比華利幼兒園.

littleeva

hktt

比您笑死我啦. 您用"精靈而又細心"來形容我. 一定笑死我老公.

我見有d學校老師會主動打電話比家長講下小朋友在學校的情況. 我有個朋友是教幼兒園.佢話都要時不時同家長溝通下.

而"比" 咁耐都冇打電話比我地d家長. 次次都係家長打比佢地. 我同事仲勢利. 佢會在手冊上問老師問題. eg 囡囡識唔識自己去小便, 囡囡有冇和小朋友玩,......etc.  咁樣老師就一定要在手冊上答回家長問題.  不過我又唔多想用這招.

而我姪女在lam tin"睇" 思讀, 佢地會隔一段時間比家長參觀小朋友課的情形.

我就好希望知多d 仔仔上學的情況.

hktt

littleeva,

你真係好細心嫁，分析能力又高，好開心呀識到你。

我同你一樣最想知道就是佢地上情況!!

聽日呀囡都唔知返唔返到學TIM，聽日咁開心。

係呢你聽日有無得放半就呀?我有呀，如你又有一齊出來飲TEA呀? (如囡囡無發燒的話)

littleeva

hktt

我都好開心識到您. 而且又和我仔同班同學. 又住在附近. 真係好LAW

明天我公司放4 點. 哇您公司咁好可以放半日.

我老細剛剛走左(去大陸) , 如明天可以的話我會接仔仔放學, 之後又要趕返來. 而您放半日, 我諗應是 1:00 左右, 可能時間不夾. 唔緊要啦.星期六我地都見面啦 .

您囡平放學幾點訓嫁 ? 我仔返到家是 12 時半左右, 沖涼食飯. 2 時半訓著. 5 時起身. 11時訓.

hktt

littleeva,

哇你個囝好叻呀， 訓咁多個鐘。我個囡平日大概12:20返到屋企後食飯，2:30 OR 2:40 訓覺，訓到大概4:00 OR 4:30 起身 (訓得好少)，晚上10:00上床，但到11:00左右先訓咋。

星期六我驚去唔倒呀!唔知呀囡好番晒末呢?如去咁你會唔會同我地食lunch呢?你未回覆。

littleeva

hktt
如果您星期六真係去唔到, 可否星期五晚 call 我, 因為唔想晒左個位, 我會帶 埋 2 個 姪囡去.

至於食lunch 本來玩完是 12:00 睇 一陣圖書. 約 12:30 去kowloon bay 等埋我老公飲茶, 如您不介意, 可否加埋我老公 , 一齊食 lunch.

or 星期五您過來慧安園, 我搵位飲茶.

eva

hktt

littleeva,

你老公在九龍灣返工嗎?如果係就真係好岩好岩啦，我老公亦是在九龍灣返工嫁。

如果係咁....你老公會唔會介意呢?一係我睇吓我老公會唔會同我地食先。

littleeva

HKTT

您囡退了燒嗎? 今日有冇返學?

真係好岩好岩喎!! 您老公又係在 kowloon bay 返工,
我同老公講過下, 佢冇問題.  佢都幾nice 嫁. 如果您老公都可以一齊食 lunch就好啦，　等佢地兩個男人亙相認識一下對方．　我地真係好有緣份．　

我和您在同一區工作
我們的老公又在同一區工作，
我們的子女同年紀又同校同班　
我們又住埋同一區
太多巧合啦．　我好開心，　真係要有好多緣份我們才能成為朋友．

可能我仔和您囡青梅竹馬．．．．．（一笑　︿ｏ︿）

hktt

littleeva,

琴晚本來已經退燒，今朝又發燒，所以無返學呀!好擔心，我呀媽話佢今朝又好扭計。

我囡和你囝青梅竹馬，唔知會唔會......哈哈哈。

littleeva

hktt

希望您囡囡快D好番.  好在您媽媽可以幫您睇住囡囡.
明晚我會比電話您問下您星期六去唔去.

