好鬼激氣(真身已出現了)

s0362466

我囡囡個miss都係住村屋喇！佢都同圍教琴，晚晚成十一點先回家，出來教琴，交通費貴，車程長，佢都無收我額外錢，買書又幫我搵到最平，over time又唔會加鐘錢，人都幾好！

呢D就算我好彩！老師講心唔講錢，唔係我想講乜，如果遇到唔好的老師(先講錢後講心，額頭得個錢字)，我勸你快快換左佢！就佢幾叻教得幾好都無用，小朋友的人品都分分鐘比佢教壞！

河馬媽媽，順便一堤，我之前都有介紹姐姐比你，你無找她嗎？你不如再找你幾個姐姐傾下，比較一下，可能從中你會發現每個老師的長與短！

watt0908

各位媽咪,

河馬媽咪早前是由我介紹老師比佢,之後老師都有同我講番個情況,我又係bk見到各位話呢位老師非常唔好,於是我就照老師比我的地址去到河馬媽咪的圍村查証,我自己都係駕車去,河馬媽咪話佢住的村好近寶田中轉屋,話2-3分鐘就入到佢屋企,咁我一直依指示駛入去,係就係看似好近,但入村條路好窄,只可一車行駛,而河馬媽咪就住在最入的村,我大約在晚上7時度去到,天開始黑,街燈唔夠光,我駕駛都有3-4年經驗,我都覺得驚,你地諗下如果冬天或者落雨天會幾危險呢!  

再者,老師最初話學費$750/4級/4堂, 其實琴行都係咁價錢,佢收上門價我去比較過,其實上門價已經平喇,老師話我知河馬媽咪話佢知佢住村的好出,好近寶田中轉屋,所以老師先收佢同琴行一樣價,無加錢,但事實佢住的地點並不是佢最初所形容囉,比係我我都唔教啦,咁危險.

我反而覺得老師已經好有責任心,因為都去到喇,佢大可以上完一堂先話唔教,然後又收番你錢啦!咁其實佢都浪費咗時間架! 真係要請大家平平理!

我唔想人地話我介紹啲咁樣的老師,所以我要幫佢講句公道說話, 話晒係我介紹,我又覺得佢真係教得好,我唔想因為介紹錯一個人比佢而影響佢聲譽.

小叮嚀

吾. 咁睇又有可能係河馬媽咪想老師收平啲學費,所以講地址資料唔真實喎!  

我諗我係嗰個老師,我都真係可能會話加價, 唔知係咪佢其實係想推辭唔教,但又唔好意思講,咁咪刻意加多啲錢,等河馬媽咪你一口拒絕佢囉!

我諗佢都唔係衰人黎,因為佢無扼人錢丫!

mable1124

我覺得家長有權選老師, 老師亦有權選擇, 最重要是雙方交代清楚。老師去到才發現地點非如她想的, 有議異無可口非, 如果上了一兩次堂再加價, 咁真的不對了。

我公司試過請了個新同事返了幾天工後缺席唔返, 過兩天返來話唔做要出糧都係咁啦....  我公司都要照出比佢。

e+這位媽咪只係損失了時間, 但這個老師都有損失, 大家拉平吧了, 只是言語上的誤會, 大家不要再放上心吧!!!
      

zzkate

河馬媽咪 寫道:
第一,我跟本無心唱個老師, 唔係上次個mami叫我black list 佢, 我一早公開佢d資料, 我只係想同大家分享下我個心情, 但係我唔知點解佢係度自打咀巴
第二, 我只係同老師提過我住建生村果邊, 寶田村再入d, 跟住佢話唔緊要, 佢自己會check架啦!但我係無提過入黎要幾耐, 亦無提過係住好出既
第三, 我係復活節假期期間打比佢既, 約佢星期一上堂, 但因為9/4要去旅行, 所以約左16/4上堂, 我唔明既係.....有咁多時間, 點解佢唔check清楚先呢!
第四, 村屋十居其九都係咁, 比較黑同d路會比較窄, 有d地方仲係未必可以車到門口添, 可能佢係少去村屋地方
第五, 我由頭到尾我都無話過老師收得貴, 就算佢一早話收八百幾,我都會比佢教, 我亦無比較過價錢, 我一打去已同佢confirm時間, 因為係有人介紹話好麻!
第五, 如果覺得有危險,driving esperience又唔夠, 應該選擇唔教囉!點可以為左加一百幾十而冒險呀!
第六, 我而家真係有d覺得 watt0908就係老師本人, 因為有好幾個mami都有介紹過老師比我, 佢點解可以咁肯定我所講既就係佢個老師呀! 仲有佢d回應入面, 多數都係會同音樂或者係piano有關, 另外, 我覺得小叮嚀可能係佢既化身, 因為係新國民, 仲要得係同日差不多時間加入, 入面仲要係得only one既回應, 你地話可唔可疑呀!
第七, 最後我提醒住小杭村同寶塘下村既人, 快d搬喇!我地呢度又危險又得人驚, drive car既人唔好drive啦! 特別係夜晚呀!會睇唔到路架!我自己從今天起都唔drive喇!    

