2005年出世或~宏福幼兒園媽咪~(PART II)歡迎新朋友加入

天藍

pcdogxx,

昊藍d咳都好得七七八八, 但天氣太凍同又落雨
我都比仔仔休息埋聽日, 下星期一先返學。
仔仔黎幾日都扭要返學, 朝朝都問我書包呢? 我
要揹書包返學, 好掛住Miss Gloria........, 但我
怕仔仔再請醫生飲茶, 都係決定星期一先返學,
為有播d VCD比仔仔睇住解下悶先~~
唔該晒你通知我有通告, 改9/3旅行, 嘩~~如果
果日真係落雨, 我地咪蝕水, 只退車費入場費渣都
無, 希望9號個日唔好落雨啦!!!
鈞渝好叻女, 以家返學唔哭仲笑, 又唱歌又跳舞,
真係勁, 叻女
真係多謝晒你d書, 我都好想快d收到, 到時仔仔
又有新書睇啦, 好野
你講到長隆咁鬼好玩我真係好想去玩, 不過, 等天氣
回暖先, 以家真係凍到暈, 好凍
多謝你既好介紹!!!

原文章由 pcdogxx 於 08-1-31 00:40 發表
天藍,
呢個星期昊藍都冇得返學係屋企咪好悶囉?  不過凍都唔係問題, 係落雨先麻煩嘛..  所以都係留係屋企好d..

今日就有張通告話旅行改3月9日囉.. 如果到時又落雨就冇得改期要取消喇..   同埋淨係退返車費, 入場費冇 ...

ElainAiolia

pcdogxx,
咦，聽你講鈞渝返學D o野，佢好似進步o左好多o咼 。鈞渝，要繼續努力、加油呀 ！

你真係要比多幾個暖包比渝爸，因佢出去做o野之餘，仲要返夜，一定好凍喇 ，你同鈞渝要錫番佢多D 。

嘩，你好犀利 ，可以買成20對鞋咁多，渝爸有無幫你手攞，你o地o米攞得好辛苦o羅 。

626mama,
多o野做，你就少D上o黎，密密做到無停手 ，希望你趕得切做埋星期一可以放假la  。

今日子聰返學我叫印印同佢著運動服，另外仲著埋件私伙羽絨 (因我問過Miss Bonnie如果好凍，學校係比小朋友著運動服及私伙褸 - - - 暖D o麻)，再係羊毛底衫上面著多件冷背心，運動衫外面著埋件學校冷衫才著羽絨，運動衭外面著多條私伙運動衭，到返到學校就除o左件羽絨同私伙運動衭，唔使冷親之餘 ，上堂o米唔使成隻糭咁 。

我唔係點使出戶外，剩係o係寫字樓，但都要貼暖包，我真係好怕凍 ，平時D同事都話我成日發冷la 。

ElainAiolia

onelokgor,
好高興認識到你 ，得閒上o黎吹o下水la 。

相信你問o既問題，其他mami已答o左你:D 。

N1 (即2歲班) 係無學卷，但有全日班及半日班揀，中英文部會係靑怡校社；如K1 要讀全日班就要揀靑怡校社，宏福校社o既K1只得半日班，到K2-K3只得宏福校社有得讀，到時可以揀全日班及半日班。

有關宏福通常派邊間小學，我覺得可能D家長多數住靑衣，所以多數D小學派位都係青衣區居多 ，但亦有例外，你可以上去佢o地個網址睇o下：

http://www.kindergarten.edu.hk/


希望可以幫到你la 。

天藍

hongmimi,

學卷表格你唔好唔填, 有時間填咗寄去都無壞,
因一申請就3年, 你知啦3年內大家都唔知會發
生乜事, 會唔會轉校or其他....., 無用亦可當留
為紀念, 某時某日香港曾有學卷
昊藍嘔都同匡匡一樣會大叫, 我嘔呀! 跟住就
所以要同佢鬥快, 但以家大個咗好d, 佢話嘔自己
會拉住我地隻手走入洗手間, 係馬桶到嘔, 但有時
突發得太多就會地下都有, 都係攞桶好d。
匡匡學校咁好有得打邊爐, 仲有腸腸食, 請唔請我
食先

原文章由 hongmimi 於 08-1-31 16:39 發表
pcdogxx,
擒日又凍又落雨，婆婆要帶埋士的車落去接放學，真係好狼狽!

天氣差左咁耐，到3月應該好天喇~ :loveliness:

有關學券表格，匡匡學校都有派，我無睇就擺埋一邊，諗住唔關自己事~ 妳地個個都有填?? 學校叫? 咁上面要 ...

