請各位沙田第一城呂明才小學的家幫幫忙....

Homama2004

不用客氣.但對不起!上學期的已經放晒落回收箱,只有下學期.

我的母親節便是上午帶大囡去考英國文化協會考KET,沒有甚麼特別! 晚上一家人吃了餐飯. 只有細囡弄了一張立體咭,都幾靚呀! 我老公不是一位浪漫的人.只有羨慕你們...

Cherry車里子

Cherry車里子

Cherry車里子

Cherry車里子

alicetong
你的小朋友同老公都好有心思，個日飲水會唔會由個心甜到出來呢﹗        我們在職媽媽又要照顧小朋友的功課真o係人都顛，所以我有考慮唔做野放多點時間在家，睇多 D 小朋友的功課。不過，家庭開支咁大真o係心大心細，不知點算好呀﹗     

Homama
你老公同個女都唔差呀﹗仲有張靚靚咭添....   

一呂學校的課外活動多，其實應該話唔止多是好似特別多咁﹗我上網都睇到我眼花花，到時小朋友又要讀書又要兼顧課外活動，時間都唔知點分配.......   

alicetong

Homama,
  千其唔好咁講要勞煩晒妳就真... :
其實咩形式都好收到兒女送0既心意已經好滿足0拿？我先生亦唔係一個浪漫0既人..所以偶一而為之都會好感動0既？
Cherry車里子,
妳講得好0岩...家庭開支大真係少d錢都過唔到日子？唯有死捱囉,份工又唔穩定..諗住做得幾耐得幾耐咋？

alicetong

Homama,
想請教下妳小朋友有無咩學術方面課外活動學左係一定有幫助架呢？例如劍橋英語,中文輸入法等等...妳d小朋友平時又會學咩課外活動架？

Cherry車里子

早晨﹗   

alicetong

大家早晨：   
Cherry車里子,Homama,
妳地係住係邊頭附近架..我就住近第一城..

Cherry車里子

alicetong

我住帝堡城。你都好方便喎，小朋友在區內番學就不用坐校車，可以減少危險。    咁你當年幼稚園是否讀嘉德麗？

alicetong

Cherry車里子,
帝堡城幾好呀,上次去同學仔生日會,會所又大又寬敞..我當年係嘉德麗比左500蚊留位費,不過最終無去讀..小朋友讀西貢樂育幼稚園,第一次更唔收啦,得首名子女個5分,最後係
統一派位派入一呂0既..依家小女仲係西貢讀....我覺得幼稚園應該等佢地開心d..無謂咁快有壓力.咁妳小朋友係邊度讀呀？K3?...

Cherry車里子

alicetong

HeHe......      唔好意思﹗ 其實我個仔得 20 個月，今年9月會番學。因為我對沙田學校的了解唔深，亦好怕我選錯幼稚園令到我個仔入唔到好的小學，所以就預早打探下好的小學資料，等我有個心理準備，唔駛到時唔知點算好。

現在了解o左小小，好似要入到好的小學沒有特別邊間幼稚園比較有把握，都o係好似買大細睇彩數。所以都好煩﹗   

Cherry車里子

早晨﹗   

Homama2004

Homama2004

覺得最大幫助就是看多點課外書,擴闊眼界!我兩位都非常喜歡看書,手不離書,我最擔心的反而是他們的近視度數而己.他們已可以看數百頁的中文繁/簡字書,一百頁左右的英文字書.

細學了兩年小提琴,大的對音樂比較有興趣,就在一年級開始學鋼琴,二年級開始學單簧管. 兩人都參加了學校管弦樂團.

加埋兩位同學請了一位普通話老師教他們.

還有去年暑假有參加游泳班, 英國文化協會的英文班.
沒有其他了!

我大的那位都是攪珠入到的,當時開心到好像中六合彩!

candytl

Homama2004,

我也是一呂的家長, 我囡囡P2, 我喜歡學校大部分時間功課不多, 每天晚上她除了練琴外, 至少有一小時睇課外書和玩.
佢經常同班上嘅同學交換書睇.
你是如何幫小朋友睇簡體字的書呢? 我很想囡囡也學會睇簡體字, 因大陸書種多及好平, 但囡囡似乎對睇簡體字好抗拒, 佢讀幼稚園時我還可以一個個簡體字指住讀俾佢聽, 宜加佢睇書忠意自已睇, 變相我幫唔到佢認簡體字.

alicetong

Homama,
我仔仔最喜歡看老鼠記者,米奇偵探故事等圖書...
妳兩個小朋友真係好叻呀？居然連簡體字都識睇... 我想問下1.妳開始時點樣可以提起佢地興趣去看課外圖書呢？我發覺平時做功課,溫下書,做習作,中英文每日一篇(必定做)已經好唔得閒..可能我放工先開始理他?看課外書時間不多
另外仔仔一年級開始學琴,課外活動有學校的思聰電腦,書法水墨畫,游泳(暑假跟泳天再學番..),至於普通話是先生在每日一篇裡每天教佢讀一次..沒有跟老師學...
2.請教下妳覺得劍橋英語有用嗎？ 妳在英國文化協會學邊類型的英文班呀?謝謝妳的分享..     

alicetong

Cherry車里子,
妳真係夠晒未雨綢繆..原來仔仔20個月大...我以為已經讀K3明年入學添....其實妳從邊處打聽到一呂係好學校架？依家通常家長唔係追棒沙呂多些嗎？


candytl,妳好..
好開心又結識多一位一呂家長,多得Cherry車里子開這Topic讓大家有緣可以遇上啦！彼此交流一下..
  

honeybbb

hi 各位mama
我都同囝囝報左呂小, 6月頭就放榜, 我諗會越黎越緊張, 唔知抽唔抽到, 因為學位小但人太多 :cry:
如果抽唔到, 去呂小叩門, 你地話機會大唔大呢? thanks

Cherry車里子

早晨﹗   

alicetong 你千萬唔好咁客氣，我都好開心因為開了個這個 Topic 而認識到你們，因為你們對小朋友的教導同安排對於我真o係獲益量多，要講多謝的人應該是我才對。

其實每一位出色的小朋友，背後都是父母用心栽培的成果。所以，Homama 的兩個小朋友有今天的成績，做媽媽的功勞可不小。