你實在太太太太太小器, 你話跟本無心唱個老師, 其實你唱足4大篇.
你個女學到4級, 你都話唔知上門市價,  
個老師又係蠢, 唔鍾意就唔教la, 加個$50, 死蠢!
你話你好激氣, 我都唔知你有乜損失? 但個老師就比你唱都貼地!

我並唔識小叮嚀及watt0908, 我係真係忍唔住你咁小器, 我先用返我以前登記個名講幾句

ChiWaWa

I agree & support your points.     

河馬媽咪 寫道:
如果係我自己既話, 覺得有危險或地點有問題, 我會選擇唔教囉!而唔係講完一大堆野之後, 就同人講要加價, 咁樣我會覺得佢好有問題囉!所以我立即決定唔駛佢教
其實我又唔係想唱佢, 只係真係好鬼激氣, 想同大家傾下, 可以快d下番度氣姐

Bluestar

河馬媽咪,

我去年都試過類似情形:
碰到壞"老師"，
在bk 提醒各位，
(我當時有一半名字和地址用上x代替)
竟然碰到同"班"的唯一另一位家長和多位新會員替他辯護，
及質疑是我和我個仔的不是。
跟你這次的經驗一樣，
我唔受的，覺得有問題的手法，
"她"們會照單全收義無反悔。

希望你能夠繼續分享你的經驗，
無論好壞都照直分享。
如果我們以後不再在這裡反映此類反面教材，
提出正反意見討論，
眾多bk mums 咪會減低警惕，
和信晒d廣告囉。

applebb2002

河馬媽咪 寫道:
第一,我跟本無心唱個老師, 唔係上次個mami叫我black list 佢, 我就公開佢d資料, 我只係想同大家分享下我個心情, 但係我唔知點解佢係度自打咀巴

無心唱就唔好攞出嚟講！

第二, 我只係同老師提過我住建生村果邊, 寶田村再入d, 跟住佢話唔緊要, 佢自己會check架啦!但我係無提過入黎要幾耐, 亦無提過係住好出既

(建生村果邊, 寶田村再入d)，我都住過屯門！你所表達的地點俾我聽倒嘅話，我即時嘅感覺都唔係好遠…但實際去到就……

第三, 我係復活節假期期間打比佢既, 約佢星期一上堂, 但因為9/4要去旅行, 所以約左16/4上堂, 我唔明既係.....有咁多時間, 點解佢唔check清楚先呢!

check咗又可以點？地圖同實際環境都唔同，何況係有人介紹

watt0908

我原本都係想一同分享好老師,真係唔知會攪成咁,我諗今次最錯的人是我,我向河馬媽咪講聲"唔好意思, ", 好彩老師唔係bk會員,希望唔會影響佢聲譽啦!

sonya_chan

Oops~ Finally. . .

[size=large]Silence is golden!


[size=x-large]The End.  

s0362466

河馬媽咪，我只發表一次，我支持你！ 有理應當講

lumlum_mum

河馬媽咪, 我100% support 你!!!!!

我100% agree 你話個miss 係watto908, 佢話老師個prize fair,因為同琴行一樣, 但又驚人話佢點解咁清楚, 心有屎又即刻話因為自己去琴行check過...好ｘ地無銀..

個老師有車,佢又有車..仲專登drive去睇睇, 福爾摩斯咩...

仲話咩條路好鬼危險, 比佢都唔教, 住懸崖呀? BUT +$50就值得搵命搏? 佢條命都幾cheap....~~~

個三個得一個post既新國民咩叮嚀,applebb2002 同zzkate十成係自己開多幾個既acount, 你一話叮嚀個account 註冊日係你post之後個日, 佢即刻用個兩年無post既account support自己, 仲勁丙你小器, 呢d 咁cheap既老師唔洗同佢客氣啦,公開講佢姓咩, 咩quali, 等我地知下

              

s0362466

贊成！等果D專搵媽咪笨的無良miss，唔好在BK亂sell自已都好！

而且大家等都可以小心D

lumlum_mum

係呀, 真係好奇怪,

咩叮嚀 同 applebb2002 到依家都係得呢個post, applebb2002 仲攪笑, 一係唔post, 一post好似作文咁長, 洗唔洗咁激動? 如果佢係d咁"多"意見既人又唔會只對呢個post有興趣, applebb2002 仲人地無evidence, 你自己做野咁多漏洞係人都估到啦

連zzkate呢個account都係reply完呢個又無其他reply.... 一個人開三個account support自己, 好用良苦~