開學喇！(沙公的第一天)

chanchanboy

markojacey,

嘩! 你今日真係跑得好快喎! 你send比我d相我睇左喇, 張第一名相好靚呀!

早上我都覺得如果知道要等咁耐, 我會帶定把傘, 因為我哂到頭都痛, 你仔仔有病肯定頂唔順, 跑完親子見唔到你, 我仲以為你因為仔仔唔舒服走先.  原本想同你一齊坐, 但要睇住另一位同學仔.

我仔仔其實今日表現麻麻, 因為大部份時間都係坐, 擴音器d聲令佢好high, 喪笑不停, 笑到晚飯都仲笑緊.  

另外小三有個女同學(唔係自閉症)仔仔好鍾意佢, 早前係學校攬同錫人, 比家長投訴, 雖然教左一輪後, 仔仔宜家只同人打招呼, 但今日放學時, 我行去同仔仔去買校服, 個位女同學同佢媽咪行前面, 我個仔又好high行好埋睇人, 我即刻stop佢, 同話佢咁樣做唔arm, 跟住人地媽咪問我地去邊, 我話去買校服, 佢地入左商場門口樓下間大昌,  我地就從入口上電梯, 上電梯未到一半, 我擰轉頭見到對方兩母女已經推門入商場, um...好似想避開我個仔...雖然真係我個仔好麻煩, 但之後我都覺得好hurt... 希望係我多疑啦, 因為我今日都有趁機向佢媽媽道歉, 都無mug野, 但可能係表面客氣啦.  

   

markojacey

chanchanboy,

唔好咁多心啦！可能係個媽咪想入去大昌睇下買d乜嘢啫，咁橋無嘢想買，就行第二道囉 ！

其實我都唔係好快啫，只係我以前細個有練開，比其他mami做多小小運动，重有個底响度，e+都無跑or運動囉，同埋琴日唔知妳見唔見到我個仔stand-by同埋攞獎果陣時 ，成日走嚟走去，我要追佢返嚟，所以係咁練返嚟架   。今朝起身，全身酸軟同埋啲肌肉好痛，今晚重要返通宵呀，大鑊！

同埋好似妳話齋，如果我知道個活動要等咁耐先輪到佢哋玩，我就會攞埋樽水同埋部遊戲機分散下佢d注意力，唔駛好似琴日咁，乜都無攞，擺咗响看台度，出面又晒，佢食咗藥，又有啲倦，又要佢等咁耐先至比賽，攪到佢d脾氣出晒嚟 ，我

chanchanboy

唉... 學校放假一個月, 仔仔今晚食完飯突然同我講, "聽日要返沙公喇!", 我話"學校放一個月假呀, 聽日都唔駛返呀", 仔仔話"想返沙公", 我問"你好鍾意返學呀?", 佢答"鍾意返學", 我話"但係要放一個月假, 唔駛返學呀."

仔仔咁講, 我當然開心, 但今日先係假期第一天, 亦令我要拿拿聲唸下有mug搞作比佢.

markojacey,

都唔記得多謝你的安慰, 我當左你個解釋係個女同學媽咪同我講, 所以睇完你個mail好快開心番, 唔記得回應你tim, sorry sorry.

你講個位攞第二名嘅女同學, 都係第一年入學, 又係好遲先揾沙公, 佢地一家剛由外地回港, 所以可能會洋化d, kiss都唔怕   

markojacey

chanchanboy,

乜第二名果位女孩又係新入沙公架

另外，我講錯咗，唔係kiss個女仔，係第三名果位--[size=medium]男仔 ，我唔係介意乜，係介意佢亂咁kiss人啫。不過e+問佢，佢都會答唔再kiss別人    。

