優才2007-08年度小一入學簡介會 17/6(六)

wing530

wing530

>dear all,
多謝哂呀!       

>farm,
多謝你提點呀, 我會試下做阿仔張resume, 不過, 我怕寫得"肉酸"呀, 因為我連自己果張都未做過呀!      

>sonma
寫reference, 我有d難度呀, 因為阿仔畫班果度, 5月份剛剛轉左畫室, 舊果度一定唔"彩"我啦, 新呢度先剛剛上左3堂咋! :-|  :-|  :-|

>Smiile
唔緊張就假呀!       因為優才一直以黎, 我都好鐘意(唔知點解), 由建校開始, 我已"間斷"咁留意該校, 而且, 我老公有份"參與"興建優才, 可能咁, 有d"情意結"掛~     

係呢.... 各位, 我有d肉酸問題想問下大家, 我唔知咁做, 有無幫助阿仔interview, 還是會唔好, 但我又想問問大家, 比d意見我, 請唔好笑我喎!       

我老公問我, 佢有份監工興建"優才"

beesbees

Dear all,

第一階段收生截止報名: 2006年6月30日(星期五) 5.00pm
新生面試: 2006年7月8日(星期六)       
地點: 優才書院(旺角志潔分校)
       

dabbycheung

[quote]
我老公問我, 佢有份監工興建"優才"

vespa

Smiile

係呀 ! 陳校長好重視家長對學校的誠意，和家長本身的態度例如是否會和學校合作、願意配合學校理念和幫助小朋友。
所以PROFOLIO真係其次，誠意才是緊要。因為以上年10月的一次INTERVIEW為例，收到好多PROFOLIO，老師都只是 "快SCAN'一次然後便和家長恰談，再沒有看過那個精美的PROFOLIO了。


[/quote]
Wing530,

個人意見，我覺得你唔需要寫響profile度。不過當你地interview時，你老公可以提下呢件事。
順便想提一提大家，校長好睇家長既盛意。當面試時，校方通常會問家長：「除左優才，你地仲有無報其他直資學校或私校？」咁你地最好話無，以表示你地對優才既一條心，以便增加入讀既機會。[/quote]

Smiile

另外，所以您可以在INTERVIEW時帶過吓這件事而不須寫在PROFOLIO上，因為學校校服、一些新校圖則都由校內某些"在行"家長設計的，可能他們覺得有份監工並不是什麼一回事。應該是博不到分的。(要加分就可能是在INTERVIEW時表現日後某方面可協助到學校(不只是義工)而是例如開一些家長講題、給予專業的教育意見和家長分享等等)


[quote]
我老公問我, 佢有份監工興建"優才"

Smiile

努力做一份profolio係好，因為很少機會會這樣 "聚焦"小朋友的學習歷程並做一個完整的檔案 (有文字有相有證書有小朋友作品總之應該會應有盡有不應有都會有 - 一般人都係)

記住交去之前自己先留一份做紀念 (同樣用folder入住和彩色)，因為好有紀念價值架 ! 第日仔仔大個一定會好感激您。

有問題再問啦 !

wing530

hi, dabbycheung & Smiile
真的好多謝你地, 咁樂意幫我呀~   

我會聽取你地嘅意見, 唔會寫落profile度, 不過, 你地話係interview果時講, 會唔會好肉酸架!     因為無啦啦咁講起喎,    還是唔講會好d呢? 我都同我老公講過, 你又唔係咩高官喎~   

我都有唸過, 如果學校問我有無報第2間小學, 我都唸緊點答, 而家我唔洗點唸lu, 一於話無啦! 不過, 我又驚佢問我, 如果話唔收我個仔, 咁你點時, 我又點答好呢?

今個月尾, 我會帶阿仔去in"優質音樂小學", 等佢"練習下", 起碼到時in優才時, 唔洗咁驚, 而且, 可以做過"back up"麻~ :-|

我都知我地做果份profile, 學校都係好"快SCAN'一次架喇, 不過, 都要"以示誠意"麻~   

另外, 我頭頂一路都有兩個大問號?? 希望有人可以教下我架!    

第1, 阿仔k2開學2個月, 我幫佢轉左校, 原因之前間幼稚園發生不愉快事件, 所以要轉校, 但我interview時點解釋轉校呢?

第2, 新校係10月中轉過去, 所以, 無做10月果份評估, 而10月個份評估就係舊校做左, 由於同班主任不和, 佢係果份評估做得好差, 由其係"群性發展"同""德育方面", 所以, 我唔想呈交呢份評估, 咁我點解釋無做10月呢次評估呢? 果時病左入過院留醫嘅, 好唔好用呢個解釋呢, 但又有問題, 就算病好, 學校都會補做評估架麻! 好唔好話未評估就轉左校呢?

