小六家長, 自行收生選民生要不要寫自薦信

jw402

Patchan3,

我地兩個仲以為你失蹤, 差d報警架啦....

因為講到派成績表呀, 交表啦d咁野, 我地就轉左地下通道講啫.

我地早兩日都交左表啦, 我去個陣冇人, 但有d同學仔自己交表.  唔洗一分鐘就走得.

你個小朋友考得好嗎?  考唔考第二間睇你小朋友的意願啦.  我問我亞b, 佢就話"最好唔好啦".  因為佢知道民生自行唔收, 第二間收, 佢就要去, 冇得抽獎.  佢都好想留低.  

你要報就好快啦, 下星期一deadline啦.

得閒多d上來chat下啦.

mimikitty28

patchan3 & jw402,

過左家長會後我突然好有信心我地大家可以順利過渡, 到時又可以傾餐飽
我無入第二間的表, 因為我地都是非民生不入, 好驚派左去第二間, 我會好似校長講咁忠心一致入民中啦.
大家要努力鞭策自己的小朋友, 不要鬆懈呀, 為民生奮鬥呀)))))))))))))))))))))))))))))

jw402

<<大家要努力鞭策自己的小朋友, 不要鬆懈呀>>

你講得啱, 仲有最後一擊.  大家緊守岡位, 督促d亞b讀書, 唔好比佢臨尾香....     

patchan3

jw402/mimikitty28,

我點會失蹤呢?? 由當初好徬徨唔識點做到現在已交
表，好彩比我找到妳倆支持，現在每晚到此留言板
已成為習慣，就算我好累，都想入去看看....
不過，我在公司就要等機會才可上網，因為上司坐
在我後面，而且要2個人share一部電腦用，通常
午膳時間我都唔食，所以睇睇有無機會上網....

下午大多數要外勤工作，所以都好難上網，唔似你
倆這麼幸福wor ?? 唔好嬲，講笑....

我都想鍾情民生，但係阿b今次考成績唔好，上次測驗
都ok，點知考試先衰，所以咪想想後路，點知我問阿b
佢答法同jw402阿b一樣，所以都現在還15/16
我上次都同mimikitty28 講過，我個b在全級的中位，
你話點算       係呢，jw402你個b考得ok
是嗎???

不過，我都想通，隨遇而安，不可強求，我都希望可
以鞭策我個阿b，盡最後努力，我地大家一齊努力。



    

patchan3

jw402/mimikitty28,

今天是自行收生交表最後一天，最尾我都無交第二份，
現時都是做資料搜集，打聽下九龍城區校風好學校待
統一派位/叩門時備用。
如果有好介紹，記得話我知。
  

mimikitty28

patchan3,

你不要心灰, 我和你的case也差不多, 但我就好有信心可以 入番去民生, 只要個小朋友keep住吾好再差落去, 中等成績也有機會入返去的, 而且我們可以有優先叩民生門, 佢地都會睇佢整體的成績, 不會一次論英英雄的, 你不要氣餒, 有我地兩個支持你.     

jw402

patchan3,

mimikitty3 講得好啱, 只要keep住唔好比佢跌就問題不太, 不用太擔心.  但搜集下其他學校的資料做後備都冇壞.  

我的策略係萬一有咩意外, 首先返民生叩門, 再準備多二.三間後備去叩門, 都真係唔得就去試直資.  我的意願始終都唔想佢讀中中.

總之一句, 要努力鞭撻d亞b, 不進就一定退.

patchan3

jw402/mimikitty28,

多謝倆位支持，我都是盡自己所能，如果我個b唔珍惜的
話，我都無能為力。

因為，現在她放學後便往補習社做功課及默書，每晚平均
都要晚上八時才回家，所以我都唔想再比壓力佢，衹是
和她談天說地，因我每晚返家已是九時後，其實沒有足夠
時間溝通，好不容易，現在大家關係才得到改善，佢肯
同你講下心事..... 好似mimikitty28所述，可憐天下父母
心。

二月學校舉辦三日兩夜宿營，你倆個b有無參加，要帶些什
麼去??? 今晚阿b返黎講話要帶好多物品....你倆知，我個
b上次報錯料話提早交表..... 可能佢上堂去左遊埠，唔比
佢知我講佢壞話，咪後果嚴重。哈哈! 講笑gel....

jw402 寫道:
patchan3,

mimikitty3 講得好啱, 只要keep住唔好比佢跌就問題不太, 不用太擔心.  但搜集下其他學校的資料做後備都冇壞.  

我的策略係萬一有咩意外, 首先返民生叩門, 再準備多二.三間後備去叩門, 都真係唔得就去試直資.  我的意願始終都唔想佢讀中中.

總之一句, 要努力鞭撻d亞b, 不進就一定退.

    

mimikitty28

patchan3,

我個小朋友有報名去, 因為佢剛於十二月去完一個三日兩夜的露營, (不是學校的童軍) 所以佢好有信心知道帶D咩去, 我都無問到, 因為一切有關玩的事我都不用擔心, 佢會自己攪掂. 其實呢個是否即是畢業旅行呢, 我個b開心到暈.

jw402

我個b都有參加, 咩唔係全部人都要去的嗎?  呢個都應該係畢業旅行掛.  講都唔信, 我亞b男仔之家, 怕黑又怕鬼, 之前叫佢去d亞叔度訓佢都唔肯, 但係呢個camp佢似乎就好興奮.  可能諗有咁多friend一齊, 冇有怕.