妳個仔真係好鍾意學校喎 ！呢幾日哥哥返而好興奮，因為放假唔使早睡早起 ，可以遲ｄ瞓，玩夜ｄ，但係佢個妹重要返學，又要

markojacey

剛才响另一個topic先講開諗住call老師，啱啱資源老師就打電話比我，又會咁橋？

老師話哥哥今天放学發脾氣扭計要買玩具唔肯上校車，之后重"DUM"咗個書包落地 :-x ，所以資源老師就打電話比我了解一下呢排哥哥响家中嘅情况。我就講咗呢個悠長假期，他迷上了幪面超人玩具，到依家放完假后他也時時刻刻也提住，老師就提議收埋ｄ碟同玩具，慢慢同佢fade out，還會幫我做一些課程給他，希望真係幫到哥哥喇！

同埋資源老師也提到目前哥哥寫嘅字有否難度？我都有同老師講出問題，而資源老師也叫我不要擔心，等一，兩年，他的小手肌有改善后，情况會好轉。

諗諗吓，真係慶幸哥哥入到沙公，有好嘅資源和肯幫我個仔嘅老師，所以就算有機會轉其他區域的宿舍，我也沒想過轉，更希望哥哥能發掘出他的潛能，一展所長 。

chanchanboy

如果係咁, 可能我地playdate都唔好成日提超人lu.

至於我仔仔, 開頭直情唔比我地播超人555同ace隻dvd, 跟住我話係你個仔送比佢呀, 佢先肯比我地播, 如果一個鐘咁計, 可能只係睇10-15分鐘度, 反而daddy有頭睇到落尾 :tongue: , 但我已經覺得幾好 .

小手肌, 以前幼兒中心借過練力嘅泥膠(唔係玩個啲), 但就無mug成效, 因為叫我地返去就咁鍊, 但上年協康會ot再叫我地買一盒, 教我地啲step, 另外ot加埋好多其他training, 一年後, 大小肌真係有幫助.

markojacey

chanchanboy,

今天溝通簿上要佢做兩件事，一係要做功課，二係聽我話唔扭計買玩具，佢都做到 ，我諗係資源老師同佢傾過計，我問佢，佢都有講過唔可以扭計。至于超人，今日佢daddy都有比佢玩一陣，但係有ｄ細parts，哥哥玩玩下遺失了，佢daddy就好嬲，話唔比佢玩，依家佢又發脾氣話要瞓覺，呢樣就唔知點算。

另外，今日放學回家，我同工人發現佢係運動褲爛咗，連入面條under都唔見咗 ，唔知發生咩事，問佢又只係答我消失咗！有ｄ擔心 ，我寫咗响溝通簿上，希望明天有答覆  :-| 。

妳講果ｄ泥膠係咪响協康會先有架？咁係咪要入會先？因為我只係join吓痙攣協會，好似無呢ｄ喎？如果有用，我都想Marko試下。

markojacey

今日好慘呀 ！

Marko哥哥腸胃炎，由今朝凌晨兩點幾到依家嘔咗好多次，睇咗醫生，食咗藥，一飲水就嘔 ，唔知有咩方法令佢舒服ｄ

成日只係食咗一包梳打餅果陣無嘔，就算食緊藥，跟住飲杯水，佢都嘔 :cry: 。成個人好倦無晒力，睇嚟聽日佢都要再請假了 。

另外，今天同學校請假，老師回覆，原來昨天係哥哥去唔切toilet ，老師比咗條後備佢著，所以今日老師叫我攞返佢自己果條運動褲回家清潔。

tin_tin

chanchanboy,

講定先.....

Happy Birthday to your son!!!    

你會點同仔仔慶祝呀?     

chanchanboy

tin_tin,

多謝多謝! 唉..."暫"下眼就7歲, 記得我地第一次嘅生日會佢先係3歲, 唉...真係好唏噓...

今年會提早21號攪個好簡單嘅生日會, 因為到下年, 好似再開生日會已經好似好超齡咁, 咁諗係咪好傻呢?

chanchanboy

chanchanboy

markojacey,

真係好慘呀!

上次睇醫生佢都話呢輪好多小朋友會有腸病毒(但唔知點解), 又有機會係感冒菌入腸.

