d呀~


     

fifi

pinkpink888,

我D琴晚玩得好開心，4個鍾一眨眼就過o左，希望你下次得閑，帶埋Eunice一起玩啊。

哩排真係好多人病，加埋Stephanie 返學後斷斷續續無停過流鼻水/咳，之前都沒試過，搞到而傢已經唔想比侷食西藥啦。

HALAHA，

我今朝幫Stephanie 扎辮仔，唸到wingwing的辮仔，真係好佩服你媽咪，好好心機，好好手式，唔似我... 有無地方學到o架？

個做花花的ee 去o左邊啊？唔係真係病o左呱！

婆婆簡到相啊，我好難先搵到兩張，仲唔多‘青見’添，已經放棄

wing530，

你點嘛？無事嘛？我已經有D咳，你再病埋，10/10的gathering 就一定要取消啦

唔記得話比你知，Anson的口水肩留o左係度，下次見提我記得帶比你。

幫我話比Anson知，侷琴日o甘比面，下次來，ee專登煲比侷飲

wing530

fifi, 我咪係你下面囉, 你見我唔到咩?    

乜anson條口水肩漏低左咩? 你唔講我都唔知喎~ anson今晚唔返屋企呀, 佢係保姆果邊訓, 我費事野比佢喇, 所以, 我今晚唔可以話比佢知喇, 我代佢講聲"多謝", 咁~ 我又可以有得飲喇~   

zoezoeiou,
你d問題都幾難答喎~   等我試下先, 如有答錯請更正呀~
派去邊間小學, 我都唔知喎, 係咪馮晴, 天主教果d小學呀~ 課程應該接到小學, 因為我覺得德寶d課程都幾深架, 英交我估都ok, 每日都有外籍老師教英文, 至於, 會唔會派出去, 我都唔清楚喇, 乜唔係跟地區既咩? 我知只得一次機會跨區,  其實, 我都唔係好清楚咋~  

主流班, 1年差唔多$5000雜費, 分2期比, 老師方面, 我個人認為幾nice, 幾好架~ 嘩~ 多唔多野孩子呀? 好難答喎~   我仔仔k1, 暫時只得1本, 如星期五, 就派2本喇, 希望我幫到你啦~

   

hinhinmom

fifi, wing530, halala,
聽到wing530講完, 我都好想你地快d再有gathering呀, 如果係最好friday or saturday啦, 第日小朋友唔駛返學ma~ but, 我要返工, 最快都要成7點幾先返到tko, 湊埋hinhin可能要8:00出現到~~   

原來學校29/10都有halloween party, 買左準備去24/10 o個套衫可以唔再著多次~~ 但我見張通告話小朋友可以化埋妝, o甘, 一早化行妝, 會唔會嚇親人??

halala,
學校d相$3張唔算貴呀, 我問過d同事, 津貼學校都係收$3張呀~~

wing530,
haha, 你叫你自己做"西環浮屍"呀??!! 都唔係好腫呀, 同平時差唔多o乍~~ he...
你有無晒相呀, 阿仔搭校巴, 次次都係班主任幫佢晒相, 我請佢地見到有hinhin就晒, 今次ms suen話得一張, 仲要係唔係o甘 "青見" wo~~    
"五十嵐"確係ma ma地, 特別係d魚生, 真係好ma ma, 不過都算抵食, $58個人, 湯底又唔收錢, 我地兩公婆連飲品埋單total $138, 當食自坐火鍋law~    

zoezoeiou,
i agreed with wing530, 好難答你多數會去邊間小學, but我問過人, 好多first choice都收deborah學生~
另外, 我覺得可能呢間學校比較貴, 係度讀d小朋友都乖d, 我都係自己認為o乍~~

HALAHA

fifi & wing530,

你們都病咗,咁10/10唯有取消,我唸wingwing一定好失望,因為我琴晚仲同佢講星期日去同stephanie & anson玩,佢不知幾開心.
你們休息下啦,如果星期日有變動,就打電話給我.

