聖瑪加利男女英文中小學 - 徵詢意見

G-Ma

G-Ma

Hi WYmom,

據我所知大部份初小嘅課外活動係係上課時間或者lunch time 後上, 有小部份係放學後同星期六上.  如果係放學後嘅就無校車服務.

catcatmom

G-Ma

我想問你個小朋友打算讀法文or日文?有無聽聞d學生可以stay behind到幾多點?學校幾點close? 我覺你小朋友d同學(即聖瑪加利學生) 英文程度好嗎?
THKS!

catcatmom

G-Ma

Hi catcatmom,

學校於放學後有一個功課班, 會由中學既學生輔導d小朋友做功課, 每月只需要hk$100 (hk$150?? 唔係好記得正確數字, 不過係好平) 由3:30-5:30pm, 跟住仲可唔可以stay behind我就唔清楚, 因為我囡囡係坐校車, 我好少返學校.

我囡囡既同學當中當然有d英文較好, 有d仲係啱啱適應英文教學.  不過我見d高年級少少(2-4年級)嘅佢地d英文都唔錯.  有時間入佢地校園電視台睇下, 會多d認識.

click here

catcatmom

hi G-Ma

Many thanks!
真係太好了!有大哥哥大姐姐教做功課!其實我都會盡早接佢回家,太長時間係學校唔係好,但我係度想如果e+個工人唔做番菲律賓我請唔到工人就大獲,我朋友一年之內換左6個工人.佢e+個仔放學去左補習班.
我知好多私校可以留到學校close之前,我open day問埋學校.至於電影台我睇過好多次,不過好多學校都會將d好擺出來,所以有d名校將佢自己小學既文章ｐｏｓｔ係ｗｅｂ度，真係好過e+既大學生好多！我係唔多信+!除非未經修改係堂上既作品，先至知道佢地學生既實力．
不過朋友話(佢亞仔讀男拔)佢地間學校收左好多資優生去到14０-150iq，ｄ英文好勁！
所以一定要問current parent,先至了解學校多d,我都相信聖瑪加利既英文程度會很好,一來佢幾乎科科用英文(除中文堂).陳守仁ｄ英文都好好既!不過中文就差d!


by the way, 你打算比小朋友讀法文ｏｒ日文？其實識法文係高級好多！　

ｃａｔｃａｔｍｏｍ

G-Ma

Hi Catcatmom,

梗係學法文啦, 係出面學法文貴過學日文好多架.  

catcatmom

G-Ma

你真係好鬼醒!唔怪得悉幫囡囡選擇聖瑪加利!比個"叻"字你!

G-Ma

客氣客氣!! 大家咁話, 宜家做媽咪個個都係"叻", "靚", "醒".     :wink:

skyy1

G-Ma

請問有兄姐在該校就讀,
弟妹有沒有優先入讀.

G-Ma

skyy1,

這個我就不大清楚, 不過我估唔多唔少應該會多d分嘅.

skyy1 寫道:
G-Ma

請問有兄姐在該校就讀,
弟妹有沒有優先入讀.

d2343130

G-MA, CATCATMOM:
我都想同個仔報這小學(08/09), 但基於你們之前所述, 我估個仔考入機會好微, 因一來他未必鍾意學校,二來他是來自救世軍幼兒園,不是國際學校, 三來他英文不是了不起.....
不過, 都想知道什麼時候學校會有簡介會可以參加及大約幾時可親自投遞申請表??
謝謝!!

G-Ma

d2343130,

我囡囡本來都是讀救世軍幼兒園, 不過為左加強英語能力所以係k.2下學期先轉左佢去國際幼稚園, 佢考嘅時候都只不過讀左半年到國際幼稚園, 英文都係一般而已.

我朋友囝囝都係讀普通幼稚園, 都可以waiting list入到, 所以不妨一試.  未試過點知唔得呢.

7/8月到會有簡介會, 9月初到可以遞申請表, 如果有時間可以先準備份profile, 我見校長有睇我囡囡份profile, 雖然只係望左一陣, 但唔多唔少都有d幫助嘅.

catcatmom

G-Ma

我又來搭下傘,得嗎?
我個大b係讀救世軍pn,讀完讀沙田地區名校k1-3 ( 無外籍老師, 純港式英語老師 ) 我一直無理他,因我做野好就忙,同埋覺幼稚園唔冼甘緊張,讀mud野學校都不重要,只要小朋友係叻既! 讀mud野學校都會冒出頭來,唔會"禾趕琴珍珠" (唔識打果幾隻字). 原來這種想法係好好好錯!