咁醫生有無話係會食左藥都會嘔呀?

chanchanboy

markojacey,

唔記得講泥膠嘅問題, 星期六我問下治療師有無.

markojacey

chanchanboy,

好慘 ！

Marko佢17号朝睇咗醫生，但係到咗夜晚祁重係飲杯水都嘔同埋發燒，我帶佢睇急症，最后住咗一晚添      。

本來醫生噚日話叫我哋住多晚，因為噚日下午突然發返燒，但係我陪咗佢成晚，隔籬啲細好多嘅BB又不停哭同埋肚疴，我個仔又無再嘔，只係18朝返發一次燒咁大把，同埋我打電話返沙公請假，個社工都話醫院唔會俾藥食，靜係觀察    ，咁响屋企我都做到喇    ，所以我哋同医生講要出院。

今日哥哥係凌晨發過一次燒同飲水時嘔，可能佢飲得急，之后都無mug事，係屋企喺咁煲碟。

我睇下哥哥呢兩日嘅情况，如果OK，我都想佢參加妳個仔個B-day party
。

markojacey

chanchanboy 寫道:
markojacey,

唔記得講泥膠嘅問題, 星期六我問下治療師有無.

chanchanboy,

唔該晒 先。

chanchanboy

markojacey,

b-day party唔緊要, 最緊要係小朋友身體復原, 因為星期一又要返學, 但我驚如果妹妹又無份黎會唔開心.  

markojacey

chanchanboy,

今朝收通宵返屋企，ｄ小朋友重未起身，等我瞓醒，daddy話Marko哥哥應該無大礙 。

噚晚打電話比工人，佢話哥哥疴咗三次，係最后果次先至疴水，我都估佢今日会好返 ，因為咁先可以排毒嘛！果然我瞓醒，佢已經可以走嚟走去，重識寸佢個妹同打NDS 。

返而我噚晚就一路返工，一路流鼻水 ，可能我响醫院果晚冷親 ，加上昨晚返通宵，依家食緊藥休息僅， ，希望今晚收到鼻水，咁就可以嚟生日會。因為學妳話齋，妹妹真係好期待明天，今日我係咁e提妳囝囝個名，佢就好興奮話聽日係二十一号，可以去Carson個B-day。

明天見

chanchanboy

markojacey,

Thanks for coming today.
希望哥哥同妹妹玩得開心, 不過地方細左啲, 真係唔好意思.
仔仔話今日好開心, 今次同佢開生日會, 佢好似係最開心一次, 好似比較明發生mug野事.
泥膠我今個星期四見度面同你再頃.

markojacey

chanchanboy,

我都多謝妳邀請我哋一家嚟生日会 。

噚日除咗妹妹"那件事"，她要我保守秘密外，大致上妹妹都好開心，返而係哥哥坐唔得耐，daddy帶咗佢出去買玩具，miss咗吹candle那部份 : ，我覺得有點可惜 。

今日護士call我，話哥哥好似好唔舒服，好疲倦，到我放工去学校接佢放学，護士話佢一"文"到ｄ飯就嘔，之后吃了小許便睡在保健室等我接佢放学 :cry: ，我同佢請埋聽日病假，希望休息多一天會好ｄ 。

至于泥膠那件事，睇下哥哥呢兩日情况如何？有新消息再contact 妳。

chanchanboy

markojacey,

哥哥好番啲未呀? 你自己都要盡量休息呀!

泥膠, 因為治療師叫我仔買另一款顏色(唔同顏色唔同力度), 所以我可以借原本個"舊"比哥哥試下, 有啲手勢要當面教你點同仔仔練, 不過等哥哥好番先最緊要.

markojacey

chanchanboy,

噚日已經可以返學，今日照原定時候見 。

咁今日就可以試埋泥膠了，唔該晒 。

chanchanboy 寫道:
markojacey,

哥哥好番啲未呀? 你自己都要盡量休息呀!

泥膠, 因為治療師叫我仔買另一款顏色(唔同顏色唔同力度), 所以我可以借原本個"舊"比哥哥試下, 有啲手勢要當面教你點同仔仔練, 不過等哥哥好番先最緊要.