hktt

littleeva,

我放工啦，有咩電聯呀。

hktt

littleeva,

我對學校好失望呀!今朝打電話返學請假，唔知邊個老師聽電話，問都無問紫晴點，(可能呢個老師唔知邊個係紫晴，ok)下就大概1:00再打去係吳老師聽，我找何主任，佢話比我知何主任依嫁好忙，(但佢一樣無問我個囡點呀?佢識我個囡嫁)咁佢就話叫何主任打比我。

到下就大概四點我打電話返學校找何主任，係佢聽，我問佐佢既野之後，就收線。

最令我激氣就係連何主任都無問我個囡點，有無事! 琴朝大概 8:30 我打電話返學校請假，佢亦都無問我個囡咩事，係我話比佢聽咋。你話激唔激呀!

學校呢兩日都無話主動打比我問我個囡既情況點樣，真係咁忙?

hktt

littleeva,

囡囡今日又無返學呀!!重有小小咳同小小流鼻水(只係小小)。

點呀去圖書館好唔好玩呀?

hktt

littleeva,

呀囡今日終於返學啦!!希望佢無事啦!!

平日你會點樣教導子軒呢?果日聽佢講野好叻仔，好有禮貌，可以教吓我嗎?

littleeva

HKTT
好開心呀您囡囡今日返學啦!!  而家天氣開始涼. 都係小心d好. 我昨晚都帶仔仔去打流感針. 個醫生話而家都多人打. 怕遲d冇貨. 佢話返學的小朋友都係打定搵陣d.
至於學校唔問您囡囡情況您都係唔好咁上心啦.  

我仔講野唔算好叻. 佢好怕羞, 對住陌生人唔出聲.在家就不停口. 其實我花左好多好多心機在他身上. 佢好細bb 時 我就個個星期日都帶佢去 玩具圖書館玩, 玩完又同佢 睇書書,果時佢咩都唔識, 得我講冇佢講. 但是久而久之佢慢慢又跟住我講law. 平時在家一放工我就同佢玩, 同佢講野. 我兩公婆都好鍾意睇書, 我仔又跟我地睇埋一份. 連睇報紙都有佢份. 可能因此佢鐘意睇書, 好多時就問我地書中圖晝是什麼. 基本上我家日日都有5 本圖書嫁. 我平時lunch 會去 wanchai 圖書館 借兒童圖書 . 每天一定會和他一同睇. 如果果日佢興趣大d, 未睇耐d.  否則就睇一本就算.

其實教講野. 我個人覺得是要多和他講就得啦. 好多時去街,在車上我就不停他講野. 而家多埋學校學左d 野. 我未又同他一齊背下書law.

hktt

littleeva,

幾時會再去圖書館呀?呢次一定去到瓜!

hktt

littleeva,

今日何主任打電話比我話我個囡開始有改善了，唔再走來走去啦，重話有個同學仔成日拖住佢(你估係邊個?).....無錯就係子軒呀。何主任重話唔知點解兩個咁好朋友呢?我聽倒開心，我估一定係你同子軒講紫晴的事啦，所以佢特別照顧紫晴妹妹，係唔係呢?

何主任重讚子軒係叻仔，又話我個囡對於顏色就不太認識啦!

ruby

littleeva, hktt,

唔好意思.. 我係路過架... 我都係tko人, 本來入黎係想睇下比華利幼兒園好唔好......

點知俾我睇到其他野..... 我個仔叫沚軒...我仲諗住如果 我有機會再生個女就叫做 "沚晴".. 你地話好唔好笑

hktt

hi ruby,

有無咁啱呀?

littleeva

HKTT

我都好開心呀. 子軒同您囡囡做好朋友.

而家未好law．我都話唔使咁擔心嫁啦．　您囡囡會慢慢地適應學校生活．　話晒佢都係細ｄ．

您就好，何主任會主動打電話比您．

圖書館再約呀．如果星期日方便嗎　？　我不是個個星期六放假．

littleeva

ｒｕｂｙ　

咁您上個星期六有冇去"比" 的ｏｐｅｎ ｄａｙ??