荃灣天主教小學小一家長請進

janelle00

hello 各位媽媽，
自從06年8月開了這個標題時，眼見其他名校標題都有很多媽媽回應，都驚是不是沒有荃天家長呢？很開心大家留意到這裡。我自己雖然不是天天都上網（我家裏是沒有電腦，只靠在公司午飯時才來），但很希望大家能夠久不久來談天説地，交流意見。舊生都好歡迎傢，我都是舊生。

我同老公覺得小朋友只要對事物有興趣，學什麽也不難。所以，我們不會太壓逼個女 （除了學琴，是她自己要求要學的。但要練琴時就想放棄，所以要她學會不要輕易放棄），只要她開心，其他問題都不大也不多。

記住Keep in touch.

蝦碌媽咪

CHUIIRIS:我讚成你意見,我女兒今年六年級,我曾經都係圖書館幫手.

chuiiris

蝦碌媽咪

話吾定, 我地可能見過面, 我現在仍然在圖書館幫手.

有時有些媽咪投訢功課太少或太淺, 我覺得家長可因應小朋友能力, 自已買習作或補習, 自已谷小朋友 law.
(但通常投訢的家長, 那些小朋友的成積又吾係咁掂, 都幾有趣.)

如果閣下小朋友是好掂或超班馬, 老師是會知道的, 自然又會比多點額外東西給他了.

janelle00

hello iris,

我個女常常去圖書館借書，重大大本窩。我都想去做義工，不過要返工，時間配合吾到。很開心很多媽媽爸爸都盡心為學校，我個女在聖母讀，果時很多全職媽媽都會做義工，羡慕死我呀。

chuiiris

荃天的家長有一件事情不需擔心, 就是多數的老師都很關心學生, 他們不會用成績將學生分類, 個別有問題的學生, 老師, 主任更會用更多時間, 耐性去輔導學生 + 家長.

當家長有問題, 隋時可以搵老師心理輔導, 我親身都睇吾少架.
所以好多家長都時常返去幫手架.

其他學校睬你都傻.  

tsznok

雖然我大仔今年先升K1,但上小學時我都希望佢入到荃天,有以下幾個問題想請教一下各位荃天媽媽...

1. 我老公係荃天舊生,係咪於自行收生時,入讀機會會大d呢?
2. 其實今年大仔考到聖母上午班,但而家o向青衣卓思讀緊nursury...請問係咪讀聖母上到荃天o既機會會大d呢?

請賜教!

chuiiris

以我自已例子, 小兒是聖母的學生, (大抽獎入吾到) , 再插班入荃天, 校長同我講, 他盡量都會收聖母的學生.

tsznok

我而家就係煩到死...究竟留o向卓思,定係入聖母好呢?講近就一定係聖母,因為我住正對面名逸居,但我比較鍾意卓思程度深...始終我對聖母o既認識太太太太少喇。有冇高人指點一下呢...

chuiiris

tsznok

你鐘意卓思就在卓思裏讀吧! 三年後都吾知乜世界, 又吾知政府教改有乜新招, 而且也無寫包單在聖母入硬荃天.

而且三年後荃天都可能轉校長, 政策又吾同了. ( 不是說荃天一定會轉校長, 而是三年後都吾發生乜事)

tsznok

你咁講都好有道理!

rosahsia

Dear Iris, janelle00:

有位媽咪朋友提我，最好俾我個女K3時去番吓數學班，因為女仔通常數學理解能力冇男仔強，驚第日升左小一會應付唔到渦，唔知荃天既數學難唔難呢? 有什麼項目需要係K3就要打好底先架?

rosa

chuiiris

Dear Rosahsia

荃天數不深, 但你可以買小一的課本, 預先教定女女, 打定個底先.

我講下自己失敗的例子

本來小兒數學都不是太差, 我通常都同他備課先, 老師教書時就更易明白了, 本來都 O.K. 架, 但有一日朋友同我講, 數學勁既學生都去公文教補習, 我吾執輸又要個仔去讀.

公文教育是用死做難做方式, 要小朋友每曰做 20 頁數學, 仲要計時, 只是上左 2 堂, 一星期 1 堂, 再比 120 頁數學功課返家做, 每日都要睇住鬧鐘做, 搞到個仔承受吾到個種壓力,  個仔眼睛不停咁眨, 停吾到, 又發惡夢, 睇左幾個醫生, 都話他壓力過大, 要靠他自己放鬆才行.

令到小兒見到數學就驚.
過左一年, 至叫做有所改善, 但每當他緊張對眼又會不斷咁眨.

所以吾好盲目跟風, 我初時以為試下無妨, 吾岩就停, 但壓力產生左, 就很難消除了.

蝦碌媽咪

chuiiris:
你個仔讀小學既路都好崎嶇喎.插班入荃天(小?),小五又轉直資,還是我誤會咗?

蝦碌媽咪

數學跟住課程唔算深,但去到五年級會有的課程外的思考題,我自己都計到眼都突埋   

chuiiris

蝦碌媽咪

你冇估錯, 小兒的確是在小四插班入荃天, 小五再轉直資英小.

janelle00

hello tsznok,

1. 我老公係荃天舊生,係咪於自行收生時,入讀機會會大d呢?

上年註冊時，我因爲要返工，所以在最後一天才註冊。校務處都call過我，怕我忘了。然後都跟我說舊生報得的，都一定會回來註冊。所以，第一round入的學生很多都是爸爸媽媽是舊生。

janelle00

chuiiris 寫道:
蝦碌媽咪

你冇估錯, 小兒的確是在小四插班入荃天, 小五再轉直資英小.

hello iris,

爲什麽要轉直資英小？

janelle00

hello rosa,

rosahsia 寫道:
Dear Iris, janelle00:

有位媽咪朋友提我，最好俾我個女K3時去番吓數學班，因為女仔通常數學理解能力冇男仔強，驚第日升左小一會應付唔到渦，唔知荃天既數學難唔難呢? 有什麼項目需要係K3就要打好底先架?

rosa

小一的數不深，我個女平時上堂留心，測驗都不用溫書。反而我自己教的是深好多。

chuiiris

janelle00

我們是在前年回流返 HK, 所以小兒讀開是英文, 雖然在荃天得到老師的體諒, 小兒也叫做追到課程, 但過程非常辛苦, ( 小兒早上返學, 晚上做功課, 溫習至11 - 12點, 如果考試早上仲要 5 點起床溫習, 持續一年呀, 就是這樣追返中文的, 當時他只有 9 歲咋, 我同老公都心痛, 老公話個仔仲辛苦過返工, 咁岩他又考到間英小, 所以明知荃天是好都要轉校.  :cry:

chuiiris

小兒讀小學的路真是很崎嶇, 因老公時常在不同國家エ作, 我同個仔跟住他週圍走, 所以小兒雖然只是讀小五, 但己轉了 5 間小學, 幸好小兒天生樂觀, 所以 so far so good. 他唯一吾捨得每間的同學和老師.