好傷心,囝囝派左中文測驗,竟然......

sandylaw

    

很敏感的媽媽

小妮子

viewer 寫道:
小妮子,

我只是說[size=x-large]『如果是我』, 我會怎樣做,
請問我那裡說過『閣下冇做到本份, 閣下值唔值73.5分』?? 唔通我呻下都唔得??


[quote]
小妮子 寫道:
[quote]
viewer 寫道:
囝囝測驗得到70多分，我相信不少家長會: 著鼓勵他，想不到有人竟然『好想喊』！

如果是我，我會試想想，自己為人父母，又盡了多少本份？值７３．５分嗎？


[quote]
小妮子 寫道:
好唔開心,真係好想喊,囝囝中文測驗竟然只係得73.5分,囝囝平時中文都有成九十幾分,都唔知佢今次搞乜,比著係你,你會點做呀?

我真係好想喊,平時囝囝每日都會做paper,都唔明點解會咁........             

[/quote]


viewer :

你又知道我冇鼓勵佢,你又知道我冇做到本份,我值唔值73.5分,相信唔使同你交代!我好想喊,係同你地講,而唔係同我囝囝講,呻下都唔得?[/quote][/quote]

viewer :

你Bold到咁大隻字,我終於都睇清楚左,真係唔好意思,係我自己敏感咗,要係度同你講聲"sorry",希望你冇見怪!

viewer

    

老狐狸 寫道:
好唔開心,真係好想喊,囝囝中文測驗竟然只係得93.5分,囝囝平時中文都有一百分,都唔知佢今次搞乜,比著係你,你會點做呀?

dodo199906

阿女今次數學測驗87分，平時佢都有90幾，我會着重睇吓佢有無邊d係唔明，咁要攪清楚，其他唔小心嘅隨他吧！每個小朋友都會成日唔小心，唔係剩係自已嗰個，其實佢只係錯唔小心我就會好放心，起碼佢唔係有嘢唔識！唔通佢錯d真係唔識嘅嘢會覺得抵d咩？

NichoB

DELETED BY WEBMASTER

szema

小妮子,

完全明白你的感受，我囡囡平時的Quiz & 默書幾乎次次100分，但上次英文測驗，General English竟然錯有不少的Careless Mistakes，記得當日接佢放學時見她沒精打采，細細聲同我講「媽咪我英文測驗得60分咋」:cry: ，我當時好愕然，不過我冇講咩嘢，等自己calm down，返到去睇完張paper之後，我問佢測驗時係唔係好緊張，佢就點頭，我就知道佢有不少壓力，正正因為我成日同佢「你唔識媽咪唔會唔開心，但係如果你成日錯埋啲careless mistakes，媽咪就會唔高興囉」，佢越緊張就越睇唔到自己錯啲咩，而家我會叫佢默書又好，做測驗又好，考試又好，就當喺屋企做練習咁，做完之後唔好即刻睇返份卷，比一兩分鐘個腦relax吓 ，先再check一次，希望可以幫到佢。
你千祈唔好太介懷，因為小朋友佢地都好唔開心架，我地要幫佢，首先要自己放得低，唔好同佢講唔知點先可以追返啲分，這樣佢會有好大壓力，不如轉個形式同佢溫習，用遊戲來增加辭彙，讓他多睇一些他喜愛的課外書籍，應該有幫助呀！

努力呀各位媽媽！      

ngo-baby

我小朋友p.1今次中文測驗都只得60分,知道當然不開心,但我相信會有好多因素,只要有盡力溫習,了解原因,我覺得下次定會更好    唔好唔開心

viewer

szema & ngo-baby:

真羨慕你們的孩子, 有個 關心孩子, 愛護孩子, 高EQ 的 好媽媽!

    

wendy_

我囝囝p.1今次中文測驗都只得62分,我覺得千祈唔好太介懷，因為小朋友佢地都好唔想ga!我知道佢有溫習過,但我同佢講唔緊要,下次再接再厲俾心機就得啦!我而家要求佢每日去圖書館寫一個生字我,我希望可以幫到佢認識多D生字.因為中文好多筆劃差不多,佢話好難記wo!我知道如果要幫佢，首先要自己放得低，唔好同佢講唔知點先可以追返啲分，這樣佢會有好大壓力，不如轉個形式同佢溫習，用遊戲來增加辭彙，讓他多睇一些他喜愛的課外書籍，應該有幫助ga！

szema

viewer,

多謝唒呀！ 其實我地大家都係喺度學緊點樣教養小朋友，而家同以前好唔同，以前我地叫做天生天養，而家嘅社會對小朋友同家長嘅要求高咗好多，有時遇到一些事情，第一時間真係唔知點反應，點做先至對小朋友同家長最好。喺呢度，大家可以分享吓，開心同唔開心都可以傾吓，交流心得係一件非常好的事。


小妮子，

讓自己同小朋友一齊放鬆吓，有咩唔開心嘅事，將之變為寶貴嘅經驗，同孩子開心走以後漫長的日子，加油呀！   

viewer 寫道:
szema & ngo-baby:

真羨慕你們的孩子, 有個 關心孩子, 愛護孩子, 高EQ 的 好媽媽!