2007 德福 pre-Nursery 家長大召集

ChloeWong

維尼熊pooh,

今天收到德福幼稚園寄來的信通知5月7日-12日辨理註冊手續, 我好期望b女11月返pre-nursery跟你個b仔做同學

維尼熊pooh

chloewong,
我都收到信, 明天返PLAYGROUP, 順便交埋, 唔知佢地會唔會同一班呢? 真係希望佢地可以做同學仔.

ChloeWong

維尼熊pooh,

me2, 我今天已辨理註冊手續  

森森美

維尼熊pooh
我收到德福通知, 如果上午班冇位會唔會考慮報全日, 我而家心大心細, 因為唔知報唔報好....好煩. 不過我問左個主任如果真要報讀,今個星期要去交留位費

維尼熊pooh

森森美,
是否連下午國際班都無位呀? 其實好視乎你想唔想小朋友讀全日, 半日有無人湊, 學費可接受嗎? 每個人要求唔同, 你還有其他學校選擇嗎?

森森美

維尼熊pooh,
其實我媽媽話可以同我睇半日, 不過只係返上午班可以, 因為如果返上午班我可以送佢返學, 放學坐校車回到我屋企, 咁我媽媽只係睇佢幾個鐘, 但如果返下午班我一來唔可以同佢返學, 二黎上午我媽咪有時唔得閒湊佢, 所以一係返上午, 一係返全日囉, 而全日學費都幾貴. 其實我仲同佢報左小童群益會樂緻幼稚園. 呢間收左佢不過唔知好唔好, 而德福我同佢返開Playgroup覺得環境都ok.你有冇意見比我呀? Thanks!

維尼熊pooh

森森美,
如果報德福全日, 咁第日有上午班有位, 會唔會轉番你上午班?

首先你首要考慮是什麼?
(1) 一定要德福 (如果上午無位, 唯有讀全日)
(2) 上午班 (如果德福無, 唯有讀樂緻)
(3) 學費較平個間

希望幫到你啦!

森森美

維尼熊pooh,

多謝哂你寶貴意見, 我會好好考慮, 不過唔知兩間邊間全日班會好D, 你覺得兩間邊間會好D? 你是否要返工, 如返工你小朋友邊個湊?

維尼熊pooh

森森美,
你報樂緻係唔係都是全日? 邊間全日班好D, 我都唔清楚, 不過我見其他媽咪對樂緻的口啤都唔差, 你可以比較兩者的優劣, 睇吓邊間優點多D, 如師資, 課程, 時間, 學費.....等

我都係上班一族, 我俾我媽咪湊.

森森美

維尼熊pooh
Thanks! 因為上次我同我囡囡面試時, 見樂緻個老師都冇帶我去睇下D課室, 同埋我自己去睇左一陣見到個洗手間唔係太清潔所以感覺唔係太好, 咁你知唔知德福D老師好唔好, 同埋環境我覺得好過樂緻因為有戶外比小朋友玩, 咁會好小小掛, 所以而家都在考慮當中

維尼熊pooh

森森美,
論環境, 德福是優勝D, 所以學費都貴過其他學校, 我揀佢, 都係環境空氣好D, 而且有機會接觸英文同普通話, 不過都有好多媽咪話唔好.

katrina918

Hi,

我已經收到信交書簿費及訂校服啦. 21/5收到信,要26/5前交錢, 都幾急.

維尼熊pooh

德福N1的媽咪,
大家好, 好耐無入呢個TOPIC, 唔知大家是否仍然等梗德福開學, 還是到其他學校, 如有更改, 或新加, 都可以更改以下的LIST, 知唔知幾時有家長會.



以下是07/08入讀N1:
名稱................出生年月.......取錄班
維尼熊pooh .......... 05/07 (仔) .......... 中英班
katrina918 ..........            (仔) .......... 國際班(全日)
leelilili         ..........             (女) .......... 國際班
chloewong........... 05/11  (女) ...........中英班

森森美,
你囡囡決定讀邊間未, 希望你可以搵到你心目中的學校.

chloewong,
你囡囡係唔係已經返梗德福PLAYGROUP, 因為之前你話6月份.

[ 本文章最後由 維尼熊pooh 於 07-7-4 23:36 編輯 ]

楠楠

你地好!
本人有以下 "全新" 男孩子夏季國際班校服 :
1) 夏季校服一套 - 尺碼S
2) 夏季運動服一套 - 尺碼4
3) 棗紅色冷外套一件 - 尺碼4
如有意, 請電郵[email protected]

小天使kiki

請問返德福playgroup 時間係幾耐, 1 hour or 半日, 一星期返多少天, 費用多少? 我現在報名可以嗎?
我個女而家返緊德福大厦 Genius Garden 英天playgroup, 每星期1天 1 小時, 但我都想揾啲可以返多幾天的, 因為阿女成日問我幾時再返playgroup, 1 week 1 hour 太少了, 但我不想讀N1, 因時間又太長.

維尼熊pooh

小天使kiki,
德福playgroup, 凡係1.5YR 至 2YR8M, 都可以JOIN, 佢地分中交班同英文班, 時間:逢星期一,三及五 1:30-3:00PM (每月付款, 中文班$100/堂, 英文班$120/堂, 按每月有幾多堂一,三,五) 或者 星期六  9:30-10:45AM/ 11:00AM-12:15PM (一次付三個月學費, 中文班$115/堂, 英文班$135/堂)

你可以打電話問吓有無位, 可以幾時報名? 電話27575749

希望幫到你

維尼熊pooh

各位9月開學N1的媽咪,
知唔知幾時有家長會?咁耐都未有通知?好多學校都已經交埋另一半學費, 去埋家長會啦!

katrina918

之前問過學校, 7月先再寄信通知. 我仲等緊學校俾呎吋, 買午睡用品.

ChloeWong

維尼熊pooh :

德褔playgroup到現在都沒有位給囡囡讀, 我諗要到11月才可入讀
n1, 我到現在都沒有收到信開家長會, 但已做註冊手續,如有消息, 煩請通知我, Tks!

維尼熊pooh

HI, Chloe Wong,
好耐無同你在此傾,你試吓問, 因為我知道有D PLAYGROUP 媽咪在8月9月, 佢地小朋友會開學唔會再繼續報, 咁就會有位俾其他人, 我囝囝都係報埋8月就唔報, 因為要正式返學啦! 你排PLAYGROUP 排第幾呀!

家長會我都唔知幾時通知, 之前有媽咪話7月, 但到現在我都未收到, 我想最遲會在8月, 因為9月都開學, 如果你收到信, 你都通知我, 交換消息.

[ 本文章最後由 維尼熊pooh 於 07-7-24 22:51 編輯 ]