wing530

hinhinmom, 你話我好似平時咁, 但我平時都似一條"浮屍"呢~     

你買左halloween套衫喇, 我打算聽日出花園街買呀, hinhin扮乜野呀? 會唔會化妝呀? anson應該唔會化喇, 我都唔識, 如果朝早見到咁多小朋友化"行"哂妝, 都唔好話唔得人驚呀~     

8點鐘先到, 都唔怕喇, 起碼仲有3個鐘玩呀~   唔知星期日上午個gathering, 攪唔攪得成呢? 如果得既, 你join唔join呀? "五十嵐"都幾抵食喎, 你講得o岩, 當食"自助火鍋", 條氣會順d呀~

fifi, HALAHA
你地會唔會同stephanie & wingwing扮下呀? 反正係學校都見到咁多"鬼"喇    咁不如join埋24/10果個party啦, 我估佢地都唔再驚架喇, 反正都有套衫係度, 著多次, 唔好"side"啦~   

聽日, 點呀? 我無乜事喇, 我昨晚去左睇醫生, 食埋今日藥已差唔多啦, 唔知fifi得唔得呢? 不過, 我都想睇埋今晚先, 睇下anson仲有無咳先決定呀~

HALAHA

wing530,

放心啦! 我平時見你都不似一條"浮屍",我唸嗰日最多係一個口腫面腫,醜樣少少的wing530咋.
點呀? 你又無事喇! 咁我們10/10的gathering點呀? 取消定照舊?總之你們有決定就打電話給我喇.

wing530

HALAHA,

星期日gathering應該取消喇, 因為唔見左fifi呀~

我聽日打算去花園街走一趟呀~     

fifi

hi, morning,

我係度，一日沒上來，竟然多o左o甘多message

wing530， 原來你無事啦，不過我有事啊 星期五夜晚咳得頂唔順，琴日卒之去睇o左醫生（同stephanie一起），我都ok，話係喉嚨有小小發炎，飲o左咳葯水已經即時見效，不過把聲沙曬   但醫生話stephanie的咳唔好拖太耐，驚轉o左係慢性氣管炎就手尾長啦，落重o左D葯，今次一定要清曬先得。係北角睇完醫生，食完野，比侷食o左第一次葯，竟然一‘目訓’4個幾鍾 我D去埋老公公司，去葵興接朋友，返到屋企都繼續‘目訓’，可見D葯幾犀利。不過好彩的係侷起身後仲係好生猛，o甘都好D。 同埋，D葯唔知係唔係味道唔錯，侷會主動要求食葯 anson的咳清曬沒啊？

琴日朋友來玩，侷D arm arm 從日本返來，帶D手信過來，真係好鬼搞野。係.............一個食日本火鍋用的生鐵煲（係日本吊係屋度果種），一套日本酒具。個煲真係重得你唔信 D朋友話哩D係有私心的手信，因爲侷D想成日上來食野，所以.......我D琴晚就係屋企打邊爐

halloween 的野我仲唸緊，唔知比stephanie扮麽好 D 衫仲要出去搵，都幾麻煩。我仲想去搵可以面部化妝的油彩，唔知邊度有? 你D有曬idea沒啊？

Sorry，為o左我取消o左gathering添 不如下個星期五，我哩度得，遲D可能唔得啦 我奶奶同姑仔話想過來陪BB哦，侷D本來係澳門住，姑仔突然辭o左份工（侷作教師o既）話壓力大哦，而加周圍走。唉，雖然侷D都ok，但來住就唔好啦，實有摩擦，我老公知道我唔鍾意已經搵籍口推o左幾次啦，而加拖無可拖，我又驚老公難做，唯有由得侷D啦，只怕住唔夠一，兩個星期唔會走。

zoezoeiou

唔該晒各位MaMa,

  

HALAHA

wing530,fifi,hinhinmom,

你們買咗校服未? 我唸住不買校褸,因為好多朋友都叫我不好買,因為一年都著不到兩,三次.話可以著自已的褸,到學校才除.你們點呢?

fifi,

星期五的gathering,如果搞得成,我會參加.