我都唔知佢要帶d咩, 冇聽見佢講喎.

patchan3

jw402/mimikitty28,

我個b最初都好開心，最近改左口風，佢話諗諗下都係屋企
好D，佢唔怕黑不過最驚有"小強"wor.....
好似要穿學校套運動衫，仲要帶多兩套衫，一套替換，
另外一套用作    用，還要帶藥，探熱
針仲有唔記得....
係呢，你倆個會唔會唔捨得你個b呀?? 頭尾成兩日見
唔到佢wor !! 令一方面，我都開心，我終於可以放
假，休息下     

mimikitty28

我個b上次十二月去三日兩夜露營, 一個電話都無打比我, 好掛住, 因為由佢出世從未試過吾見佢一日, 所以好吾開心, 個聖誕假也無心機去街, 個細佬就好悶, 因為無左人同佢爭野玩, 成個家都好靜, 好吾慣. 經過上次我諗我今次會習慣D, 而且佢地去宿營吾係去露營所以更加放心.
我亞b話老師會提同學仔要帶咩, 佢就懶叻話佢的行李一定比其他小朋友好同少, 因為佢有經驗.

jw402

我會掛住佢但我又實在好開心, 終於可以休息幾日唔洗打仔!  如果唔係仲有個細嘅, 我兩老去旅行都有之.......

我昨晚問佢知唔知要帶d咩, 佢求其講左幾樣就話老師會再講, 永遠都係你緊佢唔緊.

jw402

mimikitty28,

原來你都有個細架, 幾大呀?

一條key就敲唔嚮, 我個兩個一日嘈到黑, 終於都可以靜下啦.  不過我諗最唔慣係亞細. :cry:

mimikitty28

jw402,

我個細一月剛剛八歲了, 原本佢好乖的, 好文靜, 但係比亞大日日薰陶到佢依家都好頑皮, D脾氣仲勁過亞大, 亞大雖然讀書吾專心, 但係佢好心地, 好鐘意幫人同好孝順, 我兩公婆成日都講人品真的比成績重要. 但可惜依家好多人吾係咁諗........
亞大性格就不拘小節, 細那個就好少氣, 成日嗌交, 打交, 我都化哂吾理得咁多, 亞大我無打佢好耐了, 因為大個吾可以再打, 要同佢講道理, 但我一講道理佢就元神出竅無哂反應

jw402

咁啱嘅, 我亞細都係8歲, 不過大你個幾個月.  

我個兩個同你個d好似.  我亞大好醒目, 好有愛心同家庭觀念, 但讀書就好懶散, 課外知識就一流, 因為佢好鐘意睇書睇報紙.  如果唔係呢個升中的危急關頭, 我都唔想因為學業迫佢.  但正如你所講, 依家d人唔係咁諗.  成績就斷定你的一切.

亞細就又完全唔同, 雖然佢冇亞大咁醒, 但就好有心, 放學返黎就自動波做功課, 叫親佢溫書, 佢的反應係"好呀, 溫邊科呀?", 態度一流.  但情形同你一樣, 亞細係亞大的熏陶下, 開始懶散, 會同我講數"溫幾耐呀?", 脾氣亦愈來愈臭......

但當佢兩個係埋一齊的時候, 第一分鐘佢地會玩到哈哈笑, 第二分鐘就反哂面, 第三分鐘就好返, 冇佢地咁好氣.

我從來都冇打佢地, 因為我知道打係冇用, 而且仲會教識佢地用暴力.  我最多係罰佢地企, 或者係冇電視睇(對亞大黎講係好大的懲罰).  但講道理的結果同你一樣, 亞大就會目光呆滯, 去哂遊埠.

mimikitty28

我成日灌輸兩兄弟要相親相愛的道理比佢地知, 亞大就粗心大意, 鐘意就攬住亞細, 吾鐘意就蝦佢, 我一出街就要佢兩個拖住手, 然後兩公婆跟在後面睇住佢地, 見到佢地拖到實那一刻真係老懷安慰
睇電視, 除左星期五放學可以之外, 平日就無得睇, 我都覺得佢地好可憐, 但係實在係無時間睇

patchan3

我好善慕你倆個，好sweet sweet ! 我今天比d客
無理取閙，跟著比另外個客點到走來走去，所以今
天很累，是日休息一天。     

mimikitty28

patchan3,

千期吾好咁易比人激親, 出泥做野係求財吾係求氣, 淨係諗住睇錢份上咪開心D law, 以前我初出泥做野成日都為左D人吾開心, 好彩個同事教我係出泥求財吾駛咁上心, 到依家我都ja住呢句名言做人, 咁就會開心D.

jw402

萬分同意!     

我而家都到左一個出塵嘅境界......有咩唔開心, 放工的時候將佢留番係公司, 千奇唔好帶番屋企, 你d家人冇收人工架馬, 你唔開心都會影響到佢地架, 幾唔低.

不過你份工似乎時間好長喎, 返到去見到亞b佢都差唔多訓啦, 咁咪冇咩時間傾計?  而家六年級都ok, 但升中之後青春期要睇緊d啦.