我個仔就這樣讀完這些屋村幼稚園,p1開學時候我發現佢d英文好唔掂,係好嚇人, 後期我搵左個英國鬼同大b補-300 /hr,
一個月3 日,補左2年,冼左好多錢, 因英國鬼成日小小事就唔來,通常就傷風, 所有平均係得3 days/M.

e+亞仔講英文好好多,學校英文oral 果part 係 50/50分即係100百分,所以有左經驗到細b做法唔同啦!

Denise-chan

Hi 你哋好！
我個女今年係國際幼稚園讀k1。雖然而家同佢搵小學好似太過早，但唔一早做好計畫，又怕到時亂！

其實我想問，呢間學校係唔係只會自行收生呢？會有統一派位嗎？

面試時，家長可以陪同嗎？要做試題嗎？會唔會有多d課外活動證書會優勝d呢？

請問P.1是否已經要讀法文呢？我唔識喎，點幫小朋友呢？

學校幾時會有open day or 收生講座之類的活動呢？

唔該晒！

can1019

我想問下 呢間 學校個 校風 好唔好嫁??
入中學既成績又點呀??

G-Ma

Hi catcatmom,

真係英雄所見略同, 我當初同你想法一樣, 讀mud野幼稚園都唔重要, 只要小朋友係讀到書都一樣.  揀救世軍係因為好近屋企, 唔駛小朋友細細個搭校車, 同埋係全日制, 我得一個b, 我想佢多d時間係學校可以有小朋友陪佢玩.  其實救世軍幼兒園算唔錯, 只係英文弱d.  我初時諗住係出面搵個鬼佬教既班補下應該無問題.  事實係我花左兩年錢, 每個月千幾蚊, 但係原來亞囡學到嘅仲係好皮毛, 根本上係無辦法應付個面試.  所以令願貴d都轉佢去國際幼稚園, 呢個決定係我到宜家都覺得自己做得最正確嘅決定.  亞囡係幾個月內已經pick up 得好好, d英文發音亦準左好多.  我地9月底去考st. margaret's, 10月初已經收到通知收左, 算係好早收果批.

學好英文真係要由細細個開始, 只要比到一個英語環境佢地, 佢地真係會吸收得好快.  

catcatmom 寫道:
G-Ma

我又來搭下傘,得嗎?
我個大b係讀救世軍pn,讀完讀沙田地區名校k1-3 ( 無外籍老師, 純港式英語老師 ) 我一直無理他,因我做野好就忙,同埋覺幼稚園唔冼甘緊張,讀mud野學校都不重要,只要小朋友係叻既! 讀mud野學校都會冒出頭來,唔會"禾趕琴珍珠" (唔識打果幾隻字). 原來這種想法係好好好錯!

我個仔就這樣讀完這些屋村幼稚園,p1開學時候我發現佢d英文好唔掂,係好嚇人, 後期我搵左個英國鬼同大b補-300 /hr,
一個月3 日,補左2年,冼左好多錢, 因英國鬼成日小小事就唔來,通常就傷風, 所有平均係得3 days/M.

e+亞仔講英文好好多,學校英文oral 果part 係 50/50分即係100百分,所以有左經驗到細b做法唔同啦!

G-Ma

hi Denise-chan,

其實k.1開始留意學校係啱架, 我都係k.1開始就去d學校嘅簡介會, 了解吓d學校, 睇吓有咩要準備.

聖瑪加利係直資, 只會自行收生, 唔會參加統一派位.

法文/日文係小三開始先會學, 我都唔識, 要靠小朋友自己啦.  不過小朋友學語言好叻架, 唔駛太擔心.  

open day大慨會係7/8月, 你可以多d留意吓學校網站.

G-Ma

hi can1019,

學校校風好好, 因為學校係自行收生, 學生全部都經學校挑選過, 較有保障.  而且學校都管得好嚴架.

學校現時只開班到小四, 所以未有中學派位數據, 不過學校有直屬中學, 多數學生應該都會選擇直升.

can1019 寫道:
我想問下 呢間 學校個 校風 好唔好嫁??
入中學既成績又點呀??

Denise-chan

G-ma  
Thanks

himom

Hi Hi,
我想更正法文/日文係P4開始先會學，而最新消息07/08 還有Spanish。