天藍

626mama,

你同事都終於頂唔順, 好彩佢頂唔順咋!
如果唔係仲開窗真係想收買人命。
你近來好忙有時間再上來, 天氣凍記得
同軒軒著多件衫, 自己都要著多件衫保
重身體~~
我地繼續保持神秘唔同佢地講我地做乜
通電話, 等你地心思思
不過, 你想講都無所謂:;pppp:

原文章由 626mama 於 08-1-31 15:39 發表
各位,

我老爺前一排都有對住我講，得閒點都要帶個"靚仔"上
大陸見下D親人，我答佢，硬係要啦，不過大D先啦，
冇咁凍先啦，要反學丫嗎?帶埋小朋友上去，有咩事會好煩。
上到去間屋度，撫咩都凍嫁，連張坡都凍呀，凍到有D想死。

今日太凍 ...

天藍

whatever,

國際班係無得申請學卷, 得中英文部先有。


ElainAiolia,

子聰無事就好啦! 昊藍下星期一等緊子聰一齊
玩架~~
你黎幾日都要買件中國服, 因星期二要著返學,
我見有d入面有棉厚少少個d 就貴少少$12x-$15x
左右, 你留意下睇下!!!

all mama,

昊藍轉咗張相, 同大家拜個早年恭喜發財! 大吉大利!
心想事成!

原文章由 whatever 於 08-1-31 14:04 發表
天藍，
唔該晒你既資料。我陣間睇下先。
不過唔知國際部有冇得申請呢？

626mama,
你好忙呀？都估到架啦，平時你好少咁耐唔浦頭。

Pcdogxx,
其實我英文都唔好。點解阿仔講英文呢，是因為姐姐(Helper)同佢講英文。佢對姐姐既時 ...

hongmimi

天藍，
嘩! 我都唔執輸lu~ :發: 恭祝大家身體健康~ 新年進步!

昊藍真係勤力學生，日日掛住要返學!  快啦~~快啦~~

原來昊藍嘔都會大叫，而家仲識拉妳入洗手間係馬桶到嘔，好醒噃!

無得請妳食啦! 因為匡匡自已都唔夠食，佢話除左食晒成條腸仔，仲食左好多丸丸，佢緊係胃食食埋同學仔果份~

天藍/626mama，
吓~ 妳地咁神秘，好講咯噃~

天藍/ElainAiolia，
原來一申請就3年，咁就真係要填啦~
填父、母同小朋友資料，唔使填邊間學校咁就ok喇~ 等我今晚番去婆婆到找番出黎填先! 唔該晒妳地呀!

ElainAiolia,
嘩! 聽妳咁講，子聰同妳加埋咪有兩隻糉一齊出門口~~

妳真係好怕凍噃~ 我就麻麻啦! 今年仲未出動暖包，擒日就今年第一次著super warm同著兩條褲返工，真係好暖呀!! 下午熱到要除添~

天藍

hongmimi,

匡匡甘開心Mark大個口
怪不得腸仔都唔夠食要食埋同學仔d丸丸,
真係胃食豬, 不過, 唔怕食得是福!
我生完仔仔之後都唔係好怕凍, 我都係著兩件
衫(包括樓)加一條頸巾, 琴日下午食完lunch返
公司我都熱到要除左條頸巾, 可能生完仔人肥左
無甘怕凍, 以前我凍少少都四五件衫以家都係二
件, 暖貼暖蛋我都未出龍同你一樣, 今早聽天氣
報告話初一都係10度左右, 但會晴天, 都好唔會
落雨, 因我最討厭下雨天, 唔大雨我都唔會開遮,
好討厭遮!:;pppp:
學卷你有時間先填, 因31/5先截止, 填張表同要
父母ID Card Copy, 仲有小朋友出世紙copy, 有
時間返公司影印, 員工福利o麻!
張表都係填父母同小朋友個人資料, .e.g. ID No.,
住址…..好簡單。

[ 本文章最後由 天藍 於 08-2-1 10:36 編輯 ]

hongmimi

天藍，
我都係咁話，生完全身都肥晒，好多肉包著唔怕凍~

初一都凍但會晴天，咁都好好多。我覺得新年凍先有氣氛~
我都好怕落雨，同妳一樣少少雨唔會攞遮~

學卷31/5先截止，咁我唔急喇~ 可能5月前搬得成嘛!!

我梗係會係公司影印，我唔係當員工福利，係"老馮"就真~

天藍

Hongmimi,

係 Lu~~
生完仔仔真係多左好多肥, 成日想減肥
都唔成功, 因身邊太多美食, 又到過年
又係好多美食既日子, 又再做肥肥~~
原來我地都一樣都係唔鍾意遮, 志同
道合。
公司影印係”老馮” 我都係甘話:;pppp:

原文章由 hongmimi 於 08-2-1 10:54 發表
天藍，
我都係咁話，生完全身都肥晒，好多肉包著唔怕凍~

初一都凍但會晴天，咁都好好多。我覺得新年凍先有氣氛~
我都好怕落雨，同妳一樣少少雨唔會攞遮~

學卷31/5先截止，咁我唔急喇~ 可能5月前搬得成嘛!!

