請問屯門區學校…？

autumngirl

hi ada_Tsang,

你好,我個囡囡都係屯門區小一生,佢係K2時都講過：媽咪，我都唔想喊，但我控制唔到．．．唉，我都好心痛，到宜家佢既情緒都好反覆，所以我都好明白你既心情，都唔知自己點先幫到佢，好無助。

就算轉到校，家長都唔好期望囡囡會立即適應新生活，及回復幼稚園時的模樣（即”一個很開朗的小孩子”），否則大人失望，細路辛苦；始終她們都長大了，加上女孩子思想比較成熟，她們會諗得太多無謂野。
　
如果學校都有社工，可以搵佢傾下，會好d，我地由幼稚園開始都傾緊，亞囡都肯講多dd。

我仍在摸索中，有時都有d氣餒，但都要撐住，大家努力啦！

YanYan0116

ada_Tsang 寫道:
個女上了小學之後成日喊,昨晚臨去睡覺又無端端喊,攪到我要鬧完佢一大餐先訓,問佢點解喊,她又話唔知點解,只係突然間好想喊,

Ada

你有無將呢個情況同班主任講, 唔好鬧個女啦, 如果唔係下次佢唔比你知, 自己'lee埋'喊.

你有無估d原因來問佢呀, 其實轉校唔係唔好, 但如果情況無改善, 點算呢.

Toni媽媽

HI Ada,

其實妳囡囡為何喊? 是壓力大或是真的給人"蝦", 如果是壓力大的話, 我怕保記之"志豪"會壓力更大, 會喊得更"poor"! 每一間學校都有"good" & "naughty" 之同學仔? 我覺得轉校是其次, 如何跟同學相處才是大學問! 志豪近寶田中轉屋, 都有很多"naughty boy", 功課又多........

而且, 妳女兒是無故喊的話, 妳不要罵她, 試想想會否在其他方面出問題? 屋企最近之環境有變嗎? ....... 妳要先引導她說出來, 對症下藥才是良策! Good luck!

[quote]
ada_Tsang 寫道:

個女上了小學之後成日喊,昨晚臨去睡覺又無端端喊,攪到我要鬧完佢一大餐先訓,問佢點解喊,她又話唔知點解,只係突然間好想喊,唉....我見到佢咁就真係好煩,都唔知係唔係關學校事,如果話唔關,

晴B媽

亦可能純粹卦住以前的學習環境同同學仔, 覺得小學好陌生, 所以喊......如果係呢個原因, 你同佢轉幾多次學校都冇用。

點都要調查出囡囡喊的原因,才可對症下藥!

ada_Tsang

真係好多謝咁多位家長既意見和關心,我都好明白要個女唔好成日喊,就一定要知道原因先可以解決,功課壓力....我相信唔係,因為她讀得十分輕鬆,功課亦很少,我今日帶她上學時,都和她傾過計,講左很久很久,她先肯講左少少,她說:她很想可以回到以前幼稚園的同學身邊,她很不喜歡現在的同學(不知道是不是一開學就被人蝦的原因),她以前的同學都分佈於志豪&蒙黃花沃,我都有和她講過,就算你和他們一間學校都未必會同一班,但她說:唔怕啦,起碼小息都可以見到他們,我相信我會試下和她去轉校,但就算我肯轉都未必可以轉到,因為現在不是我想她轉邊間她就可以轉邊間,所以現在好似咩都做唔到,唯有一邊等一月,一邊找她學校的社工或班主任傾下,就算轉唔到都希望可以幫她解決到個問題.

bestwish

健朗媽咪,

你記唔記得我呀?

保圓收左我個女嗱. 好開心.

希望你個仔都入到屯官啦. 如果我冇記錯.

            
            

mousei

Ada_Tsang,

你不需太担心.相信"志豪"是有插位的.因一年級有5斑,好似有BK媽咪咁話,因附近有寶田,實有人搬出搬入嘅.小朋友適應力好快的,初初是有部份真是會喊的,遲D佢同D同學仔熟咗後,就會無事架啦.不過,如果真是有幼稚園的同學仔係入面讀,就真是定心D嘅.

ada_Tsang

mousei:好多謝你既意見,我都好同意你既講法,不過這段日子真的好難過,但無奈都要等到一月先知,希望到時有好消息啦~!!!
係呢.....你的小朋友是讀甚麼學校的呢????

mousei

Ada_leung,

咪就係志豪囉,不過已經四年級了.我是個在職媽咪,所以不算十分好了解學校.只知道我女兒都讀得好開心,同埋有成績交出來便o.k.了.

ada_Tsang

mousei:又會咁o岩既,唉....比自己的仔女入一間學校讀書都只不過希望她讀得開心,我相信你已做到了,我想問你一個問題:志豪是否好像出面流傳的會有很多功課呢??

mousei

Ada_leung,

我又唔覺得真是咁多功課喎.其實間間都差不多,每日都有5-6樣,星期五就多D,大概有7-8樣.其實,如果小朋友不肯做功課,咁就2樣都嫌多啦.

queen2006

我個小朋友現分別就讀蒙恩小一和小三,大女讀小一時,頭兩個月都有情緒問題,有時話唔想返學,有時話掛住啲幼稚園老師同同學,你個小朋友嘅case,有啲似我個大女讀小一時嘅情況. 其實,個個小朋友嘅情緒問題未必一樣,解決嘅方法都唔一樣,但我覺得轉校治標不治本,你幫佢做咗咁多嘢,目的係想解決問題,但你能否肯定,轉校能100%幫佢解決問題?如果你嘅小朋友轉咗去一間你心儀嘅學校後,再一次發生適應嘅問題,你係咪再幫佢轉校?

小朋友嘅性格唔同,家庭環境唔同,適應陌生環境嘅能力都唔一樣.坦白講,我大女升小學嗰年,我同我先生嘅感情出問題,我事後至知,呢件事對佢有好大影響. 佢最初話唔想返學,我以為只係好小嘅事,日日呃呃tum tum,吵吵鬧鬧,都令佢入到校門,我日日為此鬆一口氣. 佢同我講班中有同學蝦佢,有時佢就無端端喺度喊,但叫我唔可以講比老師知,攪到我好無奈. 講真,邊個人細個嘅時候未比人蝦過? 有時啲小朋友過度敏感,有一次,我個女同我講,話個同學對佢講粗口,你知唔知嗰句粗口係咩呀?原來係"痴線"!  佢哋竟然認為"痴線"係粗,真攪笑! 我曾經同社工傾過個女嘅問題,原來有啲小朋友,可以因為一啲大人以為好小嘅事而性格有轉變,例如細佬妹出生等.......向父母爭寵.

所以我覺得你個小朋友嘅問題,未必因為某個同學or某件事,小朋友嘅心理問題,未必係轉換學習環境就能解決,我擔心你要不斷要為小朋友轉校,攪到心力交瘁,到頭來佢話都係鍾意而家間學校,掛住而家間學校嘅同學,咪盞攪!

我提議你同班主任和社工傾吓,佢哋始終係專業啲嘅,仲有,好多小朋友都有個共通特性,就係學校老師講一句,好過父母講十句.


搵老師幫忙解決問題啦! 我大女嘅問題就因為咁而解決,細女都好鍾意學校嘅生活,為人父母嘅,都係想兒女開心啫.

仲有,有時間嘅話,睇吓啲有關"兒童心理"嘅書or網頁,坦白講,真係有用嘅.

衷心希望你嘅小朋友能開開心心上學去!

下次再傾啦!

過來人