漁翁撒網連報8間直資，終於撈到個水泡啦！

dougdougma

黃o禁o禁,
你講得好好，絕對係如何幫助子女適應初中生活的經驗之談
我地今日去註左冊勒，將來大把機會向你取經喔...

黃o禁o禁

嚇死我喇,突然間出現
註咗冊喇??恭喜哂 希望暑假買書同買校服時幫到你啦 :

vvtong

        
黃o禁o禁 ,

真係好開心你與我們分享你的心得, 我真係獲益良多呀。

多謝呀!

kathy_good

Dear 黃o禁o禁 ,dougdougma,

我們也註冊了。

黃o禁o禁

kathy_good
恭喜哂
你地有需要就電我喇
咁高興 飲杯先啦

kathy_good

黃o禁o禁 ,
Can I call you now? I  also have some question:

黃o禁o禁

ok

kathy_good 寫道:
黃o禁o禁 ,
Can I call you now? I  also have some question:

dougdougma

kathy_good 寫道:
Dear 黃o禁o禁 ,dougdougma,

我們也註冊了。

hi dear kathy_good,

恭喜哂     
好高興dougdoug仔可以同你女兒做同學，希望暑假編班試後有緣讀埋同一班啦...
dougdoug仔全名douglas lee，你女兒芳名呢？
暑假家長日可以相認喔~

kathy_good

Dear dougdougma,
        Her name is Cheryl Lam.     
        你自行派位有否interview(可否告知選了哪間中學呢？)

dougdougma

kathy_good 寫道:
Dear dougdougma,
        Her name is Cheryl Lam.     
        你自行派位有否interview(可否告知選了哪間中學呢？)

kathy,

我地揀了全完中學，但仲未有信in，睇黎都係冇行！
不過既然報左ymca，依家真係冇哂壓力...
目前要做既係盡量幫dougdoug仔適應英語教學，除了每星期2小時外籍老師教全英語班之外，我岩岩又同佢報左KK Chow教的Mind Manual 記憶力課程，都係le度d mami 介紹，去聽過講座就報讀，5月上課共8小時，希望le個課程幫到dougdoug仔啦。

kathy_good

Dear dougdougma,
   小女報了聖母玫塊, 都是未收到信,月中會通知,29/4 interview。所以我註冊先。     如果真是有得in,好唔好去呢？ 妳比的意見好嗎？   
    小女在上星期五有個經驗, 就是在她放學途中,一名ymca學生(小女認得校章)用英語問路,佢同學唔會答叫佢幫手(但佢同學在校英文比成績她還好!!) 小女輕易回答。     

dougdougma

hi kathy,

成績好唔等於應對能力高架，dougdoug仔平時咀gel gel 架，初初上全英語班都唔肯講呀！
however~ ymca已經收左派位證羅，咁佢會上報教育署取消我地仔女既派位資格，即使你女兒win到聖母玫塊都不獲派位喎。

kathy_good

dougdougma,
    既然係這樣什麼不用想,一於小女同你小兒做僅同學啦！其實我和我老公都同樣喜歡此校,我亦向小女老師咨詢過,這樣學校的學習環境是很適合小女。一於以後吃小的都供佢讀啦!    Many thanks.

黃o禁o禁

kathy_good ,
咁你又唔使食小的咁嚴重...ymca 唔同其他官律架,其他官津可能要求學生出去學多d野,例如游水呀,體操呀,音樂呀...等等....將來要派佢地出去参加比賽拎獎麻,閒閒地呢度都幾千蚊...而ymca真係唔係咁注重呢d...佢地志在培養學生參與既精神,所以有好多類型既課外活動比學生,有體育同音樂方面,大部份都係免費架....