...

626mama

天藍,

昊藍多了個雙胞胎兄弟呀，好以樣喎!!!!

昊藍咁鐘意返學，比一半軒軒就好喇。

我都確得去唔成冇得退回錢好唔低，佢唔可以比張
票我地，最多大家各先去咩，一係假日農場果邊只比
學校延期一次。我地都係備動。
我同事再開窗我就會死死下，凍到打唔到字，我返
唔到工佢就知味喇，得佢知我D野點做炸。

呵呵...唔講，秘密。
特然想起細個一個廣告，不過買咩廣告已經唔記得喇。
心思思，
有件事，
遇而難，
話我知。

妳好勁呀，咁凍連外套都係穿兩件，對我來講，簡直
沒有可能，最小都要三件啦....而......ElainAiolia
唔知穿多小件衫呢?

年初一齋凍都好，唔落雨就得嫁喇。(沒有撰擇的話)

626mama

hongmimi

"反斗車皇"牙膏放係婆婆度，所以我沒有試過味，
唔知邊個好味D呢?

帶埋士的車落去接放學都好，加埋車仔雨衣，
小朋友真係唔會濕!

匡匡可能食埋小朋友D 丸丸，想到當時個晴景，
匡匡都好得意。

我昨天都有穿兩條褲，好彩仲有褲可以比我穿多
條都仲可以拉揀。HEE....HEE........

張學卷只係填好小野，唔關學校事，而且又是自已寄，
不經學校嫁，5月幾號前寄就得嫁喇，不過而家我地寄晒，
過了一排冇人提妳，怕妳會唔記得喎。

626mama

ElainAiolia

需然未長隆住，大家講下都開心。

比我見到有兩隻糭走過來，我就拎定芳碟同筷子，
準備開餐喇。

妳幫子聰都著得好多衫喎，不過而家D天氣，真係
著多兩個件衫安全D，我都想像到妳地個"糭"咁樣，
因為公公同一個EE都係未凍已經穿到隻"糭"咁樣。
好彩聽妳講凍D可以穿運動衫，穿運動衫比較暖D，
穿禮儀服真係唔暖。

暖包我一向都沒有用開，不過近兩次睇完軒軒回家，
EE都塞包暖包比我袋回家，真係幾好，今天放工都
打算數來比軒軒袋下。

講起件中國服，早幾天我見軒軒件衫一樣樣，香港
都有得買，公公真係白拎口喇。

626mama

各位,
我又恭祝大家
大家身體健康~
新年進步!大吉大利!
心想事成!一團和氣!
龍馬精神!慕喜發財!
工作順利又開心又愉怏!

天藍

626mama,

其實兩個都係昊藍o黎o架!因昊藍仔雞年出世,
但今年係鼠年, 所以整兩個樣代表兩個意思, 係
咪好有心思~~
你唔好氣餒個個小朋友都有唔同性格同進度,
所以軒軒以家返學哭唔代表以後都係甘, 慢
慢跟進一定會改善同進步, 一定會成功, 我
等你好消息! 仲有你救世軍個到In左未???
有好消息記得通知我地!!!
我都覺得如下次真係又落雨無得退款真係好
唔第, 比人改多次都唔怕啦! 我地真金白銀
比左錢架嘛! 甘都有既, 希望下次天氣好順
順利利去到旅行啦!
我記得個個廣告心思思, 有件事, 遇疑難, 話我知,
好似係家計會廣告, 係年青人青春期遇到個d事唔
敢問, 可打個到個熱線, 點解我記得, 因我睇黎個
廣告時我係小學年代, 個陣我好無知, 覺得個廣告
好得意, 問我亞媽個廣告甘得意係咪可以打去問
功課同人傾計架! 我亞媽答我細路仔係唔打得去
架! 係問人借錢架! 我信以為真, 大大下先知真相,
所以有所記憶。
我都唔係好勁著兩件衫, 因我有天然脂肪保暖嘛!!!
你同事都知凍無開窗, 如果唔係真係收買人命。
我都覺得凍唔緊要千其唔好落雨, 唔係好煩架!!!
工作緊要你有時間再上來傾計留言~~

原文章由 626mama 於 08-2-1 13:50 發表
天藍,

昊藍多了個雙胞胎兄弟呀，好以樣喎!!!!

昊藍咁鐘意返學，比一半軒軒就好喇。

我都確得去唔成冇得退回錢好唔低，佢唔可以比張
票我地，最多大家各先去咩，一係假日農場果邊只比
學校延期一次。我地都係備動。
我同事再 ...