我又唔可以講舊校d衰野出黎, d人一睇份result都話好差, 跟本我個仔就唔係咁嘅~   

請指教~      

wing530

Smiile 寫道:
記住交去之前自己先留一份做紀念 (同樣用folder入住和彩色)，因為好有紀念價值架 ! 第日仔仔大個一定會好感激您。

有問題再問啦 !

多謝提點, 我會留份紀念, 將來比佢睇返, 自己又可以回味下~     

dabbycheung

wing530,

學校面試家長時，一定會問你地，「點解會揀優才？」咁你可以答你既答案，而你老公就可以話：「其實我對優才有一份特別既感情，就係.......，所以真係好想比個仔入優才。」。雖然未必可以加分，但都可以比面試者一個特別既印象。
如果面試者問你：「如果優才唔收你個仔？咁你會點？」咁你可以話：「打算讀住政府學校先，小二，三再嘗試插班入優才。」
我覺得你其實可以直接同優才講，你轉幼稚園既真正原因。
如果份評估唔好，就唔好交出嚟。如果學校真係問，你就話入左醫院算。(但其實學校都未必會問)
希望7月尾會響呢度，收到你既好消息。

hcma05

我昨天在MK分校注冊時, 有大約30多個準小一生在場, 主任話第時返學時會選班長, 很住問:"做過班長的請舉手." 結果有十個舉手.  所以我覺得優才是否克意收d成績方面比較好的呢?  

我去年interview時, 話左比個老師聽, 我個仔係幼稚園的成績是全"A", 但全A的全級有五個, 但"學習優異獎"就得一個, 就係我個仔喇, 我還提供了學習成績表及獎狀的正副本, 個老師即時mark低.  可能因此, 我個仔被錄取, 因為我個仔好靜, 同其他錄取的小朋友不同, 好難令我相信有其它原因令佢被錄取.

sonma

我個囝都有舉手, 但係佢冇做個班長, 只做個組長   
我都有嘗試數有幾多人, 我覺得應該大約有40人.

[quote]
hcma05 寫道:
我昨天在MK分校注冊時, 有大約30多個準小一生在場, 主任話第時返學時會選班長, 很住問:"做過班長的請舉手." 結果有十個舉手.  所以我覺得優才是否克意收d成績方面比較好的呢?  

dabbycheung

你地同你地D小朋友講，做唔到班長唔緊要架，因為每一科都會有一個科長，差唔多每個小朋友都會有一樣野負責架。

hcma05

好多小朋友都好活躍, 尤其是座前面的兩個.  我個仔就唔出聲.  后來d小朋友出曬去操場度玩, 我個仔仲拖住我, 叫佢出去玩佢都唔敢, 我真係有d擔心佢將來可唔可以融入得倒.   

gitmee

hcma05,

唔好咁擔心啦，我個仔一年班都係咁，而家個個小息都同同學玩到癲。

hcma05 寫道:
好多小朋友都好活躍, 尤其是座前面的兩個.  我個仔就唔出聲.  后來d小朋友出曬去操場度玩, 我個仔仲拖住我, 叫佢出去玩佢都唔敢, 我真係有d擔心佢將來可唔可以融入得倒.   

hcma05

希望我個仔第時都可以好似你個仔咁啦.  

dabbycheung

唔洗擔心。
到時學校既學習環境，會令你個小朋友唔會咁怕羞架。例如：小息同食飯時，學校會有好多棋類等玩意比D小朋友玩，你個仔會慢慢受人地影響而玩埋一份架。
好似我個仔咁，初初入優才頭一,兩個禮拜，我問佢：「你小息同食飯時做咩？」佢答我話：「無架，睇人玩囉。」咁我又問佢：「你做咩唔玩埋一份？」佢就：「.....」。之後第三個禮拜倒我再問佢，佢就話：「見到D同學玩得咁開心，咪一齊玩囉。」

hcma05

聽馮主任同d小朋友講野, 我都覺得佢地將來會讀得幾開心, 走左之後我問個仔, 你鍾唔鍾意優才? 定係鍾意另一間? 佢話佢好鍾意優才, 一定要讀優才, 如果唔係, 就寧願讀返間幼稚園.  

我頭先問佢點解唔敢同d同學仔玩? 佢話:"仲有咁多年, 遲d先(玩)啦!".  激死.

Farm

各位GT家長:

我星期六在TKO註冊, 過程都算順利, 陳校長, 黎主任, 兩位老師, 兩位小一家長和兩位小一同學都有講野, 最好笑係老師問在座的新同學仔問題, 讓那兩個小一男生選小朋友答, 然後送禮物, 我個仔雖然有舉手, 但就無選佢, 佢好唔開心, 之後就話唔讀優才啦.  我問佢點解, 佢話因為無禮物, 好在, 我之後氹番佢, 佢又開開心心的在禮堂和操場跑, 讓我可以順利辦完其他手續, 之後, 他說整整跑了一圈, 原來學校是長方形的.

優才真係好, 給每個同學一個崗位, 咁小朋友就會快D建立歸屬感了



:  :