而有時成績好既學生更會穫得豐富禮物,好似first exam 咁,全級頭一ニ名就可以去迪士尼免費玩一日,另外有一個唔知叫乜野既活動係鼓勵新生唔知做乜既野(我真係唔知架),做到目標既話又可免費去camp,我班騎呢怪做到咗,呢個easter13同14號都有得去 兩日成$160架....反而自己學校攪果個就去唔到lor~(因為家有事),跟住又有另一個camp,係red cross架.... 成個easter holiday都係去camp...我慳返撘飛機既錢....你話讀ymca定官津既邊 d 使得錢多呢 另外,學校又會聘請一d補習老師照顧學生既需要,自由参加,唔會强迫,好似千三四蚊補三四個月,每星期一堂,有d補咗都覺得好好...視乎大家點睇..放心啦,讀落咗你地就會覺得物超所值架喇

wilsonmun

黃o禁o禁 ,

你好！初來報到，個妹叫我響BK向你請教YMCA的資料。

想知道佢地D中文教學如何，仲有佢學校網頁冇列到老師通過基準D資料，聽講有D中文老師只係樹仁、嶺南畢業，你覺得佢地D素質OK嗎？因為遲D334，要考中學文憑試，有校本評核成績。YMCA跟香港考試制，唔係考IB, 又係新校，冇往績，唔知會否影響入U率。你知啦！教改咁亂，仲有幾年先到我個仔，我驚第日又忽然話入U要參考師兄姊往績，冇往績就靠估，咁點算？THANKS FOR SHARING.

黃o禁o禁

wilsonmun,
你好!!唔好客氣..佢地係100%全部基準合格架...唔...你冇睇新聞透視咩??校長同一位外藉老師被採訪講基準試喎...唔..校長好高貴...老師好靚仔,真係冧死學生...好喇..言歸正傳,佢地中文係用普通話嚟教(純正果隻),咁佢地就比較小習作做架,因為課本內已經包函咗好多內容,中默方面如果讀默既話亦多以普通話嚟讀比學生聽,訓練佢地聽普通話既能力,致於佢地上中文堂如文言文同古文及成語用廣東話(此做法係方便學生加深古文既認識),如教文章題材時是用普通話既....

至於你問老師既質素係絕對OK,由其係英文方面,無論聽講寫此校老師係屬於優勝果類,外人真係有所不知....港藉老師佢地跟校長Mrs Chan既對話.. ...係會用英語對答(唔係single words果d喎),至於你話會考既往績...我相信呢 d 係一個數字遊戲嚟既啫,畢竟讀書都要靠學生、家長、校方一齊配合先可以造就到一個人材出嚟...比方說...以往有 d 名校夠有名啦..幾多幾多%出嚟,會考高考放榜大家真係有目共睹(冇眼睇果隻)...而香港文憑試係絕對唔會跟往績嚟掛鈎架,政府咁做只有斷香港精英既路,大家留意一吓,而家既教育係走返廿幾三十年前既優資學校既路,當時因為普遍人都學唔到英文,如果父母想子女前途好d,就會比佢地讀私校學好既英文,而家有d官津名校就係當時私校演變出嚟既..當時有間私校叫x法書院,亦都有好多有錢人入去接受英語教育,而出黎既人既英文亦係lock lock 聲,就喺當其時出咗而家既精英,而家政府絕對係行精英教育政策...如果你怕ymca係新校而唔敢入去讀,咁就白白浪費一個優良既英語環境比仔女,入面 d 老師個個都有衝勁架,入水能遊,出水能跳,佢地亦有名校聖馬可前校長Mrs Chan既帶領, Mrs Chan喺St Marks做咗廿多年,佢既成績年長 d 既都知...佢既豐富經驗我都唔使多講lu~,至於老師個個都冇官津校老師果種作風(呢d作風我又唔使多講,報章有賣),每次做完中文功課會寫返 d 評論比學生,等佢地知道下次有乜再要改善,而中文功課多以寫作技巧嚟做,訓練學生既思維.....我班騎呢怪就係咁訓練出睇張報紙都要同我拗餐死囉

黃o禁o禁

另外就算一間中學公佈100%會考合格率,咁大家可否担保仔女入最top既HKU 呢??要知道會考完重要修預科升中七(只限末代會考),中間既變數又會有幾大呢??而你地334只直接去競爭大學學位,呢樣已經係着數好多..所以真係唔好比數字遊戲影响,稍有偏差揀錯校的話,影响真係好大架...如果真係選校既話,真係要留意好多方面架...

wilsonmun

黃o禁o禁,

謝謝你的回應，我對YMCA的了解多左好多，又解決左我D疑問，THANKS A LOT AGAIN.   