天藍

all mama,

:恭: :喜: :發: :財:
大吉大利! 心想事成!

原文章由 626mama 於 08-2-1 13:52 發表
各位,
我又恭祝大家
大家身體健康~
新年進步!大吉大利!
心想事成!一團和氣!
龍馬精神!慕喜發財!
工作順利又開心又愉怏!

ElainAiolia

天藍,
我今日終於幫子聰買o左件中國服 ，厚身D，係葵涌廣場買$98- o乍，我覺得抵過荃灣，總算臨尾搞掂o左 。

今晚電視有播長隆特輯，咁o岩聰爸又睇到，我o米乘機同子聰講話有好多動物，聰爸問我係o米日本 ，我話唔係，係長隆係大陸，可以跟團去，仲可以近距離睇動物o忝，跟住佢無出聲 ，我諗佢已經考慮中。

hongmimi,
匡匡咁大食，連小朋友D丸丸都唔放過 ，真係食得快、好世界 。

天藍 / hongmimi,
昊藍同匡匡幅相好update同好有新年氣氛 ！

ElainAiolia

626mama,
你好想知我著幾多衫o羊 ，答案係三件(連埋件褸)，我只不過帶埋頸巾及暖貼o乍 ，而褲只係一條，想著多一條都唔夠位，因個人肥o左令到條褲太窄唔夠位 ，最凍果2日都有著埋對絲襪係袂褲入面o既，唔知算唔算誇張呢 ？

著多兩件衫仲好過請醫生飲茶，touch wood，子聰呢排著咁多衫，又好似身體好D，最起碼無流鼻水先la 。

EE有咁多暖包存貨，我家姐o黎緊新年會去大陸玩幾日，佢特登走去卓X買暖貼，以備必時之需，但無晒貨，買唔到 ，而我手頭都只係得番幾塊(我D暖貼係o係2005年尾做户外好凍時買落o架 ，好彩最近凍番可以攞出o黎用o乍，因就o黎過期o麻 )，唔夠佢一家四口用，而家頭到痕埋，你o地知唔知邊度仲有貨可以掃 ？

你呀！快D做公司D o野，快D放假，祝你身體健康、仔仔聽教聽話、新年快樂 ！

ElainAiolia

Dear all mami,

:恭: :喜: :發: :財:

祝各位及家人身體健康！
各位橫財就手(快D中六合彩) ！
各位小朋友聽教聽話及學業進步 ！

天藍

ElainAiolia,

子聰買左中國服真係好, 明天齊齊著中國服
今日送昊藍返學見到子聰同鈞渝, 子聰著
好多衫仔, 仲著件藍色私伙樓帶左頸巾手套仔,
好靚仔~~
我昨日係樓下藥房買左二包暖貼, 係最後兩包,
我想買多包都無貨, 走去好多間問都無貨, 今日
我諗住等陣食Lunch再去公司附近d藥房問下仲
有無得買, 如有我通知你, or我打電話俾你幫你
買明早交比你工人都可, 但你收唔到我電話通知
你就知都係無貨。
我屋企d暖包/貼都係前年既餘貨, 因上年都都無乜
點凍, 所以都無入到貨, 我入貨都唔係from自己用,
係比仔仔出街暖下手仔, 因昊藍唔like帶手套比暖包
仔仔暖下手, 同我印印又勁怕凍諗住都比d佢用, 我
自己生完仔肥左都唔係太怕凍, 昊爸一向又係唔係太
怕凍, 所以我地兩個都未使用暖包住。
你之後要戶外工作真係好命, 尤其你咁怕凍, 真係
要著多件衫, 貼多幾塊暖貼唔好凍親
我同我老公昨晚都有睇到長隆個特輯, 我地都好想去,
諗住過完年無咁凍先去玩下, 近近到又唔貴~~
如你都想去夾到可以一齊去, 我想帶埋工人去唔知
工人個d簽証係咪好簡單好快, 得閒經過中旅社問下
先!!!
多謝你讚我仔仔張相, 子聰都快d整番張應下節!!!:發:

pcdogxx,

今天見到鈞渝好靚女, 一身粉紅色打扮, 仲帶住頂冷帽,
好Cute~~
今日唔見你見鈞爸送女女返學, 你近排係咪好忙, 由鈞
爸代勞!

原文章由 ElainAiolia 於 08-2-4 01:48 發表
天藍,
我今日終於幫子聰買o左件中國服 ，厚身D，係葵涌廣場買$98- o乍，我覺得抵過荃灣，總算臨尾搞掂o左 。

今晚電視有播長隆特輯，咁o岩聰爸又睇到，我o米乘機同子聰講話有好多動物，聰爸問我係o米日本 ，我話唔係， ...