william28

黃o禁o禁 寫道:
vvtong ,
你都唔好咁客氣,不過你話「我都係想個仔係d好的學習環境中長大, 唔使日日驚佢係學校比人帶壞.」

但有一樣野我好想同大家分享,每一間學校每一班就算名校都有乖同唔乖既小朋友,視乎家長點lead住個小朋友既心態,以我既好多朋友為例,佢地既仔女既程度係上唔到英中,但基於父母既期望咪要局住上(通常呢種期望係父母去比較,呢點大家要注意)...上咗之後,問題一籮籮,因為小朋友既成績常在於中間位,top又冇佢份,但又未至於最低,呢種小朋友喺學校可能會比較寂寞..何解??因為叻既同學又未必侵佢玩,因為揾唔到共同話題,而如果佢想有多d既朋友,佢既友情可能會偏重成績品行比較差既同學,因為悶麻,換言之可能會比呢d人再拉咗幾級落嚟,而呢樣係好多時升中後家長同仔女要面對既問題...所以佢地一升中我地既責任係要輔助佢成績方面之餘(因為跟唔到佢地就冇心機讀,但一定唔好將佢同人比分數,但求佢地盡力而為,如果唔係佢地壓力大既話更加冇心機去讀,會用逃避既方法唔會再去面對讀書),更要了解到佢學校生活方面,多d溝通,要知道佢常和邊d同學來往(最好你見埋佢d同學,用你既經驗同眼光去叛斷呢個同學既品性同行為),必要時拎埋自己佢識得你既朋友去講(好人同衰既朋友做例子),教佢去分析人,咁佢就唔會容易學壞,因為佢已經知道同 top 既同學玩同差既同學玩完出嚟個結果係會點....重有,佢做錯既一定唔好怪責先,要分析咁佢先學到野,成績有進步既比粒糖佢或者比小小bonus佢,佢都會好happy,因為媽咪認同咗佢既成功同努力...佢先唔會有挫敗感覺,呢個對佢嚟講係正面心態.

以上係我班騎呢怪升中得出嚟既經驗,呢種經驗可能對大家幫助唔大..因為每個小朋友特質唔同,大家要多了解自己仔女先可以因材施教,而我班騎呢怪係屬於遇强愈强果類人,所以我有時都好頭痛,其實我都唔知我自己講緊乜..唔好見怪 同大家分享分享囉

黃o禁o禁,
有經歷, 有見地, 多謝你的賜教! 我又學咗唔少野!

黃o禁o禁

大家唔好咁客氣啦...我都係過來人,我好明白為人父母為兒為女既心情,每個仔女o係父母心目中都係粒矜貴既珍珠....我地都想仔女接受一d既優良教育,何為優良??而家官津咁既時勢我真係講唔到出嚟...大家唯有自求多福,自己靠自己....

至於教導仔女既問題拎出嚟同大家分享既野...只不過我盡我能力盡量講...我自己都係不斷咁努力學習緊....祈望可以幫到大家啫,因為一個社會未來繁唔繁榮,興唔興盛...唔係可以單靠我班騎呢怪一個人既能力可以做架...只要我地同心協カ教好我地既下一代,呢個社會先有希望,佢地先有安樂茶飯食...

另外ymca因為比較新,好多家長對於呢間學校又唔熟識咁多,而我班騎呢怪又咁啱又喺入面讀,又咁啱我都係好奇呢間學校既野,所以我好八掛咁去了解ymca,咁先知咁多架咋..因為知多d先可以同d 馬騮溝通到,先唔會比佢地恰到我,因為有d細路好精架,搏你乜都唔知就亂嚟,test呀,dict呀....等等,乜野都收埋喺學校locker到,唔話比你地知,等你跟都冇得跟架,所以了解多d既話對大家三方面都好,咁又撞啱有d topic 係問ymca 既我咪又多事八掛撘句咀囉...希望樓主dougdougma 唔好介意!!

...唔知d 人以為我係ymca 做野既人,專登上嚟賣廣告呀,.... ...唔得..叫校長出返小小廣告費比我先.. ...